Псалтирь, глава 119
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТאַשְׁרֵ֥י תְמִֽימֵי דָ֑רֶךְ הַֽ֝הֹלְכִ֗ים בְּתוֹרַ֥ת יְהוָֽה 11Q5אשרי [תמימי] הולכים בתורת יהוה
2МТאַ֭שְׁרֵי נֹצְרֵ֥י עֵדֹתָ֗יו בְּכָל לֵ֥ב יִדְרְשֽׁוּהוּ
3МТאַ֭ף לֹֽא פָעֲל֣וּ עַוְלָ֑ה בִּדְרָכָ֥יו הָלָֽכוּ
4МТאַ֭תָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד
5МТאַ֭חֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ
6МТאָ֥ז לֹא אֵב֑וֹשׁ בְּ֝הַבִּיטִ֗י אֶל כָּל מִצְוֹתֶֽיךָ 11Q5אז [לא] [כל] מצוותיכה
13МТבִּשְׂפָתַ֥י סִפַּ֑רְתִּי כֹּ֝֗ל מִשְׁפְּטֵי פִֽיךָ 4Q90בשפתי שפרתי כל [משפטי]
14МТבְּדֶ֖רֶךְ עֵדְוֹתֶ֥יךָ שַׂ֗שְׂתִּי כְּעַ֣ל כָּל הֽוֹן
15МТבְּפִקֻּדֶ֥יךָ אָשִׂ֑יחָה וְ֝אַבִּ֗יטָה אֹרְחֹתֶֽיךָ 11Q5בפקודיכה אשיחה ואביטה אורחותיכה
16МТבְּחֻקֹּתֶ֥יךָ אֶֽשְׁתַּעֲשָׁ֑ע לֹ֭א אֶשְׁכַּ֣ח דְּבָרֶֽךָ 4Q90בחוקותיך אשתעשע [לוא] 11Q5בחוקיכה אשתעשע לוא אשכח דבריכה
17МТגְּמֹ֖ל עַֽל עַבְדְּךָ֥ אֶֽחְיֶ֗ה וְאֶשְׁמְרָ֥ה דְבָרֶֽךָ 11Q5גמור על עבדכה ואחיה ואשמורה דבריכה
18МТגַּל עֵינַ֥י וְאַבִּ֑יטָה נִ֝פְלָא֗וֹת מִתּוֹרָתֶֽךָ 4Q90גל עיני אביט [נפלאות] 11Q5גל עיני ואביטה נפלאות מתורותיכה
19МТגֵּ֣ר אָנֹכִ֣י בָאָ֑רֶץ אַל תַּסְתֵּ֥ר מִ֝מֶּ֗נִּי מִצְוֹתֶֽיךָ 11Q5גר אנוכי בארץ אל תסתר ממני מצוותיכה
20МТגָּרְסָ֣ה נַפְשִׁ֣י לְתַאֲבָ֑ה אֶֽל מִשְׁפָּטֶ֥יךָ בְכָל עֵֽת 11Q5גרשה נפשי לתאבה אל משפטיכה בכול עת
21МТגָּ֭עַרְתָּ זֵדִ֣ים אֲרוּרִ֑ים הַ֝שֹּׁגִים מִמִּצְוֹתֶֽיךָ 11Q5גערתה זדים ארורים השוגים ממצוותיכה
22МТגַּ֣ל מֵֽ֭עָלַי חֶרְפָּ֣ה וָב֑וּז כִּ֖י עֵדֹתֶ֣יךָ נָצָֽרְתִּי 11Q5גול מעלי חרפה ובוז כי עדוותיכה נצרתי
23МТגַּ֤ם יָֽשְׁב֣וּ שָׂ֭רִים בִּ֣י נִדְבָּ֑רוּ עַ֝בְדְּךָ֗ יָשִׂ֥יחַ בְּחֻקֶּֽיךָ 11Q5גם ישבו שרים בי נדברו עבדכה ישיח בחוקיכה
