Исаии, глава 2
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТהַדָּבָר֙ אֲשֶׁ֣ר חָזָ֔ה יְשַֽׁעְיָ֖הוּ בֶּן אָמ֑וֹץ עַל יְהוּדָ֖ה וִירוּשָׁלִָֽם 1Qisaaהדבר אשר חזה ישעיה בן אמוץ על יהודה וירושלים
2МТוְהָיָ֣ה בְּאַחֲרִ֣ית הַיָּמִ֗ים נָכ֨וֹן יִֽהְיֶ֜ה הַ֤ר בֵּית יְהוָה֙ בְּרֹ֣אשׁ הֶהָרִ֔ים וְנִשָּׂ֖א מִגְּבָע֑וֹת וְנָהֲר֥וּ אֵלָ֖יו כָּל הַגּוֹיִֽם 1Qisaaוהיה באחרית הימים נכון יהיה הר בית יהוה בראש הרים ונשא מגבעות ונהרו עלוהי כול הגואים 4Q59והיה באחרית הימים נכון הר בית יהוה בראש ההרים ונשא [הוא] מגבעות ונהרו אליו כל הגוים
3МТוְֽהָלְכ֞וּ עַמִּ֣ים רַבִּ֗ים וְאָמְרוּ֙ לְכ֣וּ וְנַעֲלֶ֣ה אֶל הַר יְהוָ֗ה אֶל בֵּית֙ אֱלֹהֵ֣י יַעֲקֹ֔ב וְיֹרֵ֙נוּ֙ מִדְּרָכָ֔יו וְנֵלְכָ֖ה בְּאֹרְחֹתָ֑יו כִּ֤י מִצִּיּוֹן֙ תֵּצֵ֣א תוֹרָ֔ה וּדְבַר יְהוָ֖ה מִירוּשָׁלִָֽם 1Qisaaוהלכו עמים רבים ואמרו לכו ונעלה אל בית אלוהי יעקוב וירונו מדרכיו ונאלכה באורחתיו כיא מציון תצא תורה ודבר יהוה מירושלים 4Q59והלכו עמים רבים ואמרו לכו ונעלה אל הר ואל בית אלהי יעקוב ויורנו מדרכיו ונלכה בארחתיו כי מציון תצא [תורה] ודבר מירושלים
4МТוְשָׁפַט֙ בֵּ֣ין הַגּוֹיִ֔ם וְהוֹכִ֖יחַ לְעַמִּ֣ים רַבִּ֑ים וְכִתְּת֨וּ חַרְבוֹתָ֜ם לְאִתִּ֗ים וַחֲנִיתֽוֹתֵיהֶם֙ לְמַזְמֵר֔וֹת לֹא יִשָּׂ֨א ג֤וֹי אֶל גּוֹי֙ חֶ֔רֶב וְלֹא יִלְמְד֥וּ ע֖וֹד מִלְחָמָֽה 1Qisaaושפט בין הגואים וה והוכיח בין לעמים רבים וכתתו את חרבותם לאתים וחניתותיהמ למזמרות ולוא ישא גוי אל גוי חרב ולוא ילמדו עוד מלחמה 4Q56[חרבתם] לאתים וחניתתם [ל] [מלחמה]
5МТבֵּ֖ית יַעֲקֹ֑ב לְכ֥וּ וְנֵלְכָ֖ה בְּא֥וֹר יְהוָֽה 1Qisaaבית יעקוב לכו ונלכה באור יהוה
6МТכִּ֣י נָטַ֗שְׁתָּה עַמְּךָ֙ בֵּ֣ית יַעֲקֹ֔ב כִּ֤י מָלְאוּ֙ מִקֶּ֔דֶם וְעֹֽנְנִ֖ים כַּפְּלִשְׁתִּ֑ים וּבְיַלְדֵ֥י נָכְרִ֖ים יַשְׂפִּֽיקוּ 1Qisaaכיא נטשתה עמך בית יעקוב כיא מלאו מקדם ועוננים כפלשתים ובילדי נכריאים ישפיקו 4Q56[כי] נטשת עמך בית יעקב כי מלאו מ [נכרים] יספקו
7МТוַתִּמָּלֵ֤א אַרְצוֹ֙ כֶּ֣סֶף וְזָהָ֔ב וְאֵ֥ין קֵ֖צֶה לְאֹצְרֹתָ֑יו וַתִּמָּלֵ֤א אַרְצוֹ֙ סוּסִ֔ים וְאֵ֥ין קֵ֖צֶה לְמַרְכְּבֹתָֽיו 1Qisaaותמלא ארצו כספ וזהב ואין קץ לאוצרותיו ותמלא ארצו סוסים ואין קץ למרכבותיו 4Q56ותמלא ארצו כסף וזהב [סוסים] ואין קץ למרכבתיו
