Левит, глава 14
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
4МТוְצִוָּה֙ הַכֹּהֵ֔ן וְלָקַ֧ח לַמִּטַּהֵ֛ר שְׁתֵּֽי צִפֳּרִ֥ים חַיּ֖וֹת טְהֹר֑וֹת וְעֵ֣ץ אֶ֔רֶז וּשְׁנִ֥י תוֹלַ֖עַת וְאֵזֹֽב SPוצוה הכהן ולקחו למטהר שתי צפורים חיות טהרות ועץ ארז ושני תולעת ואזוב
5МТוְצִוָּה֙ הַכֹּהֵ֔ן וְשָׁחַ֖ט אֶת הַצִּפּ֣וֹר הָאֶחָ֑ת אֶל כְּלִי חֶ֖רֶשׂ עַל מַ֥יִם חַיִּֽים SPוצוה הכהן ושחטו את הצפור האחת אל כלי חרש על מים חיים
6МТאֶת הַצִּפֹּ֤ר הַֽחַיָּה֙ יִקַּ֣ח אֹתָ֔הּ וְאֶת עֵ֥ץ הָאֶ֛רֶז וְאֶת שְׁנִ֥י הַתּוֹלַ֖עַת וְאֶת הָאֵזֹ֑ב וְטָבַ֨ל אוֹתָ֜ם וְאֵ֣ת הַצִּפֹּ֣ר הַֽחַיָּ֗ה בְּדַם֙ הַצִּפֹּ֣ר הַשְּׁחֻטָ֔ה עַ֖ל הַמַּ֥יִם הַֽחַיִּֽים SPואת הצפור החיה יקח אתה ואת עץ הארז ואת שני התולעת ואת האזוב וטבל אתם ואת הצפור החיה בדם הצפור השחוטה על מים החיים
7МТוְהִזָּ֗ה עַ֧ל הַמִּטַּהֵ֛ר מִן הַצָּרַ֖עַת שֶׁ֣בַע פְּעָמִ֑ים וְטִ֣הֲר֔וֹ וְשִׁלַּ֛ח אֶת הַצִּפֹּ֥ר הַֽחַיָּ֖ה עַל פְּנֵ֥י הַשָּׂדֶֽה SPוהזה על המטהר מן הצרעת שבע פעמים וטהרו ושלח את הצפור החיה על פני השדה
9МТוְהָיָה֩ בַיּ֨וֹם הַשְּׁבִיעִ֜י יְגַלַּ֣ח אֶת כָּל שְׂעָר֗וֹ אֶת רֹאשׁ֤וֹ וְאֶת זְקָנוֹ֙ וְאֵת֙ גַּבֹּ֣ת עֵינָ֔יו וְאֶת כָּל שְׂעָר֖וֹ יְגַלֵּ֑חַ וְכִבֶּ֣ס אֶת בְּגָדָ֗יו וְרָחַ֧ץ אֶת בְּשָׂר֛וֹ בַּמַּ֖יִם וְטָהֵֽר SPוהיה ביום השביעי יגלח את כל שערו את ראשו ואת זקנו ואת גבות עיניו ואת כל שערו יגלח וכבס את בגדיו ורחץ את בשרו במים וטהר
10МТוּבַיּ֣וֹם הַשְּׁמִינִ֗י יִקַּ֤ח שְׁנֵֽי כְבָשִׂים֙ תְּמִימִ֔ים וְכַבְשָׂ֥ה אַחַ֛ת בַּת שְׁנָתָ֖הּ תְּמִימָ֑ה וּשְׁלֹשָׁ֣ה עֶשְׂרֹנִ֗ים סֹ֤לֶת מִנְחָה֙ בְּלוּלָ֣ה בַשֶּׁ֔מֶן וְלֹ֥ג אֶחָ֖ד שָֽׁמֶן SPוביום השמיני יקח שני כבשים תמימם בני שנה וכבשה אחת בת שנתה תמימה ושלשה עשרנים סלת מנחה בלולה בשמן ולג שמן אחד
