Псалтирь, глава 69
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
0МТלַמְנַצֵּ֬חַ עַֽל שׁוֹשַׁנִּ֬ים לְדָוִֽד
2МТטָבַ֤עְתִּי בִּיוֵ֣ן מְ֭צוּלָה וְאֵ֣ין מָעֳמָ֑ד בָּ֥אתִי בְמַעֲמַקֵּי מַ֝֗יִם וְשִׁבֹּ֥לֶת שְׁטָפָֽתְנִי 4Q83טבעתי בין מצולה אין [מעמד] במעמקי מים שבולת [שטפתני]
3МТיָגַ֣עְתִּי בְקָרְאִי֮ נִחַ֪ר גְּר֫וֹנִ֥י כָּל֥וּ עֵינַ֑י מְ֝יַחֵ֗ל לֵאלֹהָֽי 4Q83[גרוני] כליו שני בחיל לאלהי [ישראל]
4МТרַבּ֤וּ מִשַּׂעֲר֣וֹת רֹאשִׁי֮ שֹׂנְאַ֪י חִ֫נָּ֥ם עָצְמ֣וּ מַ֭צְמִיתַי אֹיְבַ֣י שֶׁ֑קֶר אֲשֶׁ֥ר לֹא גָ֝זַ֗לְתִּי אָ֣ז אָשִֽׁיב 4Q83[רבו] משערי ראשי שונאי חנם לוא גזלתי
5МТאֱֽלֹהִ֗ים אַתָּ֣ה יָ֭דַעְתָּ לְאִוַּלְתִּ֑י וְ֝אַשְׁמוֹתַ֗י מִמְּךָ֥ לֹא נִכְחָֽדוּ 4Q83אתה ידעתה לוא לויתי ואשלמנ
6МТאַל יֵ֘בֹ֤שׁוּ בִ֨י קֹוֶיךָ֮ אֲדֹנָ֥י יְהוִ֗ה צְבָ֫א֥וֹת אַל יִכָּ֣לְמוּ בִ֣י מְבַקְשֶׁ֑יךָ אֱ֝לֹהֵ֗י יִשְׂרָאֵֽל 4Q83[יבושו] קויכה [אדני] [יהוה] [יכלמו] מבקשיכה אלהי ישראל
7МТכִּֽי עָ֭לֶיךָ נָשָׂ֣אתִי חֶרְפָּ֑ה כִּסְּתָ֖ה כְלִמָּ֣ה פָנָֽי 4Q83[כי] [עליכה] [נשאתי] [כסתה] כלמה פני
8МТמ֭וּזָר הָיִ֣יתִי לְאֶחָ֑י וְ֝נָכְרִ֗י לִבְנֵ֥י אִמִּֽי 4Q83מי זר [הייתי] נכרי לבני אמי
10МТוָאֶבְכֶּ֣ה בַצּ֣וֹם נַפְשִׁ֑י וַתְּהִ֖י לַחֲרָפ֣וֹת לִֽי 4Q83ואך בצום נפשי [ותהי] לחרפות לי
11МТוָאֶתְּנָ֣ה לְבוּשִׁ֣י שָׂ֑ק וָאֱהִ֖י לָהֶ֣ם לְמָשָֽׁל 4Q83ואתנה [לבושי] שק ותהי להם
12МТיָשִׂ֣יחוּ בִ֭י יֹ֣שְׁבֵי שָׁ֑עַר וּ֝נְגִינ֗וֹת שׁוֹתֵ֥י שֵׁכָֽר 4Q83[ישיחו] ישבי שער בי ינגנו [שתי] שכר
13МТוַאֲנִ֤י תְפִלָּתִֽי לְךָ֨ יְהוָ֡ה עֵ֤ת רָצ֗וֹן אֱלֹהִ֥ים בְּרָב חַסְדֶּ֑ךָ עֲ֝נֵ֗נִי בֶּאֱמֶ֥ת יִשְׁעֶֽךָ 4Q83ואני תפלתי למה [יהוה] עתה רצון [אלהים] רב חסדכה ענני באמת ישעכה
14МТהַצִּילֵ֣נִי מִ֭טִּיט וְאַל אֶטְבָּ֑עָה אִנָּצְלָ֥ה מִ֝שֹּֽׂנְאַ֗י וּמִמַּֽעֲמַקֵּי מָֽיִם 4Q83הצילני מטיט אל [אטבעה] ויקחני גזלי [הצילני] משנאי מעמקי מים
15МТאַל תִּשְׁטְפֵ֤נִי שִׁבֹּ֣לֶת מַ֭יִם וְאַל תִּבְלָעֵ֣נִי מְצוּלָ֑ה וְאַל תֶּאְטַר עָלַ֖י בְּאֵ֣ר פִּֽיהָ 4Q83אל [תשטפני] שבולת מים ואל תטבעני מצולה ואל [תאטר] [עלי] באר פי
16МТעֲנֵ֣נִי יְ֭הוָה כִּי ט֣וֹב חַסְדֶּ֑ךָ כְּרֹ֥ב רַ֝חֲמֶ֗יךָ פְּנֵ֣ה אֵלָֽי 4Q83ענני כטוב חסדכה [כרב] פנה אלי
17МТוְאַל תַּסְתֵּ֣ר פָּ֭נֶיךָ מֵֽעַבְדֶּ֑ךָ כִּֽי צַר לִ֝֗י מַהֵ֥ר עֲנֵֽנִי 4Q83אל תסתר פניכה מעבדכה כי [מהרה] ענני
18МТקָרְבָ֣ה אֶל נַפְשִׁ֣י גְאָלָ֑הּ לְמַ֖עַן אֹיְבַ֣י פְּדֵֽנִי 4Q83קרב על נפשי גאלה [למען]