Второзаконие, глава 27
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТוַיְצַ֤ו מֹשֶׁה֙ וְזִקְנֵ֣י יִשְׂרָאֵ֔ל אֶת הָעָ֖ם לֵאמֹ֑ר שָׁמֹר֙ אֶת כָּל הַמִּצְוָ֔ה אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיּֽוֹם SPויצו משה וזקני ישראל את העם לאמר שמרו את כל המצוה אשר אנכי מצוה אתכם היום 4Q30ויצו [משה] המצוה הזאת
2МТוְהָיָ֗ה בַּיּוֹם֮ אֲשֶׁ֣ר תַּעַבְר֣וּ אֶת הַיַּרְדֵּן֒ אֶל הָאָ֕רֶץ אֲשֶׁר יְהוָ֥ה אֱלֹהֶ֖יךָ נֹתֵ֣ן לָ֑ךְ וַהֲקֵמֹתָ֤ לְךָ֙ אֲבָנִ֣ים גְּדֹל֔וֹת וְשַׂדְתָּ֥ אֹתָ֖ם בַּשִּֽׂיד
3МТוְכָתַבְתָּ֣ עֲלֵיהֶ֗ן אֶֽת כָּל דִּבְרֵ֛י הַתּוֹרָ֥ה הַזֹּ֖את בְּעָבְרֶ֑ךָ לְמַ֡עַן אֲשֶׁר֩ תָּבֹ֨א אֶל הָאָ֜רֶץ אֲֽשֶׁר יְהוָ֥ה אֱלֹהֶ֣יךָ נֹתֵ֣ן לְךָ֗ אֶ֣רֶץ זָבַ֤ת חָלָב֙ וּדְבַ֔שׁ כַּאֲשֶׁ֥ר דִּבֶּ֛ר יְהוָ֥ה אֱלֹהֵֽי אֲבֹתֶ֖יךָ לָֽךְ SPוכתבת עליהן את כל דברי התורה הזאת בעברך למען אשר תבוא אל הארץ אשר יהוה אלהיך נתן לך ארץ זבת חלב ודבש כאשר דבר יהוה אלהי אבתיך לך
4МТוְהָיָה֮ בְּעָבְרְכֶ֣ם אֶת הַיַּרְדֵּן֒ תָּקִ֜ימוּ אֶת הָאֲבָנִ֣ים הָאֵ֗לֶּה אֲשֶׁ֨ר אָנֹכִ֜י מְצַוֶּ֥ה אֶתְכֶ֛ם הַיּ֖וֹם בְּהַ֣ר עֵיבָ֑ל וְשַׂדְתָּ֥ אוֹתָ֖ם בַּשִּֽׂיד SPוהיה בעברכם את הירדן תקימו את האבנים האלה אשר אנכי מצוה אתכם היום בהרגריזים ושדת אתם בשיד 4Q33[היה] בעברכם את [אנכי] מצוה [אתכם] ה [אותם] בשיד
5МТוּבָנִ֤יתָ שָּׁם֙ מִזְבֵּ֔חַ לַיהוָ֖ה אֱלֹהֶ֑יךָ מִזְבַּ֣ח אֲבָנִ֔ים לֹא תָנִ֥יף עֲלֵיהֶ֖ם בַּרְזֶֽל
6МТאֲבָנִ֤ים שְׁלֵמוֹת֙ תִּבְנֶ֔ה אֶת מִזְבַּ֖ח יְהוָ֣ה אֱלֹהֶ֑יךָ וְהַעֲלִ֤יתָ עָלָיו֙ עוֹלֹ֔ת לַיהוָ֖ה אֱלֹהֶֽיךָ SPאבנים שלמות תבנה את מזבח יהוה אלהיך והעלית עליו עלות ליהוה אלהיך
7МТוְזָבַחְתָּ֥ שְׁלָמִ֖ים וְאָכַ֣לְתָּ שָּׁ֑ם וְשָׂ֣מַחְתָּ֔ לִפְנֵ֖י יְהוָ֥ה אֱלֹהֶֽיךָ 4Q33[אכלת] שם [ושמחת] [יהוה] [אלהיך]
8МТוְכָתַבְתָּ֣ עַל הָאֲבָנִ֗ים אֶֽת כָּל דִּבְרֵ֛י הַתּוֹרָ֥ה הַזֹּ֖את בַּאֵ֥ר הֵיטֵֽב SPוכתבת על האבנים את כל דברי התורה הזאת באר הייטב
9МТוַיְדַבֵּ֤ר מֹשֶׁה֙ וְהַכֹּהֲנִ֣ים הַלְוִיִּ֔ם אֶ֥ל כָּל יִשְׂרָאֵ֖ל לֵאמֹ֑ר הַסְכֵּ֤ת וּשְׁמַע֙ יִשְׂרָאֵ֔ל הַיּ֤וֹם הַזֶּה֙ נִהְיֵ֣יתָֽ לְעָ֔ם לַיהוָ֖ה אֱלֹהֶֽיךָ SPוידבר משה והכהנים הלוים אל כל ישראל לאמר הסכת ושמע ישראל היום הזה נהית לעם קדש ליהוה אלהיך 4Q33[משה] וה לוים אל [ישראל] [אלהיך]
