Исаии, глава 44
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТוְעַתָּ֥ה שְׁמַ֖ע יַעֲקֹ֣ב עַבְדִּ֑י וְיִשְׂרָאֵ֖ל בָּחַ֥רְתִּי בֽוֹ 1Qisaaועתה שמע יעקוב עבדי וישראל בחרתי בוא
2МТכֹּה אָמַ֨ר יְהוָ֥ה עֹשֶׂ֛ךָ וְיֹצֶרְךָ֥ מִבֶּ֖טֶן יַעְזְרֶ֑ךָּ אַל תִּירָא֙ עַבְדִּ֣י יַֽעֲקֹ֔ב וִישֻׁר֖וּן בָּחַ֥רְתִּי בֽוֹ 1Qisaaכוה אמר יהוה עושכה ויוצרכה מבטן ועוזרכה אל תירא עבדי יעקוב וישורון בחרתי בוא
3МТכִּ֤י אֶצָּק מַ֙יִם֙ עַל צָמֵ֔א וְנֹזְלִ֖ים עַל יַבָּשָׁ֑ה אֶצֹּ֤ק רוּחִי֙ עַל זַרְעֶ֔ךָ וּבִרְכָתִ֖י עַל צֶאֱצָאֶֽיךָ 1Qisaaכיא אצק מים על צמא ונוזלים על יבשה כן אצק רוחי על זרעכה וברכתי על צאצאיכה
4МТוְצָמְח֖וּ בְּבֵ֣ין חָצִ֑יר כַּעֲרָבִ֖ים עַל יִבְלֵי מָֽיִם 1Qisaaיצמחו כבין חציר כערבים על יובלי מים
5МТזֶ֤ה יֹאמַר֙ לַֽיהוָ֣ה אָ֔נִי וְזֶ֖ה יִקְרָ֣א בְשֵֽׁם יַעֲקֹ֑ב וְזֶ֗ה יִכְתֹּ֤ב יָדוֹ֙ לַֽיהוָ֔ה וּבְשֵׁ֥ם יִשְׂרָאֵ֖ל יְכַנֶּֽה 1Qisaaזה יואמר ליהוה אני וזה יקרא בשמ יעקוב וזה יכתוב ידוהי ליהוה ובשם ישראל יכנה 4Q57ליהוה [אני] שם [ישראל]
6МТכֹּֽה אָמַ֨ר יְהוָ֧ה מֶֽלֶךְ יִשְׂרָאֵ֛ל וְגֹאֲל֖וֹ יְהוָ֣ה צְבָא֑וֹת אֲנִ֤י רִאשׁוֹן֙ וַאֲנִ֣י אַחֲר֔וֹן וּמִבַּלְעָדַ֖י אֵ֥ין אֱלֹהִֽים 1Qisaaכוה אמר יהוה מלך ישראל וגואליו יהוה צבאות שמו אני רישון ואני אחרון ומבלעדי אין אלוהים 4Q57[יהוה] [צבאות] אלוהימ
7МТוּמִֽי כָמ֣וֹנִי יִקְרָ֗א וְיַגִּידֶ֤הָ וְיַעְרְכֶ֙הָ֙ לִ֔י מִשּׂוּמִ֖י עַם עוֹלָ֑ם וְאֹתִיּ֛וֹת וַאֲשֶׁ֥ר תָּבֹ֖אנָה יַגִּ֥ידוּ לָֽמוֹ 1Qisaaומיא כמוני יקרא ויגידה ויערוכהה לוא משימו עמ עולם ואותיות יואמר אשר תבואינה יגידו למו 4Q57ו ואתיות ואשר [תבואנה]
8МТאַֽל תִּפְחֲדוּ֙ וְאַל תִּרְה֔וּ הֲלֹ֥א מֵאָ֛ז הִשְׁמַעְתִּ֥יךָ וְהִגַּ֖דְתִּי וְאַתֶּ֣ם עֵדָ֑י הֲיֵ֤שׁ אֱל֙וֹהַּ֙ מִבַּלְעָדַ֔י וְאֵ֥ין צ֖וּר בַּל יָדָֽעְתִּי 1Qisaaאל תפחדו ואל תיראו הלוא מאז השמעתיכה והגדתי ואתמה עדי היש אלוה מבלעדי ואין צור בל ידעתי
