Иеремии, глава 48
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
7МТכִּ֠י יַ֣עַן בִּטְחֵ֤ךְ בְּמַעֲשַׂ֙יִךְ֙ וּבְא֣וֹצְרוֹתַ֔יִךְ גַּם אַ֖תְּ תִּלָּכֵ֑דִי וְיָצָ֤א כְמוֹשׁ֙ בַּגּוֹלָ֔ה כֹּהֲנָ֥יו וְשָׂרָ֖יו יַחְדָּֽיו
25МТנִגְדְּעָה֙ קֶ֣רֶן מוֹאָ֔ב וּזְרֹע֖וֹ נִשְׁבָּ֑רָה נְאֻ֖ם יְהוָֽה 2Q13[נגדעה] [קרן] [זרועו] [נשברה] [נואם] [יהוה]
26МТהַשְׁכִּירֻ֕הוּ כִּ֥י עַל יְהוָ֖ה הִגְדִּ֑יל וְסָפַ֤ק מוֹאָב֙ בְּקִיא֔וֹ וְהָיָ֥ה לִשְׂחֹ֖ק גַּם הֽוּא 2Q13[השכירוה] כיא הגדילה [וספק] מואב בקיאו והיה לשחוק גם הואה
27МТוְאִ֣ם ל֣וֹא הַשְּׂחֹ֗ק הָיָ֤ה לְךָ֙ יִשְׂרָאֵ֔ל אִם בְּגַנָּבִ֖ים נִמְצָ֑א כִּֽי מִדֵּ֧י דְבָרֶ֥יךָ בּ֖וֹ תִּתְנוֹדָֽד 2Q13ואם [לוא] היאה [היתה] ישראל אם [בגנבכה] [נמצא] כיא [מדי] תתנודדי
28МТעִזְב֤וּ עָרִים֙ וְשִׁכְנ֣וּ בַּסֶּ֔לַע יֹשְׁבֵ֖י מוֹאָ֑ב וִֽהְי֣וּ כְיוֹנָ֔ה תְּקַנֵּ֖ן בְּעֶבְרֵ֥י פִי פָֽחַת 2Q13[עזובי] [עריך] ושכוני בסלע יושבת מואב [והיי] [תקנני] [בעברי] פי פחת
29МТשָׁמַ֥עְנוּ גְאוֹן מוֹאָ֖ב גֵּאֶ֣ה מְאֹ֑ד גָּבְה֧וֹ וּגְאוֹנ֛וֹ וְגַאֲוָת֖וֹ וְרֻ֥ם לִבּֽוֹ 2Q13שמעו נא גאון מואב [גאה] [מאוד] גאונו [ואיננו] וגאותו [רום] לבבו
30МТאֲנִ֤י יָדַ֙עְתִּי֙ נְאֻם יְהוָ֔ה עֶבְרָת֖וֹ וְלֹא כֵ֑ן בַּדָּ֖יו לֹא כֵ֥ן עָשֽׂוּ 2Q13[אני] [ידעתי] נואם [יהוה] לוא כן עשתה
31МТעַל כֵּן֙ עַל מוֹאָ֣ב אֲיֵלִ֔יל וּלְמוֹאָ֥ב כֻּלֹּ֖ה אֶזְעָ֑ק אֶל אַנְשֵׁ֥י קִֽיר חֶ֖רֶשׂ יֶהְגֶּֽה 2Q13על כן על [מואב] איליל למואב כלה [אזעק] חרשת יהגה
32МТמִבְּכִ֨י יַעְזֵ֤ר אֶבְכֶּה לָּךְ֙ הַגֶּ֣פֶן שִׂבְמָ֔ה נְטִֽישֹׁתַ֙יִךְ֙ עָ֣בְרוּ יָ֔ם עַ֛ד יָ֥ם יַעְזֵ֖ר נָגָ֑עוּ עַל קֵיצֵ֥ךְ וְעַל בְּצִירֵ֖ךְ שֹׁדֵ֥ד נָפָֽל 2Q13מבכי [יעזר] אבכה לך [גפן] שבמה [נטישותיך] [יעזר] נגעו ועל [קיצך] ועל
