Исаии, глава 41
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТהַחֲרִ֤ישׁוּ אֵלַי֙ אִיִּ֔ים וּלְאֻמִּ֖ים יַחֲלִ֣יפוּ כֹ֑חַ יִגְּשׁוּ֙ אָ֣ז יְדַבֵּ֔רוּ יַחְדָּ֖ו לַמִּשְׁפָּ֥ט נִקְרָֽבָה 1Qisaaהחרישו אלי איים ולאומים יחליפו כוח יגושו אז ידברו יחדיו למשפט נקרבה
2МТמִ֤י הֵעִיר֙ מִמִּזְרָ֔ח צֶ֖דֶק יִקְרָאֵ֣הוּ לְרַגְל֑וֹ יִתֵּ֨ן לְפָנָ֤יו גּוֹיִם֙ וּמְלָכִ֣ים יַ֔רְדְּ יִתֵּ֤ן כֶּֽעָפָר֙ חַרְבּ֔וֹ כְּקַ֥שׁ נִדָּ֖ף קַשְׁתּֽוֹ 1Qisaaמי העיר ממזרח צדק ויקראהו לרגליו ויתן לפניו גואים ומלכים יוריד ויתן כעפר חרבו כקש נודף קשתו
3МТיִרְדְּפֵ֖ם יַעֲב֣וֹר שָׁל֑וֹם אֹ֥רַח בְּרַגְלָ֖יו לֹ֥א יָבֽוֹא 1Qisaaוירדפם ויעבור שלום אורח ברגליו לוא יבינו
4МТמִֽי פָעַ֣ל וְעָשָׂ֔ה קֹרֵ֥א הַדֹּר֖וֹת מֵרֹ֑אשׁ אֲנִ֤י יְהוָה֙ רִאשׁ֔וֹן וְאֶת אַחֲרֹנִ֖ים אֲנִי הֽוּא 1Qisaaמיא פעל ועשה קורה הדורות מרואש אני יהוה רישון ואת אחרונים אני הואה
5МТרָא֤וּ אִיִּים֙ וְיִירָ֔אוּ קְצ֥וֹת הָאָ֖רֶץ יֶחֱרָ֑דוּ קָרְב֖וּ וַיֶּאֱתָיֽוּן 1Qisaaראו איים ויראו קצאוות הארץ יחדו קרבו ואתיון
6МТאִ֥ישׁ אֶת רֵעֵ֖הוּ יַעְזֹ֑רוּ וּלְאָחִ֖יו יֹאמַ֥ר חֲזָֽק 1Qisaaאיש את רעיהו יעזורו לאחיהו יואמר חזק 1Q8איש את רעהו [יעזרו] לאחיו יאמר
7МТוַיְחַזֵּ֤ק חָרָשׁ֙ אֶת צֹרֵ֔ף מַחֲלִ֥יק פַּטִּ֖ישׁ אֶת ה֣וֹלֶם פָּ֑עַם אֹמֵ֤ר לַדֶּ֙בֶק֙ ט֣וֹב ה֔וּא וַיְחַזְּקֵ֥הוּ בְמַסְמְרִ֖ים לֹ֥א יִמּֽוֹט 1Qisaaויחזק חרש את צורף מחליק פלטיש את אולם פעמ יואמר לדבק טוב הואה ויחזקהו במסמרים לוא ימוט 1Q8ויחזק חרש צרף מחליק פטיש את הולם פעם [אומר] לדבק טוב הוא ויחזקהו במסמרים לא ימוט
8МТוְאַתָּה֙ יִשְׂרָאֵ֣ל עַבְדִּ֔י יַעֲקֹ֖ב אֲשֶׁ֣ר בְּחַרְתִּ֑יךָ זֶ֖רַע אַבְרָהָ֥ם אֹהֲבִֽי 1Qisaaואתה ישראל עבדי יעקוב אשר בחרתיכה זרע אברהם אוהבי 1Q8ועתה ישראל עבדי יעקב [אשר] בחרתיך זרע אברהם אהבי
