Псалтирь, глава 104
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТבָּרֲכִ֥י נַפְשִׁ֗י אֶת יְה֫וָ֥ה יְהוָ֣ה אֱ֭לֹהַי גָּדַ֣לְתָּ מְּאֹ֑ד ה֭וֹד וְהָדָ֣ר לָבָֽשְׁתָּ 4Q86[את] יהוה יהוה [אלהים] [מאד] הוד והדר תלבש 11Q5לדויד ברכי נפשי [יהוה] אלוהינו גדלתה מואדה הוד
2МТעֹֽטֶה א֭וֹר כַּשַּׂלְמָ֑ה נוֹטֶ֥ה שָׁ֝מַ֗יִם כַּיְרִיעָֽה 4Q86עטי [שלמה] [נוטי] שמים כיריעה 4Q87[שלמה] נוטה שמים [כיריעה]
3МТהַ֥מְקָרֶֽה בַמַּ֗יִם עֲֽלִיּ֫וֹתָ֥יו הַשָּׂם עָבִ֥ים רְכוּב֑וֹ הַֽ֝מְהַלֵּ֗ךְ עַל כַּנְפֵי רֽוּחַ 4Q86מקרה [מים] [עליותו] השם עבים רכבו מהלך כנפי רוח 4Q93[מקרה] השם עבים המהלך על [כנפי] [רוח]
4МТעֹשֶׂ֣ה מַלְאָכָ֣יו רוּח֑וֹת מְ֝שָׁרְתָ֗יו אֵ֣שׁ לֹהֵֽט 4Q86עשי מלאכיו [רוחות] [משרתיו] אש [להט] 4Q93עשי מלאכו רוחות משירתו אש להט 11Q5[מלאכיו] [רוחות] [משרתיו] אש לוהטת
5МТיָֽסַד אֶ֭רֶץ עַל מְכוֹנֶ֑יהָ בַּל תִּ֝מּ֗וֹט עוֹלָ֥ם וָעֶֽד 4Q93ישד ארץ על מכוניה בל תמוט לעלם ו
8МТיַעֲל֣וּ הָ֭רִים יֵרְד֣וּ בְקָע֑וֹת אֶל מְ֝ק֗וֹם זֶ֤ה יָסַ֬דְתָּ לָהֶֽם 4Q86יעלו הרים ירדו [בקעות] [מקום] [יסדתה] להם
10МТהַֽמְשַׁלֵּ֣חַ מַ֭עְיָנִים בַּנְּחָלִ֑ים בֵּ֥ין הָ֝רִ֗ים יְהַלֵּכֽוּן 4Q86משלח מעינים בנחלים בין ההרים יהלכו
11МТיַ֭שְׁקוּ כָּל חַיְת֣וֹ שָׂדָ֑י יִשְׁבְּר֖וּ פְרָאִ֣ים צְמָאָֽם 4Q86ישקו חיות את הא ישכירו פראים צמאם
14МТמַצְמִ֤יחַ חָצִ֨יר לַבְּהֵמָ֗ה וְ֭עֵשֶׂב לַעֲבֹדַ֣ת הָאָדָ֑ם לְה֥וֹצִיא לֶ֝֗חֶם מִן הָאָֽרֶץ
15МТוְיַ֤יִן יְשַׂמַּ֬ח לְֽבַב אֱנ֗וֹשׁ לְהַצְהִ֣יל פָּנִ֣ים מִשָּׁ֑מֶן וְ֝לֶ֗חֶם לְֽבַב אֱנ֥וֹשׁ יִסְעָֽד 4Q86ויין אנוש [להצהיל] שמן [יסעד]
20МТתָּֽשֶׁת חֹ֭שֶׁךְ וִ֣יהִי לָ֑יְלָה בּֽוֹ תִ֝רְמֹ֗שׂ כָּל חַיְתוֹ יָֽעַר 4Q87[לילה] בו תרמוש כול [חיתו]
22МТתִּזְרַ֣ח הַ֭שֶּׁמֶשׁ יֵאָסֵפ֑וּן וְאֶל מְ֝עוֹנֹתָ֗ם יִרְבָּצֽוּן 4Q86[שמש] ויאספו [מעונ] ירבצו 11Q5השמש ויאספון ואל מעונותיהם
