Исаии, глава 19
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТמַשָּׂ֖א מִצְרָ֑יִם הִנֵּ֨ה יְהוָ֜ה רֹכֵ֨ב עַל עָ֥ב קַל֙ וּבָ֣א מִצְרַ֔יִם וְנָע֞וּ אֱלִילֵ֤י מִצְרַ֙יִם֙ מִפָּנָ֔יו וּלְבַ֥ב מִצְרַ֖יִם יִמַּ֥ס בְּקִרְבּֽוֹ 1Qisaaמשא מצרים הנה יהוה רוכב על עב קל ובא מצרים ונעו אלילי מצרים מפניו ולבב מצרים ימס בקרבו
2МТוְסִכְסַכְתִּ֤י מִצְרַ֙יִם֙ בְּמִצְרַ֔יִם וְנִלְחֲמ֥וּ אִישׁ בְּאָחִ֖יו וְאִ֣ישׁ בְּרֵעֵ֑הוּ עִ֣יר בְּעִ֔יר מַמְלָכָ֖ה בְּמַמְלָכָֽה 1Qisaaוסכסכתי מצרים במצרים ונלחמו איש באחיו ואיש ברעהו ועיר בעיר ממלכה בממלכה 4Q56[וסכתי] במצרים במצרים [נלחמו] בממלכה
3МТוְנָבְקָ֤ה רֽוּחַ מִצְרַ֙יִם֙ בְּקִרְבּ֔וֹ וַעֲצָת֖וֹ אֲבַלֵּ֑עַ וְדָרְשׁ֤וּ אֶל הָֽאֱלִילִים֙ וְאֶל הָ֣אִטִּ֔ים וְאֶל הָאֹב֖וֹת וְאֶל הַיִּדְּעֹנִֽים 1Qisaaונבקה רוח מצרים בקרבו ועצתו אבלע ודרשו אל אלילים ואל האטים ואל האובות ואל הידעונים
4МТוְסִכַּרְתִּי֙ אֶת מִצְרַ֔יִם בְּיַ֖ד אֲדֹנִ֣ים קָשֶׁ֑ה וּמֶ֤לֶךְ עַז֙ יִמְשָׁל בָּ֔ם נְאֻ֥ם הָאָד֖וֹן יְהוָ֥ה צְבָאֽוֹת 1Qisaaוסכרתי את מצרים ביד אדונים קשה ומלך עז ימשל במ נואמ האדון יהוה צבאות
5МТוְנִשְּׁתוּ מַ֖יִם מֵֽהַיָּ֑ם וְנָהָ֖ר יֶחֱרַ֥ב וְיָבֵֽשׁ 1Qisaaונשתו מים מהים ונהר יחרוב ויבש
6МТוְהֶאֶזְנִ֣יחוּ נְהָר֔וֹת דָּלֲל֥וּ וְחָרְב֖וּ יְאֹרֵ֣י מָצ֑וֹר קָנֶ֥ה וָס֖וּף קָמֵֽלוּ 1Qisaaוהזניחו הנהרות ודללו וחרבו יאורי מצור קנה וסוף וקמלו
7МТעָר֥וֹת עַל יְא֖וֹר עַל פִּ֣י יְא֑וֹר וְכֹל֙ מִזְרַ֣ע יְא֔וֹר יִיבַ֥שׁ נִדַּ֖ף וְאֵינֶֽנּוּ 1Qisaaערות על יאור על פי יאור וכול מזרע יאור יבש ונדף ואין בו 4Q56ערות על יאר על פי [יאר] [ייבש] נדף ואיננו
8МТוְאָנוּ֙ הַדַּיָּגִ֔ים וְאָ֣בְל֔וּ כָּל מַשְׁלִיכֵ֥י בַיְא֖וֹר חַכָּ֑ה וּפֹרְשֵׂ֥י מִכְמֹ֛רֶת עַל פְּנֵי מַ֖יִם אֻמְלָֽלוּ 1Qisaaואנו הדגים ואבלו כול משליכי ביאור חכה ופרשי מכמרת על פני מים אמללו 1Q8[משליכי] ביאר חכה ופרשי [מכמרת] 4Q56ואנו הדיגים ואבלו כל משליכי ב [מכמרת] על פני מים אמללו
9МТוּבֹ֛שׁוּ עֹבְדֵ֥י פִשְׁתִּ֖ים שְׂרִיק֑וֹת וְאֹרְגִ֖ים חוֹרָֽי 1Qisaaיבושו עובדי פשתיים שריקות ואורגים חורו 4Q56יבושו עבדי [פשתים] [ארגים] חורו
