Бытие, глава 10
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТוְאֵ֙לֶּה֙ תּוֹלְדֹ֣ת בְּנֵי נֹ֔חַ שֵׁ֖ם חָ֣ם וָיָ֑פֶת וַיִּוָּלְד֥וּ לָהֶ֛ם בָּנִ֖ים אַחַ֥ר הַמַּבּֽוּל SPואלה תולדת בני נח שם חם ויפת ויולידו להם בנים אחרי המבול
2МТבְּנֵ֣י יֶ֔פֶת גֹּ֣מֶר וּמָג֔וֹג וּמָדַ֖י וְיָוָ֣ן וְתֻבָ֑ל וּמֶ֖שֶׁךְ וְתִירָֽס SPבני יפת גמר ומגוג מדי ויון תובל מושך ותירס
3МТוּבְנֵ֖י גֹּ֑מֶר אַשְׁכֲּנַ֥ז וְרִיפַ֖ת וְתֹגַרְמָֽה SPובני גמר אשכנז ריפת ותגרמה
4МТוּבְנֵ֥י יָוָ֖ן אֱלִישָׁ֣ה וְתַרְשִׁ֑ישׁ כִּתִּ֖ים וְדֹדָנִֽים SPובני יון אליש תרשיש כתים ורודנים
5МТמֵ֠אֵלֶּה נִפְרְד֞וּ אִיֵּ֤י הַגּוֹיִם֙ בְּאַרְצֹתָ֔ם אִ֖ישׁ לִלְשֹׁנ֑וֹ לְמִשְׁפְּחֹתָ֖ם בְּגוֹיֵהֶֽם SPמאלה נפרדו איי הגוים בארצותם איש ללשנו למשפחותם בגויהם
6МТוּבְנֵ֖י חָ֑ם כּ֥וּשׁ וּמִצְרַ֖יִם וּפ֥וּט וּכְנָֽעַן SPובני חם כוש ומצרים פוט וכנען
7МТוּבְנֵ֣י כ֔וּשׁ סְבָא֙ וַֽחֲוִילָ֔ה וְסַבְתָּ֥ה וְרַעְמָ֖ה וְסַבְתְּכָ֑א וּבְנֵ֥י רַעְמָ֖ה שְׁבָ֥א וּדְדָֽן SPובני כוש סבה וחוילה סבתה ורעמה וסבתכה ובני רעמה שבא ודדן
8МТוְכ֖וּשׁ יָלַ֣ד אֶת נִמְרֹ֑ד ה֣וּא הֵחֵ֔ל לִֽהְי֥וֹת גִּבֹּ֖ר בָּאָֽרֶץ SPוכוש הוליד את נמרוד הוא החל להיות גבור בארץ
9МТהֽוּא הָיָ֥ה גִבֹּֽר צַ֖יִד לִפְנֵ֣י יְהוָ֑ה עַל כֵּן֙ יֵֽאָמַ֔ר כְּנִמְרֹ֛ד גִּבּ֥וֹר צַ֖יִד לִפְנֵ֥י יְהוָֽה SPהוא היה גבור ציד לפני יהוה על כן יאמר כנמרוד גבור ציד לפני יהוה
11МТמִן הָאָ֥רֶץ הַהִ֖וא יָצָ֣א אַשּׁ֑וּר וַיִּ֙בֶן֙ אֶת נִ֣ינְוֵ֔ה וְאֶת רְחֹבֹ֥ת עִ֖יר וְאֶת כָּֽלַח SPמן הארץ ההיא יצא אשור ויבן את נינוה ואת רחבות עיר ואת כלח
12МТוְֽאֶת רֶ֔סֶן בֵּ֥ין נִֽינְוֵ֖ה וּבֵ֣ין כָּ֑לַח הִ֖וא הָעִ֥יר הַגְּדֹלָֽה SPואת רסן בין נינוה ובין כלח היא העיר הגדלה
13МТוּמִצְרַ֡יִם יָלַ֞ד אֶת לוּדִ֧ים וְאֶת עֲנָמִ֛ים וְאֶת לְהָבִ֖ים וְאֶת נַפְתֻּחִֽים SPומצרים ילד את לדים ואת עינמים ואת להבים ואת נפתחים
