2-я Царств, глава 15
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
1МТוַֽיְהִי֙ מֵאַ֣חֲרֵי כֵ֔ן וַיַּ֤עַשׂ לוֹ֙ אַבְשָׁל֔וֹם מֶרְכָּבָ֖ה וְסֻסִ֑ים וַחֲמִשִּׁ֥ים אִ֖ישׁ רָצִ֥ים לְפָנָֽיו 4Q51[כן] ויעש [מרכבה] [וסוסים] 4Q53יהי אחריכן ואבשלום [יעשה] [רצים] לפניו
2МТוְהִשְׁכִּים֙ אַבְשָׁל֔וֹם וְעָמַ֕ד עַל יַ֖ד דֶּ֣רֶךְ הַשָּׁ֑עַר וַיְהִ֡י כָּל הָאִ֣ישׁ אֲשֶֽׁר יִהְיֶה לּוֹ רִיב֩ לָב֨וֹא אֶל הַמֶּ֜לֶךְ לַמִּשְׁפָּ֗ט וַיִּקְרָ֨א אַבְשָׁל֤וֹם אֵלָיו֙ וַיֹּ֗אמֶר אֵֽי מִזֶּ֥ה עִיר֙ אַ֔תָּה וַיֹּ֕אמֶר מֵאַחַ֥ד שִׁבְטֵֽי יִשְׂרָאֵ֖ל עַבְדֶּֽךָ 4Q51[אבשלום] [השכם] על יד הדרך [והיה] [כול] איש [אל] המשפט וקרא לו [אבשלום] ואמר [מאחד] שבטי ישראל 4Q53והשכים אבשלום ריב [לבוא] אל המלך משפט [אמר] אימזה עיר אתה וענה [עבדכה]
3МТוַיֹּ֤אמֶר אֵלָיו֙ אַבְשָׁל֔וֹם רְאֵ֥ה דְבָרֶ֖ךָ טוֹבִ֣ים וּנְכֹחִ֑ים וְשֹׁמֵ֥עַ אֵין לְךָ֖ מֵאֵ֥ת הַמֶּֽלֶךְ 4Q53ויאומר עאליו אבשלום [אין] לכה מאת המלך
4МТוַיֹּ֙אמֶר֙ אַבְשָׁל֔וֹם מִי יְשִׂמֵ֥נִי שֹׁפֵ֖ט בָּאָ֑רֶץ וְעָלַ֗י יָב֥וֹא כָּל אִ֛ישׁ אֲשֶֽׁר יִהְיֶה לּוֹ רִ֥יב וּמִשְׁפָּ֖ט וְהִצְדַּקְתִּֽיו 4Q53ויאמר ישמניא [שופט] [אשר] לוא ריב ו
5МТוְהָיָה֙ בִּקְרָב אִ֔ישׁ לְהִשְׁתַּחֲוֹ֖ת ל֑וֹ וְשָׁלַ֧ח אֶת יָד֛וֹ וְהֶחֱזִ֥יק ל֖וֹ וְנָ֥שַׁק לֽוֹ
6МТוַיַּ֨עַשׂ אַבְשָׁל֜וֹם כַּדָּבָ֤ר הַזֶּה֙ לְכָל יִשְׂרָאֵ֔ל אֲשֶׁר יָבֹ֥אוּ לַמִּשְׁפָּ֖ט אֶל הַמֶּ֑לֶךְ וַיְגַנֵּב֙ אַבְשָׁל֔וֹם אֶת לֵ֖ב אַנְשֵׁ֥י יִשְׂרָאֵֽל 4Q51[אבשלום] כדבר [הזה] לכול [משפט] [וגנב] אבשלום את [לב]
7МТוַיְהִ֕י מִקֵּ֖ץ אַרְבָּעִ֣ים שָׁנָ֑ה וַיֹּ֤אמֶר אַבְשָׁלוֹם֙ אֶל הַמֶּ֔לֶךְ אֵ֣לֲכָה נָּ֗א וַאֲשַׁלֵּ֛ם אֶת נִדְרִ֛י אֲשֶׁר נָדַ֥רְתִּי לַֽיהוָ֖ה בְּחֶבְרֽוֹן