10МТוְהָי֥וּ שָׁתֹתֶ֖יהָ מְדֻכָּאִ֑ים כָּל עֹ֥שֵׂי שֶׂ֖כֶר אַגְמֵי נָֽפֶשׁ 1Qisaaוהיו שותתיה מדכאים כל עושי שכר אגמי נפש 4Q56והיו שותתיה מדכאים כל [עשי]
11МТאַךְ אֱוִלִים֙ שָׂ֣רֵי צֹ֔עַן חַכְמֵי֙ יֹעֲצֵ֣י פַרְעֹ֔ה עֵצָ֖ה נִבְעָרָ֑ה אֵ֚יךְ תֹּאמְר֣וּ אֶל פַּרְעֹ֔ה בֶּן חֲכָמִ֥ים אֲנִ֖י בֶּן מַלְכֵי קֶֽדֶם 1Qisaaאך אולים שרי צען חכמיה יועצי פרעוה עצה נבערה איך תאמרו אל פרעה בן חכמים אני בן מלכי קדם 4Q56[אולים] שרי צען חכמי יועצי פרעה עצה נבערה [פרעה] בן חכמים אני בן מלכי קדם
12МТאַיָּם֙ אֵפ֣וֹא חֲכָמֶ֔יךָ וְיַגִּ֥ידוּ נָ֖א לָ֑ךְ וְיֵ֣דְע֔וּ מַה יָּעַ֛ץ יְהוָ֥ה צְבָא֖וֹת עַל מִצְרָֽיִם 1Qisaaאים אפוא חכמיך ויגידונא לך וידעו מה יעץ יהוה צבאות על מצרים
13МТנֽוֹאֲלוּ֙ שָׂ֣רֵי צֹ֔עַן נִשְּׁא֖וּ שָׂ֣רֵי נֹ֑ף הִתְע֥וּ אֶת מִצְרַ֖יִם פִּנַּ֥ת שְׁבָטֶֽיהָ 1Qisaaנאולו שרי צען נשיאי שרי נף התעו את מצרים פנת שבטיה
14МТיְהוָ֛ה מָסַ֥ךְ בְּקִרְבָּ֖הּ ר֣וּחַ עִוְעִ֑ים וְהִתְע֤וּ אֶת מִצְרַ֙יִם֙ בְּכָֽל מַעֲשֵׂ֔הוּ כְּהִתָּע֥וֹת שִׁכּ֖וֹר בְּקִיאֽוֹ 1Qisaaיהוה מסך בקרבה רוח עועיים והתעו את מצרים בכול מעשהו כהתעות שכור בקיאו 4Q56יהוה [נסך] בקרבה רוח כל מעשהו כהתעות שכור בקיאו
15МТוְלֹֽא יִהְיֶ֥ה לְמִצְרַ֖יִם מַֽעֲשֶׂ֑ה אֲשֶׁ֧ר יַעֲשֶׂ֛ה רֹ֥אשׁ וְזָנָ֖ב כִּפָּ֥ה וְאַגְמֽוֹן 1Qisaaולוא יהיה למצרים מעשה אשר יעשה ראוש וזנב כפה ואגמן
16МТבַּיּ֣וֹם הַה֔וּא יִֽהְיֶ֥ה מִצְרַ֖יִם כַּנָּשִׁ֑ים וְחָרַ֣ד וּפָחַ֗ד מִפְּנֵי֙ תְּנוּפַת֙ יַד יְהוָ֣ה צְבָא֔וֹת אֲשֶׁר ה֖וּא מֵנִ֥יף עָלָֽיו 1Qisaaביום הוא יהיה מצרים כנשים וחרדו ופחדו מפני תנופת יד יהוה צבאות אשר הוא מהניף ידו עליה 1Q8[פחד] מפני תנופת [יהוה] [צבאות] 4Q56[יום] ההוא [מצרים] כנשים וחרד פחד מפני תנופת
17МТוְ֠הָיְתָה אַדְמַ֨ת יְהוּדָ֤ה לְמִצְרַ֙יִם֙ לְחָגָּ֔א כֹּל֩ אֲשֶׁ֨ר יַזְכִּ֥יר אֹתָ֛הּ אֵלָ֖יו יִפְחָ֑ד מִפְּנֵ֗י עֲצַת֙ יְהוָ֣ה צְבָא֔וֹת אֲשֶׁר ה֖וּא יוֹעֵ֥ץ עָלָֽיו 1Qisaaוהיית אדמת יהודה למצרים לחוגה כול אשר יזכיר אותה אליו יפחד מפני עצת יהוה צבאות אשר הוא יועץ עליו 4Q56והיתה אדמת יהודה למצרים ל [יפחד] מפני תנופת יד יהוה צבאות