13МТוְשָׁחַ֣ט אֶת הַכֶּ֗בֶשׂ בִּ֠מְקוֹם אֲשֶׁ֨ר יִשְׁחַ֧ט אֶת הַֽחַטָּ֛את וְאֶת הָעֹלָ֖ה בִּמְק֣וֹם הַקֹּ֑דֶשׁ כִּ֡י כַּ֠חַטָּאת הָאָשָׁ֥ם הוּא֙ לַכֹּהֵ֔ן קֹ֥דֶשׁ קָֽדָשִׁ֖ים הֽוּא SPושחט את הכבש במקום אשר ישחטו את החטאת ואת העלה במקום הקדש כי כחטאת כאשם הוא לכהן קדש קדשים הוא
14МТוְלָקַ֣ח הַכֹּהֵן֮ מִדַּ֣ם הָאָשָׁם֒ וְנָתַן֙ הַכֹּהֵ֔ן עַל תְּנ֛וּךְ אֹ֥זֶן הַמִּטַּהֵ֖ר הַיְמָנִ֑ית וְעַל בֹּ֤הֶן יָדוֹ֙ הַיְמָנִ֔ית וְעַל בֹּ֥הֶן רַגְל֖וֹ הַיְמָנִֽית SPולקח הכהן מדם האשם ונתן על תנך אזן המטהר הימנית ועל בהון ידו הימנית ועל בהון רגלו הימנית
16МТוְטָבַ֤ל הַכֹּהֵן֙ אֶת אֶצְבָּע֣וֹ הַיְמָנִ֔ית מִן הַשֶּׁ֕מֶן אֲשֶׁ֥ר עַל כַּפּ֖וֹ הַשְּׂמָאלִ֑ית וְהִזָּ֨ה מִן הַשֶּׁ֧מֶן בְּאֶצְבָּע֛וֹ שֶׁ֥בַע פְּעָמִ֖ים לִפְנֵ֥י יְהוָֽה SPוטבל הכהן את אצבעו הימנית מן השמן אשר על כפו השמאלית והזה מן השמן שבע פעמים לפני יהוה
17МТוּמִיֶּ֨תֶר הַשֶּׁ֜מֶן אֲשֶׁ֣ר עַל כַּפּ֗וֹ יִתֵּ֤ן הַכֹּהֵן֙ עַל תְּנ֞וּךְ אֹ֤זֶן הַמִּטַּהֵר֙ הַיְמָנִ֔ית וְעַל בֹּ֤הֶן יָדוֹ֙ הַיְמָנִ֔ית וְעַל בֹּ֥הֶן רַגְל֖וֹ הַיְמָנִ֑ית עַ֖ל דַּ֥ם הָאָשָֽׁם SPומיתר השמן אשר על כפו יתן הכהן על תנך אזן המטהר הימנית ועל בהון ידו הימנית ועל בהון רגלו הימנית על דם האשם 11Q1[כהנ] על [ראתנוכ] אזנ המטהר הימנית ועל [בהנ] [ימנית] על דמ [האשמ]
18МТוְהַנּוֹתָ֗ר בַּשֶּׁ֙מֶן֙ אֲשֶׁר֙ עַל כַּ֣ף הַכֹּהֵ֔ן יִתֵּ֖ן עַל רֹ֣אשׁ הַמִּטַּהֵ֑ר וְכִפֶּ֥ר עָלָ֛יו הַכֹּהֵ֖ן לִפְנֵ֥י יְהוָֽה 11Q1והנותר בשמנ [אשר] על כפו כהנ [לפני]
19МТוְעָשָׂ֤ה הַכֹּהֵן֙ אֶת הַ֣חַטָּ֔את וְכִפֶּ֕ר עַל הַמִּטַּהֵ֖ר מִטֻּמְאָת֑וֹ וְאַחַ֖ר יִשְׁחַ֥ט אֶת הָעֹלָֽה 11Q1[עשה] הכהנ [החטאת] [ישחט] את [העלה]
