Исаии, глава 33
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТה֣וֹי שׁוֹדֵ֗ד וְאַתָּה֙ לֹ֣א שָׁד֔וּד וּבוֹגֵ֖ד וְלֹא בָ֣גְדוּ ב֑וֹ כַּהֲתִֽמְךָ֤ שׁוֹדֵד֙ תּוּשַּׁ֔ד כַּנְּלֹתְךָ֥ לִבְגֹּ֖ד יִבְגְּדוּ בָֽךְ 1Qisaaהוי שודד ואתה לוא שדוד ובוגד ולוא בגדו בו כהתמכך שודד תושד ככלותך לבגוד יבגודו בך
2МТיְהוָ֥ה חָנֵּ֖נוּ לְךָ֣ קִוִּ֑ינוּ הֱיֵ֤ה זְרֹעָם֙ לַבְּקָרִ֔ים אַף יְשׁוּעָתֵ֖נוּ בְּעֵ֥ת צָרָֽה 1Qisaaיהוה חוננו לכה קוינו והיה זרעם לבקרים אפה הושעתנו בעת צרה
3МТמִקּ֣וֹל הָמ֔וֹן נָדְד֖וּ עַמִּ֑ים מֵר֣וֹמְמֻתֶ֔ךָ נָפְצ֖וּ גּוֹיִֽם 1Qisaaמקול המון נדדו עמים מדממתך נפצו גוים
4МТוְאֻסַּ֣ף שְׁלַלְכֶ֔ם אֹ֖סֶף הֶֽחָסִ֑יל כְּמַשַּׁ֥ק גֵּבִ֖ים שׁוֹקֵ֥ק בּֽוֹ 1Qisaaואסף שללכמ אסף החסיל משק גבים שקק בו
6МТוְהָיָה֙ אֱמוּנַ֣ת עִתֶּ֔יךָ חֹ֥סֶן יְשׁוּעֹ֖ת חָכְמַ֣ת וָדָ֑עַת יִרְאַ֥ת יְהוָ֖ה הִ֥יא אוֹצָרֽוֹ 1Qisaaיהיה אמונת עתיך חסן וישועות חכמת ודעת יראת יהוה היא אוצרו 4Q57[אמונת] [עתיך] [חוכמת] [ודעת]
7МТהֵ֚ן אֶרְאֶלָּ֔ם צָעֲק֖וּ חֻ֑צָה מַלְאֲכֵ֣י שָׁל֔וֹם מַ֖ר יִבְכָּיֽוּן 1Qisaaהן אראלמ זעקו חצה מלאכי שלום מר יבכוון
8МТנָשַׁ֣מּוּ מְסִלּ֔וֹת שָׁבַ֖ת עֹבֵ֣ר אֹ֑רַח הֵפֵ֤ר בְּרִית֙ מָאַ֣ס עָרִ֔ים לֹ֥א חָשַׁ֖ב אֱנֽוֹשׁ 1Qisaaנשמו מסלות שבת עובר ארח הפר ברית מאס עדים לוא חשב אנוש
9МТאָבַ֤ל אֻמְלְלָה֙ אָ֔רֶץ הֶחְפִּ֥יר לְבָנ֖וֹן קָמַ֑ל הָיָ֤ה הַשָּׁרוֹן֙ כָּֽעֲרָבָ֔ה וְנֹעֵ֥ר בָּשָׁ֖ן וְכַרְמֶֽל 1Qisaaאבל אמללה הארץ חפור לבנון קמל והיה השרון כערבה נוער בשן וכרמל
10МТעַתָּ֥ה אָק֖וּם יֹאמַ֣ר יְהוָ֑ה עַתָּה֙ אֵֽרוֹמָ֔ם עַתָּ֖ה אֶנָּשֵֽׂא 1Qisaaעתה אקום אמר יהוה עתה אתרומם עתה הנשא
11МТתַּהֲר֥וּ חֲשַׁ֖שׁ תֵּ֣לְדוּ קַ֑שׁ רוּחֲכֶ֕ם אֵ֖שׁ תֹּאכַלְכֶֽם 1Qisaaתהרו חששה תלדו קש רוחכם אש תאכלכם
12МТוְהָי֥וּ עַמִּ֖ים מִשְׂרְפ֣וֹת שִׂ֑יד קוֹצִ֥ים כְּסוּחִ֖ים בָּאֵ֥שׁ יִצַּֽתּוּ 1Qisaaויהיו עמימ משרפות שיד קוצים כסוחים באש יצתו
13МТשִׁמְע֥וּ רְחוֹקִ֖ים אֲשֶׁ֣ר עָשִׂ֑יתִי וּדְע֥וּ קְרוֹבִ֖ים גְּבֻרָתִֽי 1Qisaaשמעו רחוקים אשר עשיתי ידעו קרובים גבורתי