24МТגַּֽם עֵ֭דֹתֶיךָ שַׁעֲשֻׁעָ֗י אַנְשֵׁ֥י עֲצָתִֽי 11Q5גם עדוותיכה שעשועי אנשי עצתי
26МТדְּרָכַ֣י סִ֭פַּרְתִּי וַֽתַּעֲנֵ֗נִי לַמְּדֵ֥נִי חֻקֶּֽיךָ 11Q5דרכי ספרתי [ותענני] [חוקיכה]
27МТדֶּֽרֶךְ פִּקּוּדֶ֥יךָ הֲבִינֵ֑נִי וְ֝אָשִׂ֗יחָה בְּנִפְלְאוֹתֶֽיךָ 11Q5דרך פקודיכה [הבינני] [נפלאותיכה]
28МТדָּלְפָ֣ה נַ֭פְשִׁי מִתּוּגָ֑ה קַ֝יְּמֵ֗נִי כִּדְבָרֶֽךָ
31МТדָּבַ֥קְתִּי בְעֵֽדְוֹתֶ֑יךָ יְ֝הוָ֗ה אַל תְּבִישֵֽׁנִי
32МТדֶּֽרֶךְ מִצְוֹתֶ֥יךָ אָר֑וּץ כִּ֖י תַרְחִ֣יב לִבִּֽי
37МТהַעֲבֵ֣ר עֵ֭ינַי מֵרְא֣וֹת שָׁ֑וְא בִּדְרָכֶ֥ךָ חַיֵּֽנִי 4Q89העביר עיני מראות שוא בדרכך חיני 11Q5העבר עיני מראות שוא כדברכה חונני
38МТהָקֵ֣ם לְ֭עַבְדְּךָ אִמְרָתֶ֑ךָ אֲ֝שֶׁ֗ר לְיִרְאָתֶֽךָ 11Q5הקם לעבדכה אמרתכה אשר ליראתכה
39МТהַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי כִּ֖י מִשְׁפָּטֶ֣יךָ טוֹבִֽים 11Q5העבר חרפתי אשר יגרתי כי משפטיכה טובים
40МТהִ֭נֵּה תָּאַ֣בְתִּי לְפִקֻּדֶ֑יךָ בְּצִדְקָתְךָ֥ חַיֵּֽנִי 11Q5הנה תאבתי לפקודיכה בצדקתכה חונני
41МТוִֽיבֹאֻ֣נִי חֲסָדֶ֣ךָ יְהוָ֑ה תְּ֝שֽׁוּעָתְךָ֗ כְּאִמְרָתֶֽךָ 4Q89ויביאני חסדך יהוה תשועתך אמרתך 11Q5ויבואוני חסד יהוה תשועתכה כאמרתכה
42МТוְאֶֽעֱנֶ֣ה חֹרְפִ֣י דָבָ֑ר כִּֽי בָ֝טַחְתִּי בִּדְבָרֶֽךָ 4Q89ואענה חורפי דבר כי פקודיך נצרתי 11Q5ואענה חורפי דבר כי בטחתי בדברכה
43МТוְֽאַל תַּצֵּ֬ל מִפִּ֣י דְבַר אֱמֶ֣ת עַד מְאֹ֑ד כִּ֖י לְמִשְׁפָּטֶ֣ךָ יִחָֽלְתִּי 4Q89ואל תצל מפי דבר אמתך עד מאד כי למשפטך יחלתי 11Q5ואל תצל מפי דבר אמת עד מואדה כי לדבריכה יחלתי
44МТוְאֶשְׁמְרָ֖ה תוֹרָתְךָ֥ תָמִ֗יד לְעוֹלָ֥ם וָעֶֽד 11Q5ואשמורה תורתכה תמיד ועד
45МТוְאֶתְהַלְּכָ֥ה בָרְחָבָ֑ה כִּ֖י פִקֻּדֶ֣יךָ דָרָֽשְׁתִּי 11Q5ואתהלכה ברחוביה כי פקודיכה דרשתי
46МТוַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים וְלֹ֣א אֵבֽוֹשׁ 11Q5ואדברה בעדוותיכה [נגד] מלכים ולוא אבוש
47МТוְאֶשְׁתַּֽעֲשַׁ֥ע בְּמִצְוֹתֶ֗יךָ אֲשֶׁ֣ר אָהָֽבְתִּי 1Q10[ואשתעשע] [מצותיך] אשר [אהבתי] 11Q5ואשתעשעה [במצוותיכה] [אשר] אהבתי
48МТוְאֶשָּֽׂא כַפַּ֗י אֶֽל מִ֭צְוֹתֶיךָ אֲשֶׁ֥ר אָהָ֗בְתִּי וְאָשִׂ֥יחָה בְחֻקֶּֽיךָ 11Q5ואשא כפי אל [מצוותיכה] [אשר] אהבתי ואשישה בחוקיכה
49МТזְכֹר דָּבָ֥ר לְעַבְדֶּ֑ךָ עַ֝֗ל אֲשֶׁ֣ר יִֽחַלְתָּֽנִי 11Q5זכורה דבריכה ל יחלתני
50МТזֹ֣את נֶחָמָתִ֣י בְעָנְיִ֑י כִּ֖י אִמְרָתְךָ֣ חִיָּֽתְנִי 4Q89[זאות] [אמרתך] [חיתני]
59МТחִשַּׁ֥בְתִּי דְרָכָ֑י וָאָשִׁ֥יבָה רַ֝גְלַ֗י אֶל עֵדֹתֶֽיךָ 11Q5חשבתי דרכי ואשיבה רגלי אל עדוותיכה
60МТחַ֭שְׁתִּי וְלֹ֣א הִתְמַהְמָ֑הְתִּי לִ֝שְׁמֹ֗ר מִצְוֹתֶֽיךָ 11Q5חשתי ולוא התמהמהתי לשמור מצוותיכה
61МТחֶבְלֵ֣י רְשָׁעִ֣ים עִוְּדֻ֑נִי תּֽ֝וֹרָתְךָ֗ לֹ֣א שָׁכָֽחְתִּי 11Q5חבלי רשעים עודוני תורתכה לוא שכחתי
62МТחֲצֽוֹת לַ֗יְלָה אָ֭קוּם לְהוֹד֣וֹת לָ֑ךְ עַ֝֗ל מִשְׁפְּטֵ֥י צִדְקֶֽךָ 11Q5חצות לילה אקום להודות לכה על משפטי צדקכה
63МТחָבֵ֣ר אָ֭נִי לְכָל אֲשֶׁ֣ר יְרֵא֑וּךָ וּ֝לְשֹׁמְרֵ֗י פִּקּוּדֶֽיךָ 11Q5חבר אני לכול אשר יראוכה ולשומרי פקודיכה
64МТחַסְדְּךָ֣ יְ֭הוָה מָלְאָ֥ה הָאָ֗רֶץ חֻקֶּ֥יךָ לַמְּדֵֽנִי 11Q5חסדכה יהוה מלאה הארץ חוקכה למדני
65МТט֭וֹב עָשִׂ֣יתָ עִֽם עַבְדְּךָ֑ יְ֝הוָ֗ה כִּדְבָרֶֽךָ 11Q5טוב עשיתה עם עבדכה יהוה כדברכה
66МТט֤וּב טַ֣עַם וָדַ֣עַת לַמְּדֵ֑נִי כִּ֖י בְמִצְוֹתֶ֣יךָ הֶאֱמָֽנְתִּי 11Q5טוב טעם ודעת למדני כי במצוותיכה האמנתי
67МТטֶ֣רֶם אֶ֭עֱנֶה אֲנִ֣י שֹׁגֵ֑ג וְ֝עַתָּ֗ה אִמְרָתְךָ֥ שָׁמָֽרְתִּי 11Q5טרם אענה אני שוגג ועתה אמרתכה שמרתי
68МТטוֹב אַתָּ֥ה וּמֵטִ֗יב לַמְּדֵ֥נִי חֻקֶּֽיךָ 11Q5טוב אתה אדוני ומטיב למדני חוקיכה
