Исаии, глава 58
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТקְרָ֤א בְגָרוֹן֙ אַל תַּחְשֹׂ֔ךְ כַּשּׁוֹפָ֖ר הָרֵ֣ם קוֹלֶ֑ךָ וְהַגֵּ֤ד לְעַמִּי֙ פִּשְׁעָ֔ם וּלְבֵ֥ית יַעֲקֹ֖ב חַטֹּאתָֽם 1Qisaaקרא בגרון אל תחשוך כשופר הרם קולכה והגד לעמיא פשעיהםה ולבית יעקוב חטאותםה 1Q8קרא גרון ואל תחשך וכ [הרם] קולך והגד [לעמי] פשעם ולבית יעקב חטאתם 4Q58[שופר] הרם קולך והגד [חטאתם]
2МТוְאוֹתִ֗י י֥וֹם יוֹם֙ יִדְרֹשׁ֔וּן וְדַ֥עַת דְּרָכַ֖י יֶחְפָּצ֑וּן כְּג֞וֹי אֲשֶׁר צְדָקָ֣ה עָשָׂ֗ה וּמִשְׁפַּ֤ט אֱלֹהָיו֙ לֹ֣א עָזָ֔ב יִשְׁאָל֙וּנִי֙ מִשְׁפְּטֵי צֶ֔דֶק קִרְבַ֥ת אֱלֹהִ֖ים יֶחְפָּצֽוּן 1Qisaaאותי יום ויום ידרושו ודעת דרכי יחפצון כגוי אשר צדקה עשה ומשפט אלוהו לוא עזב ישאלוני משפטי צדק קרבת אלוהים יחפצו 1Q8אתי יום יום [ידרשון] ודעת דרכי יחפצון כגוי אשר צדקה עשה ומשפט אלהיו לא עזב ישאלוני משפטי צדק קרבת אלהים יחפצון 4Q58אתי יום יום [גוי] אשר צדקה [ישאלוני] [משפטי] קרבת
3МТלָ֤מָּה צַּ֙מְנוּ֙ וְלֹ֣א רָאִ֔יתָ עִנִּ֥ינוּ נַפְשֵׁ֖נוּ וְלֹ֣א תֵדָ֑ע הֵ֣ן בְּי֤וֹם צֹֽמְכֶם֙ תִּמְצְאוּ חֵ֔פֶץ וְכָל עַצְּבֵיכֶ֖ם תִּנְגֹּֽשׂוּ 1Qisaaלמה צמנו ולוא ראיתה ענינו נפשותינו ולוא תדע הן ביום צומכמה תמצאו חפץ וכולעצביכמ תנגשו 1Q8למה צמנו ולא ראיתה ענינו נפשתינו לא תדע הן ביום צמכם תמצאו חפץ וכל עצבכם תנגשו
4МТהֵ֣ן לְרִ֤יב וּמַצָּה֙ תָּצ֔וּמוּ וּלְהַכּ֖וֹת בְּאֶגְרֹ֣ף רֶ֑שַׁע לֹא תָצ֣וּמוּ כַיּ֔וֹם לְהַשְׁמִ֥יעַ בַּמָּר֖וֹם קוֹלְכֶֽם 1Qisaaהנה לריב ולמצא תצומו ולהכות בגורף רשע לוא תצומו כיום לשמיע במרום קולכמה 1Q8הן לריב ולמצה תצומו להכות באגרף רשע ולא תצומו כיום להשמיע במרום קולכם
