Исаии, глава 10
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТה֥וֹי הַחֹֽקְקִ֖ים חִקְקֵי אָ֑וֶן וּֽמְכַתְּבִ֥ים עָמָ֖ל כִּתֵּֽבוּ 1Qisaaהוי חוקקים חוקקי און ומכתבים עמל כתבו
2МТלְהַטּ֤וֹת מִדִּין֙ דַּלִּ֔ים וְלִגְזֹ֕ל מִשְׁפַּ֖ט עֲנִיֵּ֣י עַמִּ֑י לִהְי֤וֹת אַלְמָנוֹת֙ שְׁלָלָ֔ם וְאֶת יְתוֹמִ֖ים יָבֹֽזּוּ 1Qisaaלהטות מדין דלים ולגזול משפט עניי עמי להיות אלמנות שללם ואת יתומים יבוזו
3МТוּמַֽה תַּעֲשׂוּ֙ לְי֣וֹם פְּקֻדָּ֔ה וּלְשׁוֹאָ֖ה מִמֶּרְחָ֣ק תָּב֑וֹא עַל מִי֙ תָּנ֣וּסוּ לְעֶזְרָ֔ה וְאָ֥נָה תַעַזְב֖וּ כְּבוֹדְכֶֽם 1Qisaaומה תעשו ליום פקודה ולשאה ממרחק תבוא על מי תנוסו לעזרה ואנה תעזובו כבודכם
4МТבִּלְתִּ֤י כָרַע֙ תַּ֣חַת אַסִּ֔יר וְתַ֥חַת הֲרוּגִ֖ים יִפֹּ֑לוּ בְּכָל זֹאת֙ לֹא שָׁ֣ב אַפּ֔וֹ וְע֖וֹד יָד֥וֹ נְטוּיָֽה 1Qisaaבלתי כרע תחת אסור ותחת הרוגים יפלו ובכול זואת לוא שב אפו ועוד ידיו נטויה 4Q59בלתי כרע תחת [כל] זאת לא שב
6МТבְּג֤וֹי חָנֵף֙ אֲשַׁלְּחֶ֔נּוּ וְעַל עַ֥ם עֶבְרָתִ֖י אֲצַוֶּ֑נּוּ לִשְׁלֹ֤ל שָׁלָל֙ וְלָבֹ֣ז בַּ֔ז וּלְשׂוּמ֥וֹ מִרְמָ֖ס כְּחֹ֥מֶר חוּצֽוֹת 1Qisaaבגוי חנפ אשלחנו ועל עמ עברתי אצונו לשלול שלל ולבז בז ולשום מרמס כחמר חוצות 4Q59[אשלחנו] ועל עם [עברתי] [שלל] ולבז [שימו] מרמס
7МТוְהוּא֙ לֹא כֵ֣ן יְדַמֶּ֔ה וּלְבָב֖וֹ לֹא כֵ֣ן יַחְשֹׁ֑ב כִּ֚י לְהַשְׁמִ֣יד בִּלְבָב֔וֹ וּלְהַכְרִ֥ית גּוֹיִ֖ם לֹ֥א מְעָֽט 1Qisaaוהוא לוא כן ידמה ולבבו לוא כן יחשוב כיא להשמיד בלבבו ולהכרית גואים לוא מעט 4Q59[הוא] לא כן [ידמה] ולבבו לא [לבבו] ול
8МТכִּ֖י יֹאמַ֑ר הֲלֹ֥א שָׂרַ֛י יַחְדָּ֖ו מְלָכִֽים 1Qisaaכיא יואמר הלוא שרי יחדו מלכים
9МТהֲלֹ֥א כְּכַרְכְּמִ֖ישׁ כַּלְנ֑וֹ אִם לֹ֤א כְאַרְפַּד֙ חֲמָ֔ת אִם לֹ֥א כְדַמֶּ֖שֶׂק שֹׁמְרֽוֹן 1Qisaaהלוא ככרכמיש כלנו אמ לוא כארפד חמת אמ לוא כדרמשק שומרון
10МТכַּאֲשֶׁר֙ מָצְאָ֣ה יָדִ֔י לְמַמְלְכֹ֖ת הָאֱלִ֑יל וּפְסִ֣ילֵיהֶ֔ם מִירֽוּשָׁלִַ֖ם וּמִשֹּׁמְרֽוֹן 1Qisaaכאשר מצאה ידי לממלכות האלילים ופסיליהם מירושלים ומשומרון
11МТהֲלֹ֗א כַּאֲשֶׁ֥ר עָשִׂ֛יתִי לְשֹׁמְר֖וֹן וְלֶאֱלִילֶ֑יהָ כֵּ֛ן אֶעֱשֶׂ֥ה לִירוּשָׁלִַ֖ם וְלַעֲצַבֶּֽיהָ 1Qisaaהלוא כאשר עשיתי לשומרון ולאליליה כן אעשה לירושלים ולעצביה
