Исаии, глава 45
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТכֹּה אָמַ֣ר יְהוָה֮ לִמְשִׁיחוֹ֮ לְכ֣וֹרֶשׁ אֲשֶׁר הֶחֱזַ֣קְתִּי בִֽימִינ֗וֹ לְרַד לְפָנָיו֙ גּוֹיִ֔ם וּמָתְנֵ֥י מְלָכִ֖ים אֲפַתֵּ֑חַ לִפְתֹּ֤חַ לְפָנָיו֙ דְּלָתַ֔יִם וּשְׁעָרִ֖ים לֹ֥א יִסָּגֵֽרוּ 1Qisaaכוה אמר יהוה למשיחו לכורש אשר החזקתי בימינו לרד לפניו גואים ומתני מלכים אפתח לפתוח לפניו דלתות ושערים לוא יסגרו 1Q8כה אמר יהוה למשיחו לכורש אשר החזקתי [פניו] גוים ומתני מלכים אפתח לפתח לפניו [דלתים]
2МТאֲנִי֙ לְפָנֶ֣יךָ אֵלֵ֔ךְ וַהֲדוּרִ֖ים אֲיַשֵּׁ֑ר דַּלְת֤וֹת נְחוּשָׁה֙ אֲשַׁבֵּ֔ר וּבְרִיחֵ֥י בַרְזֶ֖ל אֲגַדֵּֽעַ 1Qisaaאני לפניכה אלך והררים יאושר דלתות נחושה אשבור ובריחי ברזל אגדע 1Q8לפניך אלך והרורים אישר [דלתות] [אגדע]
3МТוְנָתַתִּ֤י לְךָ֙ אוֹצְר֣וֹת חֹ֔שֶׁךְ וּמַטְמֻנֵ֖י מִסְתָּרִ֑ים לְמַ֣עַן תֵּדַ֗ע כִּֽי אֲנִ֧י יְהוָ֛ה הַקּוֹרֵ֥א בְשִׁמְךָ֖ אֱלֹהֵ֥י יִשְׂרָאֵֽל 1Qisaaונתתי לכה אוצרות חושך ומטמוני מסתרים למען תדע כיא אני יהוה הקורה בשמכה אלוהי ישראל 1Q8ונתתי לך אוצרת חשך אני יהוה הקורא בשמך [אלהי]
4МТלְמַ֙עַן֙ עַבְדִּ֣י יַעֲקֹ֔ב וְיִשְׂרָאֵ֖ל בְּחִירִ֑י וָאֶקְרָ֤א לְךָ֙ בִּשְׁמֶ֔ךָ אֲכַנְּךָ֖ וְלֹ֥א יְדַעְתָּֽנִי 1Qisaaלמען עבדי יעקוב ישראל בחירי ואקרא לכה ובשמ הכינכה ולוא ידעתני 1Q8[ישראל] בחירי ואקרא לך [בשמך]
5МТאֲנִ֤י יְהוָה֙ וְאֵ֣ין ע֔וֹד זוּלָתִ֖י אֵ֣ין אֱלֹהִ֑ים אֲאַזֶּרְךָ֖ וְלֹ֥א יְדַעְתָּֽנִי 1Qisaaאני יהוה ואין עוד זולתי ואין אלוהים אאזרכה ולוא ידעתני 1Q8אין עוד וזולתי אין [אלהים]
6МТלְמַ֣עַן יֵדְע֗וּ מִמִּזְרַח שֶׁ֙מֶשׁ֙ וּמִמַּ֣עֲרָבָ֔ה כִּי אֶ֖פֶס בִּלְעָדָ֑י אֲנִ֥י יְהוָ֖ה וְאֵ֥ין עֽוֹד 1Qisaaלמען ידעו ממזרח שמש וממערב כיא אפס בלעדי אני יהוה ואין עוד
7МТיוֹצֵ֥ר אוֹר֙ וּבוֹרֵ֣א חֹ֔שֶׁךְ עֹשֶׂ֥ה שָׁל֖וֹם וּב֣וֹרֵא רָ֑ע אֲנִ֥י יְהוָ֖ה עֹשֶׂ֥ה כָל אֵֽלֶּה 1Qisaaיוצר אור ובורה חושך עושה טוב ובורה רע אני יהוה עושה כול אלה 1Q8[בורא] [חשך] [עשה] כל אלה
8МТהַרְעִ֤יפוּ שָׁמַ֙יִם֙ מִמַּ֔עַל וּשְׁחָקִ֖ים יִזְּלוּ צֶ֑דֶק תִּפְתַּח אֶ֣רֶץ וְיִפְרוּ יֶ֗שַׁע וּצְדָקָ֤ה תַצְמִ֙יחַ֙ יַ֔חַד אֲנִ֥י יְהוָ֖ה בְּרָאתִֽיו 1Qisaaהריעו שמים ממעלה ושחקים ייזל צדק האמר לארץ ויפרח ישע וצדקה תצמיח 1Q8מעל ושחקים יזלו צדק [תפתח] יחד אני יהוה בראתיו
