Исход, глава 40
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
2МТבְּיוֹם הַחֹ֥דֶשׁ הָרִאשׁ֖וֹן בְּאֶחָ֣ד לַחֹ֑דֶשׁ תָּקִ֕ים אֶת מִשְׁכַּ֖ן אֹ֥הֶל מוֹעֵֽד SPביום החדש הראישון באחד לחדש תקים את המשכן אהל מועד
3МТוְשַׂמְתָּ֣ שָׁ֔ם אֵ֖ת אֲר֣וֹן הָעֵד֑וּת וְסַכֹּתָ֥ עַל הָאָרֹ֖ן אֶת הַפָּרֹֽכֶת SPושמת שם את ארון העדות וסכת על הארון את הכפרת
4МТוְהֵבֵאתָ֙ אֶת הַשֻּׁלְחָ֔ן וְעָרַכְתָּ֖ אֶת עֶרְכּ֑וֹ וְהֵבֵאתָ֙ אֶת הַמְּנֹרָ֔ה וְהַעֲלֵיתָ֖ אֶת נֵרֹתֶֽיהָ SPוהבאת את השלחן וערכת את ערכו והבאת את המנורה והעלית את נרתיה
5МТוְנָתַתָּ֞ה אֶת מִזְבַּ֤ח הַזָּהָב֙ לִקְטֹ֔רֶת לִפְנֵ֖י אֲר֣וֹן הָעֵדֻ֑ת וְשַׂמְתָּ֛ אֶת מָסַ֥ךְ הַפֶּ֖תַח לַמִּשְׁכָּֽן SPונתתה את מזבח הזהב לקטרת לפני ארון העדות ושמת את מסך הפתח למשכן
6МТוְנָ֣תַתָּ֔ה אֵ֖ת מִזְבַּ֣ח הָעֹלָ֑ה לִפְנֵ֕י פֶּ֖תַח מִשְׁכַּ֥ן אֹֽהֶל מוֹעֵֽד SPונתתה את מזבח העלה לפני פתח המשכן אהל מועד
7МТוְנָֽתַתָּ֙ אֶת הַכִּיֹּ֔ר בֵּֽין אֹ֥הֶל מוֹעֵ֖ד וּבֵ֣ין הַמִּזְבֵּ֑חַ וְנָתַתָּ֥ שָׁ֖ם מָֽיִם SPונתתה את הכיור בין אהל מועד ובין המזבח ונתתה שם מים
8МТוְשַׂמְתָּ֥ אֶת הֶחָצֵ֖ר סָבִ֑יב וְנָ֣תַתָּ֔ אֶת מָסַ֖ךְ שַׁ֥עַר הֶחָצֵֽר SPושמת את החצר סביב ונתתה את מסך שער החצר
9МТוְלָקַחְתָּ֙ אֶת שֶׁ֣מֶן הַמִּשְׁחָ֔ה וּמָשַׁחְתָּ֥ אֶת הַמִּשְׁכָּ֖ן וְאֶת כָּל אֲשֶׁר בּ֑וֹ וְקִדַּשְׁתָּ֥ אֹת֛וֹ וְאֶת כָּל כֵּלָ֖יו וְהָ֥יָה קֹֽדֶשׁ 4Q17ולקחת את שמן המשוחה ומשחת את המשכן אותו ואת כל כליו והיה קדש
10МТוּמָשַׁחְתָּ֛ אֶת מִזְבַּ֥ח הָעֹלָ֖ה וְאֶת כָּל כֵּלָ֑יו וְקִדַּשְׁתָּ֙ אֶת הַמִּזְבֵּ֔חַ וְהָיָ֥ה הַמִּזְבֵּ֖חַ קֹ֥דֶשׁ קָֽדָשִֽׁים 4Q17ומשחת את מזבח [העלה] וקדש את המזבח והיה [המזבח] קדש [קדשים]
11МТוּמָשַׁחְתָּ֥ אֶת הַכִּיֹּ֖ר וְאֶת כַּנּ֑וֹ וְקִדַּשְׁתָּ֖ אֹתֽוֹ SPומשחת את הכיור ואת כנו וקדשת אתו 4Q17משחת ואת כנו וקדשת אותו
12МТוְהִקְרַבְתָּ֤ אֶֽת אַהֲרֹן֙ וְאֶת בָּנָ֔יו אֶל פֶּ֖תַח אֹ֣הֶל מוֹעֵ֑ד וְרָחַצְתָּ֥ אֹתָ֖ם בַּמָּֽיִם 4Q17את אהרן ואת בניו תקריב אל פתח אהל [מועד] ורחצת אותם במים
