Исаии, глава 20
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТבִּשְׁנַ֨ת בֹּ֤א תַרְתָּן֙ אַשְׁדּ֔וֹדָה בִּשְׁלֹ֣ח אֹת֔וֹ סַֽרְג֖וֹן מֶ֣לֶךְ אַשּׁ֑וּר וַיִּלָּ֥חֶם בְּאַשְׁדּ֖וֹד וַֽיִּלְכְּדָֽהּ 1Qisaaבשנת בא תורתן אשדודה בשלח אותו סרגון מלכ אשור וילחם באשדוד וילכודה 4Q56שלח אתו סרגון מלך אשור [וילחם]
2МТבָּעֵ֣ת הַהִ֗יא דִּבֶּ֣ר יְהוָה֮ בְּיַ֣ד יְשַׁעְיָ֣הוּ בֶן אָמוֹץ֮ לֵאמֹר֒ לֵ֗ךְ וּפִתַּחְתָּ֤ הַשַּׂק֙ מֵעַ֣ל מָתְנֶ֔יךָ וְנַעַלְךָ֥ תַחֲלֹ֖ץ מֵעַ֣ל רַגְלֶ֑יךָ וַיַּ֣עַשׂ כֵּ֔ן הָלֹ֖ךְ עָר֥וֹם וְיָחֵֽף 1Qisaaבעת ההיא דבר יהוה ביד ישעיה בן אמוץ לאמור לך ופתחת השק מעל מתניך ונעליך תחליץ מעל רגליך ויעש כן הלוך ערום ויחף 4Q55עת ההיא [דבר] [יעש] כן הלוך ערם 4Q56ביד ישעיה בן אמוץ לאמר לך ופתחת [על] [רגליך] ויעש כן הלך עם [ויחף]
3МТוַיֹּ֣אמֶר יְהוָ֔ה כַּאֲשֶׁ֥ר הָלַ֛ךְ עַבְדִּ֥י יְשַׁעְיָ֖הוּ עָר֣וֹם וְיָחֵ֑ף שָׁלֹ֤שׁ שָׁנִים֙ א֣וֹת וּמוֹפֵ֔ת עַל מִצְרַ֖יִם וְעַל כּֽוּשׁ 1Qisaaויואמר יהוה כאשר הלכ עבדי ישעיה ערום ויחף שלוש שנים אות ומפת על מצרים ועל כוש
4МТכֵּ֣ן יִנְהַ֣ג מֶֽלֶךְ אַ֠שּׁוּר אֶת שְׁבִ֨י מִצְרַ֜יִם וְאֶת גָּל֥וּת כּ֛וּשׁ נְעָרִ֥ים וּזְקֵנִ֖ים עָר֣וֹם וְיָחֵ֑ף וַחֲשׂוּפַ֥י שֵׁ֖ת עֶרְוַ֥ת מִצְרָֽיִם 1Qisaaכן ינהג מלכ אשור את שבי מצרים ואת גולת כוש נערים וזקנים ערום ויחף וחשופי שת ערות מצרים
5МТוְחַתּ֖וּ וָבֹ֑שׁוּ מִכּוּשׁ֙ מַבָּטָ֔ם וּמִן מִצְרַ֖יִם תִּפְאַרְתָּֽם 1Qisaaוחתו ויבושו מכוש מבטחם וממצרים תפארתם
6МТוְ֠אָמַר יֹשֵׁ֨ב הָאִ֣י הַזֶּה֮ בַּיּ֣וֹם הַהוּא֒ הִנֵּה כֹ֣ה מַבָּטֵ֗נוּ אֲשֶׁר נַ֤סְנוּ שָׁם֙ לְעֶזְרָ֔ה לְהִ֨נָּצֵ֔ל מִפְּנֵ֖י מֶ֣לֶךְ אַשּׁ֑וּר וְאֵ֖יךְ נִמָּלֵ֥ט אֲנָֽחְנוּ 1Qisaaואמר יושב האיי הזה ביום ההוא הנה כה מבטנו אשר נסמך שמ לעזרה להנצל מפני מלך אשור ואיך נמלט אנחנו