20МТוְהֶעֱלָ֧ה הַכֹּהֵ֛ן אֶת הָעֹלָ֥ה וְאֶת הַמִּנְחָ֖ה הַמִּזְבֵּ֑חָה וְכִפֶּ֥ר עָלָ֛יו הַכֹּהֵ֖ן וְטָהֵֽר SPוהעלה הכהן את העלה ואת המנחה המזבחה לפני יהוה וכפר עליו הכהן וטהר
22МТוּשְׁתֵּ֣י תֹרִ֗ים א֤וֹ שְׁנֵי֙ בְּנֵ֣י יוֹנָ֔ה אֲשֶׁ֥ר תַּשִּׂ֖יג יָד֑וֹ וְהָיָ֤ה אֶחָד֙ חַטָּ֔את וְהָאֶחָ֖ד עֹלָֽה SPושתי תרים או שני בני יונה אשר תשיג ידו והיה אחד חטאת ואחד עלה
23МТוְהֵבִ֨יא אֹתָ֜ם בַּיּ֧וֹם הַשְּׁמִינִ֛י לְטָהֳרָת֖וֹ אֶל הַכֹּהֵ֑ן אֶל פֶּ֥תַח אֹֽהֶל מוֹעֵ֖ד לִפְנֵ֥י יְהוָֽה 4Q23[יום] [השמיני] [לטהרתו]
24МТוְלָקַ֧ח הַכֹּהֵ֛ן אֶת כֶּ֥בֶשׂ הָאָשָׁ֖ם וְאֶת לֹ֣ג הַשָּׁ֑מֶן וְהֵנִ֨יף אֹתָ֧ם הַכֹּהֵ֛ן תְּנוּפָ֖ה לִפְנֵ֥י יְהוָֽה SPולקח הכהן את כבש האשם ואת לג השמן והניף אתם תנופה לפני יהוה
25МТוְשָׁחַט֮ אֶת כֶּ֣בֶשׂ הָֽאָשָׁם֒ וְלָקַ֤ח הַכֹּהֵן֙ מִדַּ֣ם הָֽאָשָׁ֔ם וְנָתַ֛ן עַל תְּנ֥וּךְ אֹֽזֶן הַמִּטַּהֵ֖ר הַיְמָנִ֑ית וְעַל בֹּ֤הֶן יָדוֹ֙ הַיְמָנִ֔ית וְעַל בֹּ֥הֶן רַגְל֖וֹ הַיְמָנִֽית SPושחט את כבש האשם ולקח הכהן מדם האשם ונתן על תנך אזן המטהר הימנית ועל בהון ידו הימנית ועל בהון רגלו הימנית 4Q23אשם ולקח הכהן [דם] [האשם] ידו הימנית ועל בהן רגלו ה
26МТוּמִן הַשֶּׁ֖מֶן יִצֹ֣ק הַכֹּהֵ֑ן עַל כַּ֥ף הַכֹּהֵ֖ן הַשְּׂמָאלִֽית
27МТוְהִזָּ֤ה הַכֹּהֵן֙ בְּאֶצְבָּע֣וֹ הַיְמָנִ֔ית מִן הַשֶּׁ֕מֶן אֲשֶׁ֥ר עַל כַּפּ֖וֹ הַשְּׂמָאלִ֑ית שֶׁ֥בַע פְּעָמִ֖ים לִפְנֵ֥י יְהוָֽה 4Q23[והזה] [כהן] [באצבעו] פני יהוה