9МТאֲשֶׁ֤ר הֶחֱזַקְתִּ֙יךָ֙ מִקְצ֣וֹת הָאָ֔רֶץ וּמֵאֲצִילֶ֖יהָ קְרָאתִ֑יךָ וָאֹ֤מַר לְךָ֙ עַבְדִּי אַ֔תָּה בְּחַרְתִּ֖יךָ וְלֹ֥א מְאַסְתִּֽיךָ 1Qisaaאשר החזקתיכה מקצוות הארץ ומאציליהא קראתיכה ואומרה לכה עבדי אתה בחרתיכה ולוא מאסתיכה 1Q8אשר החזקתיך מקצות הארץ ומאציליה קראתיך ואמר לך עבדי אתה חרתיך ולא מאסתיך
10МТאַל תִּירָא֙ כִּ֣י עִמְּךָ אָ֔נִי אַל תִּשְׁתָּ֖ע כִּֽי אֲנִ֣י אֱלֹהֶ֑יךָ אִמַּצְתִּ֙יךָ֙ אַף עֲזַרְתִּ֔יךָ אַף תְּמַכְתִּ֖יךָ בִּימִ֥ין צִדְקִֽי 1Qisaaאל תירא כיא עמכה אני אל תשתע כיא אני אלוהיכה אמצתיכה אפ עזרתיכה אפ תמכתיכה בימין צדקי
11МТהֵ֤ן יֵבֹ֙שׁוּ֙ וְיִכָּ֣לְמ֔וּ כֹּ֖ל הַנֶּחֱרִ֣ים בָּ֑ךְ יִֽהְי֥וּ כְאַ֛יִן וְיֹאבְד֖וּ אַנְשֵׁ֥י רִיבֶֽךָ 1Qisaaהן יבושו ויכלמו כול הנחרים בכה יובדו כול אנשי ריבכה 1Q8הן יבשו ויכלמו כל הנחרים בך יהיו כאין ויבשו אנשי ריבך 4Q56יכלמו כל [הנחרים] [בך]
12МТתְּבַקְשֵׁם֙ וְלֹ֣א תִמְצָאֵ֔ם אַנְשֵׁ֖י מַצֻּתֶ֑ךָ יִהְי֥וּ כְאַ֛יִן וּכְאֶ֖פֶס אַנְשֵׁ֥י מִלְחַמְתֶּֽךָ 1Qisaaואנשי מצתכה יהיו כאין וכאפס אנשי מלחמתכה
13МТכִּ֗י אֲנִ֛י יְהוָ֥ה אֱלֹהֶ֖יךָ מַחֲזִ֣יק יְמִינֶ֑ךָ הָאֹמֵ֥ר לְךָ֛ אַל תִּירָ֖א אֲנִ֥י עֲזַרְתִּֽיךָ 1Qisaaכיא אני יהוה אלוהיכה מחזיק ימינכה האומר לכה אל תירא אני עזרתיכה
14МТאַל תִּֽירְאִי֙ תּוֹלַ֣עַת יַֽעֲקֹ֔ב מְתֵ֖י יִשְׂרָאֵ֑ל אֲנִ֤י עֲזַרְתִּיךְ֙ נְאֻם יְהוָ֔ה וְגֹאֲלֵ֖ךְ קְד֥וֹשׁ יִשְׂרָאֵֽל 1Qisaaאל תיראי תולעת יעקוב ומיתי ישראל אני עזרתיכה נאום יהוה וגואלכה קדוש ישראל 1Q8אל תיראי תולעת יעקב מתי ישראל גאלך קדוש ישראל