9МТיֹֽצְרֵי פֶ֤סֶל כֻּלָּם֙ תֹּ֔הוּ וַחֲמוּדֵיהֶ֖ם בַּל יוֹעִ֑ילוּ וְעֵדֵיהֶ֣ם הֵׄ֗מָּׄהׄ בַּל יִרְא֛וּ וּבַל יֵדְע֖וּ לְמַ֥עַן יֵבֹֽשׁוּ 1Qisaaויצר פסל כולמה תהו וחמודיהמה בל יועילו ועדיהמה המה בל יראו בל ידעו למען יבושו
11МТהֵ֤ן כָּל חֲבֵרָיו֙ יֵבֹ֔שׁוּ וְחָרָשִׁ֥ים הֵ֖מָּה מֵֽאָדָ֑ם יִֽתְקַבְּצ֤וּ כֻלָּם֙ יַֽעֲמֹ֔דוּ יִפְחֲד֖וּ יֵבֹ֥שׁוּ יָֽחַד 1Qisaaהנה כול חובריו יבושו וחרשים המה מאדם יתקבצו כולם ועמודו ופחדו יבושו יחדיו
12МТחָרַ֤שׁ בַּרְזֶל֙ מַֽעֲצָ֔ד וּפָעַל֙ בַּפֶּחָ֔ם וּבַמַּקָּב֖וֹת יִצְּרֵ֑הוּ וַיִּפְעָלֵ֙הוּ֙ בִּזְר֣וֹעַ כֹּח֔וֹ גַּם רָעֵב֙ וְאֵ֣ין כֹּ֔חַ לֹא שָׁ֥תָה מַ֖יִם וַיִּיעָֽף 1Qisaaחרש ברזל מעצד ופיפעל בפחם ובמקבות ויצורהו ויפעלהו בזרוע כוחוה גמ רעב ואין כוח לוא שותה מים ויועף
13МТחָרַ֣שׁ עֵצִים֮ נָ֣טָה קָו֒ יְתָאֲרֵ֣הוּ בַשֶּׂ֔רֶד יַעֲשֵׂ֙הוּ֙ בַּמַּקְצֻע֔וֹת וּבַמְּחוּגָ֖ה יְתָאֳרֵ֑הוּ וַֽיַּעֲשֵׂ֙הוּ֙ כְּתַבְנִ֣ית אִ֔ישׁ כְּתִפְאֶ֥רֶת אָדָ֖ם לָשֶׁ֥בֶת בָּֽיִת 1Qisaaחורש עצים נטהו קו יתארהו בשרד ועשהו במקצעות ובמחגה יתארהו ויעשהו כתבנית איש כתפארת אדם לשבת בית
14МТלִכְרָת ל֣וֹ אֲרָזִ֔ים וַיִּקַּ֤ח תִּרְזָה֙ וְאַלּ֔וֹן וַיְאַמֶּץ ל֖וֹ בַּעֲצֵי יָ֑עַר נָטַ֥ע אֹ֖רֶן וְגֶ֥שֶׁם יְגַדֵּֽל 1Qisaaלכרות לוא ארזים ויקח תרזה אלון ויאמץ לוא בעצי יער נטע אורן וגשם יגדל
15МТוְהָיָ֤ה לְאָדָם֙ לְבָעֵ֔ר וַיִּקַּ֤ח מֵהֶם֙ וַיָּ֔חָם אַף יַשִּׂ֖יק וְאָ֣פָה לָ֑חֶם אַף יִפְעַל אֵל֙ וַיִּשְׁתָּ֔חוּ עָשָׂ֥הוּ פֶ֖סֶל וַיִּסְגָּד לָֽמוֹ 1Qisaaוהגה לאדם לבער ויקח מהמה ויחום אף ישיק ואפה לחם או יפעל אל וישתחו עשהו פסל ויסגוד למו
16МТחֶצְיוֹ֙ שָׂרַ֣ף בְּמוֹ אֵ֔שׁ עַל חֶצְיוֹ֙ בָּשָׂ֣ר יֹאכֵ֔ל יִצְלֶ֥ה צָלִ֖י וְיִשְׂבָּ֑ע אַף יָחֹם֙ וְיֹאמַ֣ר הֶאָ֔ח חַמּוֹתִ֖י רָאִ֥יתִי אֽוּר 1Qisaaחציו שרף במו אש ועל וחציו בשר ויאכל ועל גחליו ישב ויחם ויואמר האח חמותי נגד אור