8МТכִּי נֵ֙דֶר֙ נָדַ֣ר עַבְדְּךָ֔ בְּשִׁבְתִּ֥י בִגְשׁ֛וּר בַּאֲרָ֖ם לֵאמֹ֑ר אִם יָשׁ֨וֹב יְשִׁיבֵ֤נִי יְהוָה֙ יְר֣וּשָׁלִַ֔ם וְעָבַדְתִּ֖י אֶת יְהוָֽה בְּחֶבְרוֹן Кетивכי נדר נדר עבדך בשבתי בגשור בארם לאמר אם ישיב ישיבני יהוה ירושלם ועבדתי את יהוה בחברון 4Q53[שבתי] בגשור בארם [יייי] יייי
9МТוַיֹּֽאמֶר ל֥וֹ הַמֶּ֖לֶךְ לֵ֣ךְ בְּשָׁל֑וֹם וַיָּ֖קָם וַיֵּ֥לֶךְ חֶבְרֽוֹנָה
10МТוַיִּשְׁלַ֤ח אַבְשָׁלוֹם֙ מְרַגְּלִ֔ים בְּכָל שִׁבְטֵ֥י יִשְׂרָאֵ֖ל לֵאמֹ֑ר כְּשָׁמְעֲכֶם֙ אֶת ק֣וֹל הַשֹּׁפָ֔ר וַאֲמַרְתֶּ֕ם מָלַ֥ךְ אַבְשָׁל֖וֹם בְּחֶבְרֽוֹן 4Q53מירושלם בכול [שבטי] [קול] השופר
11МТוְאֶת אַבְשָׁל֗וֹם הָלְכ֞וּ מָאתַ֤יִם אִישׁ֙ מִיר֣וּשָׁלִַ֔ם קְרֻאִ֖ים וְהֹלְכִ֣ים לְתֻמָּ֑ם וְלֹ֥א יָדְע֖וּ כָּל דָּבָֽר 4Q53[איש] מירושלים [קרואים]
12МТוַיִּשְׁלַ֣ח אַ֠בְשָׁלוֹם אֶת אֲחִיתֹ֨פֶל הַגִּֽילֹנִ֜י יוֹעֵ֣ץ דָּוִ֗ד מֵֽעִירוֹ֙ מִגִּלֹ֔ה בְּזָבְח֖וֹ אֶת הַזְּבָחִ֑ים וַיְהִ֤י הַקֶּ֙שֶׁר֙ אַמִּ֔ץ וְהָעָ֛ם הוֹלֵ֥ךְ וָרָ֖ב אֶת אַבְשָׁלֽוֹם 4Q53[ישלח] [יקרא] את [אחיתפל] [הגילוני] [היה] [קשר] [אמצ]
13МТוַיָּבֹא֙ הַמַּגִּ֔יד אֶל דָּוִ֖ד לֵאמֹ֑ר הָיָ֛ה לֶב אִ֥ישׁ יִשְׂרָאֵ֖ל אַחֲרֵ֥י אַבְשָׁלֽוֹם
14МТוַיֹּ֣אמֶר דָּ֠וִד לְכָל עֲבָדָ֨יו אֲשֶׁר אִתּ֤וֹ בִירוּשָׁלִַ֙ם֙ ק֣וּמוּ וְנִבְרָ֔חָה כִּ֛י לֹא תִֽהְיֶה לָּ֥נוּ פְלֵיטָ֖ה מִפְּנֵ֣י אַבְשָׁל֑וֹם מַהֲר֣וּ לָלֶ֗כֶת פֶּן יְמַהֵ֤ר וְהִשִּׂגָ֙נוּ֙ וְהִדִּ֤יחַ עָלֵ֙ינוּ֙ אֶת הָ֣רָעָ֔ה וְהִכָּ֥ה הָעִ֖יר לְפִי חָֽרֶב 4Q53ויאומר [דויד] תהי לנו והדיח
