Исаии, глава 57
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТהַצַּדִּ֣יק אָבָ֔ד וְאֵ֥ין אִ֖ישׁ שָׂ֣ם עַל לֵ֑ב וְאַנְשֵׁי חֶ֤סֶד נֶֽאֱסָפִים֙ בְּאֵ֣ין מֵבִ֔ין כִּֽי מִפְּנֵ֥י הָרָעָ֖ה נֶאֱסַ֥ף הַצַּדִּֽיק 1Qisaaוהצדיק אובד ואין איש שמ על לב ואנשי החסד נאספים באין מבין כיא מפני הרעה נאסף הצדיק
2МТיָב֣וֹא שָׁל֔וֹם יָנ֖וּחוּ עַל מִשְׁכְּבוֹתָ֑ם הֹלֵ֖ךְ נְכֹחֽוֹ 1Qisaaויבוא שלום וינוחו על משכבותיו הלוך נוכחה 1Q8[יבואו] שלום משכבתם הולך נכחה
3МТוְאַתֶּ֥ם קִרְבוּ הֵ֖נָּה בְּנֵ֣י עֹנְנָ֑ה זֶ֥רַע מְנָאֵ֖ף וַתִּזְנֶֽה 1Qisaaואתמה קרובו הנה בני עננה זרע מנאף ותזנו
4МТעַל מִי֙ תִּתְעַנָּ֔גוּ עַל מִ֛י תַּרְחִ֥יבוּ פֶ֖ה תַּאֲרִ֣יכוּ לָשׁ֑וֹן הֲלֽוֹא אַתֶּ֥ם יִלְדֵי פֶ֖שַׁע זֶ֥רַע שָֽׁקֶר 1Qisaaעל מיא תתענגו ועל מיא תרחיבו פה תאריכו לשון הלוא אתמה ילודי פשע זרע שקר
5МТהַנֵּֽחָמִים֙ בָּֽאֵלִ֔ים תַּ֖חַת כָּל עֵ֣ץ רַעֲנָ֑ן שֹׁחֲטֵ֤י הַיְלָדִים֙ בַּנְּחָלִ֔ים תַּ֖חַת סְעִפֵ֥י הַסְּלָעִֽים 1Qisaaהנחמים באלים תחת כול עץ רענן שוחטי הילדים בנחלים תחת שעפי הסלעים
6МТבְּחַלְּקֵי נַ֣חַל חֶלְקֵ֔ךְ הֵ֥ם הֵ֖ם גּוֹרָלֵ֑ךְ גַּם לָהֶ֞ם שָׁפַ֥כְתְּ נֶ֙סֶךְ֙ הֶעֱלִ֣ית מִנְחָ֔ה הַ֥עַל אֵ֖לֶּה אֶנָּחֵֽם 1Qisaaבחלקי נחל חלקכה שמה המה גורלכה גמ להמה שפכתה נסך העליתה מנחה העל אלה אנחם
7МТעַ֤ל הַר גָּבֹ֙הַּ֙ וְנִשָּׂ֔א שַׂ֖מְתְּ מִשְׁכָּבֵ֑ךְ גַּם שָׁ֥ם עָלִ֖ית לִזְבֹּ֥חַ זָֽבַח 1Qisaaעל הר גבה ונשא שמת משכבכה גמ שמ עלית לזבוח זבח
8МТוְאַחַ֤ר הַדֶּ֙לֶת֙ וְהַמְּזוּזָ֔ה שַׂ֖מְתְּ זִכְרוֹנֵ֑ךְ כִּ֣י מֵאִתִּ֞י גִּלִּ֣ית וַֽתַּעֲלִ֗י הִרְחַ֤בְתְּ מִשְׁכָּבֵךְ֙ וַתִּכְרָת לָ֣ךְ מֵהֶ֔ם אָהַ֥בְתְּ מִשְׁכָּבָ֖ם יָ֥ד חָזִֽית 1Qisaaואחר הדלת והמזוזה שמתה זכרונכה כיא מאתי גליתה ותעלו הרחבת משכבך ותכרותו לכה מהמה אהבת משכבםה יד חזית