9МТה֗וֹי רָ֚ב אֶת יֹ֣צְר֔וֹ חֶ֖רֶשׂ אֶת חַרְשֵׂ֣י אֲדָמָ֑ה הֲיֹאמַ֨ר חֹ֤מֶר לְיֹֽצְרוֹ֙ מַֽה תַּעֲשֶׂ֔ה וּפָעָלְךָ֖ אֵין יָדַ֥יִם לֽוֹ 1Qisaaהוי רב את יוצריו חרש את חורשי האדמה הוי האומר [וצרו] מה תעשה ופועלכה אין אדם ידים לו 1Q8[הוי] [אדמה] היאמר חמר ליוצרו מה
10МТה֛וֹי אֹמֵ֥ר לְאָ֖ב מַה תּוֹלִ֑יד וּלְאִשָּׁ֖ה מַה תְּחִילִֽין 1Qisaaהוי האומר לאב מה תוליד ולאשה [מה] [תחולין] 1Q8אומר לאב מה תוליד ולאשה מה
11МТכֹּֽה אָמַ֧ר יְהוָ֛ה קְד֥וֹשׁ יִשְׂרָאֵ֖ל וְיֹצְר֑וֹ הָאֹתִיּ֣וֹת שְׁאָל֔וּנִי עַל בָּנַ֛י וְעַל פֹּ֥עַל יָדַ֖י תְּצַוֻּֽנִי 1Qisaaכוה אמר יהוה קדוש ישראל יוצר האותות שאלוני על בני ועל פועל [תצווני] 1Q8[ישראל] ויוצרו האתיות שאלוני [ל]
12МТאָֽנֹכִי֙ עָשִׂ֣יתִי אֶ֔רֶץ וְאָדָ֖ם עָלֶ֣יהָ בָרָ֑אתִי אֲנִ֗י יָדַי֙ נָט֣וּ שָׁמַ֔יִם וְכָל צְבָאָ֖ם צִוֵּֽיתִי 1Qisaaאנוכי עשיתי ארץ ואדם עליהא בראתי אני ידי נטו שמים וכול צויתי
13МТאָנֹכִי֙ הַעִירֹתִ֣הֽוּ בְצֶ֔דֶק וְכָל דְּרָכָ֖יו אֲיַשֵּׁ֑ר הֽוּא יִבְנֶ֤ה עִירִי֙ וְגָלוּתִ֣י יְשַׁלֵּ֔חַ לֹ֤א בִמְחִיר֙ וְלֹ֣א בְשֹׁ֔חַד אָמַ֖ר יְהוָ֥ה צְבָאֽוֹת 1Qisaaאנוכי העירותיהו בצדק וכול דרכיו אישר הואה יבנה [גלתיא] ישלח לוא במחיר ולוא בשוחוד אמר יהוה צבאות 1Q8אנכי [העירתהו] עירי וגלתי [ישלח]
14МТכֹּ֣ה אָמַ֣ר יְהוָ֗ה יְגִ֨יעַ מִצְרַ֥יִם וּֽסְחַר כּוּשׁ֮ וּסְבָאִים֮ אַנְשֵׁ֣י מִדָּה֒ עָלַ֤יִךְ יַעֲבֹ֙רוּ֙ וְלָ֣ךְ יִֽהְי֔וּ אַחֲרַ֣יִךְ יֵלֵ֔כוּ בַּזִּקִּ֖ים יַעֲבֹ֑רוּ וְאֵלַ֤יִךְ יִֽשְׁתַּחֲוּוּ֙ אֵלַ֣יִךְ יִתְפַּלָּ֔לוּ אַ֣ךְ בָּ֥ךְ אֵ֛ל וְאֵ֥ין ע֖וֹד אֶ֥פֶס אֱלֹהִֽים 1Qisaa[כוה] יהוה יגיע מצרים וסחר כוש סבאים אנשי מדות עליך יעבורו ולך יהיו [אחריך] ילכו בזקים יעבורו ואליכי ישתחווה ואליכי יתפללו אך בכי אל ואין עוד [אפס] [אלוהים]
15МТאָכֵ֕ן אַתָּ֖ה אֵ֣ל מִסְתַּתֵּ֑ר אֱלֹהֵ֥י יִשְׂרָאֵ֖ל מוֹשִֽׁיעַ 1Qisaaאכן אתה אל מסתתר אלוהי ישראל מושיע
16МТבּ֥וֹשׁוּ וְגַֽם נִכְלְמ֖וּ כֻּלָּ֑ם יַחְדָּו֙ הָלְכ֣וּ בַכְּלִמָּ֔ה חָרָשֵׁ֖י צִירִֽים 1Qisaaבושו וגמ נכלמו כולמה [יחדיו] וילכו בכלמה חורשי צורים
