Исаии, глава 54
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТרָנִּ֥י עֲקָרָ֖ה לֹ֣א יָלָ֑דָה פִּצְחִ֨י רִנָּ֤ה וְצַהֲלִי֙ לֹא חָ֔לָה כִּֽי רַבִּ֧ים בְּֽנֵי שׁוֹמֵמָ֛ה מִבְּנֵ֥י בְעוּלָ֖ה אָמַ֥ר יְהוָֽה 1Qisaaרוני עקרה ולוא ילדה פצחי רונה וצהלי ולוא חלה כיא רבים בני שוממה מבני בעולה אמר יהוה 4Q58רני עקרה ולא ילדה פצחי רנה וצהלי לא חלה כי רבים בני בעולה אמר יהוה
2МТהַרְחִ֣יבִי מְק֣וֹם אָהֳלֵ֗ךְ וִירִיע֧וֹת מִשְׁכְּנוֹתַ֛יִךְ יַטּ֖וּ אַל תַּחְשֹׂ֑כִי הַאֲרִ֙יכִי֙ מֵֽיתָרַ֔יִךְ וִיתֵדֹתַ֖יִךְ חַזֵּֽקִי 1Qisaaארחיבי מקום אהלכי ויריעות משכנותיך יטי ואל תחשוכי האיריכי מיתריך ויתדותיך חזקי 1Q8[הרחיבי] תחשכי האריכי [מתריך] 4Q58הרחיבי מקום אהלך וירעות משכנותיך [האריכי]
3МТכִּי יָמִ֥ין וּשְׂמֹ֖אול תִּפְרֹ֑צִי וְזַרְעֵךְ֙ גּוֹיִ֣ם יִירָ֔שׁ וְעָרִ֥ים נְשַׁמּ֖וֹת יוֹשִֽׁיבוּ 1Qisaaכיא ימין ושמואל תפרוצי וזרעך גואים יירשו וערים נשמות יושיבו 1Q8[שמאול] תפרצי וזרעך גוים יירשו [וערים]
4МТאַל תִּֽירְאִי֙ כִּי לֹ֣א תֵב֔וֹשִׁי וְאַל תִּכָּלְמִ֖י כִּ֣י לֹ֣א תַחְפִּ֑ירִי כִּ֣י בֹ֤שֶׁת עֲלוּמַ֙יִךְ֙ תִּשְׁכָּ֔חִי וְחֶרְפַּ֥ת אַלְמְנוּתַ֖יִךְ לֹ֥א תִזְכְּרִי עֽוֹד 1Qisaaאל תיראי כיא לוא תבושי ואל תכלמי כיא לוא תחפורי כיא בושת עלומיך תשכחי וחרפת אלמנותיך לוא תזכורי עוד 1Q8[תיראי] כי לא תבשי אל תכלמי כי לא [תחפרי] [חרפת] אלמנתך לא תזכרי עוד
5МТכִּ֤י בֹעֲלַ֙יִךְ֙ עֹשַׂ֔יִךְ יְהוָ֥ה צְבָא֖וֹת שְׁמ֑וֹ וְגֹֽאֲלֵךְ֙ קְד֣וֹשׁ יִשְׂרָאֵ֔ל אֱלֹהֵ֥י כָל הָאָ֖רֶץ יִקָּרֵֽא 1Qisaaכיא בעלכי עושיך יהוה צבאות שמו וגואלכי קדוש ישראל אלוהי כול הארץ יקרה 1Q8כי שמו וגואלך קדוש ישראל אלהי
6МТכִּֽי כְאִשָּׁ֧ה עֲזוּבָ֛ה וַעֲצ֥וּבַת ר֖וּחַ קְרָאָ֣ךְ יְהוָ֑ה וְאֵ֧שֶׁת נְעוּרִ֛ים כִּ֥י תִמָּאֵ֖ס אָמַ֥ר אֱלֹהָֽיִךְ 1Qisaaכיא כאשה עזובה ועצובת רוח קראך יהוה ואשת נעורים כיא תמאס אמר יהוה אלוהיך
7МТבְּרֶ֥גַע קָטֹ֖ן עֲזַבְתִּ֑יךְ וּבְרַחֲמִ֥ים גְּדֹלִ֖ים אֲקַבְּצֵֽךְ 1Qisaaברוגע קטן עזבתיך וברחמים גדולים אקבצך
8МТבְּשֶׁ֣צֶף קֶ֗צֶף הִסְתַּ֨רְתִּי פָנַ֥י רֶ֙גַע֙ מִמֵּ֔ךְ וּבְחֶ֥סֶד עוֹלָ֖ם רִֽחַמְתִּ֑יךְ אָמַ֥ר גֹּאֲלֵ֖ךְ יְהוָֽה 1Qisaaבשצף קצף הסתרתי פני רוגע ממך ובחסדי עולם רחמתיך אמר גואלכי יהוה
