Исаии, глава 59
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТהֵ֛ן לֹֽא קָצְרָ֥ה יַד יְהוָ֖ה מֵֽהוֹשִׁ֑יעַ וְלֹא כָבְדָ֥ה אָזְנ֖וֹ מִשְּׁמֽוֹעַ 1Qisaaהנה לוא קצרא יד יהוה מהושיע ולוא כבדו אוזניו משמוע
2МТכִּ֤י אִם עֲוֹנֹֽתֵיכֶם֙ הָי֣וּ מַבְדִּלִ֔ים בֵּינֵכֶ֕ם לְבֵ֖ין אֱלֹֽהֵיכֶ֑ם וְחַטֹּֽאותֵיכֶ֗ם הִסְתִּ֧ירוּ פָנִ֛ים מִכֶּ֖ם מִשְּׁמֽוֹעַ 1Qisaaכיא אמ עוונותיכמה היו מבדילים בינכמה לבין אלוהיכמה וחטאותיכםה הסתירו פנים מכמה משמוע 1Q8כי עונתיכם היו מבדילים בינכם ובין אלהיכם וחטאתיכם הסתירו פנים מכם משמוע
3МТכִּ֤י כַפֵּיכֶם֙ נְגֹאֲל֣וּ בַדָּ֔ם וְאֶצְבְּעוֹתֵיכֶ֖ם בֶּֽעָוֹ֑ן שִׂפְתֽוֹתֵיכֶם֙ דִּבְּרוּ שֶׁ֔קֶר לְשׁוֹנְכֶ֖ם עַוְלָ֥ה תֶהְגֶּֽה 1Qisaaכיא כפיכםה נגאלו בדם ואצבעותיכמה בעוון לשונכמה עולה תהגה 1Q8כי כפיכם נגאלו בדם ואצבעתיכם בעון שפתותיכם דברו שקר לשונכם עולה תהגה
4МТאֵין קֹרֵ֣א בְצֶ֔דֶק וְאֵ֥ין נִשְׁפָּ֖ט בֶּאֱמוּנָ֑ה בָּט֤וֹחַ עַל תֹּ֙הוּ֙ וְדַבֶּר שָׁ֔וְא הָר֥וֹ עָמָ֖ל וְהוֹלֵ֥יד אָֽוֶן 1Qisaaאין קורה בצדק ואין נשפט באמונה בטחו על תהו ודבר שו הרוה עמל והולידו און 1Q8אין קורא בצדק ואין נשפט באמונה בטחו על תהו דברו שוא הרו עמל והולידו און
5МТבֵּיצֵ֤י צִפְעוֹנִי֙ בִּקֵּ֔עוּ וְקוּרֵ֥י עַכָּבִ֖ישׁ יֶאֱרֹ֑גוּ הָאֹכֵ֤ל מִבֵּֽיצֵיהֶם֙ יָמ֔וּת וְהַזּוּרֶ֖ה תִּבָּקַ֥ע אֶפְעֶֽה 1Qisaaבצי צפעונים יבקעו וקורי עכביש יירגו האוכל מבציהמה ימות והאזורה תבקע אפע 1Q8בצי צפעוני בקעו וקורי עכביש יארגו האוכל מבציהם [ימות] תבקע אפעה
6МТקֽוּרֵיהֶם֙ לֹא יִהְי֣וּ לְבֶ֔גֶד וְלֹ֥א יִתְכַּסּ֖וּ בְּמַֽעֲשֵׂיהֶ֑ם מַֽעֲשֵׂיהֶם֙ מַֽעֲשֵׂי אָ֔וֶן וּפֹ֥עַל חָמָ֖ס בְּכַפֵּיהֶֽם 1Qisaaקוריהם לוא יהיו לבגד ולוא יכסו במעשיהםה מעשיהםה מעשי און ופועול חמס בכפיהם 1Q8קוריהם לא יהיו לבגד ולא [יתכסו] [מעשיהם] מעשי און [פעל] חמס בכפיהם