15МТוּכְנַ֗עַן יָלַ֛ד אֶת צִידֹ֥ן בְּכֹר֖וֹ וְאֶת חֵֽת SPוכנען ילד את צידון בכורו ואת החת
17МТוְאֶת הַֽחִוִּ֥י וְאֶת הַֽעַרְקִ֖י וְאֶת הַסִּינִֽי SPואת החוי ואת הערוקי ואת הסיני
18МТוְאֶת הָֽאַרְוָדִ֥י וְאֶת הַצְּמָרִ֖י וְאֶת הַֽחֲמָתִ֑י וְאַחַ֣ר נָפֹ֔צוּ מִשְׁפְּח֖וֹת הַֽכְּנַעֲנִֽי SPואת הארודי ואת הצמרי ואת החמתי ואחר נפצה משפחת הכנעני
19МТוַֽיְהִ֞י גְּב֤וּל הַֽכְּנַעֲנִי֙ מִצִּידֹ֔ן בֹּאֲכָ֥ה גְרָ֖רָה עַד עַזָּ֑ה בֹּאֲכָ֞ה סְדֹ֧מָה וַעֲמֹרָ֛ה וְאַדְמָ֥ה וּצְבֹיִ֖ם עַד לָֽשַׁע SPויהי גבול הכנעני מנהר מצרים עד הנהר הגדול נהר פרת ועד הים האחרון
20МТאֵ֣לֶּה בְנֵי חָ֔ם לְמִשְׁפְּחֹתָ֖ם לִלְשֹֽׁנֹתָ֑ם בְּאַרְצֹתָ֖ם בְּגוֹיֵהֶֽם SPאלה בני חם למשפחותם ללשנותם בארצותם לגויהם
22МТבְּנֵ֥י שֵׁ֖ם עֵילָ֣ם וְאַשּׁ֑וּר וְאַרְפַּכְשַׁ֖ד וְל֥וּד וַֽאֲרָֽם SPבני שם עילם ואשור וארפכשד ולד וארם
23МТוּבְנֵ֖י אֲרָ֑ם ע֥וּץ וְח֖וּל וְגֶ֥תֶר וָמַֽשׁ SPובני ארם עוץ וחויל גתר ומשא
25МТוּלְעֵ֥בֶר יֻלַּ֖ד שְׁנֵ֣י בָנִ֑ים שֵׁ֣ם הָֽאֶחָ֞ד פֶּ֗לֶג כִּ֤י בְיָמָיו֙ נִפְלְגָ֣ה הָאָ֔רֶץ וְשֵׁ֥ם אָחִ֖יו יָקְטָֽן SPולעבר ילדו שני בנים שם האחד פלג כי בימיו נפלגה הארץ ושם אחיו יקטן
27МТוְאֶת הֲדוֹרָ֥ם וְאֶת אוּזָ֖ל וְאֶת דִּקְלָֽה SPואת אדורם ואת עיזל ואת דקלה
28МТוְאֶת עוֹבָ֥ל וְאֶת אֲבִֽימָאֵ֖ל וְאֶת שְׁבָֽא SPואת עיבל ואת אבימאל ואת שבא
29МТוְאֶת אוֹפִ֥ר וְאֶת חֲוִילָ֖ה וְאֶת יוֹבָ֑ב כָּל אֵ֖לֶּה בְּנֵ֥י יָקְטָֽן SPואת אפר ואת חוילה ואת יובב כל אלה בני יקטן
31МТאֵ֣לֶּה בְנֵי שֵׁ֔ם לְמִשְׁפְּחֹתָ֖ם לִלְשֹׁנֹתָ֑ם בְּאַרְצֹתָ֖ם לְגוֹיֵהֶֽם SPאלה בני שם למשפחותם ללשנותם בארצותם לגויהם
32МТאֵ֣לֶּה מִשְׁפְּחֹ֧ת בְּנֵי נֹ֛חַ לְתוֹלְדֹתָ֖ם בְּגוֹיֵהֶ֑ם וּמֵאֵ֜לֶּה נִפְרְד֧וּ הַגּוֹיִ֛ם בָּאָ֖רֶץ אַחַ֥ר הַמַּבּֽוּל SPאלה משפחות בני נח לתולדתם בגויהם מאלה נפרדו איי הגוים בארץ אחרי המבול