17МТוּשְׁאֵ֣רִית֔וֹ לְאֵ֥ל עָשָׂ֖ה לְפִסְל֑וֹ יִסְגָּד ל֤וֹ וְיִשְׁתַּ֙חוּ֙ וְיִתְפַּלֵּ֣ל אֵלָ֔יו וְיֹאמַר֙ הַצִּילֵ֔נִי כִּ֥י אֵלִ֖י אָֽתָּה 1Qisaaושריתו לאל יעשה לבליו עצ יסגוד לו וישתחוה ויתפלל אליו ויואמר הצילני כיא אלי אתה
18МТלֹ֥א יָדְע֖וּ וְלֹ֣א יָבִ֑ינוּ כִּ֣י טַ֤ח מֵֽרְאוֹת֙ עֵֽינֵיהֶ֔ם מֵהַשְׂכִּ֖יל לִבֹּתָֽם 1Qisaaלוא ידעו ולוא יבינו כיא טח מראות עיניהמה מהשכל לבותםה
19МТוְלֹא יָשִׁ֣יב אֶל לִבּ֗וֹ וְלֹ֨א דַ֥עַת וְלֹֽא תְבוּנָה֮ לֵאמֹר֒ חֶצְי֞וֹ שָׂרַ֣פְתִּי בְמוֹ אֵ֗שׁ וְ֠אַף אָפִ֤יתִי עַל גֶּחָלָיו֙ לֶ֔חֶם אֶצְלֶ֥ה בָשָׂ֖ר וְאֹכֵ֑ל וְיִתְרוֹ֙ לְתוֹעֵבָ֣ה אֶעֱשֶׂ֔ה לְב֥וּל עֵ֖ץ אֶסְגּֽוֹד 1Qisaaולוא ישיב אל לבו ולוא דעת ולוא תבונה לאמור לאמור חציו שרפתי במו אש ואפ אפיתי על גחליו לחם ואצלה בשר ואוכלה ויתרו לתועבות אעשה לבלוי עץ אסגוד 4Q56ואכל יתרו לתועבה אעשה
20МТרֹעֶ֣ה אֵ֔פֶר לֵ֥ב הוּתַ֖ל הִטָּ֑הוּ וְלֹֽא יַצִּ֤יל אֶת נַפְשׁוֹ֙ וְלֹ֣א יֹאמַ֔ר הֲל֥וֹא שֶׁ֖קֶר בִּימִינִֽי 1Qisaaרועה אפר לב הותל הטהו ולוא יוכיל נפשו ולוא יואמר שקר בימיני 4Q56הטהו ולא יציל את נפשו ולא יאמר הלא
21МТזְכָר אֵ֣לֶּה יַעֲקֹ֔ב וְיִשְׂרָאֵ֖ל כִּ֣י עַבְדִּי אָ֑תָּה יְצַרְתִּ֤יךָ עֶֽבֶד לִי֙ אַ֔תָּה יִשְׂרָאֵ֖ל לֹ֥א תִנָּשֵֽׁנִי 1Qisaaזכור אלה יעקוב ישראל כיא עבדי אתה יצרתיכה עבד לי אתה ישראל לוא תשאני 4Q56זכור אלה יעקוב וישראל כי עבדי אתה [עבד] לי אתה וישראל לא תנשני
22МТמָחִ֤יתִי כָעָב֙ פְּשָׁעֶ֔יךָ וְכֶעָנָ֖ן חַטֹּאותֶ֑יךָ שׁוּבָ֥ה אֵלַ֖י כִּ֥י גְאַלְתִּֽיךָ 1Qisaaמחיתי כעב פשעכה וכענן חטאותיכה שובה אלי כיא גאלתיכה
