Исаии, глава 55
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТה֤וֹי כָּל צָמֵא֙ לְכ֣וּ לַמַּ֔יִם וַאֲשֶׁ֥ר אֵֽין ל֖וֹ כָּ֑סֶף לְכ֤וּ שִׁבְרוּ֙ וֶֽאֱכֹ֔לוּ וּלְכ֣וּ שִׁבְר֗וּ בְּלוֹא כֶ֛סֶף וּבְל֥וֹא מְחִ֖יר יַ֥יִן וְחָלָֽב 1Qisaaהוי כול צמא לכו למים ואשר אין לו כסף לכו שבורו בלוא כסף ובלוא מחיר יין וחלב 4Q57למים ואשר אין לו כסף [לכו] [שבורו] יין וחלב
2МТלָ֤מָּה תִשְׁקְלוּ כֶ֙סֶף֙ בְּֽלוֹא לֶ֔חֶם וִיגִיעֲכֶ֖ם בְּל֣וֹא לְשָׂבְעָ֑ה שִׁמְע֨וּ שָׁמ֤וֹעַ אֵלַי֙ וְאִכְלוּ ט֔וֹב וְתִתְעַנַּ֥ג בַּדֶּ֖שֶׁן נַפְשְׁכֶֽם 1Qisaaלמה תשקולו כסף בלוא לחם ויגיעכם בלוא שבעה שמעו שמעוא אלי ואכולו טוב ותתענג בדשן נפשכם 1Q8שמעו שמוע אלי [ואכלו] [תתענג] בדשן נפשכם 4Q57למה תשקולו [אלי] ואכלו טוב [ותתענג]
3МТהַטּ֤וּ אָזְנְכֶם֙ וּלְכ֣וּ אֵלַ֔י שִׁמְע֖וּ וּתְחִ֣י נַפְשְׁכֶ֑ם וְאֶכְרְתָ֤ה לָכֶם֙ בְּרִ֣ית עוֹלָ֔ם חַֽסְדֵ֥י דָוִ֖ד הַנֶּאֱמָנִֽים 1Qisaaהטו אוזנכמה ולכו אלי ושמעו ותחיה נפשכםה ואכרות לכמה ברית עולם חסדי דויד הנאמנים 1Q8הטו אזנכם ולכו אלי שמעו ותחי נפשכם [אכרתה] לכם ברית עולם חסדי דויד הנאמנים
4МТהֵ֛ן עֵ֥ד לְאוּמִּ֖ים נְתַתִּ֑יו נָגִ֥יד וּמְצַוֵּ֖ה לְאֻמִּֽים 1Qisaaהנה עד לאומים נתתיהו נגיד ומצוה לאומים 1Q8הן עד לאמים נתתיו [נגיד] [מצוה] [לאומים]
5МТהֵ֣ן גּ֤וֹי לֹֽא תֵדַע֙ תִּקְרָ֔א וְג֥וֹי לֹֽא יְדָע֖וּךָ אֵלֶ֣יךָ יָר֑וּצוּ לְמַ֙עַן֙ יְהוָ֣ה אֱלֹהֶ֔יךָ וְלִקְד֥וֹשׁ יִשְׂרָאֵ֖ל כִּ֥י פֵאֲרָֽךְ 1Qisaaהנה גוי לוא תדע תקרא וגוי לוא ידעכה אליכה ירוץ למען יהוה אלוהיך ולקדוש ישראל כיא פארך 1Q8הן גוי לא תדע תקרא [וגוי] אשר [לא] ידעוך אליך [ירוצו] למען [יהוה] [אלהיך] וקדוש ישראל כי [פארך] 4Q57[הן] [גוי] לוא [לוא] ידעוכה [אליכה] אלוהיכה
6МТדִּרְשׁ֥וּ יְהוָ֖ה בְּהִמָּצְא֑וֹ קְרָאֻ֖הוּ בִּֽהְיוֹת֥וֹ קָרֽוֹב 1Qisaaדרושו יהוה בהמצאו קראוהי בהיותו קרוב 1Q8[דרשו] [המצאו] קראהו בהיותו קרוב
7МТיַעֲזֹ֤ב רָשָׁע֙ דַּרְכּ֔וֹ וְאִ֥ישׁ אָ֖וֶן מַחְשְׁבֹתָ֑יו וְיָשֹׁ֤ב אֶל יְהוָה֙ וִֽירַחֲמֵ֔הוּ וְאֶל אֱלֹהֵ֖ינוּ כִּֽי יַרְבֶּ֥ה לִסְלֽוֹחַ 1Qisaaיעזב רשע דרכו ואיש און מחשבותיו וישוב אל יהוה וירחמהו ואל אלוהינו כיא ירבה לסלוח