7МТרַגְלֵיהֶם֙ לָרַ֣ע יָרֻ֔צוּ וִֽימַהֲר֔וּ לִשְׁפֹּ֖ךְ דָּ֣ם נָקִ֑י מַחְשְׁבֽוֹתֵיהֶם֙ מַחְשְׁב֣וֹת אָ֔וֶן שֹׁ֥ד וָשֶׁ֖בֶר בִּמְסִלּוֹתָֽם 1Qisaaרגליהמה לרע ירוצו וימהרו לשפוך דם נקיא מחשבותיהמה מחשבות און שד ושבר וחמס במסלותיהמה 1Q8[רגליהם] [ימהרו] לשפך דם [נקי] [מחשבתיהם]
8МТדֶּ֤רֶךְ שָׁלוֹם֙ לֹ֣א יָדָ֔עוּ וְאֵ֥ין מִשְׁפָּ֖ט בְּמַעְגְּלוֹתָ֑ם נְתִיבֽוֹתֵיהֶם֙ עִקְּשׁ֣וּ לָהֶ֔ם כֹּ֚ל דֹּרֵ֣ךְ בָּ֔הּ לֹ֥א יָדַ֖ע שָׁלֽוֹם 1Qisaaדרך שלום לוא ידעו ואין משפט במעגלותיהמה נתיבותי המה עקשו להמה כול הדורך בה לוא ידע שלום
9МТעַל כֵּ֗ן רָחַ֤ק מִשְׁפָּט֙ מִמֶּ֔נּוּ וְלֹ֥א תַשִּׂיגֵ֖נוּ צְדָקָ֑ה נְקַוֶּ֤ה לָאוֹר֙ וְהִנֵּה חֹ֔שֶׁךְ לִנְגֹה֖וֹת בָּאֲפֵל֥וֹת נְהַלֵּֽךְ 1Qisaaעל כן רחק משפט ממנו ולוא תשיגנו צדקה נקוה לאור והנה חושך לנגהות באפלה נהלך
10МТנְגַֽשְׁשָׁ֤ה כַֽעִוְרִים֙ קִ֔יר וּכְאֵ֥ין עֵינַ֖יִם נְגַשֵּׁ֑שָׁה כָּשַׁ֤לְנוּ בַֽצָּהֳרַ֙יִם֙ כַּנֶּ֔שֶׁף בָּאַשְׁמַנִּ֖ים כַּמֵּתִֽים 1Qisaaנגשש כעורים קיר וכאין עינים נגששה כשלנו בצהורים כנשף באשמונים כמיתים
11МТנֶהֱמֶ֤ה כַדֻּבִּים֙ כֻּלָּ֔נוּ וְכַיּוֹנִ֖ים הָגֹ֣ה נֶהְגֶּ֑ה נְקַוֶּ֤ה לַמִּשְׁפָּט֙ וָאַ֔יִן לִֽישׁוּעָ֖ה רָחֲקָ֥ה מִמֶּֽנּוּ 1Qisaaנהמה כדבים כולנו כיונים הגוא נהגה נקוה למשפט ואין ולישועה רחקה ממנו
12МТכִּֽי רַבּ֤וּ פְשָׁעֵ֙ינוּ֙ נֶגְדֶּ֔ךָ וְחַטֹּאותֵ֖ינוּ עָ֣נְתָה בָּ֑נוּ כִּֽי פְשָׁעֵ֣ינוּ אִתָּ֔נוּ וַעֲוֹנֹתֵ֖ינוּ יְדַֽעֲנֽוּם 1Qisaaכיא רבו פשעינו נגדכה וחטאותינו ענוא בנו כיא פשעינו אתנו ועוונותינו ידענום
13МТפָּשֹׁ֤עַ וְכַחֵשׁ֙ בַּֽיהוָ֔ה וְנָס֖וֹג מֵאַחַ֣ר אֱלֹהֵ֑ינוּ דַּבֶּר עֹ֣שֶׁק וְסָרָ֔ה הֹר֧וֹ וְהֹג֛וֹ מִלֵּ֖ב דִּבְרֵי שָֽׁקֶר 1Qisaaפשועו וכחש ביהוה ונסוג מאחר אלוהינו ודברו עושק וסרה והגוא מלב דברי שקר
14МТוְהֻסַּ֤ג אָחוֹר֙ מִשְׁפָּ֔ט וּצְדָקָ֖ה מֵרָח֣וֹק תַּעֲמֹ֑ד כִּֽי כָשְׁלָ֤ה בָֽרְחוֹב֙ אֱמֶ֔ת וּנְכֹחָ֖ה לֹא תוּכַ֥ל לָבֽוֹא 1Qisaaואסיג אחור משפט וצדקה מרחוק תעמוד כיא כשלה ברחוב אמת ונכוחה לוא תוכל לבוא