9МТוַתָּשֻׁ֤רִי לַמֶּ֙לֶךְ֙ בַּשֶּׁ֔מֶן וַתַּרְבִּ֖י רִקֻּחָ֑יִךְ וַתְּשַׁלְּחִ֤י צִרַ֙יךְ֙ עַד מֵ֣רָחֹ֔ק וַתַּשְׁפִּ֖ילִי עַד שְׁאֽוֹל 1Qisaaותשרי למלך בשמן ותרבי רוקחיך ותשלחי ציריך עד מרחק ותשפולי עד שאול
10МТבְּרֹ֤ב דַּרְכֵּךְ֙ יָגַ֔עַתְּ לֹ֥א אָמַ֖רְתְּ נוֹאָ֑שׁ חַיַּ֤ת יָדֵךְ֙ מָצָ֔את עַל כֵּ֖ן לֹ֥א חָלִֽית 1Qisaaברוב דרכיך יגעתי לוא אמרת נואש חית ידך מצת על כן לוא חלית
11МТוְאֶת מִ֞י דָּאַ֤גְתְּ וַתִּֽירְאִי֙ כִּ֣י תְכַזֵּ֔בִי וְאוֹתִי֙ לֹ֣א זָכַ֔רְתְּ לֹא שַׂ֖מְתְּ עַל לִבֵּ֑ךְ הֲלֹ֨א אֲנִ֤י מַחְשֶׁה֙ וּמֵ֣עֹלָ֔ם וְאוֹתִ֖י לֹ֥א תִירָֽאִי 1Qisaaואת מי דאגת ותיראיני כיא תכזבי ואותי לוא זכרתי ולוא שמתי אלה על לבכה הלוא אני מחשה ומעולם ואותי לוא תיראי 4Q58דאגת ותיראי כי תכזבי ואתי לא זכרת [לא] [שמת] על לבך הלוא אני מחשה ומעולם ואתי לא תיראי
12МТאֲנִ֥י אַגִּ֖יד צִדְקָתֵ֑ךְ וְאֶֽת מַעֲשַׂ֖יִךְ וְלֹ֥א יוֹעִילֽוּךְ 1Qisaaאני אגיד צדקתך ואת מעשיך ולוא יועילוך קובציך 4Q58אני אגיד צדקך ואת ולא יועלוך
13МТבְּזַֽעֲקֵךְ֙ יַצִּילֻ֣ךְ קִבּוּצַ֔יִךְ וְאֶת כֻּלָּ֥ם יִשָּׂא ר֖וּחַ יִקַּח הָ֑בֶל וְהַחוֹסֶ֥ה בִי֙ יִנְחַל אֶ֔רֶץ וְיִירַ֖שׁ הַר קָדְשִֽׁי 1Qisaaבזעקך יצילוך קובציך ואת כולם ישא רוח ויקח הבל וחוסה ביא ינחל ארץ וירש הר קודשי 4Q58בזעקך יצילוך קבציך ואת כלם ישא [הבל] והחסה בי ינחל ארץ וירש הר קדשי
14МТוְאָמַ֥ר סֹֽלּוּ סֹ֖לּוּ פַּנּוּ דָ֑רֶךְ הָרִ֥ימוּ מִכְשׁ֖וֹל מִדֶּ֥רֶךְ עַמִּֽי 1Qisaaויואמר סולו סולו המסלה פנו דרך הרימו מכשול מדרך עמיא
