Исаии, глава 40
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТנַחֲמ֥וּ נַחֲמ֖וּ עַמִּ֑י יֹאמַ֖ר אֱלֹהֵיכֶֽם 1Qisaaנחמו נחמו עמי יואמר אלוהיכמה
2МТדַּבְּר֞וּ עַל לֵ֤ב יְרֽוּשָׁלִַ֙ם֙ וְקִרְא֣וּ אֵלֶ֔יהָ כִּ֤י מָֽלְאָה֙ צְבָאָ֔הּ כִּ֥י נִרְצָ֖ה עֲוֹנָ֑הּ כִּ֤י לָקְחָה֙ מִיַּ֣ד יְהוָ֔ה כִּפְלַ֖יִם בְּכָל חַטֹּאתֶֽיהָ 1Qisaaדברו על לב ירושלים וקראו אליהא כיא מלא צבאה כיא נרצא עוונה כיא לקחה מיד יהוה כפלים בכול חטאותיה
3МТק֣וֹל קוֹרֵ֔א בַּמִּדְבָּ֕ר פַּנּ֖וּ דֶּ֣רֶךְ יְהוָ֑ה יַשְּׁרוּ֙ בָּעֲרָבָ֔ה מְסִלָּ֖ה לֵאלֹהֵֽינוּ 1Qisaaקול קורא במדבר פנו דרך יהוה וישרו בערבה מסלה לאלוהינו
4МТכָּל גֶּיא֙ יִנָּשֵׂ֔א וְכָל הַ֥ר וְגִבְעָ֖ה יִשְׁפָּ֑לוּ וְהָיָ֤ה הֶֽעָקֹב֙ לְמִישׁ֔וֹר וְהָרְכָסִ֖ים לְבִקְעָֽה 1Qisaaכול גי ינשא וכול הר וגבעה ישפלו והיה העקב למישור והרוכסים לבקעה
5МТוְנִגְלָ֖ה כְּב֣וֹד יְהוָ֑ה וְרָא֤וּ כָל בָּשָׂר֙ יַחְדָּ֔ו כִּ֛י פִּ֥י יְהוָ֖ה דִּבֵּֽר 1Qisaaונגלה כבוד יהוה וראו כול בשר יחדיו כיא פיא יהוה דבר
6МТק֚וֹל אֹמֵ֣ר קְרָ֔א וְאָמַ֖ר מָ֣ה אֶקְרָ֑א כָּל הַבָּשָׂ֣ר חָצִ֔יר וְכָל חַסְדּ֖וֹ כְּצִ֥יץ הַשָּׂדֶֽה 1Qisaaקול אומר קרא ואומרה מה אקרא כול הבשר חציר וכול חסדיו כציצ השדה
7МТיָבֵ֤שׁ חָצִיר֙ נָ֣בֵֽל צִ֔יץ כִּ֛י ר֥וּחַ יְהוָ֖ה נָ֣שְׁבָה בּ֑וֹ אָכֵ֥ן חָצִ֖יר הָעָֽם 1Qisaaיבש חציר נבל ציצ כי רוח יייי נשבה בוא הכן חציר העם
8МТיָבֵ֥שׁ חָצִ֖יר נָ֣בֵֽל צִ֑יץ וּדְבַר אֱלֹהֵ֖ינוּ יָק֥וּם לְעוֹלָֽם 1Qisaaיבש חציל נבל ציצ ודבר אלוהינו ודבר אלוהינו יקום לעולם
9МТעַ֣ל הַר גָּבֹ֤הַ עֲלִי לָךְ֙ מְבַשֶּׂ֣רֶת צִיּ֔וֹן הָרִ֤ימִי בַכֹּ֙חַ֙ קוֹלֵ֔ךְ מְבַשֶּׂ֖רֶת יְרוּשָׁלִָ֑ם הָרִ֙ימִי֙ אַל תִּירָ֔אִי אִמְרִי֙ לְעָרֵ֣י יְהוּדָ֔ה הִנֵּ֖ה אֱלֹהֵיכֶֽם 1Qisaaעל הר גבה עלי לכי מבשרת ציון הרימי בכוח קולך מבשרת ירושלים הרימי אל תיראי אמורי לערי יהודה הנה אלוההכמה
10МТהִנֵּ֨ה אֲדֹנָ֤י יְהוִה֙ בְּחָזָ֣ק יָב֔וֹא וּזְרֹע֖וֹ מֹ֣שְׁלָה ל֑וֹ הִנֵּ֤ה שְׂכָרוֹ֙ אִתּ֔וֹ וּפְעֻלָּת֖וֹ לְפָנָֽיו 1Qisaaהנה אדוני יהוה בחוזק יבוא וזרועו משלה לוא הנה שכרו אתו ופעלתיו לפניו
