Исаии, глава 51
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТשִׁמְע֥וּ אֵלַ֛י רֹ֥דְפֵי צֶ֖דֶק מְבַקְשֵׁ֣י יְהוָ֑ה הַבִּ֙יטוּ֙ אֶל צ֣וּר חֻצַּבְתֶּ֔ם וְאֶל מַקֶּ֥בֶת בּ֖וֹר נֻקַּרְתֶּֽם 1Qisaaשמעו אלי רודפי צדק מבקשי יהוה הביטו אל צור חצבתמה ואל מקבת בור נקרתמה 1Q8שמעו אלי רדפי צדק מבקשי יהוה הביטו [על] צור על מקבת בור נקרתם
2МТהַבִּ֙יטוּ֙ אֶל אַבְרָהָ֣ם אֲבִיכֶ֔ם וְאֶל שָׂרָ֖ה תְּחוֹלֶלְכֶ֑ם כִּי אֶחָ֣ד קְרָאתִ֔יו וַאֲבָרְכֵ֖הוּ וְאַרְבֵּֽהוּ 1Qisaaהביטו אל אברהם אביכמה ואל שרה תחוללכםה כיא אחד קרתיהו ואפרהו וארבהו
3МТכִּֽי נִחַ֨ם יְהוָ֜ה צִיּ֗וֹן נִחַם֙ כָּל חָרְבֹתֶ֔יהָ וַיָּ֤שֶׂם מִדְבָּרָהּ֙ כְּעֵ֔דֶן וְעַרְבָתָ֖הּ כְּגַן יְהוָ֑ה שָׂשׂ֤וֹן וְשִׂמְחָה֙ יִמָּ֣צֵא בָ֔הּ תּוֹדָ֖ה וְק֥וֹל זִמְרָֽה 1Qisaaכיא נחם יהוה ציון נחם כול חרבותיה וישמ מדברה כעדן וערבתה כגן יהוה ששון ושמחה ימצאו בה תודה וקול זמרה נס יגון ואנחה 1Q8כי נחם יהוה [ציון] כל חרבתיה וישם מדברה כעדן וערבתה כגן יהוה [ששון] שמחה ימצא בה תודה וקול זמרה
4МТהַקְשִׁ֤יבוּ אֵלַי֙ עַמִּ֔י וּלְאוּמִּ֖י אֵלַ֣י הַאֲזִ֑ינוּ כִּ֤י תוֹרָה֙ מֵאִתִּ֣י תֵצֵ֔א וּמִשְׁפָּטִ֔י לְא֥וֹר עַמִּ֖ים אַרְגִּֽיעַ 1Qisaaאקשיבו אלי עמי ולאומי אלי האזינו כיא תורה מאתי תצא ומשפטי לאור עמים ארגיע 1Q8הקשיבו אלי עמי ולאמי אלי [האזינו] [כי] תורה מאתי תצא ומשפטי לאור עמים ארגיע
5МТקָר֤וֹב צִדְקִי֙ יָצָ֣א יִשְׁעִ֔י וּזְרֹעַ֖י עַמִּ֣ים יִשְׁפֹּ֑טוּ אֵלַי֙ אִיִּ֣ים יְקַוּ֔וּ וְאֶל זְרֹעִ֖י יְיַחֵלֽוּן 1Qisaaקרוב צדקי יצא ישעי וזרועו עמים ישפוטו אליו איים יקוו ואל זרועו יוחילון 1Q8קרוב [צדקי] [זרועי] עמים ישפטו אלי איים יקוו ואל זרעי [ייחלון]
6МТשְׂאוּ֩ לַשָּׁמַ֨יִם עֵֽינֵיכֶ֜ם וְֽהַבִּ֧יטוּ אֶל הָאָ֣רֶץ מִתַּ֗חַת כִּֽי שָׁמַ֜יִם כֶּעָשָׁ֤ן נִמְלָ֙חוּ֙ וְהָאָ֙רֶץ֙ כַּבֶּ֣גֶד תִּבְלֶ֔ה וְיֹשְׁבֶ֖יהָ כְּמוֹ כֵ֣ן יְמוּת֑וּן וִישֽׁוּעָתִי֙ לְעוֹלָ֣ם תִּֽהְיֶ֔ה וְצִדְקָתִ֖י לֹ֥א תֵחָֽת 1Qisaaשאו שמים עיניכמה והביטו אל הארץ מתחתה וראו מי ברא את אלה ויושביה כמו כן ימותון וישועתי לעולם תהיה וצדקתי לוא תחת 1Q8[עיניכם] והביטו אל הארץ מתחת כי [שמים] [תבלה] וישביה כמוכן ימותון ו תחת
