Исаии, глава 34
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТקִרְב֤וּ גוֹיִם֙ לִשְׁמֹ֔עַ וּלְאֻמִּ֖ים הַקְשִׁ֑יבוּ תִּשְׁמַ֤ע הָאָ֙רֶץ֙ וּמְלֹאָ֔הּ תֵּבֵ֖ל וְכָל צֶאֱצָאֶֽיהָ 1Qisaaקרובו גואים לשמוע ולאומים הקשיבו תשמע הארצ ומלואה תבל וכול צאצאיה
2МТכִּ֣י קֶ֤צֶף לַֽיהוָה֙ עַל כָּל הַגּוֹיִ֔ם וְחֵמָ֖ה עַל כָּל צְבָאָ֑ם הֶחֱרִימָ֖ם נְתָנָ֥ם לַטָּֽבַח 1Qisaaכיא קצפ ליהוה על כול הגואים וחמה על כול צבאם החרימם ונתנם לטבוח
3МТוְחַלְלֵיהֶ֣ם יֻשְׁלָ֔כוּ וּפִגְרֵיהֶ֖ם יַעֲלֶ֣ה בָאְשָׁ֑ם וְנָמַ֥סּוּ הָרִ֖ים מִדָּמָֽם 1Qisaaוחלליהם יושלכו ופגריהמה יעלה באושמה ונמסו ההרים מדמם
4МТוְנָמַ֙קּוּ֙ כָּל צְבָ֣א הַשָּׁמַ֔יִם וְנָגֹ֥לּוּ כַסֵּ֖פֶר הַשָּׁמָ֑יִם וְכָל צְבָאָ֣ם יִבּ֔וֹל כִּנְבֹ֤ל עָלֶה֙ מִגֶּ֔פֶן וּכְנֹבֶ֖לֶת מִתְּאֵנָֽה 1Qisaaוהעמקים יתבקעו וכול צבא השמים יפולו ונגלו כספר השמים וכול צבאם יבול כנובל עלה מגופן וכנובלת מן תאנה
5МТכִּֽי רִוְּתָ֥ה בַשָּׁמַ֖יִם חַרְבִּ֑י הִנֵּה֙ עַל אֱד֣וֹם תֵּרֵ֔ד וְעַל עַ֥ם חֶרְמִ֖י לְמִשְׁפָּֽט 1Qisaaכיא תראה בשמים חרביא הנה על אדום תרד ועל עמ חרמי למשפט
6МТחֶ֣רֶב לַיהוָ֞ה מָלְאָ֥ה דָם֙ הֻדַּ֣שְׁנָה מֵחֵ֔לֶב מִדַּ֤ם כָּרִים֙ וְעַתּוּדִ֔ים מֵחֵ֖לֶב כִּלְי֣וֹת אֵילִ֑ים כִּ֣י זֶ֤בַח לַֽיהוָה֙ בְּבָצְרָ֔ה וְטֶ֥בַח גָּד֖וֹל בְּאֶ֥רֶץ אֱדֽוֹם 1Qisaaחרב ליהוה מלאה דם הדשנה מחלב מדם כרים ועתודים מחלב כלאיות אילים כיא זבח ליהוה בבוצרה וטבח גדול בארץ אדום
7МТוְיָרְד֤וּ רְאֵמִים֙ עִמָּ֔ם וּפָרִ֖ים עִם אַבִּירִ֑ים וְרִוְּתָ֤ה אַרְצָם֙ מִדָּ֔ם וַעֲפָרָ֖ם מֵחֵ֥לֶב יְדֻשָּֽׁן 1Qisaaוירדו ראמים עממ ופרים עם אבירים ורותה ארצםה מדם ועפרם מחלב ידשן
8МТכִּ֛י י֥וֹם נָקָ֖ם לַֽיהוָ֑ה שְׁנַ֥ת שִׁלּוּמִ֖ים לְרִ֥יב צִיּֽוֹן 1Qisaaכיא יום נקם ליהוה שנת שלומים לריב ציון
9МТוְנֶהֶפְכ֤וּ נְחָלֶ֙יהָ֙ לְזֶ֔פֶת וַעֲפָרָ֖הּ לְגָפְרִ֑ית וְהָיְתָ֣ה אַרְצָ֔הּ לְזֶ֖פֶת בֹּעֵרָֽה 1Qisaaונהפכו נחליה לזפת ועפרה לגפרית והייתה ארצה לזפת ובערה