8МТוַתִּמָּלֵ֥א אַרְצ֖וֹ אֱלִילִ֑ים לְמַעֲשֵׂ֤ה יָדָיו֙ יִֽשְׁתַּחֲו֔וּ לַאֲשֶׁ֥ר עָשׂ֖וּ אֶצְבְּעֹתָֽיו 1Qisaaותמלא ארצו אלילים למעשה ידיו ישתחוו לאשר לעשו אצבעותיו
9МТוַיִּשַּׁ֥ח אָדָ֖ם וַיִּשְׁפַּל אִ֑ישׁ וְאַל תִּשָּׂ֖א לָהֶֽם 4Q55[אדם] [ישפל] [איש] ולא [תשא] 4Q56וישח אדם וישפל איש ולא
10МТבּ֣וֹא בַצּ֔וּר וְהִטָּמֵ֖ן בֶּֽעָפָ֑ר מִפְּנֵי֙ פַּ֣חַד יְהוָ֔ה וּמֵהֲדַ֖ר גְּאֹנֽוֹ 4Q56[פחד] [יהוה] ומהדר גאונו
11МТעֵינֵ֞י גַּבְה֤וּת אָדָם֙ שָׁפֵ֔ל וְשַׁ֖ח ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדּ֖וֹ בַּיּ֥וֹם הַהֽוּא 1Qisaaועיני גבהות אדם תשפלנה וישח רום אנשים ונשגב יהוה לבדו ביום ההוא
12МТכִּ֣י י֞וֹם לַיהוָ֧ה צְבָא֛וֹת עַ֥ל כָּל גֵּאֶ֖ה וָרָ֑ם וְעַ֖ל כָּל נִשָּׂ֥א וְשָׁפֵֽל 1Qisaaכיא יום ליהוה צבאות על כל גאה ורם ונשא ושפל
14МТוְעַ֖ל כָּל הֶהָרִ֣ים הָרָמִ֑ים וְעַ֖ל כָּל הַגְּבָע֥וֹת הַנִּשָּׂאֽוֹת 1Qisaaועל כל ההרים [רומים] ועל כול הגבעות הנשאות 4Q56[הרים] הרמים על כל [הגבעות]
15МТוְעַ֖ל כָּל מִגְדָּ֣ל גָּבֹ֑הַ וְעַ֖ל כָּל חוֹמָ֥ה בְצוּרָֽה 1Qisaaועל כול מגדל גבה ועל כול בצורה
16МТוְעַ֖ל כָּל אֳנִיּ֣וֹת תַּרְשִׁ֑ישׁ וְעַ֖ל כָּל שְׂכִיּ֥וֹת הַחֶמְדָּֽה 1Qisaaועל כול אניות תרשיש ועל כול שכיות החמדה 4Q56[על] [כל] [תרשיש] ועל
18МТוְהָאֱלִילִ֖ים כָּלִ֥יל יַחֲלֹֽף
19МТוּבָ֙אוּ֙ בִּמְעָר֣וֹת צֻרִ֔ים וּבִמְחִלּ֖וֹת עָפָ֑ר מִפְּנֵ֞י פַּ֤חַד יְהוָה֙ וּמֵהֲדַ֣ר גְּאוֹנ֔וֹ בְּקוּמ֖וֹ לַעֲרֹ֥ץ הָאָֽרֶץ 1Qisaaובאו במערות צורים ובמחלות עפר מפני [יהוה] ומהדר גאונו בקומו לערוץ הארץ
20МТבַּיּ֤וֹם הַהוּא֙ יַשְׁלִ֣יךְ הָאָדָ֔ם אֵ֚ת אֱלִילֵ֣י כַסְפּ֔וֹ וְאֵ֖ת אֱלִילֵ֣י זְהָב֑וֹ אֲשֶׁ֤ר עָֽשׂוּ לוֹ֙ לְהִֽשְׁתַּחֲוֹ֔ת לַחְפֹּ֥ר פֵּר֖וֹת וְלָעֲטַלֵּפִֽים 1Qisaaהוא ישליך האדם את אלילי כספו ואת אלילי זהבו אשר [אצבעותיו] להשתחות לחפרפרים ולעטלפים
21МТלָבוֹא֙ בְּנִקְר֣וֹת הַצֻּרִ֔ים וּבִסְעִפֵ֖י הַסְּלָעִ֑ים מִפְּנֵ֞י פַּ֤חַד יְהוָה֙ וּמֵהֲדַ֣ר גְּאוֹנ֔וֹ בְּקוּמ֖וֹ לַעֲרֹ֥ץ הָאָֽרֶץ 1Qisaaלבוא בנקרות סעפי הסלעים מפני פחד יהוה ומהדר גאונו בקומו לערוץ הארץ
22МТחִדְל֤וּ לָכֶם֙ מִן הָ֣אָדָ֔ם אֲשֶׁ֥ר נְשָׁמָ֖ה בְּאַפּ֑וֹ כִּֽי בַמֶּ֥ה נֶחְשָׁ֖ב הֽוּא 1Qisaaחדלו לכמה מן האדם אשר נשמה באפו כיא במה נחשב הוא