17МТיִשְׂרָאֵל֙ נוֹשַׁ֣ע בַּיהוָ֔ה תְּשׁוּעַ֖ת עוֹלָמִ֑ים לֹא תֵבֹ֥שׁוּ וְלֹא תִכָּלְמ֖וּ עַד ע֥וֹלְמֵי עַֽד 1Qisaaישראל נושע ביהוה תשועת עולמים לוא תבושו ולוא תכלמו עד עולמי עד
18МТכִּ֣י כֹ֣ה אָֽמַר יְ֠הוָה בּוֹרֵ֨א הַשָּׁמַ֜יִם ה֣וּא הָאֱלֹהִ֗ים יֹצֵ֨ר הָאָ֤רֶץ וְעֹשָׂהּ֙ ה֣וּא כֽוֹנְנָ֔הּ לֹא תֹ֥הוּ בְרָאָ֖הּ לָשֶׁ֣בֶת יְצָרָ֑הּ אֲנִ֥י יְהוָ֖ה וְאֵ֥ין עֽוֹד 1Qisaaכיא כוה אמר יהוה בורה השמים הואה האלוהים ויוצר הארץ ועשיה והואה כוננה לוא לתהו בראה לשבת יצרה אני יהוה ואין עוד
19МТלֹ֧א בַסֵּ֣תֶר דִּבַּ֗רְתִּי בִּמְקוֹם֙ אֶ֣רֶץ חֹ֔שֶׁךְ לֹ֥א אָמַ֛רְתִּי לְזֶ֥רַע יַעֲקֹ֖ב תֹּ֣הוּ בַקְּשׁ֑וּנִי אֲנִ֤י יְהוָה֙ דֹּבֵ֣ר צֶ֔דֶק מַגִּ֖יד מֵישָׁרִֽים 1Qisaaלוא בסתר דברתי במקום ארץ חושך לוא אמרתי לזרע יעקוב תהו בקשוני אני יהוה דובר צדק מגיד מישרים
20МТהִקָּבְצ֥וּ וָבֹ֛אוּ הִֽתְנַגְּשׁ֥וּ יַחְדָּ֖ו פְּלִיטֵ֣י הַגּוֹיִ֑ם לֹ֣א יָדְע֗וּ הַנֹּֽשְׂאִים֙ אֶת עֵ֣ץ פִּסְלָ֔ם וּמִתְפַּלְלִ֔ים אֶל אֵ֖ל לֹ֥א יוֹשִֽׁיעַ 1Qisaaהקבצו ובואו התנגשו ואתיו פליטי הגואים לוא ידעו הנושאים את עץ פסלםה ומתפללים אל אל לוא יושיע
21МТהַגִּ֣ידוּ וְהַגִּ֔ישׁוּ אַ֥ף יִֽוָּעֲצ֖וּ יַחְדָּ֑ו מִ֣י הִשְׁמִיעַ֩ זֹ֨את מִקֶּ֜דֶם מֵאָ֣ז הִגִּידָ֗הּ הֲל֨וֹא אֲנִ֤י יְהוָה֙ וְאֵֽין ע֤וֹד אֱלֹהִים֙ מִבַּלְעָדַ֔י אֵֽל צַדִּ֣יק וּמוֹשִׁ֔יעַ אַ֖יִן זוּלָתִֽי 1Qisaaהגידו והגישו אפ יועצו יחדיו מיא השמיע זואת מקדם מאז הגידה הלוא אני יהוה ואין עוד אלוהים מבלעדי אל צדיק ומושיע ואין זולתי
22МТפְּנוּ אֵלַ֥י וְהִוָּשְׁע֖וּ כָּל אַפְסֵי אָ֑רֶץ כִּ֥י אֲנִי אֵ֖ל וְאֵ֥ין עֽוֹד 1Qisaaפנו אלי והושיעו כול אפסי ארץ כיא אני אל ואין עוד
23МТבִּ֣י נִשְׁבַּ֔עְתִּי יָצָ֨א מִפִּ֧י צְדָקָ֛ה דָּבָ֖ר וְלֹ֣א יָשׁ֑וּב כִּי לִי֙ תִּכְרַ֣ע כָּל בֶּ֔רֶךְ תִּשָּׁבַ֖ע כָּל לָשֽׁוֹן 1Qisaaביא נשבעתי יצא מפיא צדקה דבר ולוא ישוב כיא ליא תכרע כול בירך ותשבע כול לשון
24МТאַ֧ךְ בַּיהוָ֛ה לִ֥י אָמַ֖ר צְדָק֣וֹת וָעֹ֑ז עָדָיו֙ יָב֣וֹא וְיֵבֹ֔שׁוּ כֹּ֖ל הַנֶּחֱרִ֥ים בּֽוֹ 1Qisaaאך ביהוה ליא יאמר צדקות ועוז עדיו יבואו יבושו כול הנחרים בו
25МТבַּיהוָ֛ה יִצְדְּק֥וּ וְיִֽתְהַלְל֖וּ כָּל זֶ֥רַע יִשְׂרָאֵֽל 1Qisaaביהוה יצדקו ויתהללו כול זרע ישראל 4Q56ביהוה [יתהללו] [כל] זרע