10МТוְשָׁ֣מַעְתָּ֔ בְּק֖וֹל יְהוָ֣ה אֱלֹהֶ֑יךָ וְעָשִׂ֤יתָ אֶת מִצְוֹתָיו֙ וְאֶת חֻקָּ֔יו אֲשֶׁ֛ר אָנֹכִ֥י מְצַוְּךָ֖ הַיּֽוֹם SPושמעת בקול יהוה אלהיך ועשית את מצותיו ואת חקתיו אשר אנכי מצוך היום Кетивושמעת בקול יהוה אלהיך ועשית את מצותו ואת חקיו אשר אנכי מצוך היום
12МТאֵ֠לֶּה יַֽעַמְד֞וּ לְבָרֵ֤ךְ אֶת הָעָם֙ עַל הַ֣ר גְּרִזִ֔ים בְּעָבְרְכֶ֖ם אֶת הַיַּרְדֵּ֑ן שִׁמְעוֹן֙ וְלֵוִ֣י וִֽיהוּדָ֔ה וְיִשָּׂשכָ֖ר וְיוֹסֵ֥ף וּבִנְיָמִֽן SPאלה יעמדו לברך את העם על הרגריזים בעברכם את הירדן שמעון ולוי יהודה ויששכר יוסף ובנימים
13МТוְאֵ֛לֶּה יַֽעַמְד֥וּ עַל הַקְּלָלָ֖ה בְּהַ֣ר עֵיבָ֑ל רְאוּבֵן֙ גָּ֣ד וְאָשֵׁ֔ר וּזְבוּלֻ֖ן דָּ֥ן וְנַפְתָּלִֽי SPואלה יעמדו על הקללה בהר עיבל ראובן גד ואשר זבולן דן ונפתלי
16МТאָר֕וּר מַקְלֶ֥ה אָבִ֖יו וְאִמּ֑וֹ וְאָמַ֥ר כָּל הָעָ֖ם אָמֵֽן SPארור מקלה אביו ואמו ואמרו כל העם אמן
17МТאָר֕וּר מַסִּ֖יג גְּב֣וּל רֵעֵ֑הוּ וְאָמַ֥ר כָּל הָעָ֖ם אָמֵֽן SPארור מסיג גבול רעהו ואמרו כל העם אמן
18МТאָר֕וּר מַשְׁגֶּ֥ה עִוֵּ֖ר בַּדָּ֑רֶךְ וְאָמַ֥ר כָּל הָעָ֖ם אָמֵֽן SPארור משגה עור בדרך ואמרו כל העם אמן
19МТאָר֗וּר מַטֶּ֛ה מִשְׁפַּ֥ט גֵּר יָת֖וֹם וְאַלְמָנָ֑ה וְאָמַ֥ר כָּל הָעָ֖ם אָמֵֽן SPארור מטה משפט גר יתום ואלמנה ואמרו כל העם אמן
20МТאָר֗וּר שֹׁכֵב֙ עִם אֵ֣שֶׁת אָבִ֔יו כִּ֥י גִלָּ֖ה כְּנַ֣ף אָבִ֑יו וְאָמַ֥ר כָּל הָעָ֖ם אָמֵֽן SPארור שכב עם אשת אביו כי גלה כנף אביו ואמרו כל העם אמן
21МТאָר֕וּר שֹׁכֵ֖ב עִם כָּל בְּהֵמָ֑ה וְאָמַ֥ר כָּל הָעָ֖ם אָמֵֽן SPארור שכב עם כל בהמה ואמרו כל העם אמן
22МТאָר֗וּר שֹׁכֵב֙ עִם אֲחֹת֔וֹ בַּת אָבִ֖יו א֣וֹ בַת אִמּ֑וֹ וְאָמַ֥ר כָּל הָעָ֖ם אָמֵֽן SPארור שכב עם אחותו בת אביו או בת אמו ואמרו כל העם אמן
23МТאָר֕וּר שֹׁכֵ֖ב עִם חֹֽתַנְתּ֑וֹ וְאָמַ֥ר כָּל הָעָ֖ם אָמֵֽן SPארור שכב עם חתנתו ואמרו כל העם אמן
24МТאָר֕וּר מַכֵּ֥ה רֵעֵ֖הוּ בַּסָּ֑תֶר וְאָמַ֥ר כָּל הָעָ֖ם אָמֵֽן SPארור מכה רעהו בסתר ואמרו כל העם אמן
25МТאָרוּר֙ לֹקֵ֣חַ שֹׁ֔חַד לְהַכּ֥וֹת נֶ֖פֶשׁ דָּ֣ם נָקִ֑י וְאָמַ֥ר כָּל הָעָ֖ם אָמֵֽן SPארור לקח שחד להכות נפש דם נקיא ואמרו כל העם אמן
26МТאָר֗וּר אֲשֶׁ֧ר לֹא יָקִ֛ים אֶת דִּבְרֵ֥י הַתּוֹרָֽה הַזֹּ֖את לַעֲשׂ֣וֹת אוֹתָ֑ם וְאָמַ֥ר כָּל הָעָ֖ם אָמֵֽן SPארור אשר לא יקים את כל דברי התורה הזאת לעשותם ואמרו כל העם אמן 4Q30[ארור] [אשר] [זאת] [לעשות] אמרו [כל] [עם] אמן