Исаии, глава 24
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТהִנֵּ֧ה יְהוָ֛ה בּוֹקֵ֥ק הָאָ֖רֶץ וּבֽוֹלְקָ֑הּ וְעִוָּ֣ה פָנֶ֔יהָ וְהֵפִ֖יץ יֹשְׁבֶֽיהָ 1Qisaaהנה יהוה בוקק האדמה ובולקה ועוה פניה והפיץ יושביה 4Q57[הנה] אדוני בוקק הארץ עוה פניה והפיץ יושביה
2МТוְהָיָ֤ה כָעָם֙ כַּכֹּהֵ֔ן כַּעֶ֙בֶד֙ כַּֽאדֹנָ֔יו כַּשִּׁפְחָ֖ה כַּגְּבִרְתָּ֑הּ כַּקּוֹנֶה֙ כַּמּוֹכֵ֔ר כַּמַּלְוֶה֙ כַּלֹּוֶ֔ה כַּנֹּשֶׁ֕ה כַּאֲשֶׁ֖ר נֹשֶׁ֥א בֽוֹ 1Qisaaוהיה כעם ככוהן כעבד כאדוניו כשפחה כגברתה כקונה כמוכר כמלוה כלוה כנושה כאשר נשא בו 4Q57והיה כעם ככוהן כעבד כאדוניו [כשפחה] כגברתה כקונה כמוכר כמלוה כלוה כנושה כאשר נשה בו 4Q60כקנה [מוכר] [מלוה] כלוה כ
3МТהִבּ֧וֹק תִּבּ֛וֹק הָאָ֖רֶץ וְהִבּ֣וֹז תִּבּ֑וֹז כִּ֣י יְהוָ֔ה דִּבֶּ֖ר אֶת הַדָּבָ֥ר הַזֶּֽה 4Q57תבוק הארץ והבוז תבוז כיא יהוה דבר את הדבר הזה
4МТאָבְלָ֤ה נָֽבְלָה֙ הָאָ֔רֶץ אֻמְלְלָ֥ה נָבְלָ֖ה תֵּבֵ֑ל אֻמְלָ֖לוּ מְר֥וֹם עַם הָאָֽרֶץ 1Qisaaאבלה נבלה הארץ אמללה נבלה תבל אמלל מרום עמ הארץ 4Q57נבלה הארץ אמללה נבלה תבל אמלל מרום עם הארץ
5МТוְהָאָ֥רֶץ חָנְפָ֖ה תַּ֣חַת יֹשְׁבֶ֑יהָ כִּֽי עָבְר֤וּ תוֹרֹת֙ חָ֣לְפוּ חֹ֔ק הֵפֵ֖רוּ בְּרִ֥ית עוֹלָֽם 1Qisaaוהארץ חנפה תחת יושביה כי עברו תורות חלפו חוק הפירו ברית עולם 4Q57חנפה תחת יושביה כיא עברו תורה חלפו חוק הפרו ברית עו
6МТעַל כֵּ֗ן אָלָה֙ אָ֣כְלָה אֶ֔רֶץ וַֽיֶּאְשְׁמ֖וּ יֹ֣שְׁבֵי בָ֑הּ עַל כֵּ֗ן חָרוּ֙ יֹ֣שְׁבֵי אֶ֔רֶץ וְנִשְׁאַ֥ר אֱנ֖וֹשׁ מִזְעָֽר 1Qisaaעל כן אלה אכלה וישמו יושבי בה עלכן חורו יושבי ארץ ונשאר אנוש מזער 4Q57על כן [אלה] [אכלה] ארץ ויאשמו יושבי בה על כן חורו יושבי ה ונשאר [אנוש] מזער
7МТאָבַ֥ל תִּיר֖וֹשׁ אֻמְלְלָה גָ֑פֶן נֶאֶנְח֖וּ כָּל שִׂמְחֵי לֵֽב 1Qisaaאבל תירוש אמללה גפן נאנחו כול שמחי לב 4Q57אבל תירוש אמללה גפן יצהר נאנחו כול [שמחי] לב
8МТשָׁבַת֙ מְשׂ֣וֹשׂ תֻּפִּ֔ים חָדַ֖ל שְׁא֣וֹן עַלִּיזִ֑ים שָׁבַ֖ת מְשׂ֥וֹשׂ כִּנּֽוֹר 4Q57[משוש] תופים חדל שאון עלוזים שבת משוש כנור
9МТבַּשִּׁ֖יר לֹ֣א יִשְׁתּוּ יָ֑יִן יֵמַ֥ר שֵׁכָ֖ר לְשֹׁתָֽיו 1Qisaaבשיר לוא ישתו יין וימר שכר לשותיו 4Q57[בשיר] לוא [ישתו] [יין] ימר שכר לשותיהו
10МТנִשְׁבְּרָ֖ה קִרְיַת תֹּ֑הוּ סֻגַּ֥ר כָּל בַּ֖יִת מִבּֽוֹא 1Qisaaנשברה קרית תהו סגר כול בית מבוא 4Q57נשברה קרית תהו סוגר כול בית מבוא
11МТצְוָחָ֥ה עַל הַיַּ֖יִן בַּֽחוּצ֑וֹת עָֽרְבָה֙ כָּל שִׂמְחָ֔ה גָּלָ֖ה מְשׂ֥וֹשׂ הָאָֽרֶץ 1Qisaaצוחה על היין בחוצות ערבה כול שמחה גלה משוש הארץ 4Q57צוחה על היין בחוצות ערבה כול שמחה גלה משוש [הארץ]
