Исаии, глава 9
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
2МТהָעָם֙ הַהֹלְכִ֣ים בַּחֹ֔שֶׁךְ רָא֖וּ א֣וֹר גָּד֑וֹל יֹשְׁבֵי֙ בְּאֶ֣רֶץ צַלְמָ֔וֶת א֖וֹר נָגַ֥הּ עֲלֵיהֶֽם 1Qisaaהעמ ההולכים בחושך ראו אור גדול יושבי בארץ צלמות אור נגה עליהם
3МТהִרְבִּ֣יתָ הַגּ֔וֹי ל֖וֹ הִגְדַּ֣לְתָּ הַשִּׂמְחָ֑ה שָׂמְח֤וּ לְפָנֶ֙יךָ֙ כְּשִׂמְחַ֣ת בַּקָּצִ֔יר כַּאֲשֶׁ֥ר יָגִ֖ילוּ בְּחַלְּקָ֥ם שָׁלָֽל 1Qisaaהרביתה הגוי לוא הגדלתה השמחה שמחו לפניך כשמחת בקציר כאשר יגילו בחלקם שלל
4МТכִּ֣י אֶת עֹ֣ל סֻבֳּל֗וֹ וְאֵת֙ מַטֵּ֣ה שִׁכְמ֔וֹ שֵׁ֖בֶט הַנֹּגֵ֣שׂ בּ֑וֹ הַחִתֹּ֖תָ כְּי֥וֹם מִדְיָֽן 1Qisaaכי את עולוסבלו ואת מטה שכמו שבט הנוגש בו והחתת כיום מדים
5МТכִּ֤י כָל סְאוֹן֙ סֹאֵ֣ן בְּרַ֔עַשׁ וְשִׂמְלָ֖ה מְגוֹלָלָ֣ה בְדָמִ֑ים וְהָיְתָ֥ה לִשְׂרֵפָ֖ה מַאֲכֹ֥לֶת אֵֽשׁ 1Qisaaכי כול סאון סאן ברעש ושמלה מגוללה בדמים והיתה לשרפה מאכלת אש
6МТכִּי יֶ֣לֶד יֻלַּד לָ֗נוּ בֵּ֚ן נִתַּן לָ֔נוּ וַתְּהִ֥י הַמִּשְׂרָ֖ה עַל שִׁכְמ֑וֹ וַיִּקְרָ֨א שְׁמ֜וֹ פֶּ֠לֶא יוֹעֵץ֙ אֵ֣ל גִּבּ֔וֹר אֲבִיעַ֖ד שַׂר שָׁלֽוֹם 1Qisaaכי ילד יולד לנו בן נתן לנו ותהייהמשורה על שכמו וקרא שמו פלא יועץ אל גבור אבי עד שר השלום
7МТלְמַרְבֵּ֨ה הַמִּשְׂרָ֜ה וּלְשָׁל֣וֹם אֵֽין קֵ֗ץ עַל כִּסֵּ֤א דָוִד֙ וְעַל מַמְלַכְתּ֔וֹ לְהָכִ֤ין אֹתָהּ֙ וּֽלְסַעֲדָ֔הּ בְּמִשְׁפָּ֖ט וּבִצְדָקָ֑ה מֵעַתָּה֙ וְעַד עוֹלָ֔ם קִנְאַ֛ת יְהוָ֥ה צְבָא֖וֹת תַּעֲשֶׂה זֹּֽאת 1Qisaaלמרבה המשורה ולשלום אין קץ על כסה דויד ועל ממלכתו להכין אותו ולסעדו במשפט ובצדקה מעתה ועד עולם קנאת יהוה צבאות תעשה זאות 4Q57[משרה] ולשלום אין קץ על כסיא [דויד] [צדקה] מעתה עד עולם
8МТדָּבָ֛ר שָׁלַ֥ח אֲדֹנָ֖י בְּיַעֲקֹ֑ב וְנָפַ֖ל בְּיִשְׂרָאֵֽל 1Qisaaדבר שלח יהוה ביעקוב ונפל בישראל
9МТוְיָדְעוּ֙ הָעָ֣ם כֻּלּ֔וֹ אֶפְרַ֖יִם וְיוֹשֵׁ֣ב שֹׁמְר֑וֹן בְּגַאֲוָ֛ה וּבְגֹ֥דֶל לֵבָ֖ב לֵאמֹֽר 1Qisaaוירעו העם כלו אפרים ויושבי שמרון בגאוה ובגדל לבב לאמור
10МТלְבֵנִ֥ים נָפָ֖לוּ וְגָזִ֣ית נִבְנֶ֑ה שִׁקְמִ֣ים גֻּדָּ֔עוּ וַאֲרָזִ֖ים נַחֲלִֽיף
11МТוַיְשַׂגֵּ֧ב יְהוָ֛ה אֶת צָרֵ֥י רְצִ֖ין עָלָ֑יו וְאֶת אֹיְבָ֖יו יְסַכְסֵֽךְ 1Qisaaוישגב [יהוה] את צרי רציאן עליו ואת אויביו יסכסך 4Q57[עליו] ואת אויביו [יסכסך]
