Исаии, глава 47
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТרְדִ֣י וּשְׁבִ֣י עַל עָפָ֗ר בְּתוּלַת֙ בַּת בָּבֶ֔ל שְׁבִי לָאָ֥רֶץ אֵין כִּסֵּ֖א בַּת כַּשְׂדִּ֑ים כִּ֣י לֹ֤א תוֹסִ֙יפִי֙ יִקְרְאוּ לָ֔ךְ רַכָּ֖ה וַעֲנֻגָּֽה 1Qisaaרדי ושבי על עפר בתולת בת בבל שבי על הארץ אין כסא בת כשדיים כיא לוא תוסיפי וקראו לך רכה וענוגה 1Q8שבי [על] עפר בתולת בת בבל שבי לארץ אין כסא [תוסיפי] יקראו לך רכה וענגה 4Q58[ארץ] אין כסא בת [כשדים] כי לא תוספי
2МТקְחִ֥י רֵחַ֖יִם וְטַ֣חֲנִי קָ֑מַח גַּלִּ֨י צַמָּתֵ֧ךְ חֶשְׂפִּי שֹׁ֛בֶל גַּלִּי שׁ֖וֹק עִבְרִ֥י נְהָרֽוֹת 1Qisaaקחי רחים וטחני קמח גלי צמתך חשופי שוליך גלי שוק עבורי נהרות 4Q58קמח גלי [צמתך] חשבי שבל גלי
3МТתִּגָּל֙ עֶרְוָתֵ֔ךְ גַּ֥ם תֵּרָאֶ֖ה חֶרְפָּתֵ֑ךְ נָקָ֣ם אֶקָּ֔ח וְלֹ֥א אֶפְגַּ֖ע אָדָֽם 1Qisaaתגלה ערותך גמ תראה חרפתך נקם אקח ולוא אפגע אדם 4Q58תראה חרפתך נקם [אקח] ולא אפגיע
5МТשְׁבִ֥י דוּמָ֛ם וּבֹ֥אִי בַחֹ֖שֶׁךְ בַּת כַּשְׂדִּ֑ים כִּ֣י לֹ֤א תוֹסִ֙יפִי֙ יִקְרְאוּ לָ֔ךְ גְּבֶ֖רֶת מַמְלָכֽוֹת 1Qisaaשבי דממה ובואי בחושך בת כשדיים כיא לוא תוסיפי וקראו לך גבורת ממלכות
6МТקָצַ֣פְתִּי עַל עַמִּ֗י חִלַּ֙לְתִּי֙ נַחֲלָתִ֔י וָאֶתְּנֵ֖ם בְּיָדֵ֑ךְ לֹא שַׂ֤מְתְּ לָהֶם֙ רַחֲמִ֔ים עַל זָקֵ֕ן הִכְבַּ֥דְתְּ עֻלֵּ֖ךְ מְאֹֽד 1Qisaaקצפתי על עמי וחללתי נחלתי ואתנם בידך לוא שמתי להמה רחמים על זקן הכבדתי עולך מואדה
7МТוַתֹּ֣אמְרִ֔י לְעוֹלָ֖ם אֶהְיֶ֣ה גְבָ֑רֶת עַ֣ד לֹא שַׂ֥מְתְּ אֵ֙לֶּה֙ עַל לִבֵּ֔ךְ לֹ֥א זָכַ֖רְתְּ אַחֲרִיתָֽהּ 1Qisaaותואמרי לעולם אהיה גבורת עוד לוא שמתי אלה על לבכי לוא זכרתי אחרונה 1Q8על לבך לא זכרתי [אחריתה]
8МТוְעַתָּ֞ה שִׁמְעִי זֹ֤את עֲדִינָה֙ הַיּוֹשֶׁ֣בֶת לָבֶ֔טַח הָאֹֽמְרָה֙ בִּלְבָ֔בָהּ אֲנִ֖י וְאַפְסִ֣י ע֑וֹד לֹ֤א אֵשֵׁב֙ אַלְמָנָ֔ה וְלֹ֥א אֵדַ֖ע שְׁכֽוֹל 1Qisaaועתה שמעי זואת עודנה היושבת לבטח האומרה בלבבה אני ואפסי עוד לוא אשב עלמנה ולוא אראה שכול 1Q8[יושבת] לבטח האמרה בלבה אני [ואפסי] [שכול] 4Q58[זאת] עדינה הישבת [לבטח] [אדע] שכול