5МТהֲכָזֶ֗ה יִֽהְיֶה֙ צ֣וֹם אֶבְחָרֵ֔הוּ י֛וֹם עַנּ֥וֹת אָדָ֖ם נַפְשׁ֑וֹ הֲלָכֹ֨ף כְּאַגְמֹ֜ן רֹאשׁ֗וֹ וְשַׂ֤ק וָאֵ֙פֶר֙ יַצִּ֔יעַ הֲלָזֶה֙ תִּקְרָא צ֔וֹם וְי֥וֹם רָצ֖וֹן לַיהוָֽה 1Qisaaהכזה יהיה צום אבחרהו יום ענות אדם נפשו הלכוף כאוגמן רואשו שק ואפר יציע הלזה תקראו צום יום רצון ליהוה 1Q8הכזה יהיה צום אבחרהו ויום ענות אדם נפשו הלכף כאגמן ראשך שק ואפר יציע הלזה תקרא צום יום רצון ליהוה 4Q58יהיה [צום] הלכף כ תקראו
6МТהֲל֣וֹא זֶה֮ צ֣וֹם אֶבְחָרֵהוּ֒ פַּתֵּ֙חַ֙ חַרְצֻבּ֣וֹת רֶ֔שַׁע הַתֵּ֖ר אֲגֻדּ֣וֹת מוֹטָ֑ה וְשַׁלַּ֤ח רְצוּצִים֙ חָפְשִׁ֔ים וְכָל מוֹטָ֖ה תְּנַתֵּֽקוּ 1Qisaaהלוא זה הצום אשר אבחרהו פתח חרצבות רשע והתר אגודות מטה ושלח רצוצים חופשיים וכול מוטה תנתקו 1Q8הלוא זה צום אבחרהו פתח חרצבת רשע התר אגדת מטה שלח רצצים חפשים וכל מטה תנתקו 4Q58[אבחרהו] שלח [רצוצים]
7МТהֲל֨וֹא פָרֹ֤ס לָֽרָעֵב֙ לַחְמֶ֔ךָ וַעֲנִיִּ֥ים מְרוּדִ֖ים תָּ֣בִיא בָ֑יִת כִּֽי תִרְאֶ֤ה עָרֹם֙ וְכִסִּית֔וֹ וּמִבְּשָׂרְךָ֖ לֹ֥א תִתְעַלָּֽם 1Qisaaהלוא פרוס לרעב לחמכה וענויים מרודים תביא בית כיא תראה ערום וכסיתו בגד ומבשרכה לוא תתעל 1Q8הלוא פרוס לרעב לחמך עניים מרדים תביא בית כי תראה ערום וכסיתו ומבשרך לא תתעלם
8МТאָ֣ז יִבָּקַ֤ע כַּשַּׁ֙חַר֙ אוֹרֶ֔ךָ וַאֲרֻכָתְךָ֖ מְהֵרָ֣ה תִצְמָ֑ח וְהָלַ֤ךְ לְפָנֶ֙יךָ֙ צִדְקֶ֔ךָ כְּב֥וֹד יְהוָ֖ה יַאַסְפֶֽךָ 1Qisaaאז יבקע כשחר אורכה וארוכתכה מהרה תצמח והלך לפניכה צדקכה וכבוד יהוה יאספכה 1Q8אז יבקע כשחר אורך ארוכתך מהרה תצמח והלך לפניך צדקך וכבוד יהוה יאספך
9МТאָ֤ז תִּקְרָא֙ וַיהוָ֣ה יַעֲנֶ֔ה תְּשַׁוַּ֖ע וְיֹאמַ֣ר הִנֵּ֑נִי אִם תָּסִ֤יר מִתּֽוֹכְךָ֙ מוֹטָ֔ה שְׁלַ֥ח אֶצְבַּ֖ע וְדַבֶּר אָֽוֶן 1Qisaaאז תקרא ויהוה יענה תשוע ויואמר הנני אמ תסיר מתוככה מוטה ושלוח אצבע ודבר און 1Q8אז תקרא ויהוה יענה תשויע ויאמר הנני אם תסיר מתוכך מטה שלח אצבע ודבר און
10МТוְתָפֵ֤ק לָֽרָעֵב֙ נַפְשֶׁ֔ךָ וְנֶ֥פֶשׁ נַעֲנָ֖ה תַּשְׂבִּ֑יעַ וְזָרַ֤ח בַּחֹ֙שֶׁךְ֙ אוֹרֶ֔ךָ וַאֲפֵלָתְךָ֖ כַּֽצָּהֳרָֽיִם 1Qisaaותפק לרעב נפשכה ונפש נענה תשביע וזרח בחושך אורכה ואפלתכה כצהורים 1Q8ותפק לרעב נפשך ונפש נענה תשבי וזרח בחשך אורך ואפלתך כצהרים