20МТתְּמ֣וֹל בּוֹאֶ֗ךָ וְהַיּ֞וֹם אֲנִֽיעֲךָ֤ עִמָּ֙נוּ֙ לָלֶ֔כֶת וַאֲנִ֣י הוֹלֵ֔ךְ עַ֥ל אֲשֶׁר אֲנִ֖י הוֹלֵ֑ךְ שׁ֣וּב וְהָשֵׁ֧ב אֶת אַחֶ֛יךָ עִמָּ֖ךְ חֶ֥סֶד וֶאֱמֶֽת Кетивתמול בואך והיום אנועך עמנו ללכת ואני הולך על אשר אני הולך שוב והשב את אחיך עמך חסד ואמת
21МТוַיַּ֧עַן אִתַּ֛י אֶת הַמֶּ֖לֶךְ וַיֹּאמַ֑ר חַי יְהוָ֗ה וְחֵי֙ אֲדֹנִ֣י הַמֶּ֔לֶךְ כִּ֠י אִם בִּמְק֞וֹם אֲשֶׁ֥ר יִֽהְיֶה שָּׁ֣ם אֲדֹנִ֣י הַמֶּ֗לֶךְ אִם לְמָ֙וֶת֙ אִם לְחַיִּ֔ים כִּי שָׁ֖ם יִהְיֶ֥ה עַבְדֶּֽךָ
23МТוְכָל הָאָ֗רֶץ בּוֹכִים֙ ק֣וֹל גָּד֔וֹל וְכָל הָעָ֖ם עֹֽבְרִ֑ים וְהַמֶּ֗לֶךְ עֹבֵר֙ בְּנַ֣חַל קִדְר֔וֹן וְכָל הָעָם֙ עֹבְרִ֔ים עַל פְּנֵי דֶ֖רֶךְ אֶת הַמִּדְבָּֽר
27МТוַיֹּ֤אמֶר הַמֶּ֙לֶךְ֙ אֶל צָד֣וֹק הַכֹּהֵ֔ן הֲרוֹאֶ֣ה אַתָּ֔ה שֻׁ֥בָה הָעִ֖יר בְּשָׁל֑וֹם וַאֲחִימַ֨עַץ בִּנְךָ֜ וִיהוֹנָתָ֧ן בֶּן אֶבְיָתָ֛ר שְׁנֵ֥י בְנֵיכֶ֖ם אִתְּכֶֽם 4Q51[מלך] אל צדוק [הכוהן] [יהונתן] בן [אביתר]
28МТרְאוּ֙ אָנֹכִ֣י מִתְמַהְמֵ֔הַּ בְּעַֽרְב֖וֹת הַמִּדְבָּ֑ר עַ֣ד בּ֥וֹא דָבָ֛ר מֵעִמָּכֶ֖ם לְהַגִּ֥יד לִֽי Кетивראו אנכי מתמהמה בעברות המדבר עד בוא דבר מעמכם להגיד לי
29МТוַיָּ֨שֶׁב צָד֧וֹק וְאֶבְיָתָ֛ר אֶת אֲר֥וֹן הָאֱלֹהִ֖ים יְרוּשָׁלִָ֑ם וַיֵּשְׁב֖וּ שָֽׁם
30МТוְדָוִ֡ד עֹלֶה֩ בְמַעֲלֵ֨ה הַזֵּיתִ֜ים עֹלֶ֣ה וּבוֹכֶ֗ה וְרֹ֥אשׁ לוֹ֙ חָפ֔וּי וְה֖וּא הֹלֵ֣ךְ יָחֵ֑ף וְכָל הָעָ֣ם אֲשֶׁר אִתּ֗וֹ חָפוּ֙ אִ֣ישׁ רֹאשׁ֔וֹ וְעָל֥וּ עָלֹ֖ה וּבָכֹֽה
31МТוְדָוִד֙ הִגִּ֣יד לֵאמֹ֔ר אֲחִיתֹ֥פֶל בַּקֹּשְׁרִ֖ים עִם אַבְשָׁל֑וֹם וַיֹּ֣אמֶר דָּוִ֔ד סַכֶּל נָ֛א אֶת עֲצַ֥ת אֲחִיתֹ֖פֶל יְהוָֽה
37МТוַיָּבֹ֥א חוּשַׁ֛י רֵעֶ֥ה דָוִ֖ד הָעִ֑יר וְאַבְשָׁלֹ֔ם יָבֹ֖א יְרוּשָׁלִָֽם