Исаии, глава 42
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТהֵ֤ן עַבְדִּי֙ אֶתְמָךְ בּ֔וֹ בְּחִירִ֖י רָצְתָ֣ה נַפְשִׁ֑י נָתַ֤תִּי רוּחִי֙ עָלָ֔יו מִשְׁפָּ֖ט לַגּוֹיִ֥ם יוֹצִֽיא 1Qisaaהנה עבדי אתמוכה בו בחירי רצתה נפשי נתתי רוחי עליו ומשפטו לגואים יוציא
2МТלֹ֥א יִצְעַ֖ק וְלֹ֣א יִשָּׂ֑א וְלֹֽא יַשְׁמִ֥יעַ בַּח֖וּץ קוֹלֽוֹ 1Qisaaלוא יזעק ולוא ישא ולוא ישמיע בחוץ קולו
3МТקָנֶ֤ה רָצוּץ֙ לֹ֣א יִשְׁבּ֔וֹר וּפִשְׁתָּ֥ה כֵהָ֖ה לֹ֣א יְכַבֶּ֑נָּה לֶאֱמֶ֖ת יוֹצִ֥יא מִשְׁפָּֽט 1Qisaaקנה רצוץ לוא ישבור ופשתה כהה לוא יכבה לאמת יוציא משפט
4МТלֹ֤א יִכְהֶה֙ וְלֹ֣א יָר֔וּץ עַד יָשִׂ֥ים בָּאָ֖רֶץ מִשְׁפָּ֑ט וּלְתוֹרָת֖וֹ אִיִּ֥ים יְיַחֵֽילוּ 1Qisaaולוא יכהה ולוא ירוץ עד ישים בארץ משפט ולתורתיו איים ינחילו 4Q62[משפט] ולתרתו איים יחילו
5МТכֹּֽה אָמַ֞ר הָאֵ֣ל יְהוָ֗ה בּוֹרֵ֤א הַשָּׁמַ֙יִם֙ וְנ֣וֹטֵיהֶ֔ם רֹקַ֥ע הָאָ֖רֶץ וְצֶאֱצָאֶ֑יהָ נֹתֵ֤ן נְשָׁמָה֙ לָעָ֣ם עָלֶ֔יהָ וְר֖וּחַ לַהֹלְכִ֥ים בָּֽהּ 1Qisaaכוה אמר האל האלוהים בורה השמים ונוטיהמה רוקע הארץ וצאצאיה נותן נשמה לעם עליהא ורוח להולכים בה 4Q62[ברא] השמים ונטיהם [רקע] [רוח] להלכים בה
6МТאֲנִ֧י יְהוָ֛ה קְרָאתִ֥יךָֽ בְצֶ֖דֶק וְאַחְזֵ֣ק בְּיָדֶ֑ךָ וְאֶצָּרְךָ֗ וְאֶתֶּנְךָ֛ לִבְרִ֥ית עָ֖ם לְא֥וֹר גּוֹיִֽם 1Qisaaאני ייייי קרתיכה בצדק ואחזיקה בידכה ואצורכה ואתנכה לברית עם לאור גואים 4Q62אני יהוה אצורך ואתנך לברית עולם
7МТלִפְקֹ֖חַ עֵינַ֣יִם עִוְר֑וֹת לְהוֹצִ֤יא מִמַּסְגֵּר֙ אַסִּ֔יר מִבֵּ֥ית כֶּ֖לֶא יֹ֥שְׁבֵי חֹֽשֶׁךְ 1Qisaaלפקוח עינים עורות להוציא ממסגר אסור ומבית כלא יושבי חושך
8МТאֲנִ֥י יְהוָ֖ה ה֣וּא שְׁמִ֑י וּכְבוֹדִי֙ לְאַחֵ֣ר לֹֽא אֶתֵּ֔ן וּתְהִלָּתִ֖י לַפְּסִילִֽים 1Qisaaאני יהוה הואה ושמי וכבודי לאחר לוא אתן ותהלתי לפסילים 4Q62[הוא] שמי וכבדי לאחר לא אתן ו