15МТוַתְּהִ֤י הָֽאֱמֶת֙ נֶעְדֶּ֔רֶת וְסָ֥ר מֵרָ֖ע מִשְׁתּוֹלֵ֑ל וַיַּ֧רְא יְהוָ֛ה וַיֵּ֥רַע בְּעֵינָ֖יו כִּֽי אֵ֥ין מִשְׁפָּֽט 1Qisaaותהי האמת נעדרת וסר מרע משתולל וירא יהוה וירע בעיניו כיא אין משפט
16МТוַיַּרְא֙ כִּֽי אֵ֣ין אִ֔ישׁ וַיִּשְׁתּוֹמֵ֖ם כִּ֣י אֵ֣ין מַפְגִּ֑יעַ וַתּ֤וֹשַֽׁע לוֹ֙ זְרֹע֔וֹ וְצִדְקָת֖וֹ הִ֥יא סְמָכָֽתְהוּ 1Qisaaוירא כיא אין איש וישתוממ כיא אין מפגיע ותושע לוא זרועו וצדקתיו היא סמכתהוו
17МТוַיִּלְבַּ֤שׁ צְדָקָה֙ כַּשִּׁרְיָ֔ן וְכ֥וֹבַע יְשׁוּעָ֖ה בְּרֹאשׁ֑וֹ וַיִּלְבַּ֞שׁ בִּגְדֵ֤י נָקָם֙ תִּלְבֹּ֔שֶׁת וַיַּ֥עַט כַּמְעִ֖יל קִנְאָֽה 1Qisaaוילבש צדקה כשרין וכובע ישועה ברואשיו וילבש בגדי נקם תלבושת ויעט כמעיל קנאא
18МТכְּעַ֤ל גְּמֻלוֹת֙ כְּעַ֣ל יְשַׁלֵּ֔ם חֵמָ֣ה לְצָרָ֔יו גְּמ֖וּל לְאֹֽיְבָ֑יו לָאִיִּ֖ים גְּמ֥וּל יְשַׁלֵּֽם 1Qisaaכעל גמולות כעל ישלם חמה לצריו גמול לאויביו לאיים גמול ישלם
19МТוְיִֽירְא֤וּ מִֽמַּעֲרָב֙ אֶת שֵׁ֣ם יְהוָ֔ה וּמִמִּזְרַח שֶׁ֖מֶשׁ אֶת כְּבוֹד֑וֹ כִּֽי יָב֤וֹא כַנָּהָר֙ צָ֔ר ר֥וּחַ יְהוָ֖ה נֹ֥סְסָה בֽוֹ 1Qisaaוייראו ממערב את שמ יהוה וממזרח שמש את כבודיו כיא יבוא כנהר צור רוח יהוה נוססה בוה
20МТוּבָ֤א לְצִיּוֹן֙ גּוֹאֵ֔ל וּלְשָׁבֵ֥י פֶ֖שַׁע בְּיַֽעֲקֹ֑ב נְאֻ֖ם יְהוָֽה 1Qisaaובא אל ציון גואל ולשבי פשע ביעקוב נואמ יהוה
21МТוַאֲנִ֗י זֹ֣את בְּרִיתִ֤י אוֹתָם֙ אָמַ֣ר יְהוָ֔ה רוּחִי֙ אֲשֶׁ֣ר עָלֶ֔יךָ וּדְבָרַ֖י אֲשֶׁר שַׂ֣מְתִּי בְּפִ֑יךָ לֹֽא יָמ֡וּשׁוּ מִפִּיךָ֩ וּמִפִּ֨י זַרְעֲךָ֜ וּמִפִּ֨י זֶ֤רַע זַרְעֲךָ֙ אָמַ֣ר יְהוָ֔ה מֵעַתָּ֖ה וְעַד עוֹלָֽם 1Qisaaואני זואת בריתי אתם אמר יהוה ורוחי אשר עליכה ודברי אשר שמתי בפיכה לוא ימושו מפיכה ומפי זרעכה ומפי זרע זרעכה מעתה ועד עולם 1Q8ואני [זאת] ותם אמר יהוה רוחי אשר עליך ודברי אשר שמתי [לא] [ימוש] מפיך ומפי זרעך ומפי [זרע] זרעך אמר יהוה [מעתה] עולם