11МТכְּרֹעֶה֙ עֶדְר֣וֹ יִרְעֶ֔ה בִּזְרֹעוֹ֙ יְקַבֵּ֣ץ טְלָאִ֔ים וּבְחֵיק֖וֹ יִשָּׂ֑א עָל֖וֹת יְנַהֵֽל 1Qisaaכרועה עדרו ירעה בזרועו יקבצ טלים ובחיקוה ישא עולות ינהל
12МТמִֽי מָדַ֨ד בְּשָׁעֳל֜וֹ מַ֗יִם וְשָׁמַ֙יִם֙ בַּזֶּ֣רֶת תִּכֵּ֔ן וְכָ֥ל בַּשָּׁלִ֖שׁ עֲפַ֣ר הָאָ֑רֶץ וְשָׁקַ֤ל בַּפֶּ֙לֶס֙ הָרִ֔ים וּגְבָע֖וֹת בְּמֹאזְנָֽיִם 1Qisaaמיא מדד בשועלו מי ים ושמים בזרתו תכן וכל בשליש עפר הארץ ושקל בפלס הרים וגבעות במוזנים
13МТמִֽי תִכֵּ֥ן אֶת ר֖וּחַ יְהוָ֑ה וְאִ֥ישׁ עֲצָת֖וֹ יוֹדִיעֶֽנּוּ 1Qisaaמיא תכן את רוח יהוה איש ועצתו יודיענה
14МТאֶת מִ֤י נוֹעָץ֙ וַיְבִינֵ֔הוּ וַֽיְלַמְּדֵ֖הוּ בְּאֹ֣רַח מִשְׁפָּ֑ט וַיְלַמְּדֵ֣הוּ דַ֔עַת וְדֶ֥רֶךְ תְּבוּנ֖וֹת יוֹדִיעֶֽנּוּ 1Qisaaאת מי נועצ ויבינהו וילמדהו באורח משפט וילמדהו דעת ודרך תבונות יודיענו
15МТהֵ֤ן גּוֹיִם֙ כְּמַ֣ר מִדְּלִ֔י וּכְשַׁ֥חַק מֹאזְנַ֖יִם נֶחְשָׁ֑בוּ הֵ֥ן אִיִּ֖ים כַּדַּ֥ק יִטּֽוֹל 1Qisaaהן גואים כמר מדלי וכשחק מזנים נחשבו הן איים כדק ויטול
17МТכָּל הַגּוֹיִ֖ם כְּאַ֣יִן נֶגְדּ֑וֹ מֵאֶ֥פֶס וָתֹ֖הוּ נֶחְשְׁבוּ לֽוֹ 1Qisaaכול הגואים כאין נגדו וכאפס ותהוו נחשבו לו
18МТוְאֶל מִ֖י תְּדַמְּי֣וּן אֵ֑ל וּמַה דְּמ֖וּת תַּ֥עַרְכוּ לֽוֹ 1Qisaaואל מיא תדמיוני אל ומה דמות תערוכו לי
19МТהַפֶּ֙סֶל֙ נָסַ֣ךְ חָרָ֔שׁ וְצֹרֵ֖ף בַּזָּהָ֣ב יְרַקְּעֶ֑נּוּ וּרְתֻק֥וֹת כֶּ֖סֶף צוֹרֵֽף 1Qisaaהפסל ויעשה מסך חרש וצורף בזהב וירקענו ורתקות כסף צורף
20МТהַֽמְסֻכָּ֣ן תְּרוּמָ֔ה עֵ֥ץ לֹֽא יִרְקַ֖ב יִבְחָ֑ר חָרָ֤שׁ חָכָם֙ יְבַקֶּשׁ ל֔וֹ לְהָכִ֥ין פֶּ֖סֶל לֹ֥א יִמּֽוֹט 1Qisaaהמסכן תרומה עץ לוא ירבק ובחר חרש חכם ובשקלו להוכין פסל לוא ימוט
21МТהֲל֤וֹא תֵֽדְעוּ֙ הֲל֣וֹא תִשְׁמָ֔עוּ הֲל֛וֹא הֻגַּ֥ד מֵרֹ֖אשׁ לָכֶ֑ם הֲלוֹא֙ הֲבִ֣ינֹתֶ֔ם מוֹסְד֖וֹת הָאָֽרֶץ 1Qisaaהלוא תדעו הלוא תשמעו הלוא הוגד מרוש לכמה הלוא הבינותמה מוסדות ארץ