11МТוְנָחֲךָ֣ יְהוָה֮ תָּמִיד֒ וְהִשְׂבִּ֤יעַ בְּצַחְצָחוֹת֙ נַפְשֶׁ֔ךָ וְעַצְמֹתֶ֖יךָ יַחֲלִ֑יץ וְהָיִ֙יתָ֙ כְּגַ֣ן רָוֶ֔ה וּכְמוֹצָ֣א מַ֔יִם אֲשֶׁ֥ר לֹא יְכַזְּב֖וּ מֵימָֽיו 1Qisaaונחכה יהוה תמיד והשביע בצצחות נפשכה ועצמותיךה יחליצו והייתה כגן רוה וכמוצא מים אשר לוא יכזבו מימיו 1Q8ונחך יהוה תמיד והשביע בצחצחת נפשך ועצמתיך יחלצו והיית כגן רוה וכמוצא מים אשר לא יכזבו מימיו
12МТוּבָנ֤וּ מִמְּךָ֙ חָרְב֣וֹת עוֹלָ֔ם מוֹסְדֵ֥י דוֹר וָד֖וֹר תְּקוֹמֵ֑ם וְקֹרָ֤א לְךָ֙ גֹּדֵ֣ר פֶּ֔רֶץ מְשֹׁבֵ֥ב נְתִיב֖וֹת לָשָֽׁבֶת 1Qisaaובנו ממכה חרבות עולם מוסדי דור ודור תקוםם וקראו לך גודר פרץ משובב נתיבות לשבת 1Q8ובנו ממך חרבות עולם מוסדי דור ודור תקומם וקרא לך גודר פרץ משיב נתיבות לשבת
13МТאִם תָּשִׁ֤יב מִשַּׁבָּת֙ רַגְלֶ֔ךָ עֲשׂ֥וֹת חֲפָצֶ֖יךָ בְּי֣וֹם קָדְשִׁ֑י וְקָרָ֨אתָ לַשַּׁבָּ֜ת עֹ֗נֶג לִקְד֤וֹשׁ יְהוָה֙ מְכֻבָּ֔ד וְכִבַּדְתּוֹ֙ מֵעֲשׂ֣וֹת דְּרָכֶ֔יךָ מִמְּצ֥וֹא חֶפְצְךָ֖ וְדַבֵּ֥ר דָּבָֽר 1Qisaaאמ תשיב משבת רגלכה מעשות חפציכה ביום קודשי וקראתה לשבת עונג ולקדוש יהוה מכבד וכבדתו מעשות דרכיכה וממצוא חפצכה ודבר דבר 1Q8אם תשיב משבת רגלך עשות חפצך ביום קדשי וקראת לשבת ענג ולקדוש יהוה [מכבד] וכבדתו מעשות דרכך ממצוא חפצך [ודבר] דבר 4Q67אם [תשיב] מהשבת רגלך [מעשות] קדשי וקרת לשבת ענג ו מכבד וכבתה [מעשות] דרכיך מלמצ
14МТאָ֗ז תִּתְעַנַּג֙ עַל יְהוָ֔ה וְהִרְכַּבְתִּ֖יךָ עַל בָּ֣מֳתֵי אָ֑רֶץ וְהַאֲכַלְתִּ֗יךָ נַחֲלַת֙ יַעֲקֹ֣ב אָבִ֔יךָ כִּ֛י פִּ֥י יְהוָ֖ה דִּבֵּֽר 1Qisaaאז תתענג על יהוה והרכיבכה על בומתי ארץ והאכילכה נחלת יעקוב אביכה כיא פי יהוה דבר 1Q8אז תתענג יהוה והרכיבך על במתי ארץ והאכלתיך [נחלת] יעקב אביך כי פי יהוה דבר 4Q67אז תתענג על הרכבך [האכלתיך] [נחלת]