28МТוְנָתַ֨ן הַכֹּהֵ֜ן מִן הַשֶּׁ֣מֶן אֲשֶׁ֣ר עַל כַּפּ֗וֹ עַל תְּנ֞וּךְ אֹ֤זֶן הַמִּטַּהֵר֙ הַיְמָנִ֔ית וְעַל בֹּ֤הֶן יָדוֹ֙ הַיְמָנִ֔ית וְעַל בֹּ֥הֶן רַגְל֖וֹ הַיְמָנִ֑ית עַל מְק֖וֹם דַּ֥ם הָאָשָֽׁם SPונתן הכהן מן השמן אשר על כפו על תנך אזן המטהר הימנית ועל בהון ידו הימנית ועל בהון רגלו הימנית על מקום דם האשם 4Q26[שמן] אשר על כפו [על] ידו הימנית ועל [בוהן] [רגלו]
29МТוְהַנּוֹתָ֗ר מִן הַשֶּׁ֙מֶן֙ אֲשֶׁר֙ עַל כַּ֣ף הַכֹּהֵ֔ן יִתֵּ֖ן עַל רֹ֣אשׁ הַמִּטַּהֵ֑ר לְכַפֵּ֥ר עָלָ֖יו לִפְנֵ֥י יְהוָֽה SPוהנותר בשמן אשר על כף הכהן יתן על ראש המטהר לכפר עליו לפני יהוה 4Q26נותר מן השמן אשר [על]
30МТוְעָשָׂ֤ה אֶת הָֽאֶחָד֙ מִן הַתֹּרִ֔ים א֖וֹ מִן בְּנֵ֣י הַיּוֹנָ֑ה מֵאֲשֶׁ֥ר תַּשִּׂ֖יג יָדֽוֹ SPועשה את האחד מן התרים או מבני היונה מאשר תשיג ידו
31МТאֵ֣ת אֲשֶׁר תַּשִּׂ֞יג יָד֗וֹ אֶת הָאֶחָ֥ד חַטָּ֛את וְאֶת הָאֶחָ֥ד עֹלָ֖ה עַל הַמִּנְחָ֑ה וְכִפֶּ֧ר הַכֹּהֵ֛ן עַ֥ל הַמִּטַּהֵ֖ר לִפְנֵ֥י יְהוָֽה SPאת אשר תשיג ידו את האחד חטאת ואת האחד עלה על המנחה וכפר על המטהר לפני יהוה
33МТוַיְדַבֵּ֣ר יְהוָ֔ה אֶל מֹשֶׁ֥ה וְאֶֽל אַהֲרֹ֖ן לֵאמֹֽר
36МТוְצִוָּ֨ה הַכֹּהֵ֜ן וּפִנּ֣וּ אֶת הַבַּ֗יִת בְּטֶ֨רֶם יָבֹ֤א הַכֹּהֵן֙ לִרְא֣וֹת אֶת הַנֶּ֔גַע וְלֹ֥א יִטְמָ֖א כָּל אֲשֶׁ֣ר בַּבָּ֑יִת וְאַ֥חַר כֵּ֛ן יָבֹ֥א הַכֹּהֵ֖ן לִרְא֥וֹת אֶת הַבָּֽיִת SPוצוה הכהן ופנו את הבית בטרם יבוא הכהן לראות את הנגע ולא יטמא כל אשר בבית ואחרי כן יבוא הכהן לראות את הבית 4Q26[וצוה] [את] נגע הצרעת ולוא
37МТוְרָאָ֣ה אֶת הַנֶּ֗גַע וְהִנֵּ֤ה הַנֶּ֙גַע֙ בְּקִירֹ֣ת הַבַּ֔יִת שְׁקַֽעֲרוּרֹת֙ יְרַקְרַקֹּ֔ת א֖וֹ אֲדַמְדַּמֹּ֑ת וּמַרְאֵיהֶ֥ן שָׁפָ֖ל מִן הַקִּֽיר SPוראה הכהן את הנגע והנה הנגע בקירות הבית שקעררות ירקרקות או אדמדמות ומראהן שפל מן הקיר
39МТוְשָׁ֥ב הַכֹּהֵ֖ן בַּיּ֣וֹם הַשְּׁבִיעִ֑י וְרָאָ֕ה וְהִנֵּ֛ה פָּשָׂ֥ה הַנֶּ֖גַע בְּקִירֹ֥ת הַבָּֽיִת SPושב הכהן ביום השביעי וראה והנה פשה הנגע בקירות הבית