12МТוְהָיָ֗ה כִּֽי יְבַצַּ֤ע אֲדֹנָי֙ אֶת כָּל מַֽעֲשֵׂ֔הוּ בְּהַ֥ר צִיּ֖וֹן וּבִירוּשָׁלִָ֑ם אֶפְקֹ֗ד עַל פְּרִי גֹ֙דֶל֙ לְבַ֣ב מֶֽלֶךְ אַשּׁ֔וּר וְעַל תִּפְאֶ֖רֶת ר֥וּם עֵינָֽיו 1Qisaaכי יבצע אדוני את כול מעשוהי בהר ציון ובירושלים אפקוד על פרי גודל לבב מלך אשור ועל תפארת רום עיניו
13МТכִּ֣י אָמַ֗ר בְּכֹ֤חַ יָדִי֙ עָשִׂ֔יתִי וּבְחָכְמָתִ֖י כִּ֣י נְבֻנ֑וֹתִי וְאָסִ֣יר גְּבוּלֹ֣ת עַמִּ֗ים וַעֲתוּדֽוֹתֵיהֶם֙ שׁוֹשֵׂ֔תִי וְאוֹרִ֥יד כַּאבִּ֖יר יוֹשְׁבִֽים 1Qisaaכי יואמר בכוח ידי עשיתי ובחכמתי כי נבונותי ואסיר גבלות עמים ועתידותיהמה שושיתי ואוריד [יושבים]
14МТוַתִּמְצָ֨א כַקֵּ֤ן יָדִי֙ לְחֵ֣יל הָֽעַמִּ֔ים וְכֶאֱסֹף֙ בֵּיצִ֣ים עֲזֻב֔וֹת כָּל הָאָ֖רֶץ אֲנִ֣י אָסָ֑פְתִּי וְלֹ֤א הָיָה֙ נֹדֵ֣ד כָּנָ֔ף וּפֹצֶ֥ה פֶ֖ה וּמְצַפְצֵֽף 1Qisaaותמצא כקן ידי לחיל העמים וכאסוף בצים [ארץ] אני אספתי ולוא היה נודד כנפ ופוצה פה ומצפצף
15МТהֲיִתְפָּאֵר֙ הַגַּרְזֶ֔ן עַ֖ל הַחֹצֵ֣ב בּ֑וֹ אִם יִתְגַּדֵּ֤ל הַמַּשּׂוֹר֙ עַל מְנִיפ֔וֹ כְּהָנִ֥יף שֵׁ֙בֶט֙ וְאֶת מְרִימָ֔יו כְּהָרִ֥ים מַטֶּ֖ה לֹא עֵֽץ 1Qisaaהיתפאר הגרזן על החוצב בו אמ יתגדל המשור על מניפיו כהניף שבט את מרימיו כהרים מטה לוא עץ
16МТלָ֠כֵן יְשַׁלַּ֨ח הָאָד֜וֹן יְהוָ֧ה צְבָא֛וֹת בְּמִשְׁמַנָּ֖יו רָז֑וֹן וְתַ֧חַת כְּבֹד֛וֹ יֵקַ֥ד יְקֹ֖ד כִּיק֥וֹד אֵֽשׁ 1Qisaaלכן ישלח האדון יהוה צבאות במשמניו רזון ותחת כבודו יקד יקוד כיקד אש
17МТוְהָיָ֤ה אֽוֹר יִשְׂרָאֵל֙ לְאֵ֔שׁ וּקְדוֹשׁ֖וֹ לְלֶהָבָ֑ה וּבָעֲרָ֗ה וְאָֽכְלָ֛ה שִׁית֥וֹ וּשְׁמִיר֖וֹ בְּי֥וֹם אֶחָֽד 1Qisaaוהיה אור ישראל לאש וקדושו ללהבה ובערה ואכלה שיתיו ושמירו ביום אחד
18МТוּכְב֤וֹד יַעְרוֹ֙ וְכַרְמִלּ֔וֹ מִנֶּ֥פֶשׁ וְעַד בָּשָׂ֖ר יְכַלֶּ֑ה וְהָיָ֖ה כִּמְסֹ֥ס נֹסֵֽס
20МТוְהָיָ֣ה בַּיּ֣וֹם הַה֗וּא לֹֽא יוֹסִ֨יף ע֜וֹד שְׁאָ֤ר יִשְׂרָאֵל֙ וּפְלֵיטַ֣ת בֵּֽית יַעֲקֹ֔ב לְהִשָּׁעֵ֖ן עַל מַכֵּ֑הוּ וְנִשְׁעַ֗ן עַל יְהוָ֛ה קְד֥וֹשׁ יִשְׂרָאֵ֖ל בֶּאֱמֶֽת 1Qisaaוהיה ביום ההוא לוא יוסיף עוד שאר ישראל ופליטת בית יעקוב להשען על מכהו ונשען אל יהוה קדוש ישראל באמת
21МТשְׁאָ֥ר יָשׁ֖וּב שְׁאָ֣ר יַעֲקֹ֑ב אֶל אֵ֖ל גִּבּֽוֹר 1Qisaaשאר ישוב שאר יעקוב אל אל גבור