15МТהִנֵּ֣ה שַׂמְתִּ֗יךְ לְמוֹרַג֙ חָר֣וּץ חָדָ֔שׁ בַּ֖עַל פִּֽיפִיּ֑וֹת תָּד֤וּשׁ הָרִים֙ וְתָדֹ֔ק וּגְבָע֖וֹת כַּמֹּ֥ץ תָּשִֽׂים 1Qisaaהנה שמתיכה למורג חרוץ חדש בעל פיפיות תדוש הרים ותדק וגבעות כמוצ תשים 1Q8הנה שמתיך למורג חרוץ תדק וגבעות כמץ תשים
16МТתִּזְרֵם֙ וְר֣וּחַ תִּשָּׂאֵ֔ם וּסְעָרָ֖ה תָּפִ֣יץ אוֹתָ֑ם וְאַתָּה֙ תָּגִ֣יל בַּֽיהוָ֔ה בִּקְד֥וֹשׁ יִשְׂרָאֵ֖ל תִּתְהַלָּֽל 1Qisaaתזרם ורוח תשאם וסערה תפיץ אותםה ואתה תגיל ביהוה ובקדוש ישראל תתהלל 1Q8תזרם ורוח תשאם [יהוה] בקדוש ישראל תתהלל
17МТהָעֲנִיִּ֨ים וְהָאֶבְיוֹנִ֜ים מְבַקְשִׁ֥ים מַ֙יִם֙ וָאַ֔יִן לְשׁוֹנָ֖ם בַּצָּמָ֣א נָשָׁ֑תָּה אֲנִ֤י יְהוָה֙ אֶעֱנֵ֔ם אֱלֹהֵ֥י יִשְׂרָאֵ֖ל לֹ֥א אֶעֶזְבֵֽם 1Qisaaהעניים האביונים המבקשים מים ואין לשונמה בצמה נשתה אני יהוה אענם אלוהי ישראל לוא אעזובם
18МТאֶפְתַּ֤ח עַל שְׁפָיִים֙ נְהָר֔וֹת וּבְת֥וֹךְ בְּקָע֖וֹת מַעְיָנ֑וֹת אָשִׂ֤ים מִדְבָּר֙ לַאֲגַם מַ֔יִם וְאֶ֥רֶץ צִיָּ֖ה לְמוֹצָ֥אֵי מָֽיִם 1Qisaaאפתחה על שפאים נהרות ובתוך בקעות מעינים אשיםה המדבר לאגמ מים וארץ ציאה למוצאי מים 1Q8[על] [שפיים] נהרות וב מים
19МТאֶתֵּ֤ן בַּמִּדְבָּר֙ אֶ֣רֶז שִׁטָּ֔ה וַהֲדַ֖ס וְעֵ֣ץ שָׁ֑מֶן אָשִׂ֣ים בָּעֲרָבָ֗ה בְּר֛וֹשׁ תִּדְהָ֥ר וּתְאַשּׁ֖וּר יַחְדָּֽו 1Qisaaאתנה במדבר ארז שטה והדס ועצ שמן אשימה בערבה בראוש תרהר ותאשור יחדו 1Q8אתן [במדבר] ותשור יחדיו
20МТלְמַ֧עַן יִרְא֣וּ וְיֵדְע֗וּ וְיָשִׂ֤ימוּ וְיַשְׂכִּ֙ילוּ֙ יַחְדָּ֔ו כִּ֥י יַד יְהוָ֖ה עָ֣שְׂתָה זֹּ֑את וּקְד֥וֹשׁ יִשְׂרָאֵ֖ל בְּרָאָֽהּ 1Qisaaלמען יראו וידעו ויבינו וישימו וישכילו יחדיו כיא יד יהוה עשתה זואת וקדוש ישראל בראה
21МТקָרְב֥וּ רִֽיבְכֶ֖ם יֹאמַ֣ר יְהוָ֑ה הַגִּ֙ישׁוּ֙ עֲצֻמ֣וֹתֵיכֶ֔ם יֹאמַ֖ר מֶ֥לֶךְ יַעֲקֹֽב 1Qisaaקרבו ריבכמה יואמר יהוה הגישו עצמותיכמה יואמר מלך יעקוב