9МТוְתָבֹאנָה֩ לָּ֨ךְ שְׁתֵּי אֵ֥לֶּה רֶ֛גַע בְּי֥וֹם אֶחָ֖ד שְׁכ֣וֹל וְאַלְמֹ֑ן כְּתֻמָּם֙ בָּ֣אוּ עָלַ֔יִךְ בְּרֹ֣ב כְּשָׁפַ֔יִךְ בְּעָצְמַ֥ת חֲבָרַ֖יִךְ מְאֹֽד 1Qisaaותבואינה לך שתי אלה רגע ביום אחד שכול ואלמנה כתוממ באו עליך ברוב כשפיך בעצמת חובריך מואדה 1Q8ותבאנה לך שתי אלה רגע ב [באו] עליך ברב כשפיך בעצמת [חבריך] 4Q58[ותבאנה] לך [עצמת] [חבריך]
10МТוַתִּבְטְחִ֣י בְרָעָתֵ֗ךְ אָמַרְתְּ֙ אֵ֣ין רֹאָ֔נִי חָכְמָתֵ֥ךְ וְדַעְתֵּ֖ךְ הִ֣יא שׁוֹבְבָ֑תֶךְ וַתֹּאמְרִ֣י בְלִבֵּ֔ךְ אֲנִ֖י וְאַפְסִ֥י עֽוֹד 1Qisaaותבטחי בדעתך אמרתי אין רואני חכמתך ודעתך היאה שובבתך ותואמרי בלבבך אני ואפסי עוד
11МТוּבָ֧א עָלַ֣יִךְ רָעָ֗ה לֹ֤א תֵדְעִי֙ שַׁחְרָ֔הּ וְתִפֹּ֤ל עָלַ֙יִךְ֙ הֹוָ֔ה לֹ֥א תוּכְלִ֖י כַּפְּרָ֑הּ וְתָבֹ֨א עָלַ֧יִךְ פִּתְאֹ֛ם שׁוֹאָ֖ה לֹ֥א תֵדָֽעִי 1Qisaaובאה עליך רעה ולוא תדעי שחרה ותפול עליך הויה לוא תוכלי לכפרה ותבוא עליך פתאום שאה ולוא תדעי 1Q8[באה] עליך רעה לא [תדעי] שאה לא תדעי
12МТעִמְדִי נָ֤א בַחֲבָרַ֙יִךְ֙ וּבְרֹ֣ב כְּשָׁפַ֔יִךְ בַּאֲשֶׁ֥ר יָגַ֖עַתְּ מִנְּעוּרָ֑יִךְ אוּלַ֛י תּוּכְלִ֥י הוֹעִ֖יל אוּלַ֥י תַּעֲרֽוֹצִי 1Qisaaועמודינא בחובריך וברוב כשפיך באשר יגעתי מנעוריך ועד היום
13МТנִלְאֵ֖ית בְּרֹ֣ב עֲצָתָ֑יִךְ יַעַמְדוּ נָ֨א וְיוֹשִׁיעֻ֜ךְ הֹבְרֵ֣י שָׁמַ֗יִם הַֽחֹזִים֙ בַּכּ֣וֹכָבִ֔ים מֽוֹדִיעִם֙ לֶחֳדָשִׁ֔ים מֵאֲשֶׁ֥ר יָבֹ֖אוּ עָלָֽיִךְ 1Qisaaכרוב עצתך יעמודו נא ויושיעוך חוברי שמים והחוזים בכוכבים מודעים לחרדים מאשר יבוא עליהמה
14МТהִנֵּ֨ה הָי֤וּ כְקַשׁ֙ אֵ֣שׁ שְׂרָפָ֔תַם לֹֽא יַצִּ֥ילוּ אֶת נַפְשָׁ֖ם מִיַּ֣ד לֶֽהָבָ֑ה אֵין גַּחֶ֣לֶת לַחְמָ֔ם א֖וּר לָשֶׁ֥בֶת נֶגְדּֽוֹ 1Qisaaהנה היו כקש אש שרפתם לוא הצילו את נפשם מיד להבה אין גחלת לחוממ אור לשבת נגדו
15МТכֵּ֥ן הָיוּ לָ֖ךְ אֲשֶׁ֣ר יָגָ֑עַתְּ סֹחֲרַ֣יִךְ מִנְּעוּרַ֗יִךְ אִ֤ישׁ לְעֶבְרוֹ֙ תָּע֔וּ אֵ֖ין מוֹשִׁיעֵֽךְ 1Qisaaכן היו לך אשר יגעתי סוחריך מנעוריך איש לעברו תעו אין מושיעך