Исаии, глава 18
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТה֥וֹי אֶ֖רֶץ צִלְצַ֣ל כְּנָפָ֑יִם אֲשֶׁ֥ר מֵעֵ֖בֶר לְנַֽהֲרֵי כֽוּשׁ 1Qisaaהוי ארצ צל צל כנפים אשר מעבר לנהרי כוש
2МТהַשֹּׁלֵ֨חַ בַּיָּ֜ם צִירִ֗ים וּבִכְלֵי גֹמֶא֮ עַל פְּנֵי מַיִם֒ לְכ֣וּ מַלְאָכִ֣ים קַלִּ֗ים אֶל גּוֹי֙ מְמֻשָּׁ֣ךְ וּמוֹרָ֔ט אֶל עַ֥ם נוֹרָ֖א מִן ה֣וּא וָהָ֑לְאָה גּ֚וֹי קַו קָ֣ו וּמְבוּסָ֔ה אֲשֶׁר בָּזְא֥וּ נְהָרִ֖ים אַרְצֽוֹ 1Qisaaהשולח בים צירים ובכלי גמא עלפני מים לכו מלאכים קלים לגוי ממשך וממורט אל עמ נורא מן הוא והלאה גוי קוקו ומבוסה אשר בזאי נהרים ארצו
3МТכָּל יֹשְׁבֵ֥י תֵבֵ֖ל וְשֹׁ֣כְנֵי אָ֑רֶץ כִּנְשֹׂא נֵ֤ס הָרִים֙ תִּרְא֔וּ וְכִתְקֹ֥עַ שׁוֹפָ֖ר תִּשְׁמָֽעוּ 1Qisaaכול יושבי תבל ושוכני ארץ כנשא נס הרים תראו וכתקוע שופר תשמעו
4МТכִּי֩ כֹ֨ה אָמַ֤ר יְהוָה֙ אֵלַ֔י אֶשְׁקֳטָ֖ה וְאַבִּ֣יטָה בִמְכוֹנִ֑י כְּחֹ֥ם צַח֙ עֲלֵי א֔וֹר כְּעָ֥ב טַ֖ל בְּחֹ֥ם קָצִֽיר 1Qisaaכיא כה אמר יהוה אלי אשקוטה ואביטה במכוני כחמ צח עלי אור כעב טל בחם קציר
5МТכִּֽי לִפְנֵ֤י קָצִיר֙ כְּתָם פֶּ֔רַח וּבֹ֥סֶר גֹּמֵ֖ל יִֽהְיֶ֣ה נִצָּ֑ה וְכָרַ֤ת הַזַּלְזַלִּים֙ בַּמַּזְמֵר֔וֹת וְאֶת הַנְּטִישׁ֖וֹת הֵסִ֥יר הֵתַֽז 1Qisaaכי לפני קציר כתם פרח ובסור גמול יהיה נצה וכרת הזלזלים במזמרות ואת הנטישות הסיר התז
6МТיֵעָזְב֤וּ יַחְדָּו֙ לְעֵ֣יט הָרִ֔ים וּֽלְבֶהֱמַ֖ת הָאָ֑רֶץ וְקָ֤ץ עָלָיו֙ הָעַ֔יִט וְכָל בֶּהֱמַ֥ת הָאָ֖רֶץ עָלָ֥יו תֶּחֱרָֽף 1Qisaaועזבו יחדו לעיט הרים ולבהמות ארץ וקץ עליו העיט וכול בהמות הארץ עליו תחרף 4Q56יעזבו יחדו לעיט ההרים ולבממת ארץ וקץ עליו העיט [בהמת] הארץ עליו תחרף
7МТבָּעֵת֩ הַהִ֨יא יֽוּבַל שַׁ֜י לַיהוָ֣ה צְבָא֗וֹת עַ֚ם מְמֻשָּׁ֣ךְ וּמוֹרָ֔ט וּמֵעַ֥ם נוֹרָ֖א מִן ה֣וּא וָהָ֑לְאָה גּ֣וֹי קַו קָ֣ו וּמְבוּסָ֗ה אֲשֶׁ֨ר בָּזְא֤וּ נְהָרִים֙ אַרְצ֔וֹ אֶל מְק֛וֹם שֵׁם יְהוָ֥ה צְבָא֖וֹת הַר צִיּֽוֹן 1Qisaaבעתה ההיא יובל שי ליהוה צבאות מעמ ממשך וממרט ומעם נורא מהוא והלאה גוי קוקו ומבוסא אשר בזאי נהרים ארצו אל מקום שמ יהוה הר ציון 4Q56[עת] ההיא יובל שי ליהוה צבאות עם ממשך ומורט מעם נורא מן והלאה גוי קו [ומבוסה] [אשר] בזאו נהרים ארצו אל מקום שם יהוה צבאות הר ציון