Исаии, глава 35
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
2МТפָּרֹ֨חַ תִּפְרַ֜ח וְתָגֵ֗ל אַ֚ף גִּילַ֣ת וְרַנֵּ֔ן כְּב֤וֹד הַלְּבָנוֹן֙ נִתַּן לָ֔הּ הֲדַ֥ר הַכַּרְמֶ֖ל וְהַשָּׁר֑וֹן הֵ֛מָּה יִרְא֥וּ כְבוֹד יְהוָ֖ה הֲדַ֥ר אֱלֹהֵֽינוּ 1Qisaaפרח תפרח ותגל אף גילת ורנן כבוד לבנון ב נתן לה הדר הכרמל והשרון המה יראו כבוד יהוה הדר אלהינו
3МТחַזְּק֖וּ יָדַ֣יִם רָפ֑וֹת וּבִרְכַּ֥יִם כֹּשְׁל֖וֹת אַמֵּֽצוּ 1Qisaaחזקו ידים רפות וברכים כושלות אמצו
4МТאִמְרוּ֙ לְנִמְהֲרֵי לֵ֔ב חִזְק֖וּ אַל תִּירָ֑אוּ הִנֵּ֤ה אֱלֹֽהֵיכֶם֙ נָקָ֣ם יָב֔וֹא גְּמ֣וּל אֱלֹהִ֔ים ה֥וּא יָב֖וֹא וְיֹשַׁעֲכֶֽם 1Qisaaאמרו לנמהרי לב חזקו אל תיראו הנה אלוהכמה נקמ יביא גמול אלוהים הואה יביא ויושעכמה
5МТאָ֥ז תִּפָּקַ֖חְנָה עֵינֵ֣י עִוְרִ֑ים וְאָזְנֵ֥י חֵרְשִׁ֖ים תִּפָּתַֽחְנָה 1Qisaaאז תפקחנה עיני עורים ואוזני חרשים תפתחנה
6МТאָ֣ז יְדַלֵּ֤ג כָּֽאַיָּל֙ פִּסֵּ֔חַ וְתָרֹ֖ן לְשׁ֣וֹן אִלֵּ֑ם כִּֽי נִבְקְע֤וּ בַמִּדְבָּר֙ מַ֔יִם וּנְחָלִ֖ים בָּעֲרָבָֽה 1Qisaaאז ידלג כאיאל פסח ותרון לשון אלם כיא נבקעו במדבר מים ונחלים בערבה ילכו
7МТוְהָיָ֤ה הַשָּׁרָב֙ לַאֲגַ֔ם וְצִמָּא֖וֹן לְמַבּ֣וּעֵי מָ֑יִם בִּנְוֵ֤ה תַנִּים֙ רִבְצָ֔הּ חָצִ֖יר לְקָנֶ֥ה וָגֹֽמֶא 1Qisaaוהיה השרב לאגם וצמאון למבועי מים בנוה תנים רבצ חציר לקנה וגומא
8МТוְהָיָה שָׁ֞ם מַסְל֣וּל וָדֶ֗רֶךְ וְדֶ֤רֶךְ הַקֹּ֙דֶשׁ֙ יִקָּ֣רֵא לָ֔הּ לֹֽא יַעַבְרֶ֥נּוּ טָמֵ֖א וְהוּא לָ֑מוֹ הֹלֵ֥ךְ דֶּ֛רֶךְ וֶאֱוִילִ֖ים לֹ֥א יִתְעֽוּ 1Qisaaיהיה שמה שמה מסולל ודרך הקודש יקראו לה לוא יעובורנה טמה הואה ולמי הולך דרכ ואוילים לוא יתעו
9МТלֹא יִהְיֶ֨ה שָׁ֜ם אַרְיֵ֗ה וּפְרִ֤יץ חַיּוֹת֙ בַּֽל יַעֲלֶ֔נָּה לֹ֥א תִמָּצֵ֖א שָׁ֑ם וְהָלְכ֖וּ גְּאוּלִֽים 1Qisaaלוא יהיה שמה אריה ופריצ חיות בל לוא יעלנה ולוא ימצא שם והלכו גאולים
10МТוּפְדוּיֵ֨י יְהוָ֜ה יְשֻׁב֗וּן וּבָ֤אוּ צִיּוֹן֙ בְּרִנָּ֔ה וְשִׂמְחַ֥ת עוֹלָ֖ם עַל רֹאשָׁ֑ם שָׂשׂ֤וֹן וְשִׂמְחָה֙ יַשִּׂ֔יגוּ וְנָ֖סוּ יָג֥וֹן וַאֲנָחָֽה 1Qisaaופדויי יהוה ישובו ובאו ציון ברונה ושמחת עולם על ראושם ששון ושמחה ישיגובה ונס יגון ואנחה