Исаии, глава 14
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТכִּי֩ יְרַחֵ֨ם יְהוָ֜ה אֶֽת יַעֲקֹ֗ב וּבָחַ֥ר עוֹד֙ בְּיִשְׂרָאֵ֔ל וְהִנִּיחָ֖ם עַל אַדְמָתָ֑ם וְנִלְוָ֤ה הַגֵּר֙ עֲלֵיהֶ֔ם וְנִסְפְּח֖וּ עַל בֵּ֥ית יַעֲקֹֽב 1Qisaaכי ירחם יהוה את יעקוב ובחר עוד בישראל והניחם על אדמתם ונלוא הגר עליהם ונספחו [על] בית יעקוב 4Q57[כיא] ירחם [יהוה] [נלוה] הגר [עליהם]
2МТוּלְקָח֣וּם עַמִּים֮ וֶהֱבִיא֣וּם אֶל מְקוֹמָם֒ וְהִֽתְנַחֲל֣וּם בֵּֽית יִשְׂרָאֵ֗ל עַ֚ל אַדְמַ֣ת יְהוָ֔ה לַעֲבָדִ֖ים וְלִשְׁפָח֑וֹת וְהָיוּ֙ שֹׁבִ֣ים לְשֹֽׁבֵיהֶ֔ם וְרָד֖וּ בְּנֹגְשֵׂיהֶֽם 1Qisaaולקחום עמים רבים והביאום אל אדמתם ואל מקוממ והתנחלום בית ישראל אל אדמת יהוה לעבדים ולשפחות והיו שובים לשוביהם ורדים בנוגשיהם 4Q57והתנחלום בית [שוביהם] ורדו
3МТוְהָיָ֗ה בְּי֨וֹם הָנִ֤יחַ יְהוָה֙ לְךָ֔ מֵֽעָצְבְּךָ֖ וּמֵרָגְזֶ֑ךָ וּמִן הָעֲבֹדָ֥ה הַקָּשָׁ֖ה אֲשֶׁ֥ר עֻבַּד בָּֽךְ 1Qisaaוהיה ביום הניח יהוה לך מעצבך ומרוגזך ומן העבודה הקשה אשר עבדו בכה 4Q57[יום] הניח [יהוה] בכה
4МТוְנָשָׂ֜אתָ הַמָּשָׁ֥ל הַזֶּ֛ה עַל מֶ֥לֶךְ בָּבֶ֖ל וְאָמָ֑רְתָּ אֵ֚יךְ שָׁבַ֣ת נֹגֵ֔שׂ שָׁבְתָ֖ה מַדְהֵבָֽה 1Qisaaונשאתה את המשל הזה על מלך בבל ואמרתה איכה [שבת] נוגש שבתה מרהבה 4Q59ונשאת [המשל] אל מלך בבל [ואמרת]
5МТשָׁבַ֥ר יְהוָ֖ה מַטֵּ֣ה רְשָׁעִ֑ים שֵׁ֖בֶט מֹשְׁלִֽים 1Qisaaשבר יהוה מטה רשעים שבט מושלים
6МТמַכֶּ֤ה עַמִּים֙ בְּעֶבְרָ֔ה מַכַּ֖ת בִּלְתִּ֣י סָרָ֑ה רֹדֶ֤ה בָאַף֙ גּוֹיִ֔ם מֻרְדָּ֖ף בְּלִ֥י חָשָֽׂךְ 1Qisaaמכה עמים בעברה מכת בלתי סרה רודה באף גואים מרדף בלי חשך
7МТנָ֥חָה שָׁקְטָ֖ה כָּל הָאָ֑רֶץ פָּצְח֖וּ רִנָּֽה 1Qisaaנחה שקטה כול הארץ פצחו רונה
8МТגַּם בְּרוֹשִׁ֛ים שָׂמְח֥וּ לְךָ֖ אַרְזֵ֣י לְבָנ֑וֹן מֵאָ֣ז שָׁכַ֔בְתָּ לֹֽא יַעֲלֶ֥ה הַכֹּרֵ֖ת עָלֵֽינוּ 1Qisaaגמ ברושים שמחו לך ארזי הלבנון מאז שכבתה ולוא יעלה הכורת עלינו 4Q59גם [ברושים] הכורת עליהם
9МТשְׁא֗וֹל מִתַּ֛חַת רָגְזָ֥ה לְךָ֖ לִקְרַ֣את בּוֹאֶ֑ךָ עוֹרֵ֨ר לְךָ֤ רְפָאִים֙ כָּל עַתּ֣וּדֵי אָ֔רֶץ הֵקִים֙ מִכִּסְאוֹתָ֔ם כֹּ֖ל מַלְכֵ֥י גוֹיִֽם 1Qisaaשאול מתחת רגזה לכה לקרת בואך [עוררה] לכה רפאים כול עתודי ארץ הקימה מכסאותם כול מלכי גואים 4Q59שאול מתחת רגזה לך לקראת בואך כסאותם כל מלכי גוים
