Псалтирь, глава 139
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
8МТאִם אֶסַּ֣ק שָׁ֭מַיִם שָׁ֣ם אָ֑תָּה וְאַצִּ֖יעָה שְּׁא֣וֹל הִנֶּֽךָּ
9МТאֶשָּׂ֥א כַנְפֵי שָׁ֑חַר אֶ֝שְׁכְּנָ֗ה בְּאַחֲרִ֥ית יָֽם 11Q5אשאה כנפי שחר אשכונה באחרית ים
10МТגַּם שָׁ֭ם יָדְךָ֣ תַנְחֵ֑נִי וְֽתֹאחֲזֵ֥נִי יְמִינֶֽךָ 11Q5שם ידכה תנחני ותאחזני ימינכה
11МТוָ֭אֹמַר אַךְ חֹ֣שֶׁךְ יְשׁוּפֵ֑נִי וְ֝לַ֗יְלָה א֣וֹר בַּעֲדֵֽנִי 11Q5ואומרה אך חושך ישופני ולילה אזור בעדי
12МТגַּם חֹשֶׁךְ֮ לֹֽא יַחְשִׁ֪יךְ מִ֫מֶּ֥ךָ וְ֭לַיְלָה כַּיּ֣וֹם יָאִ֑יר כַּ֝חֲשֵׁיכָ֗ה כָּאוֹרָֽה 11Q5גם חושך לוא יחשך ממכה ולילה כיום יאיר כחושך כאור
13МТכִּֽי אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי 11Q5כי אתה קניתה כליותי תסוכני בבטן אמי
14МТאֽוֹדְךָ֗ עַ֤ל כִּ֥י נוֹרָא֗וֹת נִ֫פְלֵ֥יתִי נִפְלָאִ֥ים מַעֲשֶׂ֑יךָ וְ֝נַפְשִׁ֗י יֹדַ֥עַת מְאֹֽד 11Q5אודכה על כי נורא אתה נפלאות נפלאים מעשיכה ונפשי ידעת מואדה
15МТלֹא נִכְחַ֥ד עָצְמִ֗י מִ֫מֶּ֥ךָּ אֲשֶׁר עֻשֵּׂ֥יתִי בַסֵּ֑תֶר רֻ֝קַּ֗מְתִּי בְּֽתַחְתִּיּ֥וֹת אָֽרֶץ 11Q5לוא נכחד עצבי ממכה אשר עשיתי בסתר רוקמתי בתחתיות ארץ
16МТגָּלְמִ֤י רָ֘א֤וּ עֵינֶ֗יךָ וְעַֽל סִפְרְךָ֮ כֻּלָּ֪ם יִכָּ֫תֵ֥בוּ יָמִ֥ים יֻצָּ֑רוּ וְל֖וֹ אֶחָ֣ד בָּהֶֽם Кетивגלמי ראו עיניך ועל ספרך כלם יכתבו ימים יצרו ולא אחד בהם 11Q5גלמי ראו עיניכה ועל ספריכה כולם יכתבו ימים יצרו ולו באח מהמה
17МТוְלִ֗י מַה יָּקְר֣וּ רֵעֶ֣יךָ אֵ֑ל מֶ֥ה עָ֝צְמוּ רָאשֵׁיהֶֽם 11Q5ולי מה יקרו רעיך אל על מה עצמו ראשיהם
18МТאֶ֭סְפְּרֵם מֵח֣וֹל יִרְבּ֑וּן הֱ֝קִיצֹ֗תִי וְעוֹדִ֥י עִמָּֽךְ 11Q5אספרם מחול ירבון הקיצותי ועוד עמכה
19МТאִם תִּקְטֹ֖ל אֱל֥וֹהַּ רָשָׁ֑ע וְאַנְשֵׁ֥י דָ֝מִ֗ים ס֣וּרוּ מֶֽנִּי 11Q5אם תקטול אלה רשע אנשי דמים סור מני
20МТאֲשֶׁ֣ר יֹ֭אמְרֻךָ לִמְזִמָּ֑ה נָשֻׂ֖א לַשָּׁ֣וְא עָרֶֽיךָ 11Q5אשר יאמרוך למזמה נשאו לשוא עריך
21МТהֲלֽוֹא מְשַׂנְאֶ֖יךָ יְהוָ֥ה אֶשְׂנָ֑א וּ֝בִתְקוֹמְמֶ֗יךָ אֶתְקוֹטָֽט 11Q5הלוא משנאיכה יהוה אשנא וממתקוממיכה אתקוטט
23МТחָקְרֵ֣נִי אֵ֭ל וְדַ֣ע לְבָבִ֑י בְּ֝חָנֵ֗נִי וְדַ֣ע שַׂרְעַפָּֽי 11Q5חקרני אל ודע לבי בחנני ודע סרעפי