13МТוְהִלְבַּשְׁתָּ֙ אֶֽת אַהֲרֹ֔ן אֵ֖ת בִּגְדֵ֣י הַקֹּ֑דֶשׁ וּמָשַׁחְתָּ֥ אֹת֛וֹ וְקִדַּשְׁתָּ֥ אֹת֖וֹ וְכִהֵ֥ן לִֽי 4Q17והלבשת את אהרן את בגדי הקדש ומשחת [אותו] וקדשת אותו וכהן לי
14МТוְאֶת בָּנָ֖יו תַּקְרִ֑יב וְהִלְבַּשְׁתָּ֥ אֹתָ֖ם כֻּתֳּנֹֽת SPואת בניו תקריב והלבשתם כיתנות 4Q17ואת [תקריב] והלבשת אותם את [הכתנות]
15МТוּמָשַׁחְתָּ֣ אֹתָ֗ם כַּאֲשֶׁ֤ר מָשַׁ֙חְתָּ֙ אֶת אֲבִיהֶ֔ם וְכִהֲנ֖וּ לִ֑י וְ֠הָיְתָה לִהְיֹ֨ת לָהֶ֧ם מָשְׁחָתָ֛ם לִכְהֻנַּ֥ת עוֹלָ֖ם לְדֹרֹתָֽם SPומשחת אתם כאשר משחת את אביהם וכהנו לי והיתה להיות להם משחתם לכהנת עולם לדרותם 4Q17ומשחת אותם כאשר משחת את אביהן וכהנו להם משחתם לכהנות עולם לדורותם
16МТוַיַּ֖עַשׂ מֹשֶׁ֑ה כְּ֠כֹל אֲשֶׁ֨ר צִוָּ֧ה יְהוָ֛ה אֹת֖וֹ כֵּ֥ן עָשָֽׂה
17МТוַיְהִ֞י בַּחֹ֧דֶשׁ הָרִאשׁ֛וֹן בַּשָּׁנָ֥ה הַשֵּׁנִ֖ית בְּאֶחָ֣ד לַחֹ֑דֶשׁ הוּקַ֖ם הַמִּשְׁכָּֽן SPויהי בחדש הראישון בשנה השנית לצאתם ממצרים באחד לחדש הוקם המשכן 4Q17ויהי בחדש הראשן בשנה השנית לצאתם [ממצרים] אחד לחדש הוקם את המשכן
18МТוַיָּ֨קֶם מֹשֶׁ֜ה אֶת הַמִּשְׁכָּ֗ן וַיִּתֵּן֙ אֶת אֲדָנָ֔יו וַיָּ֙שֶׂם֙ אֶת קְרָשָׁ֔יו וַיִּתֵּ֖ן אֶת בְּרִיחָ֑יו וַיָּ֖קֶם אֶת עַמּוּדָֽיו 4Q17[ויקם] את אדניו וישם את [קרסיו] את קרשיו וינתן את בריחיו ויקם את עמודיו
19МТוַיִּפְרֹ֤שׂ אֶת הָאֹ֙הֶל֙ עַל הַמִּשְׁכָּ֔ן וַיָּ֜שֶׂם אֶת מִכְסֵ֥ה הָאֹ֛הֶל עָלָ֖יו מִלְמָ֑עְלָה כַּאֲשֶׁ֛ר צִוָּ֥ה יְהוָ֖ה אֶת מֹשֶֽׁה 4Q17וינתן את האהל על המשכן וישם את מכסה האהל עליו מלמעלה כאשר צוה יהוה את משה
20МТוַיִּקַּ֞ח וַיִּתֵּ֤ן אֶת הָעֵדֻת֙ אֶל הָ֣אָרֹ֔ן וַיָּ֥שֶׂם אֶת הַבַּדִּ֖ים עַל הָאָרֹ֑ן וַיִּתֵּ֧ן אֶת הַכַּפֹּ֛רֶת עַל הָאָרֹ֖ן מִלְמָֽעְלָה SPויקח ויתן את העדות אל הארון וישם את הבדים על הארון ויתן את הכפרת על הארון מלמעלה 4Q17ויקח וינתן את העדות אל הארון [וישם] [את] הבדים אל הארון וינתן הכפרת על הארון
21МТוַיָּבֵ֣א אֶת הָאָרֹן֮ אֶל הַמִּשְׁכָּן֒ וַיָּ֗שֶׂם אֵ֚ת פָּרֹ֣כֶת הַמָּסָ֔ךְ וַיָּ֕סֶךְ עַ֖ל אֲר֣וֹן הָעֵד֑וּת כַּאֲשֶׁ֛ר צִוָּ֥ה יְהוָ֖ה אֶת מֹשֶֽׁה SPויבא את הארון אל המשכן וישם את פרכת המסך ויסך על ארון העדות כאשר צוה יהוה את משה 4Q17ויבא [את] וישם את [פרכת] המסך ויסך על הארון [העדות] יהוה את משה