23МТיֵצֵ֣א אָדָ֣ם לְפָעֳל֑וֹ וְֽלַעֲבֹ֖דָת֣וֹ עֲדֵי עָֽרֶב 4Q86[יצא] אדם ל ולעבדתו עדי ערב 11Q5לפועלו ולעבודתו עד ערב
24МТמָֽה רַבּ֬וּ מַעֲשֶׂ֨יךָ יְֽהוָ֗ה כֻּ֭לָּם בְּחָכְמָ֣ה עָשִׂ֑יתָ מָלְאָ֥ה הָ֝אָ֗רֶץ קִנְיָנֶֽךָ 4Q86רבו מעשיך [יהוה] כלם בחכמה נעשו מלאה הארץ קנינך 11Q5מה רבו [מעשיכה] כולם בחוכמה עשיתה מלאה הארץ קנינכה
25МТזֶ֤ה הַיָּ֥ם גָּדוֹל֮ וּרְחַ֪ב יָ֫דָ֥יִם שָֽׁם רֶ֭מֶשׂ וְאֵ֣ין מִסְפָּ֑ר חַיּ֥וֹת קְ֝טַנּ֗וֹת עִם גְּדֹלֽוֹת 11Q5הים [גדול] ורחב ידים שמה רמש הרבה ואין למספר חיות [קטנות] עם גדולות
26МТשָׁ֭ם אֳנִיּ֣וֹת יְהַלֵּכ֑וּן לִ֝וְיָתָ֗ן זֶֽה יָצַ֥רְתָּ לְשַֽׂחֶק בּֽוֹ 11Q5שם אוניות יהלכון לויתן זה יצרתה לשחק בו
27МТכֻּ֭לָּם אֵלֶ֣יךָ יְשַׂבֵּר֑וּן לָתֵ֖ת אָכְלָ֣ם בְּעִתּֽוֹ 11Q5כולם אליכה ישברו לתת להם אוכלם בעתו
28МТתִּתֵּ֣ן לָ֭הֶם יִלְקֹט֑וּן תִּפְתַּ֥ח יָֽ֝דְךָ֗ יִשְׂבְּע֥וּן טֽוֹב 11Q5תתן להם וילקטון תפתח ידכה ישבעו טוב
29МТתַּסְתִּ֥יר פָּנֶיךָ֮ יִֽבָּהֵ֫ל֥וּן תֹּסֵ֣ף ר֭וּחָם יִגְוָע֑וּן וְֽאֶל עֲפָרָ֥ם יְשׁוּבֽוּן 11Q5תוסף רוחכה ויגועו ואל עפרם ישובו
30МТתְּשַׁלַּ֣ח ר֭וּחֲךָ יִבָּרֵא֑וּן וּ֝תְחַדֵּ֗שׁ פְּנֵ֣י אֲדָמָֽה 11Q5תשלח רוחכה ויבראון ותחדש פני אדמה
31МТיְהִ֤י כְב֣וֹד יְהוָ֣ה לְעוֹלָ֑ם יִשְׂמַ֖ח יְהוָ֣ה בְּמַעֲשָֽׂיו 11Q5ויהי כבוד יהוה לעולם ישמח יהוה במעשיו
32МТהַמַּבִּ֣יט לָ֭אָרֶץ וַתִּרְעָ֑ד יִגַּ֖ע בֶּהָרִ֣ים וְֽיֶעֱשָֽׁנוּ 11Q5[מביט] אל הארץ ותרעד יגע בהרים ויעשנו
33МТאָשִׁ֣ירָה לַיהוָ֣ה בְּחַיָּ֑י אֲזַמְּרָ֖ה לֵאלֹהַ֣י בְּעוֹדִֽי 4Q86[אשירה] בחיי אזמרה בעדי 11Q5אשירה [יהוה] בחיי אזמרה לאלוהי בעודי
34МТיֶעֱרַ֣ב עָלָ֣יו שִׂיחִ֑י אָ֝נֹכִ֗י אֶשְׂמַ֥ח בַּיהוָֽה
35МТיִתַּ֤מּוּ חַטָּאִ֨ים מִן הָאָ֡רֶץ וּרְשָׁעִ֤ים ע֤וֹד אֵינָ֗ם בָּרֲכִ֣י נַ֭פְשִׁי אֶת יְהוָ֗ה הַֽלְלוּ יָֽהּ 4Q86כי [יתמו] [חטאים] מן [הארץ] [ורשעים] 11Q5כאשר יתמו חוטאים מארץ [ברכי] נפשי את יהוה הללויה