69МТטָפְל֬וּ עָלַ֣י שֶׁ֣קֶר זֵדִ֑ים אֲ֝נִ֗י בְּכָל לֵ֤ב אֱצֹּ֬ר פִּקּוּדֶֽיךָ 11Q5טפלו עלי שקר זדים אני בכול [לב] אצורה פקודיכה
70МТטָפַ֣שׁ כַּחֵ֣לֶב לִבָּ֑ם אֲ֝נִ֗י תּוֹרָתְךָ֥ שִֽׁעֲשָֽׁעְתִּי 11Q5טפש כחלב לבם אני [תורתכה] [שעשועי]
71МТטֽוֹב לִ֥י כִֽי עֻנֵּ֑יתִי לְ֝מַ֗עַן אֶלְמַ֥ד חֻקֶּֽיךָ 11Q5טוב לי כי עניתני למען [אלמד] [חוקיכה]
72МТטֽוֹב לִ֥י תֽוֹרַת פִּ֑יךָ מֵ֝אַלְפֵ֗י זָהָ֥ב וָכָֽסֶף 11Q5טוב לי תורת פיכה מאלף
73МТיָדֶ֣יךָ עָ֭שׂוּנִי וַֽיְכוֹנְנ֑וּנִי הֲ֝בִינֵ֗נִי וְאֶלְמְדָ֥ה מִצְוֹתֶֽיךָ
77МТיְבֹא֣וּנִי רַחֲמֶ֣יךָ וְאֶֽחְיֶ֑ה כִּי תֽ֝וֹרָתְךָ֗ שַֽׁעֲשֻׁעָֽי 1Q10[אחיה] כי [תורתך] שעשעי
78МТיֵבֹ֣שׁוּ זֵ֭דִים כִּי שֶׁ֣קֶר עִוְּת֑וּנִי אֲ֝נִ֗י אָשִׂ֥יחַ בְּפִקּוּדֶֽיךָ 1Q10[עותני] אני [אשיח] בפקדיך
79МТיָשׁ֣וּבוּ לִ֣י יְרֵאֶ֑יךָ וְ֝יֹדְעֵ֗י עֵדֹתֶֽיךָ Кетивישובו לי יראיך וידעו עדתיך
80МТיְהִֽי לִבִּ֣י תָמִ֣ים בְּחֻקֶּ֑יךָ לְ֝מַ֗עַן לֹ֣א אֵבֽוֹשׁ
82МТכָּל֣וּ עֵ֭ינַי לְאִמְרָתֶ֑ךָ לֵ֝אמֹ֗ר מָתַ֥י תְּֽנַחֲמֵֽנִי 11Q5כלתה עיני לאמרתכה לאמור מתי תנחמני
83МТכִּֽי הָ֭יִיתִי כְּנֹ֣אד בְּקִיט֑וֹר חֻ֝קֶּ֗יךָ לֹ֣א שָׁכָֽחְתִּי 11Q5כי עשיתני כנאוד בקיטור חסדכה לוא שכחתי
84МТכַּמָּ֥ה יְמֵֽי עַבְדֶּ֑ךָ מָתַ֬י תַּעֲשֶׂ֖ה בְרֹדְפַ֣י מִשְׁפָּֽט 11Q5כמה ימי עבדכה מתי תעשה ברודפי משפט
85МТכָּֽרוּ לִ֣י זֵדִ֣ים שִׁיח֑וֹת אֲ֝שֶׁ֗ר לֹ֣א כְתוֹרָתֶֽךָ 11Q5כרו לי זידים שחת אשר לוא כתורתכה
86МТכָּל מִצְוֹתֶ֥יךָ אֱמוּנָ֑ה שֶׁ֖קֶר רְדָפ֣וּנִי עָזְרֵֽנִי 11Q5כול מצוותיכה אמונה שקר רדפוני עוזרני
87МТכִּ֭מְעַט כִּלּ֣וּנִי בָאָ֑רֶץ וַ֝אֲנִ֗י לֹא עָזַ֥בְתִּי פִקֻּודֶֽיךָ 11Q5כמעט כלוני מארץ ואני לוא עזבתי פקודיכה
88МТכְּחַסְדְּךָ֥ חַיֵּ֑נִי וְ֝אֶשְׁמְרָ֗ה עֵד֥וּת פִּֽיךָ 11Q5כחסדכה חונני ואשמורה עדוות פיכה