12МТנִשְׁאַ֥ר בָּעִ֖יר שַׁמָּ֑ה וּשְׁאִיָּ֖ה יֻכַּת שָֽׁעַר 1Qisaaנשאר בעיר שמה ושאיה יוכת שער 4Q57ונשאר בעיר שמה ושואה יכת שערה
13МТכִּ֣י כֹ֥ה יִהְיֶ֛ה בְּקֶ֥רֶב הָאָ֖רֶץ בְּת֣וֹךְ הָֽעַמִּ֑ים כְּנֹ֣קֶף זַ֔יִת כְּעוֹלֵלֹ֖ת אִם כָּלָ֥ה בָצִֽיר 4Q57כיא כוה יהיה בקרב הארץ בתוך העמים כנקוף זית כעוללות אם כלה בציר
14МТהֵ֛מָּה יִשְׂא֥וּ קוֹלָ֖ם יָרֹ֑נּוּ בִּגְא֣וֹן יְהוָ֔ה צָהֲל֖וּ מִיָּֽם 1Qisaaהמה ישאו קולם ירונו בגאון יהוה צהלו מים 4Q57המה [ישאו] קולמה ורננו בגאון יהוה וצהלו מיום
15МТעַל כֵּ֥ן בָּאֻרִ֖ים כַּבְּד֣וּ יְהוָ֑ה בְּאִיֵּ֣י הַיָּ֔ם שֵׁ֥ם יְהוָ֖ה אֱלֹהֵ֥י יִשְׂרָאֵֽל 1Qisaaעל כן בארים כבדו יהוה באיי הים שמ יהוה אלוהי ישראל 4Q57על כן בוארים בארם כבוד
16МТמִכְּנַ֨ף הָאָ֜רֶץ זְמִרֹ֤ת שָׁמַ֙עְנוּ֙ צְבִ֣י לַצַּדִּ֔יק וָאֹמַ֛ר רָזִי לִ֥י רָֽזִי לִ֖י א֣וֹי לִ֑י בֹּגְדִ֣ים בָּגָ֔דוּ וּבֶ֥גֶד בּוֹגְדִ֖ים בָּגָֽדוּ 1Qisaaמכנף הארץ זמרת שמענו צבי לצדיק ואמר רזי לי רזי לי אוי לי בוגדים בגדו ובגד בוגדים בגדו 4Q56[זמרת] שמענו [צבי] [צדיק] בגדו
18МТוְֽ֠הָיָה הַנָּ֞ס מִקּ֤וֹל הַפַּ֙חַד֙ יִפֹּ֣ל אֶל הַפַּ֔חַת וְהָֽעוֹלֶה֙ מִתּ֣וֹךְ הַפַּ֔חַת יִלָּכֵ֖ד בַּפָּ֑ח כִּֽי אֲרֻבּ֤וֹת מִמָּרוֹם֙ נִפְתָּ֔חוּ וַֽיִּרְעֲשׁ֖וּ מ֥וֹסְדֵי אָֽרֶץ 1Qisaaוהיה הנס מקול הפחד יפול אל הפחת והעולה מתוך הפחת ילכד בפח כי ארבות ממרום נפתחו וירעשו מוסדי ארץ 1Q8[פחת] והעולה [מתוך] [מוסדי] ארץ
19МТרֹ֥עָה הִֽתְרֹעֲעָ֖ה הָאָ֑רֶץ פּ֤וֹר הִֽתְפּוֹרְרָה֙ אֶ֔רֶץ מ֥וֹט הִֽתְמוֹטְטָ֖ה אָֽרֶץ 1Qisaaרעה התרועעה הארץ פור התפוררה ארץ מוט התמוטטה ארץ
20МТנ֣וֹעַ תָּנ֤וּעַ אֶ֙רֶץ֙ כַּשִּׁכּ֔וֹר וְהִֽתְנוֹדְדָ֖ה כַּמְּלוּנָ֑ה וְכָבַ֤ד עָלֶ֙יהָ֙ פִּשְׁעָ֔הּ וְנָפְלָ֖ה וְלֹא תֹסִ֥יף קֽוּם 1Qisaaנוע תנוע הארץ כשכור והתנודדא וכמלונה וכבד עליה פשעה ונפל ולוא תוסיף קום 1Q8[תנוע] ארץ כשכור והתנודא
21МТוְהָיָה֙ בַּיּ֣וֹם הַה֔וּא יִפְקֹ֧ד יְהוָ֛ה עַל צְבָ֥א הַמָּר֖וֹם בַּמָּר֑וֹם וְעַל מַלְכֵ֥י הָאֲדָמָ֖ה עַל הָאֲדָמָֽה 1Qisaaוהיה ביום ההוא יפקוד יהוה על צבא המרום במרום ועל מלכי האדמה על האדמה 1Q8והיה ביום [הוא] [מלכי] האדמה על האדמה
22МТוְאֻסְּפ֨וּ אֲסֵפָ֤ה אַסִּיר֙ עַל בּ֔וֹר וְסֻגְּר֖וּ עַל מַסְגֵּ֑ר וּמֵרֹ֥ב יָמִ֖ים יִפָּקֵֽדוּ 1Qisaaאספו אספה על בור וסגרו על מסגר ומרוב ימים יפקדו
23МТוְחָֽפְרָה֙ הַלְּבָנָ֔ה וּבוֹשָׁ֖ה הַֽחַמָּ֑ה כִּֽי מָלַ֞ךְ יְהוָ֣ה צְבָא֗וֹת בְּהַ֤ר צִיּוֹן֙ וּבִיר֣וּשָׁלִַ֔ם וְנֶ֥גֶד זְקֵנָ֖יו כָּבֽוֹד 1Q8וחפרה הלבנה ובושה בירושלם ונגד זקניו כבוד 4Q57וחפרה הלבנה [ובושה] [ציון] ובירושלים ונגד [זקניו]