22МТיַגִּ֙ישׁוּ֙ וְיַגִּ֣ידוּ לָ֔נוּ אֵ֖ת אֲשֶׁ֣ר תִּקְרֶ֑ינָה הָרִאשֹׁנ֣וֹת מָ֣ה הֵ֗נָּה הַגִּ֜ידוּ וְנָשִׂ֤ימָה לִבֵּ֙נוּ֙ וְנֵדְעָ֣ה אַחֲרִיתָ֔ן א֥וֹ הַבָּא֖וֹת הַשְׁמִיעֻֽנוּ 1Qisaaיגישו ויגידו לנו את אשר תקראון הראישונות מה הנה הגידו ונשימה לבנו ונדעה או אחרונות או הבאות השמיעונו 1Q8[את] [נדעה] [אחריתן] או הבאות
23МТהַגִּ֙ידוּ֙ הָאֹתִיּ֣וֹת לְאָח֔וֹר וְנֵ֣דְעָ֔ה כִּ֥י אֱלֹהִ֖ים אַתֶּ֑ם אַף תֵּיטִ֣יבוּ וְתָרֵ֔עוּ וְנִשְׁתָּ֖עָה וְנִרְאֶ֥ה יַחְדָּֽו 1Qisaaהגידו האותיותלאחור ונדעה כיא אלוהים אתמה אף תיטיבו ותרעו ונשמעה ונראה יחדיו
24МТהֵן אַתֶּ֣ם מֵאַ֔יִן וּפָעָלְכֶ֖ם מֵאָ֑פַע תּוֹעֵבָ֖ה יִבְחַ֥ר בָּכֶֽם 1Qisaaהנה אתמה מאין ופועלכמה תועבה יבחר בכמה
25МТהַעִיר֤וֹתִי מִצָּפוֹן֙ וַיַּ֔את מִמִּזְרַח שֶׁ֖מֶשׁ יִקְרָ֣א בִשְׁמִ֑י וְיָבֹ֤א סְגָנִים֙ כְּמוֹ חֹ֔מֶר וּכְמ֥וֹ יוֹצֵ֖ר יִרְמָס טִֽיט 1Qisaaהעירות מצפון ויאתיו ממזרח שמש ויקרא בשמו ויבואו סגנים כמו חמר וכמו יוצר וירמוס טיט
26МТמִֽי הִגִּ֤יד מֵרֹאשׁ֙ וְנֵדָ֔עָה וּמִלְּפָנִ֖ים וְנֹאמַ֣ר צַדִּ֑יק אַ֣ף אֵין מַגִּ֗יד אַ֚ף אֵ֣ין מַשְׁמִ֔יעַ אַ֥ף אֵין שֹׁמֵ֖עַ אִמְרֵיכֶֽם 1Qisaaמיא הגיד מרוש ונדעה מלפנים ונאומרה צדק אפ אין מגיד אפ אין משמיע אפ אין שומע אמריכמה
27МТרִאשׁ֥וֹן לְצִיּ֖וֹן הִנֵּ֣ה הִנָּ֑ם וְלִירוּשָׁלִַ֖ם מְבַשֵּׂ֥ר אֶתֵּֽן 1Qisaaרישון לציון הנה הנומה ולירושלים מבשר אתן
28МТוְאֵ֙רֶא֙ וְאֵ֣ין אִ֔ישׁ וּמֵאֵ֖לֶּה וְאֵ֣ין יוֹעֵ֑ץ וְאֶשְׁאָלֵ֖ם וְיָשִׁ֥יבוּ דָבָֽר 1Qisaaואראה ואין איש ומאלה ואין יועץ אשאלם וישיבו דבר
29МТהֵ֣ן כֻּלָּ֔ם אָ֥וֶן אֶ֖פֶס מַעֲשֵׂיהֶ֑ם ר֥וּחַ וָתֹ֖הוּ נִסְכֵּיהֶֽם 1Qisaaהנה כולם אין ואפס מעשיהמה רוח ותוהו נסיכיהמה