Иеремии, глава 43
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
4МТוְלֹֽא שָׁמַע֩ יוֹחָנָ֨ן בֶּן קָרֵ֜חַ וְכָל שָׂרֵ֧י הַחֲיָלִ֛ים וְכָל הָעָ֖ם בְּק֣וֹל יְהוָ֑ה לָשֶׁ֖בֶת בְּאֶ֥רֶץ יְהוּדָֽה 4Q72aלא [שמע] יחנן שרי [החילם] וכל
5МТוַיִּקַּ֞ח יוֹחָנָ֤ן בֶּן קָרֵ֙חַ֙ וְכָל שָׂרֵ֣י הַחֲיָלִ֔ים אֵ֖ת כָּל שְׁאֵרִ֣ית יְהוּדָ֑ה אֲשֶׁר שָׁ֗בוּ מִכָּל הַגּוֹיִם֙ אֲשֶׁ֣ר נִדְּחוּ שָׁ֔ם לָג֖וּר בְּאֶ֥רֶץ יְהוּדָֽה 4Q72a[ויקח] [יחנן] [שרי] [החילם] את כל שארית [אשר] שם
6МТאֶֽת הַ֠גְּבָרִים וְאֶת הַנָּשִׁ֣ים וְאֶת הַטַּף֮ וְאֶת בְּנ֣וֹת הַמֶּלֶךְ֒ וְאֵ֣ת כָּל הַנֶּ֗פֶשׁ אֲשֶׁ֤ר הִנִּ֙יחַ֙ נְבוּזַרְאֲדָ֣ן רַב טַבָּחִ֔ים אֶת גְּדַלְיָ֖הוּ בֶּן אֲחִיקָ֣ם בֶּן שָׁפָ֑ן וְאֵת֙ יִרְמְיָ֣הוּ הַנָּבִ֔יא וְאֶת בָּר֖וּךְ בֶּן נֵרִיָּֽהוּ 4Q72aאת הגברים את [הנשים] ואת הטף ואת בנות [הניח] נבוזרדן את גדליהו בן אחיקם ואת ירמיהו הנביא
7МТוַיָּבֹ֙אוּ֙ אֶ֣רֶץ מִצְרַ֔יִם כִּ֛י לֹ֥א שָׁמְע֖וּ בְּק֣וֹל יְהוָ֑ה וַיָּבֹ֖אוּ עַד תַּחְפַּנְחֵֽס 4Q72a[ארץ] מצרים כי לא שמעו בקול יהוה יבאו תחפחס
8МТוַיְהִ֤י דְבַר יְהוָה֙ אֶֽל יִרְמְיָ֔הוּ בְּתַחְפַּנְחֵ֖ס לֵאמֹֽר
9МТקַ֣ח בְּיָדְךָ֞ אֲבָנִ֣ים גְּדֹל֗וֹת וּטְמַנְתָּ֤ם בַּמֶּ֙לֶט֙ בַּמַּלְבֵּ֔ן אֲשֶׁ֛ר בְּפֶ֥תַח בֵּית פַּרְעֹ֖ה בְּתַחְפַּנְחֵ֑ס לְעֵינֵ֖י אֲנָשִׁ֥ים יְהוּדִֽים
10МТוְאָמַרְתָּ֣ אֲלֵיהֶ֡ם כֹּֽה אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל הִנְנִ֤י שֹׁלֵ֙חַ֙ וְ֠לָקַחְתִּי אֶת נְבוּכַדְרֶאצַּ֤ר מֶֽלֶךְ בָּבֶל֙ עַבְדִּ֔י וְשַׂמְתִּ֣י כִסְא֔וֹ מִמַּ֛עַל לָאֲבָנִ֥ים הָאֵ֖לֶּה אֲשֶׁ֣ר טָמָ֑נְתִּי וְנָטָ֥ה אֶת שַׁפְרִיר֖וֹ עֲלֵיהֶֽם 2Q13[שולח] [ולקחתי] את [נבוכדנאצר] [אלה] אשר טמנתי נטה