18МТבַּיּ֣וֹם הַה֡וּא יִהְיוּ֩ חָמֵ֨שׁ עָרִ֜ים בְּאֶ֣רֶץ מִצְרַ֗יִם מְדַבְּרוֹת֙ שְׂפַ֣ת כְּנַ֔עַן וְנִשְׁבָּע֖וֹת לַיהוָ֣ה צְבָא֑וֹת עִ֣יר הַהֶ֔רֶס יֵאָמֵ֖ר לְאֶחָֽת 1Qisaaביום ההוא יהיו חמש ערים בארץ מצרים מדברות שפת כנען ונשבעות ליהוה צבאות עיר החרס יאמר לאחת 4Q56[יהיו] חמש ערים בארץ מצרים צבאות עיר החרס יאמר ל
19МТבַּיּ֣וֹם הַה֗וּא יִֽהְיֶ֤ה מִזְבֵּ֙חַ֙ לַֽיהוָ֔ה בְּת֖וֹךְ אֶ֣רֶץ מִצְרָ֑יִם וּמַצֵּבָ֥ה אֵֽצֶל גְּבוּלָ֖הּ לַֽיהוָֽה 4Q56ההוא יהיה מזבח ליהוה [צבאות] [גבולה] ליהוה
20МТוְהָיָ֨ה לְא֥וֹת וּלְעֵ֛ד לַֽיהוָ֥ה צְבָא֖וֹת בְּאֶ֣רֶץ מִצְרָ֑יִם כִּֽי יִצְעֲק֤וּ אֶל יְהוָה֙ מִפְּנֵ֣י לֹֽחֲצִ֔ים וְיִשְׁלַ֥ח לָהֶ֛ם מוֹשִׁ֥יעַ וָרָ֖ב וְהִצִּילָֽם 1Qisaaוהייה לאות ולעד ליהוה צבאות בארץ מצרים כי יצעקו אל יהוה מפני לוחצים ושלח להם מושיע וירד והצילם 4Q56והיה לאות ולעד ל [יהוה] מפני לחצים וישלח להם [מושיע]
21МТוְנוֹדַ֤ע יְהוָה֙ לְמִצְרַ֔יִם וְיָדְע֥וּ מִצְרַ֛יִם אֶת יְהוָ֖ה בַּיּ֣וֹם הַה֑וּא וְעָֽבְדוּ֙ זֶ֣בַח וּמִנְחָ֔ה וְנָדְרוּ נֵ֥דֶר לַֽיהוָ֖ה וְשִׁלֵּֽמוּ 1Qisaaונודע יהוה למצרים וידעו מצרים את יהוה ביום ההוא יעבדו זבח ומנחה ונדרו נדר ליהוה ושלמו 1Q8ונודע [יהוה] נדרו נדר ליהוה [ושלמו] 4Q56מצרים את יהוה ביום [ההוא] שלמו
22МТוְנָגַ֧ף יְהוָ֛ה אֶת מִצְרַ֖יִם נָגֹ֣ף וְרָפ֑וֹא וְשָׁ֙בוּ֙ עַד יְהוָ֔ה וְנֶעְתַּ֥ר לָהֶ֖ם וּרְפָאָֽם 1Qisaaונגף יהוה את מצרים נגף ונרפו ושבו עד יהוה ונעתר להם ורפאם 4Q56ונגף יהוה מצרים [רפאם]
23МТבַּיּ֣וֹם הַה֗וּא תִּהְיֶ֨ה מְסִלָּ֤ה מִמִּצְרַ֙יִם֙ אַשּׁ֔וּרָה וּבָֽא אַשּׁ֥וּר בְּמִצְרַ֖יִם וּמִצְרַ֣יִם בְּאַשּׁ֑וּר וְעָבְד֥וּ מִצְרַ֖יִם אֶת אַשּֽׁוּר 1Q8ביום ההוא מצרים באשור ועבדו מצרים [את]
24МТבַּיּ֣וֹם הַה֗וּא יִהְיֶ֤ה יִשְׂרָאֵל֙ שְׁלִ֣ישִׁיָּ֔ה לְמִצְרַ֖יִם וּלְאַשּׁ֑וּר בְּרָכָ֖ה בְּקֶ֥רֶב הָאָֽרֶץ 1Q8[מצרים] ולאשור ברכה בקרב הארץ
25МТאֲשֶׁ֧ר בֵּרֲכ֛וֹ יְהוָ֥ה צְבָא֖וֹת לֵאמֹ֑ר בָּר֨וּךְ עַמִּ֜י מִצְרַ֗יִם וּמַעֲשֵׂ֤ה יָדַי֙ אַשּׁ֔וּר וְנַחֲלָתִ֖י יִשְׂרָאֵֽל 1Qisaaאשר ברכו יהוה צבאות לאמור ברוך עמי מצרים ומעשה ידי אשור ונחלתי ישראל 4Q56אמר ברוך עמי מצרים [ומעשה]