41МТוְאֶת הַבַּ֛יִת יַקְצִ֥עַ מִבַּ֖יִת סָבִ֑יב וְשָׁפְכ֗וּ אֶת הֶֽעָפָר֙ אֲשֶׁ֣ר הִקְצ֔וּ אֶל מִח֣וּץ לָעִ֔יר אֶל מָק֖וֹם טָמֵֽא SPואת הבית יקצעו מבית סביב ושפכו את העפר אשר הקיצו אל מחוץ לעיר אל מקום טמא
42МТוְלָקְחוּ֙ אֲבָנִ֣ים אֲחֵר֔וֹת וְהֵבִ֖יאוּ אֶל תַּ֣חַת הָאֲבָנִ֑ים וְעָפָ֥ר אַחֵ֛ר יִקַּ֖ח וְטָ֥ח אֶת הַבָּֽיִת SPולקחו אבנים אחרות והביאו אל תחת האבנים ועפר אחר יקחו וטחו את הבית 4Q23האבנים ועפר אחר יקחו וטחו [את]
43МТוְאִם יָשׁ֤וּב הַנֶּ֙גַע֙ וּפָרַ֣ח בַּבַּ֔יִת אַחַ֖ר חִלֵּ֣ץ אֶת הָאֲבָנִ֑ים וְאַחֲרֵ֛י הִקְצ֥וֹת אֶת הַבַּ֖יִת וְאַחֲרֵ֥י הִטּֽוֹחַ SPואם ישוב הנגע ופרח בבית אחרי חלצו את האבנים ואחרי הקצות את הבית ואחרי הטח 4Q23[בית] אחרי חליץ את [האבנים] ואחר [הטוח]
44МТוּבָא֙ הַכֹּהֵ֔ן וְרָאָ֕ה וְהִנֵּ֛ה פָּשָׂ֥ה הַנֶּ֖גַע בַּבָּ֑יִת צָרַ֨עַת מַמְאֶ֥רֶת הִ֛וא בַּבַּ֖יִת טָמֵ֥א הֽוּא SPובא הכהן וראה והנה פרח הנגע בבית צרעת ממראת בבית טמא הוא 4Q23[ראה] והנה פשה הנגע [בבית] [היא]
45МТוְנָתַ֣ץ אֶת הַבַּ֗יִת אֶת אֲבָנָיו֙ וְאֶת עֵצָ֔יו וְאֵ֖ת כָּל עֲפַ֣ר הַבָּ֑יִת וְהוֹצִיא֙ אֶל מִח֣וּץ לָעִ֔יר אֶל מָק֖וֹם טָמֵֽא SPונתצו את הבית את אבניו ואת עציו ואת כל עפר הבית והוציאו אל מחוץ לעיר אל מקום טמא 4Q23נתצו את הבית את אבנה ואת עצ
46МТוְהַבָּא֙ אֶל הַבַּ֔יִת כָּל יְמֵ֖י הִסְגִּ֣יר אֹת֑וֹ יִטְמָ֖א עַד הָעָֽרֶב 4Q23והבא אל הבית כל [ימי] [הסגירו]
47МТוְהַשֹּׁכֵ֣ב בַּבַּ֔יִת יְכַבֵּ֖ס אֶת בְּגָדָ֑יו וְהָאֹכֵ֣ל בַּבַּ֔יִת יְכַבֵּ֖ס אֶת בְּגָדָֽיו SPוהשכב בבית יכבס בגדיו והאכל בבית יכבס בגדיו
