Плач Иеремии, глава 4
Нажмите на слово — откроется его разбор: чтение, значение, номер Стронга и грамматическая форма. Номер стиха ведёт в подстрочный перевод; наведите на него мышь — стих покажется здесь же.
5МТהָאֹֽכְלִים֙ לְמַ֣עֲדַנִּ֔ים נָשַׁ֖מּוּ בַּחוּצ֑וֹת הָאֱמֻנִים֙ עֲלֵ֣י תוֹלָ֔ע חִבְּק֖וּ אַשְׁפַּתּֽוֹת 5Q6למעדנים [נשמו] [חוצות] [חבקו] אשפתות
6МТוַיִּגְדַּל֙ עֲוֹ֣ן בַּת עַמִּ֔י מֵֽחַטַּ֖את סְדֹ֑ם הַֽהֲפוּכָ֣ה כְמוֹ רָ֔גַע וְלֹא חָ֥לוּ בָ֖הּ יָדָֽיִם 5Q6ויגדל עוון [הפוכה] כמו רגע ולא
7МТזַכּ֤וּ נְזִירֶ֙יהָ֙ מִשֶּׁ֔לֶג צַח֖וּ מֵחָלָ֑ב אָ֤דְמוּ עֶ֙צֶם֙ מִפְּנִינִ֔ים סַפִּ֖יר גִּזְרָתָֽם 5Q6[חלב] [אדמו] עצם [מפנינים]
12МТלֹ֤א הֶאֱמִ֙ינוּ֙ מַלְכֵי אֶ֔רֶץ כֹּ֖ל יֹשְׁבֵ֣י תֵבֵ֑ל כִּ֤י יָבֹא֙ צַ֣ר וְאוֹיֵ֔ב בְּשַׁעֲרֵ֖י יְרוּשָׁלִָֽם 5Q6[תבל] כי [יבוא] צר [ואויב]
13МТמֵֽחַטֹּ֣את נְבִיאֶ֔יהָ עֲוֹנ֖וֹת כֹּהֲנֶ֑יהָ הַשֹּׁפְכִ֥ים בְּקִרְבָּ֖הּ דַּ֥ם צַדִּיקִֽים 5Q6נביאיה עוונות [כוהניה] [השופכים] בקרבה [צדיקים]
14МТנָע֤וּ עִוְרִים֙ בַּֽחוּצ֔וֹת נְגֹֽאֲל֖וּ בַּדָּ֑ם בְּלֹ֣א יֽוּכְל֔וּ יִגְּע֖וּ בִּלְבֻשֵׁיהֶֽם 5Q6נעו [עורים] בחוצות [נגאלו] בדם בל [יוכלו] יבג בלבושיהם
15МТס֣וּרוּ טָמֵ֞א קָ֣רְאוּ לָ֗מוֹ ס֤וּרוּ ס֙וּרוּ֙ אַל תִּגָּ֔עוּ כִּ֥י נָצ֖וּ גַּם נָ֑עוּ אָֽמְרוּ֙ בַּגּוֹיִ֔ם לֹ֥א יוֹסִ֖יפוּ לָגֽוּר 5Q6[סורו] טמאו קראו למו סורו [סורו] אל [תגעו] כי נצו לגור
17МТעוֹדֵ֙ינוּ֙ תִּכְלֶ֣ינָה עֵינֵ֔ינוּ אֶל עֶזְרָתֵ֖נוּ הָ֑בֶל בְּצִפִּיָּתֵ֣נוּ צִפִּ֔ינוּ אֶל גּ֖וֹי לֹ֥א יוֹשִֽׁעַ
18МТצָד֣וּ צְעָדֵ֔ינוּ מִלֶּ֖כֶת בִּרְחֹבֹתֵ֑ינוּ קָרַ֥ב קִצֵּ֛ינוּ מָלְא֥וּ יָמֵ֖ינוּ כִּי בָ֥א קִצֵּֽינוּ
19МТקַלִּ֤ים הָיוּ֙ רֹדְפֵ֔ינוּ מִנִּשְׁרֵ֖י שָׁמָ֑יִם עַל הֶהָרִ֣ים דְּלָקֻ֔נוּ בַּמִּדְבָּ֖ר אָ֥רְבוּ לָֽנוּ 5Q6[שמים] [מדבר] ארבו לנו
20МТר֤וּחַ אַפֵּ֙ינוּ֙ מְשִׁ֣יחַ יְהוָ֔ה נִלְכַּ֖ד בִּשְׁחִיתוֹתָ֑ם אֲשֶׁ֣ר אָמַ֔רְנוּ בְּצִלּ֖וֹ נִֽחְיֶ֥ה בַגּוֹיִֽם 5Q6[רוח] [אפינו] [משיח] יהוה [שחיתותם] [גוים]
21МТשִׂ֤ישִׂי וְשִׂמְחִי֙ בַּת אֱד֔וֹם יוֹשֶׁ֖בֶת בְּאֶ֣רֶץ ע֑וּץ גַּם עָלַ֙יִךְ֙ תַּעֲבָר כּ֔וֹס תִּשְׁכְּרִ֖י וְתִתְעָרִֽי 5Q6[שישי] [שמחי] בת [אדום] עליך [תעבור] [כוס] [תשכרי]
22МТתַּם עֲוֹנֵךְ֙ בַּת צִיּ֔וֹן לֹ֥א יוֹסִ֖יף לְהַגְלוֹתֵ֑ךְ פָּקַ֤ד עֲוֹנֵךְ֙ בַּת אֱד֔וֹם גִּלָּ֖ה עַל חַטֹּאתָֽיִךְ 5Q6[בת] ציון לוא יוסיף [להגלותך] [פקד] עוונך אדום גלה על [חטאותיך]