Псалтирь, глава 141
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
5МТיֶֽהֶלְמֵֽנִי צַדִּ֨יק חֶ֡סֶד וְֽיוֹכִיחֵ֗נִי שֶׁ֣מֶן רֹ֭אשׁ אַל יָנִ֣י רֹאשִׁ֑י כִּי ע֥וֹד וּ֝תְפִלָּתִ֗י בְּרָעוֹתֵיהֶֽם 11Q5ויוכיחני שמן רואש אל יני רואשי כי עוד ותלפתי ברעותיהמה
6МТנִשְׁמְט֣וּ בִֽידֵי סֶ֭לַע שֹׁפְטֵיהֶ֑ם וְשָׁמְע֥וּ אֲ֝מָרַ֗י כִּ֣י נָעֵֽמוּ 11Q5נשמטו בידי סלע שופטיהם ושמעו אמרי כי נעימו
7МТכְּמ֤וֹ פֹלֵ֣חַ וּבֹקֵ֣עַ בָּאָ֑רֶץ נִפְזְר֥וּ עֲ֝צָמֵ֗ינוּ לְפִ֣י שְׁאֽוֹל 11Q5כמו פלח ובקע בארץ נפזרו עצמי לפי אשאול
8МТכִּ֤י אֵלֶ֨יךָ יְהֹוִ֣ה אֲדֹנָ֣י עֵינָ֑י בְּכָ֥ה חָ֝סִ֗יתִי אַל תְּעַ֥ר נַפְשִֽׁי 11Q5כי אליכה יהוה אדוני עיני בכה חסיתי אל תער נפשי
9МТשָׁמְרֵ֗נִי מִ֣ידֵי פַ֭ח יָ֣קְשׁוּ לִ֑י וּ֝מֹקְשׁ֗וֹת פֹּ֣עֲלֵי אָֽוֶן 11Q5שמורני מיד פח יקושו לי ומוקשות פועלי און
10МТיִפְּל֣וּ בְמַכְמֹרָ֣יו רְשָׁעִ֑ים יַ֥חַד אָ֝נֹכִ֗י עַֽד אֶעֱבֽוֹר 11Q5יפולו במכמריו רשעים יחד אנוכי עד אעבור