48МТוְאִם בֹּ֨א יָבֹ֜א הַכֹּהֵ֗ן וְרָאָה֙ וְ֠הִנֵּה לֹא פָשָׂ֤ה הַנֶּ֙גַע֙ בַּבַּ֔יִת אַחֲרֵ֖י הִטֹּ֣חַ אֶת הַבָּ֑יִת וְטִהַ֤ר הַכֹּהֵן֙ אֶת הַבַּ֔יִת כִּ֥י נִרְפָּ֖א הַנָּֽגַע SPואם בא יבוא הכהן וראה והנה לא פרח הנגע בבית אחרי הטח את הבית וטהר הכהן את הבית כי נרפא הנגע
49МТוְלָקַ֛ח לְחַטֵּ֥א אֶת הַבַּ֖יִת שְׁתֵּ֣י צִפֳּרִ֑ים וְעֵ֣ץ אֶ֔רֶז וּשְׁנִ֥י תוֹלַ֖עַת וְאֵזֹֽב SPולקחו לחטא את הבית שתי צפורים ועץ ארז ושני תולעת ואזוב
50МТוְשָׁחַ֖ט אֶת הַצִּפֹּ֣ר הָאֶחָ֑ת אֶל כְּלִי חֶ֖רֶשׂ עַל מַ֥יִם חַיִּֽים SPושחט את הצפור האחת אל כלי חרש על מים חיים
51МТוְלָקַ֣ח אֶת עֵֽץ הָ֠אֶרֶז וְאֶת הָ֨אֵזֹ֜ב וְאֵ֣ת שְׁנִ֣י הַתּוֹלַ֗עַת וְאֵת֮ הַצִּפֹּ֣ר הַֽחַיָּה֒ וְטָבַ֣ל אֹתָ֗ם בְּדַם֙ הַצִּפֹּ֣ר הַשְּׁחוּטָ֔ה וּבַמַּ֖יִם הַֽחַיִּ֑ים וְהִזָּ֥ה אֶל הַבַּ֖יִת שֶׁ֥בַע פְּעָמִֽים SPולקח את עץ הארז ואת שני התולעת ואת האזוב ואת הצפור החיה וטבל אתם בדם הצפור השחוטה ובמים החיים והזה על הבית שבע פעמים 4Q23את האזוב ואת שני התולעת [שחוטה] ובמים החיים והזה על
52МТוְחִטֵּ֣א אֶת הַבַּ֔יִת בְּדַם֙ הַצִּפּ֔וֹר וּבַמַּ֖יִם הַֽחַיִּ֑ים וּבַצִּפֹּ֣ר הַחַיָּ֗ה וּבְעֵ֥ץ הָאֶ֛רֶז וּבָאֵזֹ֖ב וּבִשְׁנִ֥י הַתּוֹלָֽעַת SPוחטא את הבית בדם הצפור ובמים החיים ובצפור החיה ובעץ הארז ובשני התולעת ובאזוב
53МТוְשִׁלַּ֞ח אֶת הַצִּפֹּ֧ר הַֽחַיָּ֛ה אֶל מִח֥וּץ לָעִ֖יר אֶל פְּנֵ֣י הַשָּׂדֶ֑ה וְכִפֶּ֥ר עַל הַבַּ֖יִת וְטָהֵֽר SPושלח את הצפור החיה אל מחוץ לעיר על פני השדה וכפר על הבית וטהר 4Q23את הצפור החיה אל מחוץ לעיר
54МТזֹ֖את הַתּוֹרָ֑ה לְכָל נֶ֥גַע הַצָּרַ֖עַת וְלַנָּֽתֶק
55МТוּלְצָרַ֥עַת הַבֶּ֖גֶד וְלַבָּֽיִת
57МТלְהוֹרֹ֕ת בְּי֥וֹם הַטָּמֵ֖א וּבְי֣וֹם הַטָּהֹ֑ר זֹ֥את תּוֹרַ֖ת הַצָּרָֽעַת SPלהורות ביום הטמא וביום הטהור זאת תורת הצרעת