89МТלְעוֹלָ֥ם יְהוָ֑ה דְּ֝בָרְךָ֗ נִצָּ֥ב בַּשָּׁמָֽיִם 11Q5לעולם יהוה דברכה נצב בשמים
90МТלְדֹ֣ר וָ֭דֹר אֱמֽוּנָתֶ֑ךָ כּוֹנַ֥נְתָּ אֶ֝֗רֶץ וַֽתַּעֲמֹֽד 11Q5לדור ודור אמונתכה כוננתה ארץ ותעמד
91МТלְֽ֭מִשְׁפָּטֶיךָ עָמְד֣וּ הַיּ֑וֹם כִּ֖י הַכֹּ֣ל עֲבָדֶֽיךָ 11Q5למשפטיכה עמדו היום כי הכול עבדיכה
92МТלוּלֵ֣י ת֭וֹרָתְךָ שַׁעֲשֻׁעָ֑י אָ֝֗ז אָבַ֥דְתִּי בְעָנְיִֽי 11Q5לולי תורתכה שעשועי אז אבדתי בעווני
93МТלְ֭עוֹלָם לֹא אֶשְׁכַּ֣ח פִּקּוּדֶ֑יךָ כִּ֥י בָ֝֗ם חִיִּיתָֽנִי 11Q5לעולם לוא אשכח פקודיכה כי במה חייתני
94МТלְֽךָ אֲ֭נִי הוֹשִׁיעֵ֑נִי כִּ֖י פִקּוּדֶ֣יךָ דָרָֽשְׁתִּי 11Q5לכה אני הושיעני כי פקודיכה דרשתי
95МТלִ֤י קִוּ֣וּ רְשָׁעִ֣ים לְאַבְּדֵ֑נִי עֵ֝דֹתֶ֗יךָ אֶתְבּוֹנָֽן 11Q5לי קוו רשעים לאבדני עדוותיכה אתבונן
96МТלְֽכָל תִּ֭כְלָה רָאִ֣יתִי קֵ֑ץ רְחָבָ֖ה מִצְוָתְךָ֣ מְאֹֽד 11Q5לכול תכלה ראיתי קץ רחבה [מצותכה] מואדה
105МТנֵר לְרַגְלִ֥י דְבָרֶ֑ךָ וְ֝א֗וֹר לִנְתִיבָתִֽי 11Q5נר לרגלי דבריכה אור לנתיבותי
106МТנִשְׁבַּ֥עְתִּי וָאֲקַיֵּ֑מָה לִ֝שְׁמֹ֗ר מִשְׁפְּטֵ֥י צִדְקֶֽךָ 11Q5נשבעתי ואקימה לעשות משפט צדקכה
107МТנַעֲנֵ֥יתִי עַד מְאֹ֑ד יְ֝הוָ֗ה חַיֵּ֥נִי כִדְבָרֶֽךָ 11Q5נעויתי עד מואדה יהוה כאמרתכה חונני
108МТנִדְב֣וֹת פִּ֭י רְצֵה נָ֣א יְהוָ֑ה וּֽמִשְׁפָּטֶ֥יךָ לַמְּדֵֽנִי 11Q5נדבות פי רצה יהוה ממשפטיכה למדני
109МТנַפְשִׁ֣י בְכַפִּ֣י תָמִ֑יד וְ֝תֽוֹרָתְךָ֗ לֹ֣א שָׁכָֽחְתִּי 11Q5נפשי בכפי תמיד תורתכה לוא שכחתי
110МТנָתְנ֬וּ רְשָׁעִ֣ים פַּ֣ח לִ֑י וּ֝מִפִּקּוּדֶ֗יךָ לֹ֣א תָעִֽיתִי 11Q5נתנו רשעים פח לי אני פקודיכה לוא תעיתי
111МТנָחַ֣לְתִּי עֵדְוֹתֶ֣יךָ לְעוֹלָ֑ם כִּֽי שְׂשׂ֖וֹן לִבִּ֣י הֵֽמָּה 11Q5נחלתי עדוותיכה לעולם כי ששון לבי המה
112МТנָטִ֣יתִי לִ֭בִּי לַעֲשׂ֥וֹת חֻקֶּ֗יךָ לְעוֹלָ֥ם עֵֽקֶב 11Q5נטיתי לבי לעשות חוקיכה לעולם עקב