22МТוַיִּתֵּ֤ן אֶת הַשֻּׁלְחָן֙ בְּאֹ֣הֶל מוֹעֵ֔ד עַ֛ל יֶ֥רֶךְ הַמִּשְׁכָּ֖ן צָפֹ֑נָה מִח֖וּץ לַפָּרֹֽכֶת SPוישם את השלחן באהל מועד על ירך המשכן צפונה מחוץ לפרכת 4Q17וינתן את השלחן אל [אהל] [ירך] המשכן צפון מחוץ לפרכת
24МТוַיָּ֤שֶׂם אֶת הַמְּנֹרָה֙ בְּאֹ֣הֶל מוֹעֵ֔ד נֹ֖כַח הַשֻּׁלְחָ֑ן עַ֛ל יֶ֥רֶךְ הַמִּשְׁכָּ֖ן נֶֽגְבָּה SPוישם את המנורה באהל מועד נכח השלחן על ירך המשכן נגבה
25МТוַיַּ֥עַל הַנֵּרֹ֖ת לִפְנֵ֣י יְהוָ֑ה כַּאֲשֶׁ֛ר צִוָּ֥ה יְהוָ֖ה אֶת מֹשֶֽׁה SPויעל את הנרות לפני יהוה כאשר צוה יהוה את משה 4Q17[הנרת] [יהוה] [אשר] צוה יהוה משה
26МТוַיָּ֛שֶׂם אֶת מִזְבַּ֥ח הַזָּהָ֖ב בְּאֹ֣הֶל מוֹעֵ֑ד לִפְנֵ֖י הַפָּרֹֽכֶת 4Q17[ישם] זהב באהל מועד לפני ה
27МТוַיַּקְטֵ֥ר עָלָ֖יו קְטֹ֣רֶת סַמִּ֑ים כַּאֲשֶׁ֛ר צִוָּ֥ה יְהוָ֖ה אֶת מֹשֶֽׁה SPויקטר עליו קטרת סמים לפני יהוה כאשר צוה יהוה את משה 4Q17[עליו] סמים לפניו כאשר צוה [יהוה]
29МТוְאֵת֙ מִזְבַּ֣ח הָעֹלָ֔ה שָׂ֕ם פֶּ֖תַח מִשְׁכַּ֣ן אֹֽהֶל מוֹעֵ֑ד וַיַּ֣עַל עָלָ֗יו אֶת הָעֹלָה֙ וְאֶת הַמִּנְחָ֔ה כַּאֲשֶׁ֛ר צִוָּ֥ה יְהוָ֖ה אֶת מֹשֶֽׁה SPואת מזבח העלה שם לפני פתח המשכן אהל מועד ויעל עליו את העלה ואת המנחה כאשר צוה יהוה את משה
30МТוַיָּ֙שֶׂם֙ אֶת הַכִּיֹּ֔ר בֵּֽין אֹ֥הֶל מוֹעֵ֖ד וּבֵ֣ין הַמִּזְבֵּ֑חַ וַיִּתֵּ֥ן שָׁ֛מָּה מַ֖יִם לְרָחְצָֽה SPוישם את הכיור בין אהל מועד ובין המזבח ויתן שם מים לרחצה
31МТוְרָחֲצ֣וּ מִמֶּ֔נּוּ מֹשֶׁ֖ה וְאַהֲרֹ֣ן וּבָנָ֑יו אֶת יְדֵיהֶ֖ם וְאֶת רַגְלֵיהֶֽם SPוירחץ ממנו משה אהרן ובניו את ידיהם ואת רגליהם
33МТוַיָּ֣קֶם אֶת הֶחָצֵ֗ר סָבִיב֙ לַמִּשְׁכָּ֣ן וְלַמִּזְבֵּ֔חַ וַיִּתֵּ֕ן אֶת מָסַ֖ךְ שַׁ֣עַר הֶחָצֵ֑ר וַיְכַ֥ל מֹשֶׁ֖ה אֶת הַמְּלָאכָֽה SPויקם את החצר סביב למשכן ולמזבח ויתן את מסך שער החצר ויכל משה את כל המלאכה
37МТוְאִם לֹ֥א יֵעָלֶ֖ה הֶעָנָ֑ן וְלֹ֣א יִסְע֔וּ עַד י֖וֹם הֵעָלֹתֽוֹ SPואם לא יעלה הענן לא יסעו עד יום העלותו
38МТכִּי֩ עֲנַ֨ן יְהוָ֤ה עַֽל הַמִּשְׁכָּן֙ יוֹמָ֔ם וְאֵ֕שׁ תִּהְיֶ֥ה לַ֖יְלָה בּ֑וֹ לְעֵינֵ֥י כָל בֵּֽית יִשְׂרָאֵ֖ל בְּכָל מַסְעֵיהֶֽם SPכי ענן יהוה על המשכן יומם ואש תהיה בו לילה לעיני כל בית ישראל בכל מסעיהם