Исаии, глава 13
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТמַשָּׂ֖א בָּבֶ֑ל אֲשֶׁ֣ר חָזָ֔ה יְשַׁעְיָ֖הוּ בֶּן אָמֽוֹץ 1Qisaaמשא בבל אשר חוזה ישעיה בן אמוץ
2МТעַ֤ל הַר נִשְׁפֶּה֙ שְֽׂאוּ נֵ֔ס הָרִ֥ימוּ ק֖וֹל לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים 1Qisaaעל הר נשפה שאו נס הרימו קול להם הניפו יד יבוא פתחי נדיבים 4Q55על הר נשפה שאו נס הרימו קול להם הניפו יד יבאו פתחי נדיבים
3МТאֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבּוֹרַי֙ לְאַפִּ֔י עַלִּיזֵ֖י גַּאֲוָתִֽי 1Q8[קראתי] גברי לאפי עליזי [גאותי]
4МТק֥וֹל הָמ֛וֹן בֶּֽהָרִ֖ים דְּמ֣וּת עַם רָ֑ב ק֠וֹל שְׁא֞וֹן מַמְלְכ֤וֹת גּוֹיִם֙ נֶֽאֱסָפִ֔ים יְהוָ֣ה צְבָא֔וֹת מְפַקֵּ֖ד צְבָ֥א מִלְחָמָֽה 1Qisaaקול המון בהרים דמות עמ רב קול שאון ממלכות גואים נספים יהוה צבאות מפקד צבא מלחמה 4Q56קול המון בהרים דמות עם רב [קול] [צבאות] מפקיד צבא מלחמה
5МТבָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמ֔וֹ לְחַבֵּ֖ל כָּל הָאָֽרֶץ 1Q8[שמים] [יהוה] וכלי זעמו לחבל [כל]
7МТעַל כֵּ֖ן כָּל יָדַ֣יִם תִּרְפֶּ֑ינָה וְכָל לְבַ֥ב אֱנ֖וֹשׁ יִמָּס 1Qisaaעל כן כול ידין תרפינה וכל לבב אנוש ימס 4Q55על כן כל ידים תרפיניה וכל
8МТוְֽנִבְהָ֓לוּ צִירִ֤ים וַֽחֲבָלִים֙ יֹֽאחֵז֔וּן כַּיּוֹלֵדָ֖ה יְחִיל֑וּן אִ֤ישׁ אֶל רֵעֵ֙הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם 1Qisaaונבהלו צירים וחבלים יאחזון כיולדה יחילון איש אל רעהו יתמהו ופני להבים פניהם
9МТהִנֵּ֤ה יוֹם יְהוָה֙ בָּ֔א אַכְזָרִ֥י וְעֶבְרָ֖ה וַחֲר֣וֹן אָ֑ף לָשׂ֤וּם הָאָ֙רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה 1Qisaaהנה יום יהוה בא אגזרי ועברה וחרון אפ לשום ארצ לשמה וחטאים ישמיד ממנה
10МТכִּֽי כוֹכְבֵ֤י הַשָּׁמַ֙יִם֙ וּכְסִ֣ילֵיהֶ֔ם לֹ֥א יָהֵ֖לּוּ אוֹרָ֑ם חָשַׁ֤ךְ הַשֶּׁ֙מֶשׁ֙ בְּצֵאת֔וֹ וְיָרֵ֖חַ לֹֽא יַגִּ֥יהַ אוֹרֽוֹ 1Qisaaכי כוכבי השמים וכסליהם לוא יאירו אורם חשכ השמש בצאתו וירח לוא יגיה אורו 4Q56בצאתו וירח לא יגה אורו
11МТוּפָקַדְתִּ֤י עַל תֵּבֵל֙ רָעָ֔ה וְעַל רְשָׁעִ֖ים עֲוֹנָ֑ם וְהִשְׁבַּתִּי֙ גְּא֣וֹן זֵדִ֔ים וְגַאֲוַ֥ת עָרִיצִ֖ים אַשְׁפִּֽיל 1Qisaaופקדתי על תבל רעה ועל רשעים עוונם והשבתי גאון זדים וגאות עריצים אשפיל
