Исаии, глава 16
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТשִׁלְחוּ כַ֥ר מֹשֵֽׁל אֶ֖רֶץ מִסֶּ֣לַע מִדְבָּ֑רָה אֶל הַ֖ר בַּת צִיּֽוֹן 1Qisaaשלחו כרמשל ארץ מסלה מדברה אל הר בת ציון
2МТוְהָיָ֥ה כְעוֹף נוֹדֵ֖ד קֵ֣ן מְשֻׁלָּ֑ח תִּֽהְיֶ֙ינָה֙ בְּנ֣וֹת מוֹאָ֔ב מַעְבָּרֹ֖ת לְאַרְנֽוֹן 1Qisaaוהיא כעופ נודד קן משלח תהינה בנות מואב מעברת לארנון
3МТהָבִ֤יאִי עֵצָה֙ עֲשׂ֣וּ פְלִילָ֔ה שִׁ֧יתִי כַלַּ֛יִל צִלֵּ֖ךְ בְּת֣וֹךְ צָהֳרָ֑יִם סַתְּרִי֙ נִדָּחִ֔ים נֹדֵ֖ד אַל תְּגַלִּֽי 1Qisaaהביו עצה עשו פלילה שיתי כליל צלך בתוך צהרים סתרי נדחים נודד אל תגלי
4МТיָג֤וּרוּ בָךְ֙ נִדָּחַ֔י מוֹאָ֛ב הֱוִי סֵ֥תֶר לָ֖מוֹ מִפְּנֵ֣י שׁוֹדֵ֑ד כִּֽי אָפֵ֤ס הַמֵּץ֙ כָּ֣לָה שֹׁ֔ד תַּ֥מּוּ רֹמֵ֖ס מִן הָאָֽרֶץ 1Qisaaיגורו בכ נדחי מואב הוי סתר למו מפני שודד כי אפס המוץ כלה שד תמ רומס מן הארץ
5МТוְהוּכַ֤ן בַּחֶ֙סֶד֙ כִּסֵּ֔א וְיָשַׁ֥ב עָלָ֛יו בֶּאֱמֶ֖ת בְּאֹ֣הֶל דָּוִ֑ד שֹׁפֵ֛ט וְדֹרֵ֥שׁ מִשְׁפָּ֖ט וּמְהִ֥ר צֶֽדֶק 1Qisaaוהוכן בחסד כסא וישב עליו באמת באוהלו דויד שופט ודורש משפט ומהר צדק
6МТשָׁמַ֥עְנוּ גְאוֹן מוֹאָ֖ב גֵּ֣א מְאֹ֑ד גַּאֲוָת֧וֹ וּגְאוֹנ֛וֹ וְעֶבְרָת֖וֹ לֹא כֵ֥ן בַּדָּֽיו 1Qisaaשמענו גאון מואב גאה מואד גאתו וגאונו ועברתו לכן בדיו
7МТלָכֵ֗ן יְיֵלִ֥יל מוֹאָ֛ב לְמוֹאָ֖ב כֻּלֹּ֣ה יְיֵלִ֑יל לַאֲשִׁישֵׁ֧י קִיר חֲרֶ֛שֶׂת תֶּהְגּ֖וּ אַךְ נְכָאִֽים 1Qisaaולכן לוא ייליל מואב למואב כלה ייליל לאשישי קיר חרשת תהגו אכ נכאים
8МТכִּ֣י שַׁדְמוֹת֩ חֶשְׁבּ֨וֹן אֻמְלָ֜ל גֶּ֣פֶן שִׂבְמָ֗ה בַּעֲלֵ֤י גוֹיִם֙ הָלְמ֣וּ שְׂרוּקֶּ֔יהָ עַד יַעְזֵ֥ר נָגָ֖עוּ תָּ֣עוּ מִדְבָּ֑ר שְׁלֻ֣חוֹתֶ֔יהָ נִטְּשׁ֖וּ עָ֥בְרוּ יָֽם 1Qisaaכי שדמות חשבון אמללה גפן שבמה
9МТעַל כֵּ֡ן אֶבְכֶּ֞ה בִּבְכִ֤י יַעְזֵר֙ גֶּ֣פֶן שִׂבְמָ֔ה אֲרַיָּ֙וֶךְ֙ דִּמְעָתִ֔י חֶשְׁבּ֖וֹן וְאֶלְעָלֵ֑ה כִּ֧י עַל קֵיצֵ֛ךְ וְעַל קְצִירֵ֖ךְ הֵידָ֥ד נָפָֽל 1Qisaaארזיך דמעתי חשבון ואלעלה כיא לעל קיצך ועל קצירך הידד נפל
10МТוְנֶאֱסַ֨ף שִׂמְחָ֤ה וָגִיל֙ מִן הַכַּרְמֶ֔ל וּבַכְּרָמִ֥ים לֹֽא יְרֻנָּ֖ן לֹ֣א יְרֹעָ֑ע יַ֗יִן בַּיְקָבִ֛ים לֹֽא יִדְרֹ֥ךְ הַדֹּרֵ֖ךְ הֵידָ֥ד הִשְׁבַּֽתִּי 1Qisaaונאסף שמחה וגיל מן הכרמל ובכרמים לוא ירננו ולוא ירועע יין ביקבים לוא ידרוך הדורך הידד השבתי
12МТוְהָיָ֧ה כִֽי נִרְאָ֛ה כִּֽי נִלְאָ֥ה מוֹאָ֖ב עַל הַבָּמָ֑ה וּבָ֧א אֶל מִקְדָּשׁ֛וֹ לְהִתְפַּלֵּ֖ל וְלֹ֥א יוּכָֽל 1Qisaaיהיה כי נראה כי בא מואב על הבמה ובא אל מקדשיו להתפלל ולוא [יוכל]
14МТוְעַתָּ֗ה דִּבֶּ֣ר יְהוָה֮ לֵאמֹר֒ בְּשָׁלֹ֤שׁ שָׁנִים֙ כִּשְׁנֵ֣י שָׂכִ֔יר וְנִקְלָה֙ כְּב֣וֹד מוֹאָ֔ב בְּכֹ֖ל הֶהָמ֣וֹן הָרָ֑ב וּשְׁאָ֥ר מְעַ֛ט מִזְעָ֖ר ל֥וֹא כַבִּֽיר 1Qisaaועתה דבר יהוה לאמור בשלוש שנים כשני שכיר ונקלה כבוד מואב בכול ההמון הרב ושאר מעט מזצער ולוא כבוד