10МТלַ֤יְלָה וְיוֹמָם֙ לֹ֣א תִכְבֶּ֔ה לְעוֹלָ֖ם יַעֲלֶ֣ה עֲשָׁנָ֑הּ מִדּ֤וֹר לָדוֹר֙ תֶּחֱרָ֔ב לְנֵ֣צַח נְצָחִ֔ים אֵ֥ין עֹבֵ֖ר בָּֽהּ 1Qisaaלילה ויוםם ולוא תכובה לעולם ועלה עשנה מדור לדור ותחרב לנצח נצחים ואין עובר בהא
11МТוִירֵשׁ֙וּהָ֙ קָאַ֣ת וְקִפּ֔וֹד וְיַנְשׁ֥וֹף וְעֹרֵ֖ב יִשְׁכְּנוּ בָ֑הּ וְנָטָ֥ה עָלֶ֛יהָ קַֽו תֹ֖הוּ וְאַבְנֵי בֹֽהוּ 1Qisaaוירשוהה קאת וקפוד וינשוף ועורב ישכונו בהא ונטא עליהא קו ותהו ואבני בהו
12МТחֹרֶ֥יהָ וְאֵֽין שָׁ֖ם מְלוּכָ֣ה יִקְרָ֑אוּ וְכָל שָׂרֶ֖יהָ יִ֥הְיוּ אָֽפֶס 1Qisaaוחריה ואין שמה מלוכה יקראו וכול שריה יהיו כאפס
13МТוְעָלְתָ֤ה אַרְמְנֹתֶ֙יהָ֙ סִירִ֔ים קִמּ֥וֹשׂ וָח֖וֹחַ בְּמִבְצָרֶ֑יהָ וְהָיְתָה֙ נְוֵ֣ה תַנִּ֔ים חָצִ֖יר לִבְנ֥וֹת יַעֲנָֽה 1Qisaaועלתה ארמונותיה סירים קמוש וחוח במבצריהא והייתה נוה תנים חצר לבנות יענה
14МТוּפָגְשׁ֤וּ צִיִּים֙ אֶת אִיִּ֔ים וְשָׂעִ֖יר עַל רֵעֵ֣הוּ יִקְרָ֑א אַךְ שָׁם֙ הִרְגִּ֣יעָה לִּילִ֔ית וּמָצְאָ֥ה לָ֖הּ מָנֽוֹחַ 1Qisaaופגשו ציים את אייאמים ושעיר על רעהו יקרא אכ שמה ירגיעו ליליות ומצאו להמה מנוח
15МТשָׁ֣מָּה קִנְּנָ֤ה קִפּוֹז֙ וַתְּמַלֵּ֔ט וּבָקְעָ֖ה וְדָגְרָ֣ה בְצִלָּ֑הּ אַךְ שָׁ֛ם נִקְבְּצ֥וּ דַיּ֖וֹת אִשָּׁ֥ה רְעוּתָֽהּ 1Qisaaשמה קננה קופד ותמלט ובקעה ודגרה בצלה אכ אכ שמה נקבצו דוות אשה רעותה
16МТדִּרְשׁ֨וּ מֵֽעַל סֵ֤פֶר יְהוָה֙ וּֽקְרָ֔אוּ אַחַ֤ת מֵהֵ֙נָּה֙ לֹ֣א נֶעְדָּ֔רָה אִשָּׁ֥ה רְעוּתָ֖הּ לֹ֣א פָקָ֑דוּ כִּֽי פִי֙ ה֣וּא צִוָּ֔ה וְרוּח֖וֹ ה֥וּא קִבְּצָֽן 1Qisaaדרושו מעל ספר יהוה וקראו ואחת לוא נעדרה אשה רעותה כיא פיהו הוא צוה ורוחהו היאה קבצם
17МТוְהֽוּא הִפִּ֤יל לָהֶן֙ גּוֹרָ֔ל וְיָד֛וֹ חִלְּקַ֥תָּה לָהֶ֖ם בַּקָּ֑ו עַד עוֹלָם֙ יִֽירָשׁ֔וּהָ לְד֥וֹר וָד֖וֹר יִשְׁכְּנוּ בָֽהּ 1Qisaaוהואה הפיל להנה גורל וידיו חלקת להמנה בקו עד עולם ירשוה א לדור ודור ישכנו בה