113МТסֵעֲפִ֥ים שָׂנֵ֑אתִי וְֽתוֹרָתְךָ֥ אָהָֽבְתִּי 11Q5סעפים שנאתי תורתכה אהבתי
114МТסִתְרִ֣י וּמָגִנִּ֣י אָ֑תָּה לִדְבָרְךָ֥ יִחָֽלְתִּי 11Q5סתרי ומגני אתה לדבריכה יחלתי
115МТסֽוּרוּ מִמֶּ֥נִּי מְרֵעִ֑ים וְ֝אֶצְּרָ֗ה מִצְוֹ֥ת אֱלֹהָֽי 11Q5סורו ממני מרעים ואצורה מצות אלוהי
116МТסָמְכֵ֣נִי כְאִמְרָתְךָ֣ וְאֶֽחְיֶ֑ה וְאַל תְּ֝בִישֵׁ֗נִי מִשִּׂבְרִֽי 11Q5סמכני כאמרתכה ואחיה ואל תבישני ממשברי
117МТסְעָדֵ֥נִי וְאִוָּשֵׁ֑עָה וְאֶשְׁעָ֖ה בְחֻקֶּ֣יךָ תָמִֽיד 11Q5סעדני ואושעה ואשא חוקיכה תמיד
118МТסָ֭לִיתָ כָּל שׁוֹגִ֣ים מֵחֻקֶּ֑יךָ כִּי שֶׁ֝֗קֶר תַּרְמִיתָֽם 11Q5סליתה כול שוגים מחוקיכה כי שקר תרמיתם
119МТסִגִ֗ים הִשְׁבַּ֥תָּ כָל רִשְׁעֵי אָ֑רֶץ לָ֝כֵ֗ן אָהַ֥בְתִּי עֵדֹתֶֽיךָ 11Q5סיגים חשבתי כול רשעי ארץ על כן אהבתי כול עדוותיכה
120МТסָמַ֣ר מִפַּחְדְּךָ֣ בְשָׂרִ֑י וּֽמִמִּשְׁפָּטֶ֥יךָ יָרֵֽאתִי 11Q5סמר [מפחדכה] בשרי וממשפטיכה יראתי
128МТעַל כֵּ֤ן כָּל פִּקּ֣וּדֵי כֹ֣ל יִשָּׁ֑רְתִּי כָּל אֹ֖רַח שֶׁ֣קֶר שָׂנֵֽאתִי 11Q5על כן פקודי כול ישרתי כול אורח שקר שנאתי
129МТפְּלָא֥וֹת עֵדְוֹתֶ֑יךָ עַל כֵּ֝֗ן נְצָרָ֥תַם נַפְשִֽׁי 11Q5פלגי נפת עדוותיכה על כן נצרתם נפשי
130МТפֵּ֖תַח דְּבָרֶ֥יךָ יָאִ֗יר מֵבִ֥ין פְּתָיִֽים 11Q5פתח דבריכה והאר מבין פותאים
131МТפִּֽי פָ֭עַרְתִּי וָאֶשְׁאָ֑פָה כִּ֖י לְמִצְוֹתֶ֣יךָ יָאָֽבְתִּי 11Q5פי פערתי ואשאפה למצוותיכה תאבתי
132МТפְּנֵה אֵלַ֥י וְחָנֵּ֑נִי כְּ֝מִשְׁפָּ֗ט לְאֹהֲבֵ֥י שְׁמֶֽךָ 11Q5פנה אלי וחונני כמשפט לאוהבי שמכה
133МТפְּ֭עָמַי הָכֵ֣ן בְּאִמְרָתֶ֑ךָ וְֽאַל תַּשְׁלֶט בִּ֥י כָל אָֽוֶן 11Q5פעמי הכן לאמרתכה ואל תשלט בי כול און
134МТפְּ֭דֵנִי מֵעֹ֣שֶׁק אָדָ֑ם וְ֝אֶשְׁמְרָ֗ה פִּקּוּדֶֽיךָ 11Q5פדני מעשק אדם ואשמורה פקודיכה