10МТכֻּלָּ֣ם יַֽעֲנ֔וּ וְיֹאמְר֖וּ אֵלֶ֑יךָ גַּם אַתָּ֛ה חֻלֵּ֥יתָ כָמ֖וֹנוּ אֵלֵ֥ינוּ נִמְשָֽׁלְתָּ 1Qisaa[כולם] יענו ויאמרו אליך גמ אתה חליתה כמונו אלינו נמשלתה 4Q59יענו [יאמרו] [אליך] גם אתה
11МТהוּרַ֥ד שְׁא֛וֹל גְּאוֹנֶ֖ךָ הֶמְיַ֣ת נְבָלֶ֑יךָ תַּחְתֶּ֙יךָ֙ יֻצַּ֣ע רִמָּ֔ה וּמְכַסֶּ֖יךָ תּוֹלֵעָֽה 1Qisaa[הורד] שאול גאונך המות נבלתך תחתיך יצע רמה ומכסך תולעה 4Q59[גאונך] [המית] נבלת תחתיך ע
12МТאֵ֛יךְ נָפַ֥לְתָּ מִשָּׁמַ֖יִם הֵילֵ֣ל בֶּן שָׁ֑חַר נִגְדַּ֣עְתָּ לָאָ֔רֶץ חוֹלֵ֖שׁ עַל גּוֹיִֽם 1Qisaaהיכה נפלתה מהשמים היליל בן שחר נגדעתה לארץ חולש על גוי
13МТוְאַתָּ֞ה אָמַ֤רְתָּ בִֽלְבָבְךָ֙ הַשָּׁמַ֣יִם אֶֽעֱלֶ֔ה מִמַּ֥עַל לְכֽוֹכְבֵי אֵ֖ל אָרִ֣ים כִּסְאִ֑י וְאֵשֵׁ֥ב בְּהַר מוֹעֵ֖ד בְּיַרְכְּתֵ֥י צָפֽוֹן 1Qisaaואתה אמרתה בלבבכה השמים אעלה ממעלה לכוכבי אל ארים כסאי אשב בהר מועד בירכתי צפון
14МТאֶעֱלֶ֖ה עַל בָּ֣מֳתֵי עָ֑ב אֶדַּמֶּ֖ה לְעֶלְיֽוֹן 1Qisaaאעלה על בומתי עב אדמה לעליון
16МТרֹאֶ֙יךָ֙ אֵלֶ֣יךָ יַשְׁגִּ֔יחוּ אֵלֶ֖יךָ יִתְבּוֹנָ֑נוּ הֲזֶ֤ה הָאִישׁ֙ מַרְגִּ֣יז הָאָ֔רֶץ מַרְעִ֖ישׁ מַמְלָכֽוֹת 1Qisaaרואיך אליך ישגיחו אליכה [יתבוננו] הזה האיש המרגיז הארץ המרעיש ממלכות
17МТשָׂ֥ם תֵּבֵ֛ל כַּמִּדְבָּ֖ר וְעָרָ֣יו הָרָ֑ס אֲסִירָ֖יו לֹא פָ֥תַח בָּֽיְתָה 1Qisaaשם תבל כמדבר עריו הרס אסיריו לוא פתח ביתה
18МТכָּל מַלְכֵ֥י גוֹיִ֖ם כֻּלָּ֑ם שָׁכְב֥וּ בְכָב֖וֹד אִ֥ישׁ בְּבֵיתֽוֹ 1Qisaaכול מלכי גואים שכבו בכבוד איש [בביתו]
19МТוְאַתָּ֞ה הָשְׁלַ֤כְתָּ מִֽקִּבְרְךָ֙ כְּנֵ֣צֶר נִתְעָ֔ב לְב֥וּשׁ הֲרֻגִ֖ים מְטֹ֣עֲנֵי חָ֑רֶב יוֹרְדֵ֥י אֶל אַבְנֵי ב֖וֹר כְּפֶ֥גֶר מוּבָֽס 1Qisaaואתה הושלכתה מקוברך כנצר נתעב לבש הרוגים מטעני חרב יורדו [אל] אבני בור כפגר מובס
20МТלֹֽא תֵחַ֤ד אִתָּם֙ בִּקְבוּרָ֔ה כִּֽי אַרְצְךָ֥ שִׁחַ֖תָּ עַמְּךָ֣ הָרָ֑גְתָּ לֹֽא יִקָּרֵ֥א לְעוֹלָ֖ם זֶ֥רַע מְרֵעִֽים 1Qisaaלוא תחת אותם בקבורה כי ארצך שחתה עמך הרגתה לוא יקראו לעולם זרע מרעים
21МТהָכִ֧ינוּ לְבָנָ֛יו מַטְבֵּ֖חַ בַּעֲוֹ֣ן אֲבוֹתָ֑ם בַּל יָקֻ֙מוּ֙ וְיָ֣רְשׁוּ אָ֔רֶץ וּמָלְא֥וּ פְנֵֽי תֵבֵ֖ל עָרִֽים 1Qisaaהכינו לבניו מטבח בעוון אבותם בל [יקומו] וירשו ארץ ומלו פני תבל ערים
