Исаии, глава 32
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТהֵ֥ן לְצֶ֖דֶק יִמְלָךְ מֶ֑לֶךְ וּלְשָׂרִ֖ים לְמִשְׁפָּ֥ט יָשֹֽׂרוּ 1Qisaaהנה לצדק ימלוך מלך ולשרים למשפט ישרו
2МТוְהָיָה אִ֥ישׁ כְּמַֽחֲבֵא ר֖וּחַ וְסֵ֣תֶר זָ֑רֶם כְּפַלְגֵי מַ֣יִם בְּצָי֔וֹן כְּצֵ֥ל סֶֽלַע כָּבֵ֖ד בְּאֶ֥רֶץ עֲיֵפָֽה 1Qisaaוהיה איש כמחבה רוח וסתרם זרם כפלגי מים בציין בצל סלע כבד בארץ עיפה
3МТוְלֹ֥א תִשְׁעֶ֖ינָה עֵינֵ֣י רֹאִ֑ים וְאָזְנֵ֥י שֹׁמְעִ֖ים תִּקְשַֽׁבְנָה 1Qisaaולוא תשענה עיני ראים ואזני שומעים תקשבנה
4МТוּלְבַ֥ב נִמְהָרִ֖ים יָבִ֣ין לָדָ֑עַת וּלְשׁ֣וֹן עִלְּגִ֔ים תְּמַהֵ֖ר לְדַבֵּ֥ר צָחֽוֹת 1Qisaaולבב נמהרים יבין לדעת ולשון עלגים תמהר לדבר צוחות
5МТלֹֽא יִקָּרֵ֥א ע֛וֹד לְנָבָ֖ל נָדִ֑יב וּלְכִילַ֕י לֹ֥א יֵֽאָמֵ֖ר שֽׁוֹעַ 1Qisaaלוא יקראו עוד לנבל נדיב ולכילי לוא יואמר שוע
6МТכִּ֤י נָבָל֙ נְבָלָ֣ה יְדַבֵּ֔ר וְלִבּ֖וֹ יַעֲשֶׂה אָ֑וֶן לַעֲשׂ֣וֹת חֹ֗נֶף וּלְדַבֵּ֤ר אֶל יְהוָה֙ תּוֹעָ֔ה לְהָרִיק֙ נֶ֣פֶשׁ רָעֵ֔ב וּמַשְׁקֶ֥ה צָמֵ֖א יַחְסִֽיר 1Qisaaכי נבל נבלה ידבר ולבו חושב און לעשות חנף ולדבר אל יהוה תועה להריק נפש רעב ומשקה צמא יחסיר
7МТוְכֵלַ֖י כֵּלָ֣יו רָעִ֑ים ה֚וּא זִמּ֣וֹת יָעָ֔ץ לְחַבֵּ֤ל עֲנִיִּים֙ בְּאִמְרֵי שֶׁ֔קֶר וּבְדַבֵּ֥ר אֶבְי֖וֹן מִשְׁפָּֽט 1Qisaaוכילי כליו רעים והוא זמות יעצ לחבל עניים באמרי שקר ובדבר אביונים משפט
9МТנָשִׁים֙ שַֽׁאֲנַנּ֔וֹת קֹ֖מְנָה שְׁמַ֣עְנָה קוֹלִ֑י בָּנוֹת֙ בֹּֽטח֔וֹת הַאְזֵ֖נָּה אִמְרָתִֽי 1Qisaaנשימ שאננות קומנה שמענה קולי בנות בוטחות האזינה אמרתי
10МТיָמִים֙ עַל שָׁנָ֔ה תִּרְגַּ֖זְנָה בֹּֽטְח֑וֹת כִּ֚י כָּלָ֣ה בָצִ֔יר אֹ֖סֶף בְּלִ֥י יָבֽוֹא 1Qisaaימים על שנה תרגזנה הבוטחות כי כלה בציר אסף בל יבוא
11МТחִרְדוּ֙ שַֽׁאֲנַנּ֔וֹת רְגָ֖זָה בֹּֽטְח֑וֹת פְּשֹׁ֣טָֽה וְעֹ֔רָה וַחֲג֖וֹרָה עַל חֲלָצָֽיִם 1Qisaaחרדו שאננות רגזה בוטחות פשטה יערו חגרנה וספדנה על החלצים
12МТעַל שָׁדַ֖יִם סֹֽפְדִ֑ים עַל שְׂדֵי חֶ֕מֶד עַל גֶּ֖פֶן פֹּרִיָּֽה 1Qisaaעל שדים סופדים על שדי חמדה על גפן פריה
13МТעַ֚ל אַדְמַ֣ת עַמִּ֔י ק֥וֹץ שָׁמִ֖יר תַּֽעֲלֶ֑ה כִּ֚י עַל כָּל בָּתֵּ֣י מָשׂ֔וֹשׂ קִרְיָ֖ה עַלִּיזָֽה 1Qisaaעל אדמת עמי קוץ ושמיר תעלה כי על כול בתי משוש קריה עליזה
14МТכִּֽי אַרְמ֣וֹן נֻטָּ֔שׁ הֲמ֥וֹן עִ֖יר עֻזָּ֑ב עֹ֣פֶל וָבַ֜חַן הָיָ֨ה בְעַ֤ד מְעָרוֹת֙ עַד עוֹלָ֔ם מְשׂ֥וֹשׂ פְּרָאִ֖ים מִרְעֵ֥ה עֲדָרִֽים 1Qisaaכי ארמון נטש המון עיר עזב עופל ובחן היה בעד מערות עד עולם משוש פראים מרעה לעדרים
15МТעַד יֵ֨עָרֶ֥ה עָלֵ֛ינוּ ר֖וּחַ מִמָּר֑וֹם וְהָיָ֤ה מִדְבָּר֙ לַכַּרְמֶ֔ל וְהַכַּרְמֶ֖ל לַיַּ֥עַר יֵחָשֵֽׁב 1Qisaaעד יערה עלינו רוח ממרום והיה מדבר לכרםל וכרמל ליער יחשב
17МТוְהָיָ֛ה מַעֲשֵׂ֥ה הַצְּדָקָ֖ה שָׁל֑וֹם וַֽעֲבֹדַת֙ הַצְּדָקָ֔ה הַשְׁקֵ֥ט וָבֶ֖טַח עַד עוֹלָֽם 1Qisaaוהיה מעשה הצדקה לשלום ועבודת הצדקה השקט ובטח עד עולם
18МТוְיָשַׁ֥ב עַמִּ֖י בִּנְוֵ֣ה שָׁל֑וֹם וּֽבְמִשְׁכְּנוֹת֙ מִבְטַחִ֔ים וּבִמְנוּחֹ֖ת שַׁאֲנַנּֽוֹת 1Qisaaוישב עמי בנוה שלום ובמשכנות מבטחים ובמנוחות שאננות
19МТוּבָרַ֖ד בְּרֶ֣דֶת הַיָּ֑עַר וּבַשִּׁפְלָ֖ה תִּשְׁפַּ֥ל הָעִֽיר 1Qisaaוברד ברדת היער ובשפלה תשפל היער
20МТאַשְׁרֵיכֶ֕ם זֹרְעֵ֖י עַל כָּל מָ֑יִם מְשַׁלְּחֵ֥י רֶֽגֶל הַשּׁ֖וֹר וְהַחֲמֽוֹר 1Qisaaאשריכמה זורעי על כול מים ומשלחי רגל השור והחמור