135МТפָּ֭נֶיךָ הָאֵ֣ר בְּעַבְדֶּ֑ךָ וְ֝לַמְּדֵ֗נִי אֶת חֻקֶּֽיךָ 11Q5פניכה האר בעבדכה ולמדני את חוקיכה
136МТפַּלְגֵי מַ֭יִם יָרְד֣וּ עֵינָ֑י עַ֝֗ל לֹא שָׁמְר֥וּ תוֹרָתֶֽךָ 11Q5פלגי מים ירדו עיני על כי לוא שמרו תורתכה
137МТצַדִּ֣יק אַתָּ֣ה יְהוָ֑ה וְ֝יָשָׁ֗ר מִשְׁפָּטֶֽיךָ 11Q5צדיק אתה יהוה וישרים משפטיכה
138МТצִ֭וִּיתָ צֶ֣דֶק עֵדֹתֶ֑יךָ וֶֽאֱמוּנָ֥ה מְאֹֽד 11Q5צויתה צדק עדוותיכה ואמונה מואדה
139МТצִמְּתַ֥תְנִי קִנְאָתִ֑י כִּֽי שָׁכְח֖וּ דְבָרֶ֣יךָ צָרָֽי 11Q5צמתתני קנאתי כי שכחו דבריכה צרי
140МТצְרוּפָ֖ה אִמְרָתְךָ֥ מְאֹ֗ד וְֽעַבְדְּךָ֥ אֲהֵבָֽהּ 11Q5צרופה אמרתכה מואדה ועבדכה אהבה
141МТצָעִ֣יר אָנֹכִ֣י וְנִבְזֶ֑ה פִּ֝קֻּדֶ֗יךָ לֹ֣א שָׁכָֽחְתִּי 5Q5צעיר [אנכי] ונבזה פקודיך 11Q5צעיר אנוכי ונבזה פקודיכה לוא שכחתי
142МТצִדְקָתְךָ֣ צֶ֣דֶק לְעוֹלָ֑ם וְֽתוֹרָתְךָ֥ אֱמֶֽת 11Q5[צדקות] [צדקות] עולם ותורתך אמת
147МТקִדַּ֣מְתִּי בַ֭נֶּשֶׁף וָאֲשַׁוֵּ֑עָה לִדְבָרְךָ֥ יִחָֽלְתִּי Кетивקדמתי בנשף ואשועה לדבריך יחלתי
150МТקָ֭רְבוּ רֹדְפֵ֣י זִמָּ֑ה מִתּוֹרָתְךָ֥ רָחָֽקוּ 11Q5קרבו רודפי זמה מתורתכה רחקו
151МТקָר֣וֹב אַתָּ֣ה יְהוָ֑ה וְֽכָל מִצְוֹתֶ֥יךָ אֱמֶֽת 11Q5קרוב אתה יהוה וכול מצוותיכה אמת
152МТקֶ֣דֶם יָ֭דַעְתִּי מֵעֵדֹתֶ֑יךָ כִּ֖י לְעוֹלָ֣ם יְסַדְתָּֽם 11Q5קדם ידעתי מדעתכה כי לעולם יסדתני
153МТרְאֵֽה עָנְיִ֥י וְחַלְּצֵ֑נִי כִּי תֽ֝וֹרָתְךָ֗ לֹ֣א שָׁכָֽחְתִּי 11Q5ראה עוניי וחלצני תורתכה לוא שכחתי
154МТרִיבָ֣ה רִ֭יבִי וּגְאָלֵ֑נִי לְאִמְרָתְךָ֥ חַיֵּֽנִי 11Q5ריבה ריבי וגאלני לאמרתכה חיני
155МТרָח֣וֹק מֵרְשָׁעִ֣ים יְשׁוּעָ֑ה כִּֽי חֻ֝קֶּיךָ לֹ֣א דָרָֽשׁוּ 11Q5רחוק מרשעים ישועה כי חוקיכה לוא דרשו
156МТרַחֲמֶ֖יךָ רַבִּ֥ים יְהוָ֑ה כְּֽמִשְׁפָּטֶ֥יךָ חַיֵּֽנִי 11Q5רחמיכה רבים יהוה כמשפטיכה חונני
