Псалтирь, глава 122
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТשָׂ֭מַחְתִּי בְּאֹמְרִ֣ים לִ֑י בֵּ֖ית יְהוָ֣ה נֵלֵֽךְ 11Q5שיר המעלות לדויד [שמחתי] בית יהוה נלך
2МТעֹ֭מְדוֹת הָי֣וּ רַגְלֵ֑ינוּ בִּ֝שְׁעָרַ֗יִךְ יְרוּשָׁלִָֽם 11Q5עומדות היו רגלי בשעריך [ירושלים]
3МТיְרוּשָׁלִַ֥ם הַבְּנוּיָ֑ה כְּ֝עִ֗יר שֶׁחֻבְּרָה לָּ֥הּ יַחְדָּֽו 11Q5ירושלים הבנויה כעיר שחברה לו
4МТשֶׁשָּׁ֨ם עָל֪וּ שְׁבָטִ֡ים שִׁבְטֵי יָ֭הּ עֵד֣וּת לְיִשְׂרָאֵ֑ל לְ֝הֹד֗וֹת לְשֵׁ֣ם יְהוָֽה 11Q5שמה עדת ישראל להודות לשם יהוה
5МТכִּ֤י שָׁ֨מָּה יָשְׁב֣וּ כִסְא֣וֹת לְמִשְׁפָּ֑ט כִּ֝סְא֗וֹת לְבֵ֣ית דָּוִֽיד 11Q5כי [שמה] משפט כסא לבית דויד
6МТשַׁ֭אֲלוּ שְׁל֣וֹם יְרוּשָׁלִָ֑ם יִ֝שְׁלָ֗יוּ אֹהֲבָֽיִךְ 11Q5שאלו שא שלום [ירושלים] [אוהביך]
7МТיְהִֽי שָׁל֥וֹם בְּחֵילֵ֑ךְ שַׁ֝לְוָ֗ה בְּאַרְמְנוֹתָֽיִךְ 11Q5יהי שלום בחילך ושלוה בארמונותיך
8МТלְ֭מַעַן אַחַ֣י וְרֵעָ֑י אֲדַבְּרָה נָּ֖א שָׁל֣וֹם בָּֽךְ
9МТלְ֭מַעַן בֵּית יְהוָ֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ 11Q5למען בית יהוה [אלוהינו] טובה לך