15МТהֹלֵ֣ךְ צְדָק֔וֹת וְדֹבֵ֖ר מֵֽישָׁרִ֑ים מֹאֵ֞ס בְּבֶ֣צַע מַעֲשַׁקּ֗וֹת נֹעֵ֤ר כַּפָּיו֙ מִתְּמֹ֣ךְ בַּשֹּׁ֔חַד אֹטֵ֤ם אָזְנוֹ֙ מִשְּׁמֹ֣עַ דָּמִ֔ים וְעֹצֵ֥ם עֵינָ֖יו מֵרְא֥וֹת בְּרָֽע 1Qisaaהולוך צדקות וידבר מישרים מאס בבצע מעשקות נער כפו מתמך בשחוד אוטמ אוזניו משמוע דמים יעצם עיניו מראות ברע
16МТה֚וּא מְרוֹמִ֣ים יִשְׁכֹּ֔ן מְצָד֥וֹת סְלָעִ֖ים מִשְׂגַּבּ֑וֹ לַחְמ֣וֹ נִתָּ֔ן מֵימָ֖יו נֶאֱמָנִֽים 1Qisaaהוא מרומים ישכון מצדות סלעים משגבו לחמו נתן מימיו נאמנים
17МТמֶ֥לֶךְ בְּיָפְי֖וֹ תֶּחֱזֶ֣ינָה עֵינֶ֑יךָ תִּרְאֶ֖ינָה אֶ֥רֶץ מַרְחַקִּֽים 1Qisaaמלך ביופיו תחזיון עיניך תראינה ארץ מרחקים
18МТלִבְּךָ֖ יֶהְגֶּ֣ה אֵימָ֑ה אַיֵּ֤ה סֹפֵר֙ אַיֵּ֣ה שֹׁקֵ֔ל אַיֵּ֖ה סֹפֵ֥ר אֶת הַמִּגְדָּלִֽים 1Qisaaלבכה יהגה אימה איה ספר איה שקל איה ספר את המגדלים
19МТאֶת עַ֥ם נוֹעָ֖ז לֹ֣א תִרְאֶ֑ה עַ֣ם עִמְקֵ֤י שָׂפָה֙ מִשְּׁמ֔וֹעַ נִלְעַ֥ג לָשׁ֖וֹן אֵ֥ין בִּינָֽה 1Qisaaאת עמ נועז לוא תיראו עמ עמקי שפה משמיע נלעג לשון אין בינה
20МТחֲזֵ֣ה צִיּ֔וֹן קִרְיַ֖ת מֽוֹעֲדֵ֑נוּ עֵינֶיךָ֩ תִרְאֶ֨ינָה יְרוּשָׁלִַ֜ם נָוֶ֣ה שַׁאֲנָ֗ן אֹ֤הֶל בַּל יִצְעָן֙ בַּל יִסַּ֤ע יְתֵֽדֹתָיו֙ לָנֶ֔צַח וְכָל חֲבָלָ֖יו בַּל יִנָּתֵֽקוּ 1Qisaaחזה ציון קרית מועדינו עיניך תראינה ירושלם נוה שאנן אהל בל יצען בל יסע יתדותו לנצח וכול חבליו בל ינתקו 4Q57ציון [קרית] אוהל [בל]
21МТכִּ֣י אִם שָׁ֞ם אַדִּ֤יר יְהוָה֙ לָ֔נוּ מְקוֹם נְהָרִ֥ים יְאֹרִ֖ים רַחֲבֵ֣י יָדָ֑יִם בַּל תֵּ֤לֶךְ בּוֹ֙ אֳנִי שַׁ֔יִט וְצִ֥י אַדִּ֖יר לֹ֥א יַעַבְרֶֽנּוּ 1Qisaaכי אמ שמ אדיר יהוה לנו מקום נהרות יארים רחבי ידים בל תלב בו אני שט וצי אדיר לוא יעברנו
22МТכִּ֤י יְהוָה֙ שֹׁפְטֵ֔נוּ יְהוָ֖ה מְחֹקְקֵ֑נוּ יְהוָ֥ה מַלְכֵּ֖נוּ ה֥וּא יוֹשִׁיעֵֽנוּ 1Qisaaכי יהוה שופטנו ויהוה מחוקקנו ויהוה מלכנו והוא יושיענו
23МТנִטְּשׁ֖וּ חֲבָלָ֑יִךְ בַּל יְחַזְּק֤וּ כֵן תָּרְנָם֙ בַּל פָּ֣רְשׂוּ נֵ֔ס אָ֣ז חֻלַּ֤ק עַֽד שָׁלָל֙ מַרְבֶּ֔ה פִּסְחִ֖ים בָּ֥זְזוּ בַֽז 1Qisaaנטשו חבליך בל יחזקו כי תרנם בל פרש נס אז חלק עד שלל מרובה פסחים בזזו בז
24МТוּבַל יֹאמַ֥ר שָׁכֵ֖ן חָלִ֑יתִי הָעָ֛ם הַיֹּשֵׁ֥ב בָּ֖הּ נְשֻׂ֥א עָוֹֽן 1Qisaaובל יואמר שוכן חליתי העם היושב בה נשא עוון