157МТרַ֭בִּים רֹדְפַ֣י וְצָרָ֑י מֵ֝עֵדְוֹתֶ֗יךָ לֹ֣א נָטִֽיתִי 11Q5רבים רודפי וצרי מעדוותיכה לוא נטיתי
158МТרָאִ֣יתִי בֹ֭גְדִים וָֽאֶתְקוֹטָ֑טָה אֲשֶׁ֥ר אִ֝מְרָתְךָ֗ לֹ֣א שָׁמָֽרוּ 11Q5ראיתי בוגדים ואתקוטטה אשר אמרתכה לוא שמרו
159МТרְ֭אֵה כִּי פִקּוּדֶ֣יךָ אָהָ֑בְתִּי יְ֝הוָ֗ה כְּֽחַסְדְּךָ֥ חַיֵּֽנִי 11Q5ראה כי פקודיכה אהבתי יהוה כאמרתכה חונני
160МТרֹאשׁ דְּבָרְךָ֥ אֱמֶ֑ת וּ֝לְעוֹלָ֗ם כָּל מִשְׁפַּ֥ט צִדְקֶֽךָ 11Q5[רואש] דבריכה אמת ולעולם כול משפט צדק
161МТשָׂ֭רִים רְדָפ֣וּנִי חִנָּ֑ם וּ֝מִדְּבָרְךָ֗ פָּחַ֥ד לִבִּֽי Кетивשרים רדפוני חנם ומדבריך פחד לבי 11Q5שרים רדפוני חנום ומדבריכה פחד לבי
162МТשָׂ֣שׂ אָ֭נֹכִֽי עַל אִמְרָתֶ֑ךָ כְּ֝מוֹצֵ֗א שָׁלָ֥ל רָֽב 11Q5שש אנוכי על אמרתכה ממוצא שלל רב
163МТשֶׁ֣קֶר שָׂ֭נֵאתִי וַאֲתַעֵ֑בָה תּוֹרָתְךָ֥ אָהָֽבְתִּי 11Q5[שקר] [שנאתי] ואתעבה ותורתכה אהבתי
164МТשֶׁ֣בַע בַּ֭יּוֹם הִלַּלְתִּ֑יךָ עַ֝֗ל מִשְׁפְּטֵ֥י צִדְקֶֽךָ
165МТשָׁל֣וֹם רָ֭ב לְאֹהֲבֵ֣י תוֹרָתֶ֑ךָ וְאֵֽין לָ֥מוֹ מִכְשֽׁוֹל
171МТתַּבַּ֣עְנָה שְׂפָתַ֣י תְּהִלָּ֑ה כִּ֖י תְלַמְּדֵ֣נִי חֻקֶּֽיךָ 11Q5תבענה שפתי תהלה לכה כי תלמדני חוקיכה
172МТתַּ֣עַן לְ֭שׁוֹנִי אִמְרָתֶ֑ךָ כִּ֖י כָל מִצְוֹתֶ֣יךָ צֶּֽדֶק 11Q5תענה לשוני אמרתכה כי כול מצוותיכה צדק
173МТתְּהִֽי יָדְךָ֥ לְעָזְרֵ֑נִי כִּ֖י פִקּוּדֶ֣יךָ בָחָֽרְתִּי 11Q5תהי ידכה לעוזרני כי פקודיכה בחרתי
174МТתָּאַ֣בְתִּי לִֽישׁוּעָתְךָ֣ יְהוָ֑ה וְ֝תֽוֹרָתְךָ֗ שַׁעֲשֻׁעָֽי 11Q5תאבתי לישועתכה יהוה תורתכה שעשועי
175МТתְּֽחִי נַ֭פְשִׁי וּֽתְהַֽלְלֶ֑ךָּ וּֽמִשְׁפָּטֶ֥ךָ יַעֲזְרֻֽנִי 11Q5תחי נפשי ותהללכה ומשפטיכה יעוזרני
176МТתָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ כִּ֥י מִ֝צְוֹתֶ֗יךָ לֹ֣א שָׁכָֽחְתִּי 11Q5תעיתי כשה אובד בקש עבדכה כי עדוותיכה לוא שכחתי