22МТוְקַמְתִּ֣י עֲלֵיהֶ֔ם נְאֻ֖ם יְהוָ֣ה צְבָא֑וֹת וְהִכְרַתִּ֨י לְבָבֶ֜ל שֵׁ֥ם וּשְׁאָ֛ר וְנִ֥ין וָנֶ֖כֶד נְאֻם יְהוָֽה 1Qisaaוקמתי עליהםה נואם יהוה צבאות והכרתי לבבל שם ושארית נין ונכד נואם יהוה
23МТוְשַׂמְתִּ֛יהָ לְמוֹרַ֥שׁ קִפֹּ֖ד וְאַגְמֵי מָ֑יִם וְטֵֽאטֵאתִ֙יהָ֙ בְּמַטְאֲטֵ֣א הַשְׁמֵ֔ד נְאֻ֖ם יְהוָ֥ה צְבָאֽוֹת 1Qisaaושמתי [למירש] קפז אגמי מים וטאטאתי במטאטא השמד נואם יהוה צבאות
24МТנִשְׁבַּ֛ע יְהוָ֥ה צְבָא֖וֹת לֵאמֹ֑ר אִם לֹ֞א כַּאֲשֶׁ֤ר דִּמִּ֙יתִי֙ כֵּ֣ן הָיָ֔תָה וְכַאֲשֶׁ֥ר יָעַ֖צְתִּי הִ֥יא תָקֽוּם 1Qisaaנשבע יהוה צבאות לאמור אמ לוא כאשר דמיתי כן תהיה וכאשר יעצתי היא תקום
25МТלִשְׁבֹּ֤ר אַשּׁוּר֙ בְּאַרְצִ֔י וְעַל הָרַ֖י אֲבוּסֶ֑נּוּ וְסָ֤ר מֵֽעֲלֵיהֶם֙ עֻלּ֔וֹ וְסֻ֨בֳּל֔וֹ מֵעַ֥ל שִׁכְמ֖וֹ יָסֽוּר 1Qisaaלשבור אשור בארצי ועל הרי אבוסנו וסר מעליכמה עלו וסבלו מעל שכמכה יסור
26МТזֹ֛את הָעֵצָ֥ה הַיְּעוּצָ֖ה עַל כָּל הָאָ֑רֶץ וְזֹ֛את הַיָּ֥ד הַנְּטוּיָ֖ה עַל כָּל הַגּוֹיִֽם 1Qisaaזואת העצה היעוצה על כול הארץ וזות היד הנטויה על כול הגואים
27МТכִּֽי יְהוָ֧ה צְבָא֛וֹת יָעָ֖ץ וּמִ֣י יָפֵ֑ר וְיָד֥וֹ הַנְּטוּיָ֖ה וּֽמִ֥י יְשִׁיבֶֽנָּה 1Qisaaכיא יהוה צבאות יעצ ומי וידיו הנטויה ומי ישיבנה
29МТאַֽל תִּשְׂמְחִ֤י פְלֶ֙שֶׁת֙ כֻּלֵּ֔ךְ כִּ֥י נִשְׁבַּ֖ר שֵׁ֣בֶט מַכֵּ֑ךְ כִּֽי מִשֹּׁ֤רֶשׁ נָחָשׁ֙ יֵ֣צֵא צֶ֔פַע וּפִרְי֖וֹ שָׂרָ֥ף מְעוֹפֵֽף 1Qisaaאל [תשמחי] פלשת כולך כי נשבר שבט מככה כי משורש נחש יצא צפע ופריו שרף מעופפ
30МТוְרָעוּ֙ בְּכוֹרֵ֣י דַלִּ֔ים וְאֶבְיוֹנִ֖ים לָבֶ֣טַח יִרְבָּ֑צוּ וְהֵמַתִּ֤י בָֽרָעָב֙ שָׁרְשֵׁ֔ךְ וּשְׁאֵרִיתֵ֖ךְ יַהֲרֹֽג 1Qisaaורעו בכורי דלים ואביונים לבטח ירבצו והמתי ברעב שורשך ושאריתך אהרוג 4Q68[בכורי] דלים [ואביונים] [המתי] ברעב שרשך [ושאריתך]
31МТהֵילִ֤ילִֽי שַׁ֙עַר֙ זַֽעֲקִי עִ֔יר נָמ֖וֹג פְּלֶ֣שֶׁת כֻּלֵּ֑ךְ כִּ֤י מִצָּפוֹן֙ עָשָׁ֣ן בָּ֔א וְאֵ֥ין בּוֹדֵ֖ד בְּמוֹעָדָֽיו 1Qisaaהילילי שער זעקי עיר נמוג פלשת כולך כי מצפון עשן בא ואין מודד במודעיו 4Q68זעקי עיר נםוג פלשת [כלך] בודד בםידעיו
32МТוּמַֽה יַּעֲנֶ֖ה מַלְאֲכֵי ג֑וֹי כִּ֤י יְהוָה֙ יִסַּ֣ד צִיּ֔וֹן וּבָ֥הּ יֶחֱס֖וּ עֲנִיֵּ֥י עַמּֽוֹ 1Qisaaומה יענו מלכי גוי כי יהוה יסד ציון ובו יחסו עניי עמו