12МТאֲרָ֣ם מִקֶּ֗דֶם וּפְלִשְׁתִּים֙ מֵֽאָח֔וֹר וַיֹּאכְל֥וּ אֶת יִשְׂרָאֵ֖ל בְּכָל פֶּ֑ה בְּכָל זֹאת֙ לֹא שָׁ֣ב אַפּ֔וֹ וְע֖וֹד יָד֥וֹ נְטוּיָֽה 1Qisaaארם מקדם [ופלשתיים] [אחור] ויאכלו את ישראל בכול פה ובכול זוות לוא שב אפו ועוד ידיו נטויה
13МТוְהָעָ֥ם לֹא שָׁ֖ב עַד הַמַּכֵּ֑הוּ וְאֶת יְהוָ֥ה צְבָא֖וֹת לֹ֥א דָרָֽשׁוּ 1Qisaaוהעם לוא שב על המכהו ואת יהוה צבאות לוא דרשו
14МТוַיַּכְרֵ֨ת יְהוָ֜ה מִיִּשְׂרָאֵ֗ל רֹ֧אשׁ וְזָנָ֛ב כִּפָּ֥ה וְאַגְמ֖וֹן י֥וֹם אֶחָֽד 1Qisaaויכרת יהוה מישראל ראש וזנב כפה ואגמן ביום אחד
15МТזָקֵ֥ן וּנְשׂוּא פָנִ֖ים ה֣וּא הָרֹ֑אשׁ וְנָבִ֥יא מֽוֹרֶה שֶּׁ֖קֶר ה֥וּא הַזָּנָֽב 1Qisaaזקן ונשא פנים הוא הרואש ונביא מורה שקר הוא הזנב
17МТעַל כֵּ֨ן עַל בַּחוּרָ֜יו לֹֽא יִשְׂמַ֣ח אֲדֹנָ֗י וְאֶת יְתֹמָ֤יו וְאֶת אַלְמְנֹתָיו֙ לֹ֣א יְרַחֵ֔ם כִּ֤י כֻלּוֹ֙ חָנֵ֣ף וּמֵרַ֔ע וְכָל פֶּ֖ה דֹּבֵ֣ר נְבָלָ֑ה בְּכָל זֹאת֙ לֹא שָׁ֣ב אַפּ֔וֹ וְע֖וֹד יָד֥וֹ נְטוּיָֽה 1Qisaaעל כן על בחוריו לוא יחמול אדוני ואת יתומיו ואת אלמנותיו לוא ירחם כי כולו חנפ ומרע וכול פה דבר נבלה בכול זואת לוא שב אפו ועוד ידיו נטויה
18МТכִּֽי בָעֲרָ֤ה כָאֵשׁ֙ רִשְׁעָ֔ה שָׁמִ֥יר וָשַׁ֖יִת תֹּאכֵ֑ל וַתִּצַּת֙ בְּסִֽבְכֵ֣י הַיַּ֔עַר וַיִּֽתְאַבְּכ֖וּ גֵּא֥וּת עָשָֽׁן 1Qisaaכי בערה כאש רשעה שמיר ושית תואכל ותצת בסבכי היער ויתאבכו גיאות עשן 4Q59תאכל ותצת [בסבכי] [יער] [ויתאבכו]
19МТבְּעֶבְרַ֛ת יְהוָ֥ה צְבָא֖וֹת נֶעְתַּ֣ם אָ֑רֶץ וַיְהִ֤י הָעָם֙ כְּמַאֲכֹ֣לֶת אֵ֔שׁ אִ֥ישׁ אֶל אָחִ֖יו לֹ֥א יַחְמֹֽלוּ 1Qisaaמעברת יהוה צבאות נתעם הארץ ויהיו העמ כמאכלת אש איש אל אחיו לוא יחמולו
20МТוַיִּגְזֹ֤ר עַל יָמִין֙ וְרָעֵ֔ב וַיֹּ֥אכַל עַל שְׂמֹ֖אול וְלֹ֣א שָׂבֵ֑עוּ אִ֥ישׁ בְּשַׂר זְרֹע֖וֹ יֹאכֵֽלוּ 1Qisaaויגזר על ימין ורעב ויאכל ועל שמאול ולוא שבעו איש בשר זרועו 4Q59[לא] שבעו איש בשר זרעיו יאכלו
21МТמְנַשֶּׁ֣ה אֶת אֶפְרַ֗יִם וְאֶפְרַ֙יִם֙ אֶת מְנַשֶּׁ֔ה יַחְדָּ֥ו הֵ֖מָּה עַל יְהוּדָ֑ה בְּכָל זֹאת֙ לֹא שָׁ֣ב אַפּ֔וֹ וְע֖וֹד יָד֥וֹ נְטוּיָֽה 1Qisaaויאכל מנשה את אפרים ואפרים את מנשה יחדו המה על יהודה ובכול זואת לוא שב אפו ועוד ידיו נטויה