15МТכִּי֩ כֹ֨ה אָמַ֜ר רָ֣ם וְנִשָּׂ֗א שֹׁכֵ֥ן עַד֙ וְקָד֣וֹשׁ שְׁמ֔וֹ מָר֥וֹם וְקָד֖וֹשׁ אֶשְׁכּ֑וֹן וְאֶת דַּכָּא֙ וּשְׁפַל ר֔וּחַ לְהַחֲיוֹת֙ ר֣וּחַ שְׁפָלִ֔ים וּֽלְהַחֲי֖וֹת לֵ֥ב נִדְכָּאִֽים 1Qisaaכיא כוה אמר רם ונשא שוכן עד וקדוש שמו במרום ובקודש ישכון ואת דכא ושפל רוח לחיות רוח שפלים ולחיות לב נדכאים 4Q58כי כה אמר וקדוש שמו מרום וקדוש ישכן ואת דכא [החיות] רוח שפלים ולהחיות לב נדכאים
16МТכִּ֣י לֹ֤א לְעוֹלָם֙ אָרִ֔יב וְלֹ֥א לָנֶ֖צַח אֶקְּצ֑וֹף כִּי ר֙וּחַ֙ מִלְּפָנַ֣י יַֽעֲט֔וֹף וּנְשָׁמ֖וֹת אֲנִ֥י עָשִֽׂיתִי 1Qisaaכיא לוא לעולם אריב ולוא לנצח אקצוף כיא רוח מלפני יעטוף ונשמות אני עשיתי 4Q58כי לא לנצח אקצף כי רוח מלפני יעטף [ונשמות] אני
17МТבַּעֲוֹ֥ן בִּצְע֛וֹ קָצַ֥פְתִּי וְאַכֵּ֖הוּ הַסְתֵּ֣ר וְאֶקְצֹ֑ף וַיֵּ֥לֶךְ שׁוֹבָ֖ב בְּדֶ֥רֶךְ לִבּֽוֹ 1Qisaaבעוון בצעו קצפתי ואכהו ואהסתר ואקצופה וילך שובב בדרך לבי 1Q8[קצפתי] [ואכהו] הסתר ואקצף וילך שובב ב 4Q58בצעו קצפתי ואכהו ואסתר ואקצף
18МТדְּרָכָ֥יו רָאִ֖יתִי וְאֶרְפָּאֵ֑הוּ וְאַנְחֵ֕הוּ וַאֲשַׁלֵּ֧ם נִֽחֻמִ֛ים ל֖וֹ וְלַאֲבֵלָֽיו 1Qisaaדרכיו ראיתי וארפאהו ואשלם לוא תנחומים לוא ולאבליו 1Q8[ראיתי] וארפאהו ואנחהו ואשלמה נחמים לו [ולאבליו] 4Q58דרכו [ראיתי] [וארפאהו] לו ולאבליו
19МТבּוֹרֵ֖א נִ֣יב שְׂפָתָ֑יִם שָׁל֨וֹם שָׁל֜וֹם לָרָח֧וֹק וְלַקָּר֛וֹב אָמַ֥ר יְהוָ֖ה וּרְפָאתִֽיו 1Qisaaבבורה ניב שפתים שלום לרחוק ולקרוב אמר יהוה ורפתיהו 1Q8[שפתים] שלום [שלום] לרחוק ולקרוב [אמר] יהוה [רפאתיו] 4Q58בורה נוב שפתים [רחוק] ולרקרוב אמר [יהוה] ורפתיו
20МТוְהָרְשָׁעִ֖ים כַּיָּ֣ם נִגְרָ֑שׁ כִּ֤י הַשְׁקֵט֙ לֹ֣א יוּכָ֔ל וַיִּגְרְשׁ֥וּ מֵימָ֖יו רֶ֥פֶשׁ וָטִֽיט 1Qisaaוהרשעים כים נגרשו כיא לאשקוט לוא יוכלויתגרשו מימיו רפש וטיט 1Q8[רשעים] כים [נרגש] [השקט] לא יוכל [ויגרשו] [מימיו] רפש [וטיט]
21МТאֵ֣ין שָׁל֔וֹם אָמַ֥ר אֱלֹהַ֖י לָרְשָׁעִֽים 1Qisaaואין שלום אמר אלוהי לרשעים 1Q8[שלום] אמר [אלהי] [רשעים]