Псалтирь, глава 132
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
8МТקוּמָ֣ה יְ֭הוָה לִמְנוּחָתֶ֑ךָ אַ֝תָּ֗ה וַאֲר֥וֹן עֻזֶּֽךָ 11Q5למנוחתכה אתה [וארון] עוזכה
9МТכֹּהֲנֶ֥יךָ יִלְבְּשׁוּ צֶ֑דֶק וַחֲסִידֶ֥יךָ יְרַנֵּֽנוּ 11Q5כוהניכה ילבשו צדק וחסידיכה ירננו
10МТבַּ֭עֲבוּר דָּוִ֣ד עַבְדֶּ֑ךָ אַל תָּ֝שֵׁ֗ב פְּנֵ֣י מְשִׁיחֶֽךָ 11Q5בעבור דויד עבדכה אל תשב פני משיחכה
11МТנִשְׁבַּֽע יְהוָ֨ה לְדָוִ֡ד אֱמֶת֮ לֹֽא יָשׁ֪וּב מִ֫מֶּ֥נָּה מִפְּרִ֥י בִטְנְךָ֑ אָ֝שִׁ֗ית לְכִסֵּא לָֽךְ 11Q5נשבע יהוה לדויד [לוא] ישוב ממנה כי מפרי בטנכה אשית על כסא לכה
12МТאִֽם יִשְׁמְר֬וּ בָנֶ֨יךָ בְּרִיתִי֮ וְעֵדֹתִ֥י ז֗וֹ אֲלַ֫מְּדֵ֥ם גַּם בְּנֵיהֶ֥ם עֲדֵי עַ֑ד יֵ֝שְׁב֗וּ לְכִסֵּא לָֽךְ 11Q5[ישמרו] בניכה בריתי ועדוותי זה אלמדם גם [בניהם] עודי עד יעלו לכסא לכה
14МТזֹאת מְנוּחָתִ֥י עֲדֵי עַ֑ד פֹּֽה אֵ֝שֵׁ֗ב כִּ֣י אִוִּתִֽיהָ 11Q5זואת מנוחתי עדי עד פה אשב כי [אויתיה]
16МТוְֽ֭כֹהֲנֶיהָ אַלְבִּ֣ישׁ יֶ֑שַׁע וַ֝חֲסִידֶ֗יהָ רַנֵּ֥ן יְרַנֵּֽנוּ 11Q5וכוהניה [אלבישה] ישע וחסידיה ירננו
17МТשָׁ֤ם אַצְמִ֣יחַ קֶ֣רֶן לְדָוִ֑ד עָרַ֥כְתִּי נֵ֝֗ר לִמְשִׁיחִֽי 11Q5שם אצמיח קרן לדויד [ערכתי] נר למשיחי
18МТא֭וֹיְבָיו אַלְבִּ֣ישׁ בֹּ֑שֶׁת וְ֝עָלָ֗יו יָצִ֥יץ נִזְרֽוֹ 11Q5אויביו אלביש בושת ועליו יציץ נזרו