22МТהַיֹּשֵׁב֙ עַל ח֣וּג הָאָ֔רֶץ וְיֹשְׁבֶ֖יהָ כַּחֲגָבִ֑ים הַנּוֹטֶ֤ה כַדֹּק֙ שָׁמַ֔יִם וַיִּמְתָּחֵ֥ם כָּאֹ֖הֶל לָשָֽׁבֶת 1Qisaaהיושב על חוג הארץ ויושביהא כחגבים הנוטה כדוק שמים וימתחם כאוהל לשבת 4Q56ישביה כחגבים [נוטה] כדק [שמים] [שבת]
23МТהַנּוֹתֵ֥ן רוֹזְנִ֖ים לְאָ֑יִן שֹׁ֥פְטֵי אֶ֖רֶץ כַּתֹּ֥הוּ עָשָֽׂה 1Qisaaהנותן רוזנים לאין שופטי ארץ כתהו עשה 4Q56הנותן רזנים לאין שפטי ארץ כתהו עשה
24МТאַ֣ף בַּל נִטָּ֗עוּ אַ֚ף בַּל זֹרָ֔עוּ אַ֛ף בַּל שֹׁרֵ֥שׁ בָּאָ֖רֶץ גִּזְעָ֑ם וְגַם נָשַׁ֤ף בָּהֶם֙ וַיִּבָ֔שׁוּ וּסְעָרָ֖ה כַּקַּ֥שׁ תִּשָּׂאֵֽם 1Qisaaאפ בל נטעו אפ בל זרעו אפ בל שרשו בארץ גזעם גמ נעשף בהמה וייבשו וסערה כקש תשאם
25МТוְאֶל מִ֥י תְדַמְּי֖וּנִי וְאֶשְׁוֶ֑ה יֹאמַ֖ר קָדֽוֹשׁ 1Qisaaאל מיא תדמיוני ואשוא יואמר קדוש 4Q56ואל מי תדמינני ואשוה יאמר קדוש
26МТשְׂאוּ מָר֨וֹם עֵינֵיכֶ֤ם וּרְאוּ֙ מִי בָרָ֣א אֵ֔לֶּה הַמּוֹצִ֥יא בְמִסְפָּ֖ר צְבָאָ֑ם לְכֻלָּם֙ בְּשֵׁ֣ם יִקְרָ֔א מֵרֹ֤ב אוֹנִים֙ וְאַמִּ֣יץ כֹּ֔חַ אִ֖ישׁ לֹ֥א נֶעְדָּֽר 1Qisaaשאו מרום עיניכמה וראו מי ברא אלה המוציא במספר צבאמ לכולם בשמ יקרא מרוב אונים ואמץ כוחו ואיש לוא נעדר
27МТלָ֤מָּה תֹאמַר֙ יַֽעֲקֹ֔ב וּתְדַבֵּ֖ר יִשְׂרָאֵ֑ל נִסְתְּרָ֤ה דַרְכִּי֙ מֵֽיְהוָ֔ה וּמֵאֱלֹהַ֖י מִשְׁפָּטִ֥י יַעֲבֽוֹר 1Qisaaלמה תאומר יעקוב ותדבר ישראל נסתרה דרכי מיהוה ומאלוהי משפטי יעבור
28МТהֲל֨וֹא יָדַ֜עְתָּ אִם לֹ֣א שָׁמַ֗עְתָּ אֱלֹהֵ֨י עוֹלָ֤ם יְהוָה֙ בּוֹרֵא֙ קְצ֣וֹת הָאָ֔רֶץ לֹ֥א יִיעַ֖ף וְלֹ֣א יִיגָ֑ע אֵ֥ין חֵ֖קֶר לִתְבוּנָתֽוֹ 1Qisaaהלוא ידעתה אמ לוא שמעתה אלוהי עולם יהוה בורא קצוות הארץ לוא יעף ולוא יגע ואין חקר לתבונתיו
29МТנֹתֵ֥ן לַיָּעֵ֖ף כֹּ֑חַ וּלְאֵ֥ין אוֹנִ֖ים עָצְמָ֥ה יַרְבֶּֽה 1Qisaaהנותן ליעף כוח ולאין אונים עוצמה ירבה
30МТוְיִֽעֲפ֥וּ נְעָרִ֖ים וְיִגָ֑עוּ וּבַחוּרִ֖ים כָּשׁ֥וֹל יִכָּשֵֽׁלוּ 1Qisaaויעפו נערים ויגעו ובחורים כשול יכשולו
31МТוְקוֹיֵ֤ יְהוָה֙ יַחֲלִ֣יפוּ כֹ֔חַ יַעֲל֥וּ אֵ֖בֶר כַּנְּשָׁרִ֑ים יָר֙וּצוּ֙ וְלֹ֣א יִיגָ֔עוּ יֵלְכ֖וּ וְלֹ֥א יִיעָֽפוּ 1Qisaaוקוי יהוה יחליפו כוח ויעלו אבר כנשרים ירוצו ולוא ייגעו ילכו ולוא יעופו