33МТוְנֶאֶסְפָ֨ה שִׂמְחָ֥ה וָגִ֛יל מִכַּרְמֶ֖ל וּמֵאֶ֣רֶץ מוֹאָ֑ב וְיַ֙יִן֙ מִיקָבִ֣ים הִשְׁבַּ֔תִּי לֹֽא יִדְרֹ֣ךְ הֵידָ֔ד הֵידָ֖ד לֹ֥א הֵידָֽד 2Q13[כרמל] ומארץ מואב ויין מ [הידד]
34МТמִזַּעֲקַ֨ת חֶשְׁבּ֜וֹן עַד אֶלְעָלֵ֗ה עַד יַ֙הַץ֙ נָתְנ֣וּ קוֹלָ֔ם מִצֹּ֙עַר֙ עַד חֹ֣רֹנַ֔יִם עֶגְלַ֖ת שְׁלִֽשִׁיָּ֑ה כִּ֚י גַּם מֵ֣י נִמְרִ֔ים לִמְשַׁמּ֖וֹת יִהְיֽוּ 2Q13מזעקת חשבון [חורונים] עגלת שלישיה כיא
35МТוְהִשְׁבַּתִּ֥י לְמוֹאָ֖ב נְאֻם יְהוָ֑ה מַעֲלֶ֣ה בָמָ֔ה וּמַקְטִ֖יר לֵאלֹהָֽיו 2Q13[במה] מקטיר [לאלוהיו]
37МТכִּ֤י כָל רֹאשׁ֙ קָרְחָ֔ה וְכָל זָקָ֖ן גְּרֻעָ֑ה עַ֤ל כָּל יָדַ֙יִם֙ גְּדֻדֹ֔ת וְעַל מָתְנַ֖יִם שָֽׂק 2Q13קורחה [וכול] [זקן] [תגרע] שק
38МТעַ֣ל כָּל גַּגּ֥וֹת מוֹאָ֛ב וּבִרְחֹבֹתֶ֖יהָ כֻּלֹּ֣ה מִסְפֵּ֑ד כִּֽי שָׁבַ֣רְתִּי אֶת מוֹאָ֗ב כִּכְלִ֛י אֵֽין חֵ֥פֶץ בּ֖וֹ נְאֻם יְהוָֽה 2Q13על כול [גגות] מואב ככלי אין [חפץ]
39МТאֵ֥יךְ חַ֙תָּה֙ הֵילִ֔ילוּ אֵ֛יךְ הִפְנָה עֹ֥רֶף מוֹאָ֖ב בּ֑וֹשׁ וְהָיָ֥ה מוֹאָ֛ב לִשְׂחֹ֥ק וְלִמְחִתָּ֖ה לְכָל סְבִיבָֽיו
43МТפַּ֥חַד וָפַ֖חַת וָפָ֑ח עָלֶ֛יךָ יוֹשֵׁ֥ב מוֹאָ֖ב נְאֻם יְהוָֽה
44МТהַנָּ֞ס מִפְּנֵ֤י הַפַּ֙חַד֙ יִפֹּ֣ל אֶל הַפַּ֔חַת וְהָֽעֹלֶה֙ מִן הַפַּ֔חַת יִלָּכֵ֖ד בַּפָּ֑ח כִּֽי אָבִ֨יא אֵלֶ֧יהָ אֶל מוֹאָ֛ב שְׁנַ֥ת פְּקֻדָּתָ֖ם נְאֻם יְהוָֽה
45МТבְּצֵ֥ל חֶשְׁבּ֛וֹן עָמְד֖וּ מִכֹּ֣חַ נָסִ֑ים כִּֽי אֵ֞שׁ יָצָ֣א מֵחֶשְׁבּ֗וֹן וְלֶֽהָבָה֙ מִבֵּ֣ין סִיח֔וֹן וַתֹּ֙אכַל֙ פְּאַ֣ת מוֹאָ֔ב וְקָדְקֹ֖ד בְּנֵ֥י שָׁאֽוֹן