7МТשִׁמְע֤וּ אֵלַי֙ יֹ֣דְעֵי צֶ֔דֶק עַ֖ם תּוֹרָתִ֣י בְלִבָּ֑ם אַל תִּֽירְאוּ֙ חֶרְפַּ֣ת אֱנ֔וֹשׁ וּמִגִּדֻּפֹתָ֖ם אַל תֵּחָֽתּוּ 1Qisaaשמעו אלי יודעי צדק עמ תורתי בלבם אל תיראו חרפת אנוש וממגדפותם אל תחתו 1Q8שמעו אלי יודעי אנוש וממגדפתם אל תחתו
8МТכִּ֤י כַבֶּ֙גֶד֙ יֹאכְלֵ֣ם עָ֔שׁ וְכַצֶּ֖מֶר יֹאכְלֵ֣ם סָ֑ס וְצִדְקָתִי֙ לְעוֹלָ֣ם תִּֽהְיֶ֔ה וִישׁוּעָתִ֖י לְד֥וֹר דּוֹרִֽים 1Qisaaכיא כבגד יואכולם עש וכצמר יאכלם סס וצדקתי לעולם תהיה וישועתי לדור דורים
9МТעוּרִ֨י עוּרִ֤י לִבְשִׁי עֹז֙ זְר֣וֹעַ יְהוָ֔ה ע֚וּרִי כִּ֣ימֵי קֶ֔דֶם דֹּר֖וֹת עוֹלָמִ֑ים הֲל֥וֹא אַתְּ הִ֛יא הַמַּחְצֶ֥בֶת רַ֖הַב מְחוֹלֶ֥לֶת תַּנִּֽין 1Qisaaעורי עורי לבשי עוז זרוע יהוה עורי כימי קדם דורות עולמים הלוא אתי היאה המוחצת רחוב מחללת תנים
10МТהֲל֤וֹא אַתְּ הִיא֙ הַמַּחֲרֶ֣בֶת יָ֔ם מֵ֖י תְּה֣וֹם רַבָּ֑ה הַשָּׂ֙מָה֙ מַֽעֲמַקֵּי יָ֔ם דֶּ֖רֶךְ לַעֲבֹ֥ר גְּאוּלִֽים 1Qisaaהלוא אתי היאה המחרבת ים מי תהום רבא השמה במעמקי ים דרך לעבור גאולים
11МТוּפְדוּיֵ֨י יְהוָ֜ה יְשׁוּב֗וּן וּבָ֤אוּ צִיּוֹן֙ בְּרִנָּ֔ה וְשִׂמְחַ֥ת עוֹלָ֖ם עַל רֹאשָׁ֑ם שָׂשׂ֤וֹן וְשִׂמְחָה֙ יַשִּׂיג֔וּן נָ֖סוּ יָג֥וֹן וַאֲנָחָֽה 1Qisaaופול ופזורי יהוה ישובו ובאו ציון ברונה ושמחת עולם על רואשיהמה ששון ושמחה ישיגו ונס יגון ואנחה 4Q57ציון [תהיה] על [ראשמה] [ישיגון] ו
12МТאָנֹכִ֧י אָנֹכִ֛י ה֖וּא מְנַחֶמְכֶ֑ם מִֽי אַ֤תְּ וַתִּֽירְאִי֙ מֵאֱנ֣וֹשׁ יָמ֔וּת וּמִבֶּן אָדָ֖ם חָצִ֥יר יִנָּתֵֽן 1Qisaaאנוכי אנוכי הואה מנחמכמה מי אתי ותיראי מאנוש ימות ומבן אדם חציר נתן 4Q57[אנוכי] אנוכי [תיראי] [אדם] [חציר]
13МТוַתִּשְׁכַּ֞ח יְהוָ֣ה עֹשֶׂ֗ךָ נוֹטֶ֣ה שָׁמַיִם֮ וְיֹסֵ֣ד אָרֶץ֒ וַתְּפַחֵ֨ד תָּמִ֜יד כָּל הַיּ֗וֹם מִפְּנֵי֙ חֲמַ֣ת הַמֵּצִ֔יק כַּאֲשֶׁ֥ר כּוֹנֵ֖ן לְהַשְׁחִ֑ית וְאַיֵּ֖ה חֲמַ֥ת הַמֵּצִֽיק 1Qisaaותשכחי את יהוה עשכה נוטה שמים ויסד ארץ ותפחד תמיד כול היום ממפני חמת המציק כאשר כונן להשחית ואיה חמת המציק
14МТמִהַ֥ר צֹעֶ֖ה לְהִפָּתֵ֑חַ וְלֹא יָמ֣וּת לַשַּׁ֔חַת וְלֹ֥א יֶחְסַ֖ר לַחְמֽוֹ 1Qisaaמהר צרה להפתח ולוא ימות לשחת ולוא יחסר לחמו