8МТכִּ֣י לֹ֤א מַחְשְׁבוֹתַי֙ מַחְשְׁב֣וֹתֵיכֶ֔ם וְלֹ֥א דַרְכֵיכֶ֖ם דְּרָכָ֑י נְאֻ֖ם יְהוָֽה 1Qisaaכיא לוא מחשבותי מחשבותיכם ולוא דרכיכמה דרכי נואמ יהוה 1Q8כי לא [מחשבתיכם] מחשבתי ולא דרכיכם דרכי נאם יהוה
9МТכִּֽי גָבְה֥וּ שָׁמַ֖יִם מֵאָ֑רֶץ כֵּ֣ן גָּבְה֤וּ דְרָכַי֙ מִדַּרְכֵיכֶ֔ם וּמַחְשְׁבֹתַ֖י מִמַּחְשְׁבֹתֵיכֶֽם 1Qisaaכיא כגובה שמים מארץ כן גבהו דרכי מדרכיכמה ומחשבותי ממחשבותיכמה 1Q8כי גבהו שמים מ גבהו דרכי מדרכיכם ומחשבתי ממחשבתיכם
10МТכִּ֡י כַּאֲשֶׁ֣ר יֵרֵד֩ הַגֶּ֨שֶׁם וְהַשֶּׁ֜לֶג מִן הַשָּׁמַ֗יִם וְשָׁ֙מָּה֙ לֹ֣א יָשׁ֔וּב כִּ֚י אִם הִרְוָ֣ה אֶת הָאָ֔רֶץ וְהוֹלִידָ֖הּ וְהִצְמִיחָ֑הּ וְנָ֤תַן זֶ֙רַע֙ לַזֹּרֵ֔עַ וְלֶ֖חֶם לָאֹכֵֽל 1Qisaaכיא כאשר ירד הגשם והשלג מן השמים ושמה לוא ישוב כיא אמ הרוה את הארץ והולידה והצמיחה ונתן זרע לזורע ולחם לאכול 1Q8כי כאשר ירד [גשם] והשלג מן השמים ושמה לא ישוב כי אם הרוה את הארץ [והולידה] והצמיחה ונתן זרע לזרע ולחם לאכל
11МТכֵּ֣ן יִֽהְיֶ֤ה דְבָרִי֙ אֲשֶׁ֣ר יֵצֵ֣א מִפִּ֔י לֹֽא יָשׁ֥וּב אֵלַ֖י רֵיקָ֑ם כִּ֤י אִם עָשָׂה֙ אֶת אֲשֶׁ֣ר חָפַ֔צְתִּי וְהִצְלִ֖יחַ אֲשֶׁ֥ר שְׁלַחְתִּֽיו 1Qisaaכן יהיה דברי אשר יצא מפי לוא ישוב אלי ריקם כיא אמ עשה את אשר חפצתי והצליח את אשר שלחתיו 1Q8כן יהיה דברי אשר יצא [מפי] [לא] ישוב אלי ריקם כי אם עשה את אשר חפצתי והצליח את אשר שלחתי
12МТכִּֽי בְשִׂמְחָ֣ה תֵצֵ֔אוּ וּבְשָׁל֖וֹם תּֽוּבָל֑וּן הֶהָרִ֣ים וְהַגְּבָע֗וֹת יִפְצְח֤וּ לִפְנֵיכֶם֙ רִנָּ֔ה וְכָל עֲצֵ֥י הַשָּׂדֶ֖ה יִמְחֲאוּ כָֽף 1Qisaaכיא בשמחה תצאו ובשלום תלכו ההרים והגבעות יפצחו לפניכמה רונה וכול עצי השדה ימחוא כפ 1Q8כי בשמחה תצאון ובשלום תובלון ההרים והגבעות יפצחו לפניכם רנה וכל עצי השדה ימחיו כף
13МТתַּ֤חַת הַֽנַּעֲצוּץ֙ יַעֲלֶ֣ה בְר֔וֹשׁ וְתַ֥חַת הַסִּרְפַּ֖ד יַעֲלֶ֣ה הֲדַ֑ס וְהָיָ֤ה לַֽיהוָה֙ לְשֵׁ֔ם לְא֥וֹת עוֹלָ֖ם לֹ֥א יִכָּרֵֽת 1Qisaaתחת הנעצוץ יעלה בראוש ותחת הסרפוד יעלה אדס והיו ליהוה לאות ולשמ עולם לוא יכרת