9МТכִּי מֵ֥י נֹ֙חַ֙ זֹ֣את לִ֔י אֲשֶׁ֣ר נִשְׁבַּ֗עְתִּי מֵעֲבֹ֥ר מֵי נֹ֛חַ ע֖וֹד עַל הָאָ֑רֶץ כֵּ֥ן נִשְׁבַּ֛עְתִּי מִקְּצֹ֥ף עָלַ֖יִךְ וּמִגְּעָר בָּֽךְ 1Qisaaכימ נוח זואת לי אשר נשבעתי מעבור מי נוח עוד על הארץ כן נשבעתי מקצוף עליך עוד ומגעור בך 4Q58לי אשר נשבעתי מגער בך
10МТכִּ֤י הֶֽהָרִים֙ יָמ֔וּשׁוּ וְהַגְּבָע֖וֹת תְּמוּטֶ֑נָה וְחַסְדִּ֞י מֵאִתֵּ֣ךְ לֹֽא יָמ֗וּשׁ וּבְרִ֤ית שְׁלוֹמִי֙ לֹ֣א תָמ֔וּט אָמַ֥ר מְרַחֲמֵ֖ךְ יְהוָֽה 1Qisaaכיא ההרים ימושו והגבעות תתמוטינה וחסדי מאתך לוא ימוש וברית שלומי לוא תמוט אמר מרחמכי יהוה
11МТעֲנִיָּ֥ה סֹעֲרָ֖ה לֹ֣א נֻחָ֑מָה הִנֵּ֨ה אָנֹכִ֜י מַרְבִּ֤יץ בַּפּוּךְ֙ אֲבָנַ֔יִךְ וִיסַדְתִּ֖יךְ בַּסַּפִּירִֽים 1Qisaaענייה סחורה לוא נחמה הנה אנוכי מרביץ בפוך אבניך ויסודותיך בספירים 4Q57[עניה] [נוחמה] הנה אנוכי [ספירים]
12МТוְשַׂמְתִּ֤י כַּֽדְכֹד֙ שִׁמְשֹׁתַ֔יִךְ וּשְׁעָרַ֖יִךְ לְאַבְנֵ֣י אֶקְדָּ֑ח וְכָל גְּבוּלֵ֖ךְ לְאַבְנֵי חֵֽפֶץ 1Qisaaושמתי כדכוד שמשותיך ושעריך לאבני אוקדח וכול גבוליך לאבני חפץ
13МТוְכָל בָּנַ֖יִךְ לִמּוּדֵ֣י יְהוָ֑ה וְרַ֖ב שְׁל֥וֹם בָּנָֽיִךְ 1Qisaaוכול בניך למודי יהוה ורב שלום בוניכי
14МТבִּצְדָקָ֖ה תִּכּוֹנָ֑נִי רַחֲקִ֤י מֵעֹ֙שֶׁק֙ כִּֽי לֹ֣א תִירָ֔אִי וּמִ֨מְּחִתָּ֔ה כִּ֥י לֹֽא תִקְרַ֖ב אֵלָֽיִךְ 1Qisaaבצדקה תתכונני רחקי מעושק כיא לוא תיראי וממחתה כיא לוא תקרב אליך 4Q57[תכונני] רחקי מעשק [מחתה] כיא לוא
15МТהֵ֣ן גּ֥וֹר יָג֛וּר אֶ֖פֶס מֵֽאוֹתִ֑י מִי גָ֥ר אִתָּ֖ךְ עָלַ֥יִךְ יִפּֽוֹל 1Qisaaהנה גור יגור אכס מאתי מי יגר אתך עליך יפולו 4Q57[גור] יגור אפס מאתי [עליך] יפול
16МТהִנֵּ֤ה אָֽנֹכִי֙ בָּרָ֣אתִי חָרָ֔שׁ נֹפֵ֙חַ֙ בְּאֵ֣שׁ פֶּחָ֔ם וּמוֹצִ֥יא כְלִ֖י לְמַעֲשֵׂ֑הוּ וְאָנֹכִ֛י בָּרָ֥אתִי מַשְׁחִ֖ית לְחַבֵּֽל 1Qisaaהנה אנוכי בראתי חרש נופח באש פחם ומוציא כלי למעשוהי אנוכי בראתי משחית לחבל 4Q57הן נופח באש פחם ומוציא כלי [למעשהו] [בראתי] [משחית]
17МТכָּל כְּלִ֞י יוּצַ֤ר עָלַ֙יִךְ֙ לֹ֣א יִצְלָ֔ח וְכָל לָשׁ֛וֹן תָּֽקוּם אִתָּ֥ךְ לַמִּשְׁפָּ֖ט תַּרְשִׁ֑יעִי זֹ֡את נַחֲלַת֩ עַבְדֵ֨י יְהוָ֧ה וְצִדְקָתָ֛ם מֵאִתִּ֖י נְאֻם יְהוָֽה 1Qisaaכול כלי יוצר עליך לוא יצלח זואת נחלת עבדי יהוה וצדקתם מאתי נואמ יהוה 4Q57יוצר עליך לוא יצלח וכול לשון [תקום] [נחלת] עבדי יהוה וצדקתם מ