15МТוְאָֽנֹכִי֙ יְהוָ֣ה אֱלֹהֶ֔יךָ רֹגַ֣ע הַיָּ֔ם וַיֶּהֱמ֖וּ גַּלָּ֑יו יְהוָ֥ה צְבָא֖וֹת שְׁמֽוֹ 1Qisaaאנוכי יהוה אלוהיכה רוגע הים ויהמו גליו יהוה צבאות שמו 4Q57[אלוהיכה] רוגע [צבאות]
16МТוָאָשִׂ֤ים דְּבָרַי֙ בְּפִ֔יךָ וּבְצֵ֥ל יָדִ֖י כִּסִּיתִ֑יךָ לִנְטֹ֤עַ שָׁמַ֙יִם֙ וְלִיסֹ֣ד אָ֔רֶץ וְלֵאמֹ֥ר לְצִיּ֖וֹן עַמִּי אָֽתָּה 1Qisaaאשים דברי בפיכה ובצל ידי כסיתיכה לנטוע שמים וליסד ארץ ולאמור לציון עמיא אתה 4Q57[פיכה] [יסד] [ארץ] [אתה]
17МТהִתְעוֹרְרִ֣י הִֽתְעוֹרְרִ֗י ק֚וּמִי יְר֣וּשָׁלִַ֔ם אֲשֶׁ֥ר שָׁתִ֛ית מִיַּ֥ד יְהוָ֖ה אֶת כּ֣וֹס חֲמָת֑וֹ אֶת קֻבַּ֜עַת כּ֧וֹס הַתַּרְעֵלָ֛ה שָׁתִ֖ית מָצִֽית 1Qisaaהתעוררי התעוררי קומי ירושלים אשר שתיתי מיד יהוה את כוס חמתו את קובעת כוס התרעלה שתיתי מצית
18МТאֵין מְנַהֵ֣ל לָ֔הּ מִכָּל בָּנִ֖ים יָלָ֑דָה וְאֵ֤ין מַחֲזִיק֙ בְּיָדָ֔הּ מִכָּל בָּנִ֖ים גִּדֵּֽלָה 1Qisaaאין מנחל לך מכול בנים ילדה ואין מחזיק בידה מכול בנים גדלה
19МТשְׁתַּ֤יִם הֵ֙נָּה֙ קֹֽרְאֹתַ֔יִךְ מִ֖י יָנ֣וּד לָ֑ךְ הַשֹּׁ֧ד וְהַשֶּׁ֛בֶר וְהָרָעָ֥ב וְהַחֶ֖רֶב מִ֥י אֲנַחֲמֵֽךְ 1Qisaaשתים המה קראתכי מי ינוד לכי השד והשבר והרעב והחרב מי ינחמך
20МТבָּנַ֜יִךְ עֻלְּפ֥וּ שָׁכְב֛וּ בְּרֹ֥אשׁ כָּל חוּצ֖וֹת כְּת֣וֹא מִכְמָ֑ר הַֽמְלֵאִ֥ים חֲמַת יְהוָ֖ה גַּעֲרַ֥ת אֱלֹהָֽיִךְ 1Qisaaבניך עולפו שוכבו בראוש כול חוצות כתו מוכמר המלאים חמת יהוה גערת אלוהיך
21МТלָכֵ֛ן שִׁמְעִי נָ֥א זֹ֖את עֲנִיָּ֑ה וּשְׁכֻרַ֖ת וְלֹ֥א מִיָּֽיִן 1Qisaaלכן שמעי נא זואת עניה שכורת ולוא מיין
22МТכֹּֽה אָמַ֞ר אֲדֹנַ֣יִךְ יְהוָ֗ה וֵאלֹהַ֙יִךְ֙ יָרִ֣יב עַמּ֔וֹ הִנֵּ֥ה לָקַ֛חְתִּי מִיָּדֵ֖ךְ אֶת כּ֣וֹס הַתַּרְעֵלָ֑ה אֶת קֻבַּ֙עַת֙ כּ֣וֹס חֲמָתִ֔י לֹא תוֹסִ֥יפִי לִשְׁתּוֹתָ֖הּ עֽוֹד 1Qisaaכוה אמר אדוניך יהוה אלוהיך יריב עמוא הנה לקחתי מידך את כוס התרעלה את קובעת כוס חמתי לוא תוסיפי לשתותו עוד
23МТוְשַׂמְתִּ֙יהָ֙ בְּיַד מוֹגַ֔יִךְ אֲשֶׁר אָמְר֥וּ לְנַפְשֵׁ֖ךְ שְׁחִ֣י וְנַעֲבֹ֑רָה וַתָּשִׂ֤ימִי כָאָ֙רֶץ֙ גֵּוֵ֔ךְ וְכַח֖וּץ לַעֹבְרִֽים 1Qisaaושמתיהו ביד מוגיך ומעניך אשר אמרו לנפשכי שוחי ונעבורה ותשיםי כארץ גוך וכחוץ לעוברים