23МТרָנּ֨וּ שָׁמַ֜יִם כִּֽי עָשָׂ֣ה יְהוָ֗ה הָרִ֙יעוּ֙ תַּחְתִּיּ֣וֹת אָ֔רֶץ פִּצְח֤וּ הָרִים֙ רִנָּ֔ה יַ֖עַר וְכָל עֵ֣ץ בּ֑וֹ כִּֽי גָאַ֤ל יְהוָה֙ יַֽעֲקֹ֔ב וּבְיִשְׂרָאֵ֖ל יִתְפָּאָֽר 1Qisaaרונו שמים כיא עשה יהוה הריעו תחתיות הארץ פצחו הרים רונה יער וכול עץ בו כיא גאל יהוה יעקוב ובישראל יתפאר 4Q56רנו שמים כי עשה יהוה הריעו [הרים] רנה יער כל עץ בו כי גאל יהוה יעקב [ובישראל]
24МТכֹּֽה אָמַ֤ר יְהוָה֙ גֹּאֲלֶ֔ךָ וְיֹצֶרְךָ֖ מִבָּ֑טֶן אָנֹכִ֤י יְהוָה֙ עֹ֣שֶׂה כֹּ֔ל נֹטֶ֤ה שָׁמַ֙יִם֙ לְבַדִּ֔י רֹקַ֥ע הָאָ֖רֶץ מִי מֵאִתִּֽי 1Qisaaכוה אמר יהוה גואלכה ויוצרכה מבטן אנוכי יהוה עושה כול נוטה שמים לבדי ורוקע הארץ מיא אתי 1Q8[אמר] יהוה גואלך [ויוצרך] [בטן] אנכי יהוה עשה כל [שמים] לבדי רוקע [הארץ] אתי 4Q56כה אמר יהוה גאלך ויצרך מבטן [אנכי] [נטה] שמים לבדי רקע הארץ מי אתי
25МТמֵפֵר֙ אֹת֣וֹת בַּדִּ֔ים וְקֹסְמִ֖ים יְהוֹלֵ֑ל מֵשִׁ֧יב חֲכָמִ֛ים אָח֖וֹר וְדַעְתָּ֥ם יְשַׂכֵּֽל 1Qisaaמפר אותות בדים וקסמים יהולל משיב חכמימ אחור ודעתם יסכל 1Q8מפר אתת בדים [וקוסמים] [יהולל] משיב חכמים [אחור] ודעתם יסכל 4Q56[מפר] משיב חכמים אחור ודעתם יסכל
26МТמֵקִים֙ דְּבַ֣ר עַבְדּ֔וֹ וַעֲצַ֥ת מַלְאָכָ֖יו יַשְׁלִ֑ים הָאֹמֵ֨ר לִירוּשָׁלִַ֜ם תּוּשָׁ֗ב וּלְעָרֵ֤י יְהוּדָה֙ תִּבָּנֶ֔ינָה וְחָרְבוֹתֶ֖יהָ אֲקוֹמֵֽם 1Qisaaמקים דבר עבדו ועצת מלאכיו ישלים האומר לירושלים תשב ולערי יהודה תבנינה וחרבותיה אקומם 1Q8מקים דבר עבדו ו [מלאכיו] ישלים האומר לירושלם תשב ולערי יהודה תבנינה וחרבתיה אקומם 4Q56[מקים] [מלאכו] ישלם האמר לירושלם ל [אקומם]
27МТהָאֹמֵ֥ר לַצּוּלָ֖ה חֳרָ֑בִי וְנַהֲרֹתַ֖יִךְ אוֹבִֽישׁ 1Qisaaהאומר לצולה חרבי ונהרותיך אוביש 1Q8[האומר] לצולה חרבי ונהרתיך אוביש
28МТהָאֹמֵ֤ר לְכ֙וֹרֶשׁ֙ רֹעִ֔י וְכָל חֶפְצִ֖י יַשְׁלִ֑ם וְלֵאמֹ֤ר לִירוּשָׁלִַ֙ם֙ תִּבָּנֶ֔ה וְהֵיכָ֖ל תִּוָּסֵֽד 1Qisaaהאומר לכורש רעי וכול חפצי ישלים ולאמור לירושלים תבנה והיכל יתיסד 1Q8[האומר] לכורש רעי וכל חפצי ישלים ולאמר לירושלם תבנה והיכל [תוסד] 4Q56[כל] חפצי ישלם ולאמר [לירושלם]