Псалтирь, глава 138
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТאוֹדְךָ֥ בְכָל לִבִּ֑י נֶ֖גֶד אֱלֹהִ֣ים אֲזַמְּרֶֽךָּ 11Q5לדויד אודכה יהוה בכול לבי נגד יהוה אלוהים אזמרכה
2МТאֶשְׁתַּחֲוֶ֨ה אֶל הֵיכַ֪ל קָדְשְׁךָ֡ וְא֘וֹדֶ֤ה אֶת שְׁמֶ֗ךָ עַל חַסְדְּךָ֥ וְעַל אֲמִתֶּ֑ךָ כִּֽי הִגְדַּ֥לְתָּ עַל כָּל שִׁ֝מְךָ֗ אִמְרָתֶֽךָ 11Q5אשתחוה אל היכל קודשכה ואודה את שמכה על חסדכה ועל אמתכה כי הגדלתה על כול שמכה אמרתכה
3МТבְּי֣וֹם קָ֭רָֽאתִי וַֽתַּעֲנֵ֑נִי תַּרְהִבֵ֖נִי בְנַפְשִׁ֣י עֹֽז 11Q5ביום קראתי ותענני תרהיבני בנפשי עז
4МТיוֹד֣וּךָ יְ֭הוָה כָּל מַלְכֵי אָ֑רֶץ כִּ֥י שָׁ֝מְע֗וּ אִמְרֵי פִֽיךָ 11Q5יודוך יהוה כול מלכי ארץ כי שמעו אמרי פיכה
7МТאִם אֵלֵ֤ךְ בְּקֶ֥רֶב צָרָ֗ה תְּחַ֫יֵּ֥נִי עַ֤ל אַ֣ף אֹ֭יְבַי תִּשְׁלַ֣ח יָדֶ֑ךָ וְת֖וֹשִׁיעֵ֣נִי יְמִינֶֽךָ 11Q5אם אלך בתוך צרה תחיני על אף אויבי תשלח ידכה ותושיעני ימינכה
8МТיְהוָה֮ יִגְמֹ֪ר בַּ֫עֲדִ֥י יְ֭הוָה חַסְדְּךָ֣ לְעוֹלָ֑ם מַעֲשֵׂ֖י יָדֶ֣יךָ אַל תֶּֽרֶף 11Q5יהוה יגמור בעדי יהוה חסדכה לעולם מעשי ידיכה אל תרף