Исаии, глава 50
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТכֹּ֣ה אָמַ֣ר יְהוָ֗ה אֵ֣י זֶ֠ה סֵ֣פֶר כְּרִית֤וּת אִמְּכֶם֙ אֲשֶׁ֣ר שִׁלַּחְתִּ֔יהָ א֚וֹ מִ֣י מִנּוֹשַׁ֔י אֲשֶׁר מָכַ֥רְתִּי אֶתְכֶ֖ם ל֑וֹ הֵ֤ן בַּעֲוֹנֹֽתֵיכֶם֙ נִמְכַּרְתֶּ֔ם וּבְפִשְׁעֵיכֶ֖ם שֻׁלְּחָ֥ה אִמְּכֶֽם 1Qisaaכוה אמר יהוה אי זה ספר כריתות אמכמה אשר שלחתיה או מי מנושי אשר מכרתי אתכמה לו הנה בעוונותיכמה נמכרתמה ובפשעיכמה שולחה אמכםה
2МТמַדּ֨וּעַ בָּ֜אתִי וְאֵ֣ין אִ֗ישׁ קָרָֽאתִי֮ וְאֵ֣ין עוֹנֶה֒ הֲקָצ֨וֹר קָצְרָ֤ה יָדִי֙ מִפְּד֔וּת וְאִם אֵֽין בִּ֥י כֹ֖חַ לְהַצִּ֑יל הֵ֣ן בְּגַעֲרָתִ֞י אַחֲרִ֣יב יָ֗ם אָשִׂ֤ים נְהָרוֹת֙ מִדְבָּ֔ר תִּבְאַ֤שׁ דְּגָתָם֙ מֵאֵ֣ין מַ֔יִם וְתָמֹ֖ת בַּצָּמָֽא 1Qisaaמדוע באתי ואין איש קראתי ואין עונה הקצור קצרה ידי מפדות אמ אין בי כוח להציל הנה בגערתי אחריב ים אשים נהרות מדבר תיבש דגתם מאין מים ותמות בצמא
3МТאַלְבִּ֥ישׁ שָׁמַ֖יִם קַדְר֑וּת וְשַׂ֖ק אָשִׂ֥ים כְּסוּתָֽם 1Qisaaאלבישה שמים קדרות ושק אשים כסותם
4МТאֲדֹנָ֣י יְהֹוִ֗ה נָ֤תַן לִי֙ לְשׁ֣וֹן לִמּוּדִ֔ים לָדַ֛עַת לָע֥וּת אֶת יָעֵ֖ף דָּבָ֑ר יָעִ֣יר בַּבֹּ֣קֶר בַּבֹּ֗קֶר יָעִ֥יר לִי֙ אֹ֔זֶן לִשְׁמֹ֖עַ כַּלִּמּוּדִֽים 1Qisaaאדוני יהוה נתן לי לשון למודים לדעת לעות את יעף דבו ויעיר בבוקר בבוקר ויעיר לי אוזן לשמוע כלמודים
5МТאֲדֹנָ֤י יְהוִה֙ פָּתַֽח לִ֣י אֹ֔זֶן וְאָנֹכִ֖י לֹ֣א מָרִ֑יתִי אָח֖וֹר לֹ֥א נְסוּגֹֽתִי 1Qisaaאדוני אלוהים פתח לי אוזן ואנוכי לוא מריתי אחור לוא נסגותי
6МТגֵּוִי֙ נָתַ֣תִּי לְמַכִּ֔ים וּלְחָיַ֖י לְמֹֽרְטִ֑ים פָּנַי֙ לֹ֣א הִסְתַּ֔רְתִּי מִכְּלִמּ֖וֹת וָרֹֽק 1Qisaaגוי נתתי למכים ולחיי למטלים פני לוא הסירותי מכלמות ורוק
7МТוַאדֹנָ֤י יְהוִה֙ יַֽעֲזָר לִ֔י עַל כֵּ֖ן לֹ֣א נִכְלָ֑מְתִּי עַל כֵּ֞ן שַׂ֤מְתִּי פָנַי֙ כַּֽחַלָּמִ֔ישׁ וָאֵדַ֖ע כִּי לֹ֥א אֵבֽוֹשׁ 1Qisaaואדוני יהוה יעזור לי על כן לוא נכלמתי על כן שמתי פני כחלמיש ואדעה כיא לוא אבוש
8МТקָרוֹב֙ מַצְדִּיקִ֔י מִֽי יָרִ֥יב אִתִּ֖י נַ֣עַמְדָה יָּ֑חַד מִֽי בַ֥עַל מִשְׁפָּטִ֖י יִגַּ֥שׁ אֵלָֽי 1Qisaaקרוב מצדיקי מי יריב אתי נעמודה יחדיו מי בעל משפטי יגש אלי
9МТהֵ֣ן אֲדֹנָ֤י יְהוִה֙ יַֽעֲזָר לִ֔י מִי ה֖וּא יַרְשִׁיעֵ֑נִי הֵ֤ן כֻּלָּם֙ כַּבֶּ֣גֶד יִבְל֔וּ עָ֖שׁ יֹאכְלֵֽם 1Qisaaהנה אדוני יהוה יעזור ליא מי הואה ירשיעני הנה כולם כבגד יבלו עש יאכולם
10МТמִ֤י בָכֶם֙ יְרֵ֣א יְהוָ֔ה שֹׁמֵ֖עַ בְּק֣וֹל עַבְדּ֑וֹ אֲשֶׁ֣ר הָלַ֣ךְ חֲשֵׁכִ֗ים וְאֵ֥ין נֹ֙גַהּ֙ ל֔וֹ יִבְטַח֙ בְּשֵׁ֣ם יְהוָ֔ה וְיִשָּׁעֵ֖ן בֵּאלֹהָֽיו 1Qisaaמי בכםה יראי יהוה שומע בקול עבדו אשר הלכו חשוכים ואין נוגה לו יבטח בשם יהוה וישען באלוהיו
11МТהֵ֧ן כֻּלְּכֶ֛ם קֹ֥דְחֵי אֵ֖שׁ מְאַזְּרֵ֣י זִיק֑וֹת לְכ֣וּ בְּא֣וּר אֶשְׁכֶ֗ם וּבְזִיקוֹת֙ בִּֽעַרְתֶּ֔ם מִיָּדִי֙ הָיְתָה זֹּ֣את לָכֶ֔ם לְמַעֲצֵבָ֖ה תִּשְׁכָּבֽוּן 1Qisaaהנה כולם קודחי אש מאזרי זיקות לכו באור אשכמה ובזיקות בערתמה מידי הייתה זואת לכמה למעצבה תשכבו 1Q8הן כלכם קדחי אש ומאזרי זיקות לכו ובזיקות בערתם מידי היתה זאת לכם למעצבה [תשכבון]