12МТאוֹקִ֥יר אֱנ֖וֹשׁ מִפָּ֑ז וְאָדָ֖ם מִכֶּ֥תֶם אוֹפִֽיר 1Qisaaאוקר אנוש מפז ואדם מכתם אופיר
13МТעַל כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקוֹמָ֑הּ בְּעֶבְרַת֙ יְהוָ֣ה צְבָא֔וֹת וּבְי֖וֹם חֲר֥וֹן אַפּֽוֹ 4Q56ארגיז ותרעש הארץ ממקוה [בעברת]
14МТוְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל עַמּוֹ֙ יִפְנ֔וּ וְאִ֥ישׁ אֶל אַרְצ֖וֹ יָנֽוּסוּ 1Qisaaוהיו כצבי מדח וכצאון ואין מקבץ איש אל עמו יפנו ואיש אל ארצו ינוסו 4Q55מנדח וכצאן ואין מקבץ איש אל [יפנו] ואיש 4Q56[אין] מקבץ איש אל עמו [יפנו]
15МТכָּל הַנִּמְצָ֖א יִדָּקֵ֑ר וְכָל הַנִּסְפֶּ֖ה יִפּ֥וֹל בֶּחָֽרֶב 1Qisaaכול הנמצא ידקר וכול הנספה יפול בחרב
16МТוְעֹלְלֵיהֶ֥ם יְרֻטְּשׁ֖וּ לְעֵֽינֵיהֶ֑ם יִשַּׁ֙סּוּ֙ בָּֽתֵּיהֶ֔ם וּנְשֵׁיהֶ֖ם תִּשָּׁכַֽבְנָה 1Qisaaועילוליהמה ירוטשו לעיניהם וישסו בתיהם ונשיהמה תשכבנה 4Q55[ירטשו] לעיניהם ישסו [בתיהם] [תשגלנה]
17МТהִנְנִ֛י מֵעִ֥יר עֲלֵיהֶ֖ם אֶת מָדָ֑י אֲשֶׁר כֶּ֙סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ בֽוֹ 1Qisaaהנני מעיר עליהם את מדי אשר כספ לוא יחשוב וזהב לוא יחפצו בו
18МТוּקְשָׁת֖וֹת נְעָרִ֣ים תְּרַטַּ֑שְׁנָה וּפְרִי בֶ֙טֶן֙ לֹ֣א יְרַחֵ֔מוּ עַל בָּנִ֖ים לֹֽא תָח֥וּס עֵינָֽם 1Qisaaוקשתות נערים תרטשנה ועל פרי בטן לוא ירחמו ועל בנים לוא תחוס עינם
19МТוְהָיְתָ֤ה בָבֶל֙ צְבִ֣י מַמְלָכ֔וֹת תִּפְאֶ֖רֶת גְּא֣וֹן כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת סְדֹ֖ם וְאֶת עֲמֹרָֽה 1Qisaaוהיתה בבל צבי ממלכת תפראת גאון כשדיים כמאפכת אלוהים את סודם ואת עומרה
20МТלֹֽא תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד דּ֣וֹר וָד֑וֹר וְלֹֽא יַהֵ֥ל שָׁם֙ עֲרָבִ֔י וְרֹעִ֖ים לֹא יַרְבִּ֥צוּ שָֽׁם 1Qisaaלוא תשב לנצח ולוא תשכון עד דור ודור ולוא יהל שמה ערבי ורועים לוא ירביצו שם
21МТוְרָבְצוּ שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנ֣וֹת יַֽעֲנָ֔ה וּשְׂעִירִ֖ים יְרַקְּדוּ שָֽׁם 1Qisaaורבצו שמ ציים ומלאו בתיהם אחים ושכנו שמה בנות יענה ושעירים ירקדו שם
22МТוְעָנָ֤ה אִיִּים֙ בְּאַלְמנוֹתָ֔יו וְתַנִּ֖ים בְּהֵ֣יכְלֵי עֹ֑נֶג וְקָר֤וֹב לָבוֹא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ 1Qisaaוענה אים באלמנותו ותנים בהיכלו ענוגו קרוב לבוא עתה וימיה לוא ימשכו עוד