9МТהָרִֽאשֹׁנ֖וֹת הִנֵּה בָ֑אוּ וַֽחֲדָשׁוֹת֙ אֲנִ֣י מַגִּ֔יד בְּטֶ֥רֶם תִּצְמַ֖חְנָה אַשְׁמִ֥יע אֶתְכֶֽם 1Qisaaהרישונות הנה באו והחדשות אני מגיד בטרם תצמחנה אשמיע אתכמה 4Q62[ראשנות] הנה באו וחדשות אני מגיד ב [אתכם]
10МТשִׁ֤ירוּ לַֽיהוָה֙ שִׁ֣יר חָדָ֔שׁ תְּהִלָּת֖וֹ מִקְצֵ֣ה הָאָ֑רֶץ יוֹרְדֵ֤י הַיָּם֙ וּמְלֹא֔וֹ אִיִּ֖ים וְיֹשְׁבֵיהֶֽם 1Qisaaשירו ליהוה שיר חדש ותהלתו מקצה הארץ יורדי הים ומלואו איים ויושביהם 4Q62יהוה שיר חדש תהלתו [מקצה] [ישביהם]
11МТיִשְׂא֤וּ מִדְבָּר֙ וְעָרָ֔יו חֲצֵרִ֖ים תֵּשֵׁ֣ב קֵדָ֑ר יָרֹ֙נּוּ֙ יֹ֣שְׁבֵי סֶ֔לַע מֵרֹ֥אשׁ הָרִ֖ים יִצְוָֽחוּ 1Qisaaישא מדבר עריו וחצרים תשב קדר וירונו יושבי סלע מראוש הררים יצריחו
13МТיְהוָה֙ כַּגִּבּ֣וֹר יֵצֵ֔א כְּאִ֥ישׁ מִלְחָמ֖וֹת יָעִ֣יר קִנְאָ֑ה יָרִ֙יעַ֙ אַף יַצְרִ֔יחַ עַל אֹיְבָ֖יו יִתְגַּבָּֽר 1Qisaaיהוה כגבור יצא כאיש מלחמות יעיר קנאה יודיע אפ יצריח על אויביו יתגבר
14МТהֶחֱשֵׁ֙יתִי֙ מֵֽעוֹלָ֔ם אַחֲרִ֖ישׁ אֶתְאַפָּ֑ק כַּיּוֹלֵדָ֣ה אֶפְעֶ֔ה אֶשֹּׁ֥ם וְאֶשְׁאַ֖ף יָֽחַד 1Qisaaאחשיתי אך מעולם אחריש אתאפקה כיולדה אפעה אשמה ואשופה יחדיו
15МТאַחֲרִ֤יב הָרִים֙ וּגְבָע֔וֹת וְכָל עֶשְׂבָּ֖ם אוֹבִ֑ישׁ וְשַׂמְתִּ֤י נְהָרוֹת֙ לָֽאִיִּ֔ים וַאֲגַמִּ֖ים אוֹבִֽישׁ 1Qisaaאחריבה הרים וגבעות וכול עשבם אוביש ושמתי נהרות לאיים ואגמים אוביש
16МТוְהוֹלַכְתִּ֣י עִוְרִ֗ים בְּדֶ֙רֶךְ֙ לֹ֣א יָדָ֔עוּ בִּנְתִיב֥וֹת לֹֽא יָדְע֖וּ אַדְרִיכֵ֑ם אָשִׂים֩ מַחְשָׁ֨ךְ לִפְנֵיהֶ֜ם לָא֗וֹר וּמַֽעֲקַשִּׁים֙ לְמִישׁ֔וֹר אֵ֚לֶּה הַדְּבָרִ֔ים עֲשִׂיתִ֖ם וְלֹ֥א עֲזַבְתִּֽים 1Qisaaוהוליכתי עורים בדרך ולוא ידעו בנתיבות לוא ידעו אדריכם אשימה מהשוכים לפניהמה לאור ומעקשים למישור אלה הדברים עשיתים ולוא עזבתים