22МТכִּ֣י אִם יִהְיֶ֞ה עַמְּךָ֤ יִשְׂרָאֵל֙ כְּח֣וֹל הַיָּ֔ם שְׁאָ֖ר יָשׁ֣וּב בּ֑וֹ כִּלָּי֥וֹן חָר֖וּץ שׁוֹטֵ֥ף צְדָקָֽה 1Qisaaכיא אמ יהיה עמך ישראל כחול הים שאר ישוב בו כליון חרוץ שוטף צדקה
23МТכִּ֥י כָלָ֖ה וְנֶחֱרָצָ֑ה אֲדֹנָ֤י יְהוִה֙ צְבָא֔וֹת עֹשֶׂ֖ה בְּקֶ֥רֶב כָּל הָאָֽרֶץ 1Qisaaכי כלה ונחרצה אדוני יהוה צבאות עושה בקרב כול הארץ
24МТלָכֵ֗ן כֹּֽה אָמַ֞ר אֲדֹנָ֤י יְהוִה֙ צְבָא֔וֹת אַל תִּירָ֥א עַמִּ֛י יֹשֵׁ֥ב צִיּ֖וֹן מֵֽאַשּׁ֑וּר בַּשֵּׁ֣בֶט יַכֶּ֔כָּה וּמַטֵּ֥הוּ יִשָּֽׂא עָלֶ֖יךָ בְּדֶ֥רֶךְ מִצְרָֽיִם 1Qisaaלכן כוה אמר אדוני יהוה צבאות אל תירא עמי יושב ציון מאשור משבט יככה ומטו ישא עליך בדרך מצרים 4Q57[כן] [כוה] אמר [אדוני] יככה [ומטהו]
25МТכִּי ע֖וֹד מְעַ֣ט מִזְעָ֑ר וְכָ֣לָה זַ֔עַם וְאַפִּ֖י עַל תַּבְלִיתָֽם 1Qisaaכי עוד מעט מזער וכלה זעמ ואפי על תבלותם
26МТוְעוֹרֵ֨ר עָלָ֜יו יְהוָ֤ה צְבָאוֹת֙ שׁ֔וֹט כְּמַכַּ֥ת מִדְיָ֖ן בְּצ֣וּר עוֹרֵ֑ב וּמַטֵּ֙הוּ֙ עַל הַיָּ֔ם וּנְשָׂא֖וֹ בְּדֶ֥רֶךְ מִצְרָֽיִם 1Qisaaויעיר עליו יהוה צבאות שוט כמכת מדין בצור עורב ומטהו על הים ונשאו בדרך מצרים
27МТוְהָיָ֣ה בַּיּ֣וֹם הַה֗וּא יָס֤וּר סֻבֳּלוֹ֙ מֵעַ֣ל שִׁכְמֶ֔ךָ וְעֻלּ֖וֹ מֵעַ֣ל צַוָּארֶ֑ךָ וְחֻבַּ֥ל עֹ֖ל מִפְּנֵי שָֽׁמֶן 1Qisaaוהיה ביום ההוא יסור סבלו מעל שכמך ועולו מעל צוארך וחבל עול מפני שמן
28МТבָּ֥א עַל עַיַּ֖ת עָבַ֣ר בְּמִגְר֑וֹן לְמִכְמָ֖שׂ יַפְקִ֥יד כֵּלָֽיו 1Qisaaבא על עיתה עבר במגרון למכמש יפקוד כליו
29МТעָֽבְרוּ֙ מַעְבָּרָ֔ה גֶּ֖בַע מָל֣וֹן לָ֑נוּ חָֽרְדָה֙ הָֽרָמָ֔ה גִּבְעַ֥ת שָׁא֖וּל נָֽסָה 1Qisaaעבר במעברה גבע מלון לנו חרדה הרמה גבעת שאול נסה
30МТצַהֲלִ֥י קוֹלֵ֖ךְ בַּת גַּלִּ֑ים הַקְשִׁ֥יבִי לַ֖יְשָׁה עֲנִיָּ֥ה עֲנָתֽוֹת 1Qisaaצהלי קולך בת גלים הקשיבי ליש עניה ענתות
31МТנָדְדָ֖ה מַדְמֵנָ֑ה יֹשְׁבֵ֥י הַגֵּבִ֖ים הֵעִֽיזוּ 1Qisaaנדדה מרמנה יושבי הגבים העיזו
32МТע֥וֹד הַיּ֖וֹם בְּנֹ֣ב לַֽעֲמֹ֑ד יְנֹפֵ֤ף יָדוֹ֙ הַ֣ר בַּת צִיּ֔וֹן גִּבְעַ֖ת יְרוּשָׁלִָֽם 1Qisaaעוד היום בנב לעמוד ינופ ידיו הר בת ציון גבעת ירושלים
33МТהִנֵּ֤ה הָאָדוֹן֙ יְהוָ֣ה צְבָא֔וֹת מְסָעֵ֥ף פֻּארָ֖ה בְּמַעֲרָצָ֑ה וְרָמֵ֤י הַקּוֹמָה֙ גְּדוּעִ֔ים וְהַגְּבֹהִ֖ים יִשְׁפָּֽלוּ 4Q57[צבאות] [קומה] [גדועים]