17МТנָסֹ֤גוּ אָחוֹר֙ יֵבֹ֣שׁוּ בֹ֔שֶׁת הַבֹּטְחִ֖ים בַּפָּ֑סֶל הָאֹמְרִ֥ים לְמַסֵּכָ֖ה אַתֶּ֥ם אֱלֹהֵֽינוּ 1Qisaaנסגו אחור ובושו בושת הבוטחים בפסלח האמרימ למסכה אתמה אלוהינו
19МТמִ֤י עִוֵּר֙ כִּ֣י אִם עַבְדִּ֔י וְחֵרֵ֖שׁ כְּמַלְאָכִ֣י אֶשְׁלָ֑ח מִ֤י עִוֵּר֙ כִּמְשֻׁלָּ֔ם וְעִוֵּ֖ר כְּעֶ֥בֶד יְהוָֽה 1Qisaaמי עור כיא אמ עבדי וחרש כמלאכי אשלח מי עואר כמשלם ואעואר כעבד יהוה
20МТרָא֥וֹת רַבּ֖וֹת וְלֹ֣א תִשְׁמֹ֑ר פָּק֥וֹחַ אָזְנַ֖יִם וְלֹ֥א יִשְׁמָֽע 1Qisaaראיתה רבות ולוא תשמור פתחו אוזנים ולוא ישמע
21МТיְהוָ֥ה חָפֵ֖ץ לְמַ֣עַן צִדְק֑וֹ יַגְדִּ֥יל תּוֹרָ֖ה וְיַאְדִּֽיר 1Qisaaיהוה חפץ למען צדקו ויגדל תורה ויאדרהה
22МТוְהוּא֮ עַם בָּז֣וּז וְשָׁסוּי֒ הָפֵ֤חַ בַּֽחוּרִים֙ כֻּלָּ֔ם וּבְבָתֵּ֥י כְלָאִ֖ים הָחְבָּ֑אוּ הָי֤וּ לָבַז֙ וְאֵ֣ין מַצִּ֔יל מְשִׁסָּ֖ה וְאֵין אֹמֵ֥ר הָשַֽׁב 1Qisaaוהואה עמ בזוז ושסוי הפח בחורים כולם ובבתי כלאים הוחבאו היו לבז ואין מציל למשוסה ואין אומר השב
23МТמִ֥י בָכֶ֖ם יַאֲזִ֣ין זֹ֑את יַקְשִׁ֥ב וְיִשְׁמַ֖ע לְאָחֽוֹר 1Qisaaמיא בכמה ויאזין זואת ויקשב וישמע לאחור
24МТמִֽי נָתַ֨ן לִמְשִׁסָּ֧ה יַעֲקֹ֛ב וְיִשְׂרָאֵ֥ל לְבֹזְזִ֖ים הֲל֣וֹא יְהוָ֑ה ז֚וּ חָטָ֣אנוּ ל֔וֹ וְלֹֽא אָב֤וּ בִדְרָכָיו֙ הָל֔וֹךְ וְלֹ֥א שָׁמְע֖וּ בְּתוֹרָתֽוֹ 1Qisaaמיא נתן למשוסה יעקוב וישראל לבוזזים הלוא יהוה זה חטאנו לו ולוא אבו בדרכיו להלוך ולוא שמעו בתורתיו
25МТוַיִּשְׁפֹּ֤ךְ עָלָיו֙ חֵמָ֣ה אַפּ֔וֹ וֶעֱז֖וּז מִלְחָמָ֑ה וַתְּלַהֲטֵ֤הוּ מִסָּבִיב֙ וְלֹ֣א יָדָ֔ע וַתִּבְעַר בּ֖וֹ וְלֹא יָשִׂ֥ים עַל לֵֽב 1Qisaaוישפוך עליו חמת אפוא ועוזז מלחמה ותלהטהו מסביב ולוא ידע ותבער בו ולוא ישים על לב